Tao’s Thai food

樣樣嘢都好好食店主有他的堅持每個菜有自己嘅汁加幾多塊葉都係我哋食之前俾咗指示好意我哋嘅進度，幫忙換餐具食唔同味道嘅菜式最鍾意佢哋嘅生菜包可以自選辣度，非常惹味，我就係因為呢個生菜包今次第二次來吃熱辣辣嘅芒果糯米飯有爆谷嘅味道，好似準備入戲院嘅感覺泰式生蝦個汁不得了！不得之了本身蝦新鮮之外，個汁真係加咗好多分唔識形容好好味各款海鮮都非常新鮮 串燒都好特別個汁係透明色嘅唔記得咗叫咩名，都係好惹味串燒雞最好食，豬都OK, 牛就一般般太乾…Read More

同老公第三次嚟食飯，今次慶祝爸爸生日🥳早兩日訂咗枱及預先留蟹、瀨尿蝦🦀🦞所有菜式都色香味俱全！真係好好味！🦀肉蟹超正，好多膏、好好肉！🦞瀨尿蝦不過不失，都好味！🍍菠蘿炒飯啲肉鬆一啲都唔吝嗇，未見過落咁多肉鬆，正！🐟斗’s燒魚燒得好香好靚，皮脆肉嫩，魚肉好滑！🍲冬陰功我個人好喜歡，但屋企人嫌酸咗啲啲。🥭鐵板上嘅芒果糯米飯，係老闆廚師親自出嚟倒椰汁！不過個人略嫌椰汁唔夠椰香味。🥬所有伴碟嘅菜都好fresh，點下醬汁可以食埋。最驚喜係最後上芒果糯米飯，餐廳熄燈並播生日歌！我哋一家人都好開心😙🫶🏻好好服務，但唔收加一服務費㗎😆👍🏻…Read More

本人住深水埗，突然想搵下附近泰菜，就係網上平台搵到哩間，位置黎講真係比較隱秘😂我同我太太一到步見到間鋪無人真係疾咗一疾，但有位食緊飯既靚仔泰廚擺低筷子招呼我，就照入去啦！二人叫咗四個菜，睇價錢算係合理，上菜後全部都有驚喜：另外叫咗兩杯飲品三色冰既椰汁超濃，勁好飲綠茶奶好有泰式奶茶果種味道，好濃味唔係馬後炮，飲品係一開始到，一飲杯三色冰咁濃味就覺得之後既食物差極有限，一間真係好食既餐廳你會發現佢既飲品都唔會hea，比如有啲凍好立克有色無味咁，你懂的。以5分滿分黎計整體味道4.5分賣相5分性價比5分細心睇發現開放式廚房入面有個獨立分體式冷氣對住師傅，對員工好自然會有相對結果，所以感覺到食物都好用心製作。另外有個好似伍詠薇既老闆娘，十分好服務，唯一唔係咁好既係坐係對住廚房位會吸晒油煙味，不過咁滿意既一餐，都無咩所謂啦。最後最值得一提既驚喜係無加一服務費，今時今日咁既服務唔收加一真係十分有良心。小弟真係極少寫食評，見到哩間泰菜因疑似地點問題客流較少覺得有點可惜（不過我唔肯定平時好唔好生意）,所以出篇食評希望幫到老闆娘啦😂…Read More