Fu Ho Restaurant

之前想帶屋企人食好d，見到呢間連續14年獲米芝蓮1星餐廳嘅鮑魚名菜宴，就去食下！$880包7道菜，樣樣都耹貴，仲有鮑魚食，真係好滿足！🥣高湯紅燒官燕高湯濃香，官燕吸曬湯底精華🌟25頭養殖吉品鵝掌鮑魚好有口感，而且size幾大，配上入味鵝掌真係成晚重點▪️之後仲有川汁脆皮花膠、方魚炒芥蘭仔、瑤柱蔥花炒飯🥣生磨蛋白杏仁茶生磨超香口仲有粒粒蛋白、甜度適中精選甜點係椰汁馬荳糕、欖仁合桃酥，特別鍾意核桃酥，好酥脆！真係幾滿足嘅盛宴！…Read More

由細到大都鐘意🫖飲茶，可以食到唔同點心，不過大個咗就食唔到咁多啦，所以最好一班人食，熱鬧又食得多啲嘢😋🥢晶瑩野生鮮海蝦餃皮薄餡靚，都幾大粒漲卜卜咁，新鮮熱辣蒸完出嚟啲皮都唔易爛，蝦肉爽口彈牙🉐🥢時菜牛肉球比平時食開有少少唔同，冇咁多粉所以牛肉較軟滑，汁都濃好多🥢珍珠糯米雞好耐無食，入面有冬菇粒、鹹蛋黃、瑤柱，糯米煙韌🥢冬菇燜鴨掌燜得入味，醬汁好食🤍生磨蛋白杏仁茶超鐘意嘅中式糖水，如果酒樓有，一定會叫😍蛋白同杏仁茶一樣咁滑溜，熱食一流🚩富豪酒家 (尖沙咀) @fuhorestaurant 📍尖沙咀彌敦道132號美麗華廣場1期食四方4樓402號舖…Read More

魚翅頂湯餃($198) + 北菇蒸鵝掌($108) + 晶瑩野生鮮海蝦餃($75) + 鮮蝦蒸粉粿($65) +脆皮錦繡腸粉($108) + 鰵肚滑雞扎($75) + 千層糯米飯($75) + 酥皮蛋撻仔($65) + 生磨蛋白杏仁茶+ 蓮子百合生魚湯(午市/另加一)今日放假，同朋友去尖沙咀美麗華廣場連續第13年攞米芝蓮一星嘅富豪酒家飲茶🌟🤩創辨人阿翁先生不停穿梭各餐桌同食客交談，平易近人，謙虛有禮；經理同員工態度親切誠懇，招呼貼心😊.打頭陣蓮子百合生魚湯，火候足，味道鮮甜，阿媽教落魚湯好有營養😌魚翅頂湯餃好好食，魚翅發得好又比得足，上湯清甜，相當出色！北菇蒸鵝掌鵝香撲鼻，啖啖甘香，熟度啱啱好🤝鮮蝦蒸粉粿皮薄餡靚，餡料滿滿都係蝦肉，鮮甜彈牙，粉粿皮軟糯度高，口感好好🌟酥皮蛋撻仔酥皮鬆化，入面蛋漿香滑，香氣撲鼻，極有質素🤤鰵肚滑雞扎，雞肉肉質嫩滑唔會蒸得過火，魚肚吸盡雞扎精華，軟綿入味口感似棉花，值得一試！.蝦餃集齊鮮爽彈 - 新鮮、爽口、彈牙，好食👍🏻千層糯米飯好足料、非常惹味；脆皮錦繡腸粉蝦肉飽滿鮮甜，可以食腸粉又可以食到脆皮雙重口感，一次過滿足晒兩個願望👍🏻生磨蛋白杏仁茶，感覺滋潤養顏；總結整體水準高，點心味道都恰到好處，真材實料，無添加調味，回味無窮👍🏻尤其魚翅頂湯餃，味道一口定輸贏，畀足料非常揼本，大滿足💗裝潢優雅，坐得舒適，有大小VIP房，一班人慶祝、一家人食飯、或朋友聚會都好適合，下次去食赢盡口碑嘅阿翁飽魚🙋🏻‍♀…Read More

富豪酒家 (尖沙咀)📍尖沙咀彌敦道132號Mira Place食四方4樓402號舖今次帶媽咪去咗食米芝蓮中菜，仲要係連續13 年咁多！食中菜Fine Dine 都係第一次咋, 所以一定要記錄一下今次嘅「富豪」體驗🤓 店員為我地推介咗個 每位$1680 嘅阿翁鮑魚名菜宴，包括咗7 個菜同3 款甜點！再比較一下主菜Menu 嘅單價後，精明嘅消費者好快就知道套餐係最抵地品嘗晒佢地最馳名嘅經典菜式！🔅蟹黃蟹肉燴花膠 金黃色嘅湯一睇就感受到有幾濃厚多料！用上印度花膠同花蟹嘅蟹肉！花膠好厚身，足夠可以切條，而且份量仲要多到似麵條🤭食材足料又新鮮所以湯底非常濃郁，每啖都有好香濃嘅蟹膏味！🔅35頭吉品鮑鵝掌 吉品鮑甚至鵝掌我都係第一次食！因為平時飲宴先會遇到鵝掌，但坊間一般醬汁都會好咸…經過今次之後就完全改觀了！鵝掌完美地吸收晒鮑魚汁嘅精華，膠質極為豐富，而且口感好軟稔！味道好回味！鮑魚汁其實就係呢道菜嘅嘅靈魂，用上金華火腿加鮑魚同雞熬製而成，充滿膠質，層次感豐富。而主角嘅日本吉品鮑就更出色！口感軟糯有彈性，而且中間部分顏色有少少唔同，相信就係啲人成日講嘅溏心啦！🔅川汁脆皮釀遼參 酥炸日本遼參，裏面再釀入豬肉同馬蹄粒令口感更豐富。入口非常香脆，炸粉亦都只係薄薄一層好酥脆！遼參非常厚身，口感柔軟得來又富有彈性，連埋豬肉一齊入口，再加埋醬汁辣辣地都幾衝擊味蕾！🔅阿翁官燕焗蟹蓋 成個蟹蓋都脹卜卜又飽滿，因為裏面收埋咗二両官燕！再加入埋大量蟹肉，每啖都非常之矜貴！呢度菜式咁養顏，岩晒女士呀！🔅生炸脆皮燒乳鴿 不得了咁Juicy 又香脆嘅生炸乳鴿！必食！乳鴿大大隻，外皮又香又脆，一手撕開，啲肉汁流晒出黎！🔅方魚炒芥蘭仔 芥蘭仔又嫩又爽脆，加埋汕尾南澳島漁船生曬嘅方魚乾，好惹味！🔅游水蝦叉燒炒飯 非常足料嘅炒飯，有大大粒嘅蝦同大量叉燒，炒飯粒粒分明又充滿蛋香！大大碗我都食唔晒🔅生磨蛋白杏仁茶 呢個甜品充算單點都好經濟抵食！食得出佢係生磨杏汁，因為實在太香！質地亦都好滑，又唔甜，感覺就好滋潤養顏🔅欖仁合桃酥。酥炸馬蹄條酥炸馬蹄條都幾有驚喜，感覺有少少似我好鐘意嘅炸鮮奶！脆皮入邊包住嘅係晶瑩剔透嘅馬蹄糕，好好味！…Read More

今次揀咗呢間酒家同屋企人食飯聚會，想帶屋企人去食啲特別啲嘅菜式，就嚟食佢哋好出名嘅鮑魚名菜宴，每位要$1,680～但作為米芝蓮一星又係名人飯堂，今次就試一試睇吓好咪真係咁好味😎😋蟹黃蟹肉燴花膠呢道菜色澤金黃，口感好豐富，蟹黃同蟹肉嘅鮮味，再搭配花膠軟嫩口感，非常美味，令人回味無窮35頭吉品鮑鵝掌招牌鮑魚味道香醇、亮麗醣心，鵝掌非常多肉不像坊間的食一兩啖就冇得食，亦煮得好淋。鮑魚炆得好入味，軟熟得嚟又有彈性，鵝掌黏口而且充滿膠質，加埋鮑魚汁嘅精華，好豐富川汁脆皮釀遼參遼參厚身，表面酥脆，中間柔軟彈口之餘還有鮮香的內餡及口感很脆的馬蹄，一口下去層次感爆棚，非常滿足!淋上川式醬汁搭配，微辣的醬汁更完美了整個菜式的味道～阿翁官燕焗蟹蓋官燕用料十足，燕窩混合左花蟹肉同表面蛋漿焗成，外觀漲卜卜，入面鋪滿整個蟹蓋的官燕和蟹肉證實了真材實料! 食落啖啖肉再加埋矜貴嘅燕窩，口感十足，蟹的鮮味突出，燕窩亦烹調得恰到好處不會因煮過火導致有水水的口感，仍然軟滑又有嚼頭，晶瑩剔透，有驚喜生炸脆皮燒乳鴿乳鴿肉質非常嫩，外皮酥脆，肉質好嫩口又滑口，一撕開就有肉汁流出嚟，好juicy方魚炒芥蘭仔芥蘭仔非常爽脆，以汕尾南澳島漁船生曬的方魚乾一齊炒，味道更為香濃游水蝦叉燒炒飯炒飯香氣十足，米飯炒得粒粒分明，搭配鮮美的蝦仁和叉燒肉，好惹味生磨蛋白杏仁茶杏仁味道非常濃郁，加上蛋白的口感，非常清爽美味欖仁合桃酥外皮酥脆，內餡香甜，非常好吃酥炸馬蹄條：口感非常特別，外皮酥脆，內裡糕的部分又香又滑，馬蹄亦有很多，又一不計成本為求食客滿意之作…Read More

連續13年米芝蓮一星的名人飯堂 -「富豪酒家」絕非浪得虛名，其成名菜「阿翁鮑魚」更是街知巷聞。適逢家人生日就來這裡慶生，品嘗了一個性價比甚高的「阿翁鮑魚名菜宴」，一次過品嘗餐廳的招牌菜。🍲蟹黃蟹肉燴花膠超級足料，啖啖生拆花蟹蟹肉，花膠厚到可以切開一條條，且非常爽口彈牙，再配合高湯煮成的湯汁，可以用「極品」來形容的名貴菜式。🦪35頭吉品鮑鵝掌吉品鮑軟淋而富彈性，切開是亮麗的醣心，再扣上其靈魂「鮑汁」，令人回味無窮。終於明白到為何阿翁鮑魚咁有名，絕對是實至名歸。而鵝掌亦是非常出色，軟淋入味，屬實極緻。🥟川汁脆皮釀遼參好有特色的菜式，將厚厚的遼參，加入了豬肉、蝦粒、冬菇粒、馬蹄粒，表面沾上粉漿作脆炸，最後加上微辣的川汁。想像不到原來遼參都可以炸，而且與其他食材出奇的匹配，非常出色👍🏻🦀阿翁官燕焗蟹蓋官燕再混上花蟹肉，加上蛋漿焗成。餡料多，而味道蟹肉的鮮味🍗生炸脆皮燒乳鴿與一般酒樓食到的乳鴿有明顯的分別。真正做到外脆而內軟，肉質鮮甜多汁，再加上生炸即做，味道有層次，一試難忘。之後還有🥬方魚炒芥蘭仔、🍛游水蝦叉燒炒飯 ，兩款都是非常味美。最後甜品有我最喜愛的生磨蛋白杏仁茶，和美點雙揮（欖仁合桃酥，酥炸馬蹄條），為這個盛宴給上一個完美句號。…Read More

今日趁疫情好轉一些特別走訪這米芝蓮一星菜館, 員工熱誠盡職, 態度不錯😀😀捨點心而試主打鮑魚及小菜菜式, 侍應殷勤推介了：午市阿翁鮑魚美食套餐（一位用）午市精美小菜套餐（三款）午市阿翁鮑魚美食套餐：點心三件太座要求兩件蝦餃和一件燒賣👍, 中規中矩😋例湯好有家庭感味道中庸😋三十五頭吉品鮑魚鵝掌配時菜, 不太有驚喜, 但亦是水準出品, 鮑汁濃淡適中, 鵝掌有咬感而不冧😋迷你鮮蝦荷葉飯熱度足味畧淡🤔午市精美小菜套餐（三款）北菇蒸滑雞（半隻）配砂鍋潮煮黃花魚話梅豬手欖仁蜜豆炒魚球蒸雞味道吸引, 肉質鮮嫩😋黃花魚整條起肉鍋上, 廚技之表現, 味道極佳, 這頓飯我最愛👍😋蜜豆爽脆, 桂花魚球鹹香彈牙😋豬手未試胃腹已滿, 決定打包帶走🤭單尾甜品及生磨蛋白杏仁茶亦是佳作, 绝不失色👍👍果然不負一星所託👏👏…Read More

週末的午飯來得有點怱忙，趕緊下一場的練習，由火炭到尖東1小時多，但總比以前好得多，訂了枱也要等一陣子，應是遲10分鐘的綠故，座位不多，而且枱與枱之間較親密，裝潢是典型帶點金黃色那種，另有幾個廂房。貴為一星店都只是參考之用，味道如何也要一試先知。鮮蝦煎筍棵 $48一碟六件筍棵，份量真不少，脹卜卜炸筍棵配上湯，筍棵沒有丁點油膩感，外脆皮薄，鮮蝦配筍是一向的配塔適宜，加添芫茜是錦上添花的香，單吃這個一種風味，把他在上湯翻騰一翻就是另一種風味，上湯比過往試過的甘香濃郁，是金華火腿，整件筍棵味道提升，香脆濕軟皆齊，刺激多元化的味道觸角，這是有水準的鮮蝦煎筍棵，二人分吃把他消滅。酥炸奶皇飽 $18酥炸奶皇飽外層鬆脆, 無論底面都係咁香口, 同樣不會太油膩, 在炸物方面火候控制得宜, 飽層軟熟而不過厚, 奶皇味道香濃, 杰度適中包著鹹蛋黃, 蛋黃充滿油香, 這個價錢算大眾化之選。欖仁馬拉糕 $18外表屬古法馬拉糕模樣, 顏色略深, 氣孔較大但局限於近面位置, 看上去還欠一點鬆軟, 吃下始終不夠香, 底部相對較濕變得更吾咁吸引。北菇蒸鵝掌 $50一碟兩隻鵝掌半隻冬菇, 看上去無乜特別, 其實鵝掌同冬菇吸收了黑黝黝的鮑汁, 鵝掌極之完整, 沒有炆爛而非常入味, 吸收鮑汁的精華, 冬菇有咬口地又將菇香飽汁味混和一起, 剩下的鮑汁留來淋飯呢, “安歌”之選。咖喱脆皮牛腩 $150咖喱脆皮牛腩屬推介小菜, 煮法特別, 更感興趣, 點樣脆皮呢? 牛腩包着一層薄薄、香口的脆皮, 牛腩屬坑腩, 肥美豐腴, 入口鬆化, 旁邊的青瓜不會浪費, 用來清清口腔, 換一個面孔, 跟上不辣的咖喱汁薯仔, 咖喱汁的牛腩令人覺得既邪惡又快樂。鮮蝦荷葉飯 $40餐牌沒有列名可位上, 問過清楚又可少食一試, 份量太大二人實在難以完成。裹着荷葉飯的是鮮荷葉, 鮮及乾也見過用來包, 聽聞點心師父就用乾荷葉來包糯米雞, 而烹菜的師父唯有用鮮荷葉, 其實最緊要保留到荷葉味於食物中。拆開荷葉, 飯帶點荷香蠻不錯, 材料份量不多, 用上冬菇、蝦米、 瑤柱、燒鴨肉, 但味道剛好, 飯不會過濕或過乾, 留下來的鮑汁應該要來跟白飯呢~生磨蛋白杏仁茶 $40熱辣辣的甜品送到面前, 杏仁茶充滿陣陣杏仁香，可惜不是即時烹調，從酒吧位見侍應在煲裡盛出，杏仁香滑白淨，不會起沙，甜度適中滋潤，蛋白份量較多，偏大塊，吃時有點狼狽，熱度關係要把他咬碎，實在有點燙口，相反蛋白起絲就來得細緻又配合，再提蛋白老了一點。環境整潔舒適, 就算有漏單情況出現, 整體服務仍可接受, 食物不是鮑參翅肚亦見水準, 兩口子吃得滿足, 雖然不是十全十美, 但也值得一星。…Read More