Luk Lam Dessert

📌 綠林甜品 - 深水埗元州街77-79號地下🗓(29/10) 星期六 ⏰ 晚上6點左右 💈特式：出街食完飯，如果時間尚早，食返個糖水係常識吧，講到深水埗食糖水號舖頭，相信有多年歷史嘅綠林甜品都應該無乜人唔識。🥩🍔🌭🌮🥗🥯🥘🍲🍝🍣🥟🍤🍱食物：餐廳位於深水埗黃金後一條街，我平時去親都係食馬蹄露小丸子，但綠林通常係秋冬時節就會出返佢地個生磨栗子粒露，等我同大家講下佢嘅甜味道先。生磨栗子粒露🌰 - 首先，呢個係秋冬季節先有供應，其次係出面其他糖水舖都好少有做栗子粒露，所以我當時食都見到有唔少街坊買外賣，都係幾碗幾碗栗子粒露咁，講返個味道先，栗子味好濃好香，又有好多唔同大大細細嘅栗子肉，個糊底又做得好滑，又唔算太甜，好有滋潤嘅感覺。馬蹄露小丸子 - 呢個係我平時去綠林唯二食嘅糖水，因為我本身就好鐘意食馬蹄露，佢馬蹄肉多，蛋花又多，再加埋煙煙韌韌有咬口嘅小丸子，真係無得頂。🍽環境：餐廳環境就只係普普通通啦，舊式糖水舖都係千篇一律，無乜裝修，坐得唔會好舒服，但綠林都叫做唔算好迫，又乾乾淨淨咁。🤵🏻🤵🏻‍♀️🤵🏻‍♂️服務：職員服務態度正常，見餐廳阿姐對d熟客都有兩句計傾，對街客都無乜野，正正常常咁囉。💰💸價錢：馬蹄露小丸子就$32，而生磨栗子粒露就$38，真心就唔算低食，但出去食糖水就度度差唔多價錢，佢個栗子粒露就偏貴嘅，不過就出面少機會d食到同埋係心機錢囉。🐲💬總結：我覺得耐唔時食糖水滋潤下係需要嘅，所以都唔計較得咁多價錢，最緊要搵到一間自己鐘意食嘅糖水舖，綠林算係我其中一間必食糖水舖之一。推薦指數：❤️❤️❤️❤️❤️…Read More

進食當日尚未進入呢排很凍的狀態, 當日大概仍有 二十度左右吧,其實深水埔區都算係多"甜品店"聚集之區域, 有傳統的, 也有新派的, 知名甜品店老店亦不少,今日同朋友來左呢間"綠林甜品", 因為有其他選擇所以都好耐無幫襯過呢間,人總是貪新鮮的嘛, 但到某一日, 又會突然很掛念而"綠林甜品"係屬於舊派傳統類別, 對於一眾傳統甜品類, 我是沒有懷疑的,今日叫左 : 楊枝甘露(+小丸子), 生磨栗子粒露生磨栗子粒露, 果然不出所料, 綠林呢方面處理得非常出眾的,而且呢款係冬季限定, 唔係成日可以食到, 熱辣辣, 濃厚栗子味, 贏足幾條街至於, 楊枝甘露(+小丸子), 始終唔係佢強項, 很明顯, 芒果仍然酸酸的, 芒果汁濃度不足, 亦食唔到太多柚絲而小丸子亦煮得唔夠透澈, 有很多粒內裡仍然是硬硬的兩款甜品, 一勝一負, 我會咁講, 如果食傳統甜品, 佢係羸的, 甚至有機會贏幾條街但新派甜品, 我就認為有更多更佳的其他選擇了…Read More

午餐過後走到綠林，見到很多不同糖水和甜品，實在眼花繚亂，綠林主打港式糖水，又不乏 Oreo 和牛乳等新派材料，顯出香港那種變則通的道理。思前想後，眼尾看到寫著時令生磨栗子粒露的牌子，心中充滿疑問，還以為秋冬才是當造季節，最後也不理太多，點了栗子露。我一向都喜歡吃栗子，對栗子燜雞煮得爛爛的那種更是愛不釋手，但如此的我竟然到6年前才知道栗子果實原來像紅毛丹，有長長的鬚鬚，破開後才是平常見到的栗子。栗子露散出香氣，有別於一般果仁，栗子澱粉質含量高，所以味道甜得像蕃薯，亦因此使糖水的質感稠稠的，有的做法加奶，不過今次又好像吃不到明顯的奶味。 叫得上栗子粒露當然少不了栗子粒。栗子本身結實，經烹煮後口感帶點海綿軟軟略有彈性的感覺，大大粒連糖水吃實在滿足。雖然未試其他甜品，不過很喜歡綠林在舊區賣新式糖水這個配搭，新潮又不失香港味道。今次的栗子露若可稍稍減甜，相信會有更多捧場客。…Read More

綠林甜品 2013年12月8日(星期日) =006=港式甜品鋪, 鋪位也算大。論中式糖水, 價錢是定高了一點點。推介豆腐布甸, 因為少有, 出面未必有得吃。建議和家人朋友叫幾款不同的糖水, 大家可以開心分享。楊枝金露 + 豆腐布甸 $35 - 豆腐布甸夠得意和特別, 清清地, 好味。芝麻糊 + 豆腐布甸 $28 - 芝麻糊夠厚身, 不錯, 總覺得黑中有點白才好看, 所以不叫豆腐布甸的話就加湯圓吧。生磨栗子粒露 $21 - 這個應是季節限定, 可以一試, 但我期待會有更濃的栗子味。雪蛤 $45 - 正常, 雖然都幾多料, 但感覺都像是糖 + 水。…Read More

大家食過正餐，怎少得以甜品作結！:) 我們三位屯門食友最後一站來到元州街 <綠林甜品>！ 正是位於一座很破舊的唐樓地下！大家不禁影相留念一番！這裡供應中式、港式甜品，應有盡有！ 而且，街坊價便嚐到！絕對超值！ 大家發現張單好像六合彩！有趣！ 而且簡單，一目了然！:)各自叫上自己喜好甜品，然後分來食！ 當然，要一嚐招牌甜品！我的選擇：生磨栗子粒露 $20在香港較少見而有特色的港式甜品！ 果然有栗子粒，絕不欺客！:) 粒粒栗子粒滿有口感！ 每一啖也食到栗子粒！還加入少許清甜粟米粒！用上栗子磨成的栗子露，入口更是甜滑！而且，有養顏的作用！相信不少女生會喜歡呢！食友的選擇：芝麻糊 $18向來芝麻糊有滑大腸及黑頭髮作用！ 真是很天然良方啊！芝麻糊十分香！ 做得非常細滑！但質感是稀薄了一點，味道不夠濃郁！:( 甜味適中！另一食友的選擇：豆腐布甸 $15送上桌時整個布甸軟身富有彈性！ 十分光滑！完全反哂光！加入花奶後，奶味香濃！口感滑溜！味道清甜！意想不到豆味比<公和> 豆腐花更濃！ 真令大家回味！這裡平過很多連鎖甜品店！ 而且又有水準！絕對值得一試！總結：我們花上3小時掃街攻撼5食店！只用了 $85！相當超值！食過超飽肚的下午茶後，我連晚飯都無食呢！令不能出席的朋友也恨不得要我日後組為食兵團攻深水埗！還要我帶路呀！…Read More

在耀東街的「萬發」吃完晚飯，一行六人就來到了這間歷史悠久的甜品店「綠林」吃糖水。其實單以元州街來說，甜品店舖就有好幾間之多，但若論人氣高企的，除了天悅廣場的「松記」外，則非這「綠林甜品」莫屬了。曾來過「綠林」的都應該知道，這裡賣的不只是傳統中式糖水，還有多款新式甜品供應，如豆腐布甸、大明珠、黑珍珠等，不過筆者和食友皆是愛栗之人，此行目的當然是來吃生磨栗子粒露 ($18)。同食友二人分享其中一碗，因之後還要吃豆腐布甸和馬蹄露，呷了一口狀似糊但又不太稠身的栗子露，入口質感細滑，而且還散發著淡淡的栗子香氣，只不過未知是否真的是不時不食，吃來總覺沒預期般濃鬱，和想像中確實有些落差，幸好每一羹都舀著滿滿的栗子粒，雖然粉糯程度是有點遜色，但口感豐富，總算了卻咗筆者這晚的心願，到秋冬時分一定會來再戰。另亦點了一客備受好評、白雪雪的豆腐布甸 ($16) 和眾人分享。澆上了花奶的豆腐布甸，入口豆味香濃而不覺甜，質感軟滑得猶如燉鮮奶般，綿綿的口感卻又不膩不滯，把布甸和豆腐的兩種軟滑特質結合成為一體，既滋味又不失清淡，口感十分特別，真的不錯，難怪深受食客歡迎。在南瓜馬蹄露及蛋花馬蹄露 ($13) 之間選了後者，這馬蹄露端上來時，樣子看似混濁，但實則內裡放了不少碎碎的馬蹄和絲絲的蛋花，分吃了一點，用上新鮮馬蹄的馬蹄露，入口冰涼潤喉，吃來格外清甜，而且在口腔內還散發著陣陣清香，果然是一道不錯的夏日甜品。其實食甜品通常並非為充飢，而是為了逗自己開心的快樂事，一啖滋味無窮的糖水進口，心中的煩躁也即時變為甜意，但在現今香港，想享受一碗落足心思、落足材料炮製的甜品，這份豪情已經買少見少，但願這些紮實的傳統糖水店，生意能長做長有。…Read More

聽過綠林豆腐布甸好耐，今晚終於去試喇~一入到去，有個好親切既阿姐走過黎問我地有冇黎食過，仲叫我地一定要食呢度既布甸~幾好服務:)豆腐布甸($12): 阿姐一拎出黎，我就忍唔住手fing佢喇~佢真係好好好好彈，好得意啊~ 我係咁fing佢，佢都唔會爛開，好正！食落去仲有濃濃既豆腐味，唔會好似之前既便利店豆腐味雪糕咁假，真係好似食緊豆腐~仲有仲有，佢唔會太甜，做甜品真係一流，起碼唔會濟住~生磨栗子粒露($15):原本以為佢會好似合桃露既感覺咁濃郁，因為畢起上黎都幾多栗子粒，點知食落就覺得唔係心諗o個回事，味道偏淡左少少，不過不失吧。下次再黎深水埗都會黎食豆腐布甸，因為真係好正…Read More

從未試過生磨栗子粒露,絕不可錯過這個機會!!!!綠林仙館的裝修比我想像中舊,但這也不損我別甜品的心情~一坐下想也不想便叫了生磨栗子粒露,再看看貼在牆上的介紹,再叫了一個豆腐布甸試試~<生磨栗子粒露>熱哄哄的杏色生磨栗子粒露,味道不錯,充滿著栗子的味道,且不太甜~只可惜它的餡料比我想像中少,而且覺得它的火侯好像不夠:(<豆腐布甸>白白滑滑的感覺,很軟身的布甸,還有濃濃的豆腐味~感覺很像在吃一顆超級軟身的豆腐:)!!!走的時候,有位服務生姐姐問我,"還有半件豆腐布甸,你不吃麼?"哎呀,對不起,真的吃不下!!!下一次,我一定不能浪費食物,,多得那位姐姐提點~~…Read More

主人與奴隸獸覺得今次在深水埗的搵食遊蹤，如不吃甜品作為一個結尾，實在難以畫上一個完美的句號。當然不會錯過水餃店隔鄰的『綠林甜品』。1. 爽滑糖不甩（HK$9.0）：糖不甩食落煙韌彈牙，但主人問：『掂解無椰絲嘅！？』只有砂糖、芝麻及花生碎，味道當然打了折扣。2. 生磨栗子粒露（HK$15）：又是一個『圖片只供參考』的好例子，店內照片中的栗子露是誘人的金黃色，但實物就另當別論喇！味道很不錯，不過質感就較為粗糙『鞋』口。今次這個完美句號畫得有點勉強吧！…Read More