Giant Seafood Hot Pot

小編和屋企人食的第一間任食火鍋店就是「大鍋口」，當時覺得最好食既就系海蝦，時隔多年再去食，估不到佢地既食材依然保持水準。呢度除左火鍋之外，仲有雞煲任食，汽水任飲，食材夠地道，樣樣都岩香港人食。生猛海蝦海蝦超高水準，超新鮮，肉質爽口彈牙，蝦味濃郁鮮甜，每一隻都爆哂膏，小編食到停不下口，少有地食左十幾隻。雞子朋友覺得超正，雞子口感Q彈，鮮味獨特，不腥，即使煮得過左火，口感變得結實，依然好好味。中意食雞子一定要黎試下。鵪鶉蛋第一次見火鍋食材有得揀鵪鶉蛋，我地都引不住叫了一碟，味道正常，但要自己煮熟剝殼😂炸魚皮咸香脆口，無隔夜味，浸一浸湯底即刻索哂啲湯底，正!…Read More

公司週年晚宴竟然係廉價任食火鍋，真係估您唔到，突如其來的政治晚餐！基本上所有供應的食材已試一次，結果最好食係我親手煮的出前一丁！四川麻辣⭐️⭐️即食湯包悶悶的，單調不香不辣。椰子雞湯⭐️⭐️水汪汪淡茂茂，完全雞粉味。手切肥牛⭐️⭐️薄切瘦猛猛沒怎樣的油脂，最好幾片一齊食較為味濃滿足，微羶微甜微軟。生猛海蝦⭐️⭐️⭐️海蝦最穏陣，要叫多幾客食返夠本先得！打醒十二分精神變色變得不透明就要立即救起，如果烚過龍就會乾鞋韌唔好食！蝦爽蝦鮮帶蝦汁，沾埋辣椒蒜蓉豉油享用使我露出滿意的笑容。雞子⭐️⭐️本身已沒有本地新鮮雞子的鮮甜味，洗到爛溶溶的雪藏火雞子，掉落滾湯已流失肉汁及鮮味。狗肚魚⭐️⭐️嫩肉連軟骨齊齊啜，滑滑沒味道。鵝腸⭐️⭐️鞋烚烚仲切到短短碎碎，幸好有鵝味無腥味。牛柏葉⭐️⭐️無味爽爽，索湯再點豉油味道唔難食。吊桶仔⭐️完全無味腍啤啤，唔知食緊乜。負責執碼的職員，求求其其亂七八糟飛出黎！沒有要擺盤整整齊齊的意識。白鱔片⭐️我真心差點認唔出係鱔片來的！這就是傳說中的燈影刀功？神乎其技薄切到白裡透紅半透明，涮一涮已全熟，新鮮度低下，鞋韌不鮮甜，薄衣衣口感不討好！四寶丸⭐️⭐️安全首選！鮮蝦丸味濃略咸夠彈牙、鮮墨魚丸有彈性而味偏咸、鮮鯪魚丸腍腍帶腥、雞軟骨過癮脆卜卜帶雞甜味。芋絲⭐️⭐️索湯一流，吸盡麻辣湯夠刺激！響鈴⭐️⭐️⭐️喜歡半腍半脆的質感，掉落湯拖五回剛剛好！味道好壞全靠湯底了。五花腩片⭐️⭐️⭐️比肥牛好食，豬味濃而不羶，入口鬆化啖啖肉。脆鯇魚腩⭐️陣陣草青味，淡茂茂腍腍的，不爽脆不肥美不香甜。台灣一口黑椒腸⭐️⭐️⭐️腸味濃黑椒味強，有嚼勁十分香口兼帶甜。潮州白魚蛋⭐️⭐️微彈有魚味，略有咸鮮但未達標準。凍豆腐⭐️是否正確叫冰豆腐？像濕水馬拉糕，不懂欣賞。味粉四川麻辣湯出前一丁⭐️⭐️⭐️⭐️⭐️所有食材精華已溶在湯底，豐富複雜神奇，加埋味粉更如虎添翼！爽滑麵條大啖啜連湯全部灌落肚仔，味道精采美妙絕倫！…Read More

.佐敦· 那些年最愛嘅火鍋放題. 大鍋口海鮮火鍋店📍佐敦彌敦道219號莊士倫敦廣場12樓.➰轉眼間已經過完農曆新年，2024年都已經嚟到2月，以前中學時代嘅朋友都已經各有發展，好少再相聚，記得那些年成班細路要多野食，要性價比高，成班同學仔出完街最鐘意圍威喂一齊嚟依間火鍋店打邊爐放題，仲要提早訂位，經常滿座。依幾日放完假，有少少掛住以前回憶嘅味道，特登相約左位朋友重臨舊地，睇下搵唔搵得返回憶嘅味道!.➿火鍋放題 💲228/1 (7點半前入座/9點半後入座💲198)❀麻辣雞煲 ⭐️4.2/5⭐️就座後店員會先上雞煲開開胃，4位以上仲可以揀羊腩煲添，雞件可以無限追加，唔洗擔心唔夠食，嚟到之後開火再炒熱幾分鐘，將雞煲香氣逼哂出黎，非常惹味，仲有一碟安格斯肥牛，肉紋油脂均勻，配上雞煲醬炒熟，份外經典惹味。.❀沙嗲湯底 ⭐️4.1/5⭐️食完雞煲，可以係10款湯底入面揀湯底打邊爐，雙拼就加多💲48，正式進入恰下恰下嘅階段。.➿火鍋配料推薦𖥕手切肥牛 ⭐️4/5⭐️✥鮮蝦滑 ⭐️4.2/5⭐️✥墨魚滑 ⭐️4.2/5⭐️✥手打墨丸 ⭐️4.2/5⭐️✥手打蝦丸 ⭐️4.2/5⭐️𖥕帆立貝 ⭐️4.1/5⭐️✥生猛海蝦 ⭐️4.2/5⭐️𖥕麻辣鴨血 ⭐️4.1/5⭐️依間火鍋店同以前一樣都係提供約70-80款任點任食火鍋配料，相當豐富多款，最愛嘅必定係無限任食肥牛，成班男仔以前最鐘意幾碟幾碟一齊落去鬥快食，非常過癮。而加仲有台式火鍋之中常見麻辣鴨血，口感幾好，唔會一夾就散。.依間火鍋店嘅係我印象中係少有提供手打丸類滑類嘅港式火鍋店，當年正正係俾佢依點吸引，蝦丸墨丸入口彈牙，好出色。另外仲有生猛海蝦，帆立貝都係依度特色，蝦肉唔會霉之餘仲彈牙有鮮味，性價比極高。.➰總結餐廳主打超高性價比任食火鍋放題，頭盤嘅惹味雞煲，中段任食火鍋肥牛及丸滑海鮮都係令人回味三番，尋找地道港式火鍋嘅滋味，值得大家再次回味。➿➿➿# 大鍋口海鮮火鍋店#佐敦美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#食好西 #相機食先 #香港美食#麻辣雞煲#鮮蝦滑 #墨魚滑#手打墨丸 #手打蝦丸#生猛海蝦.…Read More

📍 大鍋口海鮮火鍋店呢間海鮮火鍋店位於佐敦莊士倫敦廣場12樓，一出地鐵站就會見到，地理位置好方便～餐廳推出實惠嘅價錢任食雞煲同火鍋🍲✨兩小時任飲任食 $228/位🐥麻辣雞煲一開始可以揀先食雞煲，大概係半隻雞既份量，唔同既部位：雞翼、雞髀都有，肉質就正正常常，不過不失～仲有洋蔥🧅、芹菜、豆卜等既配菜，味道正常；如果怕太飽既話，可以skip左雞煲，直接打邊爐！🍲火鍋湯底足足有成10款可以揀，選擇夠曬多～今次試左新鮮豬筒骨湯底🐽，用左豬骨熬製而成，趁未淥嘢食之前，飲左碗湯，即刻暖胃😙🐮手切牛肉每枱都會贈送一碟手切牛肉，上枱時仲有用乾冰保持溫度；肉質亦都係比較好，牛肉紋理清晰，輕輕淥幾下就食得，唔會覺得韌，牛肉味算重🤓🥘火鍋配料用點菜紙落單就可以，食物款式都算多，有齊曬各款肉類、丸類、海鮮、麵、蔬菜等等，全部都係任食，交完紙之後好快就上菜👍🏻🐂肉類滑牛肉必試！肉質鬆軟，唔鞋口，口感軟腍；羊肉片味道正常，有淡淡嘅羊臊味～🍢丸類/🥟餃子試左炙燒芝心丸、千島龍蝦丸、爆汁牛筋丸、魚皮餃同埋自家製韭菜餃▶️推薦：爆汁牛筋丸食落較juicy,之後有再encore;自家製韭菜餃既餡料幾多，做到皮薄餡多既效果🦐海鮮生猛海蝦之後都幾大隻，肉質彈牙，可以多叫😌脆鯇魚腩食落爽口，冇乜大骨～另外，可以試埋鮮蝦滑同埋墨魚滑，海鮮份量重，較真材實料🍹飲品飲品全自助式喺櫃度攞，當然一定有紙包同罐裝飲品，但難得地有自家竹蔗茅根，清甜解渴，啱曬用黎消滯下火👍🏻🍨雪糕分別有雲呢拿同朱古力兩款味道，兩款都值得一試～仲可以自己加配料📍 大鍋口海鮮火鍋店 (佐敦)佐敦彌敦道219號莊士倫敦廣場12樓#佐敦 #大鍋口海鮮火鍋店 #火鍋 #打邊爐 #任飲任食 #手切牛肉 #生猛海蝦 #hotpot #hk #hkfood …Read More