麥記美食 (景文樓)

今日去咗北角嘅麥記美食，睇落係普通小店格局，但原來係臥虎藏龍，當中佢既生煎鍋貼連續十年攞米芝蓮推介👍🏻我叫咗個菜肉雲吞輕食餐，揀咗香辣湯底少辣,湯底香得嚟唔會太油，辣度啱啱好，菜肉雲吞皮薄餡多，菜同肉比例好好😍跟餐嘅三隻生煎鍋貼果然有料到，底脆皮薄，肉汁豐富，真係有水準😋朋友叫咗雞扒担担麵，雞扒煎得香口，肉質嫩滑,担担麵湯底花生味濃，味道相當岩口味😊忍唔住加咗兩款小食：小籠包皮薄多湯，夾起唔易穿，肉餡鮮味；蒜香牛油雞翼炸得金黃，蒜蓉牛油味香濃，仲好惹味添😆呢間小店雖然裝修簡單，但食物質素絕對有驚喜，價錢親民，唔怪之得咁多街坊幫襯☺️…Read More

隱藏係北角之中，連續十年獲得米芝蓮推介嘅麥記美食🍜主打生煎鍋貼同小籠包，價錢親民餐廳環境非常地道，係北角老字號的風味👍🥟 招牌生煎鍋貼  每個套餐都附有生煎鍋貼，可謂麥記美食的招牌名物外皮煎得金黃微脆，帶點焦香入口嚐到內裡的肉餡，在口腔中散發肉汁與油香，滋味濃郁，令人回味🍜 雲吞擔擔麵  擔擔麵湯底香濃，在濃厚的花生醬香味之中亦帶點甜味雲吞皮薄圓潤，入口鮮味十足配上煙韌麵條，口感豐富灑有點點肉碎與蔥花作點綴🌶️🍲 酸辣湯麵  酸辣惹味而不會過辣單單是酸辣湯已經十分滋味麵底彈牙，沾上酸辣湯，飽肚滿足🍗 黃金之翼  外皮炸得金黃香脆內裡雞肉熱辣鮮嫩整體口感香酥，每啖伴隨鹹蛋黃味道，必試之選🥢 爆湯小籠包  小籠包製作成一口大小薄皮之中包覆著啖啖湯汁，入口鮮美總結而言，食物有質素而地道，食得出街坊風味，值得推薦👍🏻…Read More

今晚好想食小籠包鍋貼呢啲嘢，見呢間係米芝蓮推介，而今晚見條人龍又唔算長，所以決定就喺呢度開餐！1）小籠包呢個真係必點，每隻小籠包都係爆汁到流出嚟嘅，每隻小籠包嘅size比平時食嘅大隻少少，一咬開啲湯汁就寫晒出嚟，新鮮滾熱辣，加埋啲油香，好好味！2）生煎鍋貼呢個都係必點！鍋貼底脆，而成隻鍋貼又鎖倒肉汁，細細隻，一啖可以食晒。每碟有三隻，所以我哋兩個人要自私食，叫每人一碟先夠喉。🤣🤣3）小雲吞麵小雲吞都有好多粒，全部都係一口足料小雲吞。朋友唔食得辣，所以叫咗個清湯版，但係就轉咗白麵。我嗰碗就好想試下佢哋推介嘅紅油版-少辣，就跟返佢哋原本嘅粗黃麵 。個人覺得佢哋嘅粗黃面好食啲，因為比較粗身，而且冇咁索湯，又Q彈啲。朋友食嗰個白麵就比較容易索湯，我見佢食到尾嘅時候都冇晒湯水。4）蒜香牛油雞翼、黃金之翼（各三隻）超鍾意佢哋個炸雞翼，不論係蒜香牛油版本，定係鹹蛋黃黃金版本，都炸得超級好食，夠香，雞翼個皮夠脆，又係新鮮炸起。舖頭乾淨企理，又唔使加一 ，經濟實惠，食物又高質！…Read More

一直Bookmark咗呢間隱世米芝蓮小店「麥記美食」，之前得外賣檔真係唔方便，終於等到佢哋開堂食舖！雖然位唔多但坐得舒服，重點係用街坊價食到星級水準嘅上海菜，CP值爆燈啊～ 1⃣️ 雲吞擔擔麵套餐（$63）（豆漿+$6） ✨驚豔位：湯底！花生醬味濃到掛喉，仲有脆口花生碎提升層次～雲吞皮薄餡靚，蝦肉彈牙！生煎鍋貼底脆到「咔嚓」聲，咬開爆肉汁💥 私心推薦蘸秘製辣醬，唔係死辣反而帶蒜香，襯到絕！2️⃣ 鴛鴦套餐（$57）（凍檸茶+$3） 生煎包vs鍋貼雙拼滿足選擇困難症👏 酸辣湯足料，有筍絲木耳，酸度醒胃唔嗆喉，配煎包一流！3️⃣ 小籠包（$32） 湯汁清甜冇豬膻味，一啖咬落爆汁。4️⃣ 麻辣紅油抄手（$30） 🌶️麻香後勁凌厲，配上面頭肉碎非常惹味！紅油帶微微甜味，雲吞皮吸盡醬汁超邪惡～…Read More

因為鍾意食嘢，每年都會留意米芝蓮公布名單，尤其特別關注小店，值得大力支持💪🏻今日專登過海嚟呢間連續9年獲得米芝蓮街頭小食推介嘅「麥記美食」試試😋鎖定目標要食呢度嘅名物～ 生煎鍋貼🔥💫10隻生煎鍋貼皮夠薄韌，無發酵嘅蓬鬆感，個底煎到非常脆卜卜，硬度適中口感好👍🏻肉餡做得唔錯，食落啖啖肉，確係唔錯，難怪見隔離左右都係叫鍋貼😆💫酸辣湯估佢唔到味道有驚喜，又好足料！酸辣平衡，入口舒服，唔會太稀，唔使額外加醋同胡椒粉已經好夠味簡簡單單配支凍豆漿套餐選擇整體滿意，不枉此行，會推介比朋友仔…Read More

昨天在公司附近吃了一間連續八年榮獲米芝蓮推介的美食，真是幸福！🥟我特意選擇了他們最出名的生煎鍋貼，因為下班後肚子特別餓，就去堡壘街的店試試。這裡有堂食服務，真是方便！我點了**No. 8 鴛鴦餐**，裡面有：- 4隻生煎鍋貼- 4隻生煎包- 酸辣湯- 豆漿生煎鍋貼煎至金黃色，底部香脆，肉汁滿滿，真的很好吃！生煎包外脆內鬆，肉質也很嫩滑。豆漿甜度適中，豆味濃郁，讓人回味無窮。酸辣湯材料豐富，辣度適中，加一點醋更加惹味！🔥最後還點了一份牛油香蒜雞翼，即叫即炸，外酥脆、肉嫩，熱辣辣又蒜香味十足，好吃讓人欲罷不能！這個份量對於我來說是大滿足🍽️✨…Read More

天氣一少少凍呢，就會好想食鍋貼同埋飲酸辣湯，咁啱喺炮台山做嘢，就同同事一齊去咗食呢間麥記美食😆門口大大個字其實都易搵嘅！！佢哋呢一個真係抵食之選！夜晚都係仲有套餐可以叫！我哋就叫咗4號酸辣小雲吞餐，同埋6號紅油抄手餐。不得了呀，個餐仲包埋佢哋最出名嘅生煎鍋貼🤤🤤🤤!另一個要推薦嘅絕對係紅油抄手！係一定要食！佢唔係太辣，而且呢佢用咗啲鹹菜(其實我唔太sure佢嗰隻係乜嘢鹹酸菜, 總之加埋一齊真係又香又好味)去炒肉碎，加埋個秘製醬汁，係可以令到個紅油抄手去咗第二個層次一樣! 大讚!!之後個酸辣小雲吞完全滿足到我又想飲酸辣湯又想食小雲吞的願望！酸辣湯飲完暖笠笠又酸又有少少辣，食完真係好滿足！另外口痕叫多咗兩個小食，試咗佢個牛柏葉同墨魚！順便滿足吓掃街嘅感覺啦😛最後佢嗰支香港製造嘅豆漿都好唔錯🥰🥰🥰成餐係好滿足🥰🥰🥰🥰…Read More

餐廳：麥記美食地點：北角堡壘街菜式：上海菜餐牌：上海點心如鍋貼、生煎包、小籠包及葱油餅，酸辣湯，麵點，風味小食。都有套餐。點心套餐包10隻鍋貼，酸辣湯同飲品，$62。生煎鍋貼果然係米芝連推介小食，煎得底脆而上面皮薄又滑，入面肉餡唔錯。枱面上有黑醋自己加。酸辣湯好足料，味道酸酸辣辣，但唔會過辣，料有黑木耳絲，豆腐絲同鴨血絲，口感好爽口又滑溜。雲吞擔擔麵餐包雲吞擔擔麵同3隻鍋貼加飲品，$63。雲吞擔擔麵大大碗，有六隻雲吞，皮薄餡靚，入口滑溜。黃色麵條唔粗唔幼，口感唔錯，蛋香十足，配個擔擔醬好味道，好香花生味，味道甜甜地。面頭加有少少肉醬，伴有菜心一條，灑上蔥花。3隻鍋貼小籠包 $32小籠包一籠四粒，皮薄而湯汁夠多，肉都好鮮，出色！蒜香牛油雞翼 $30蒜香牛油雞翼一客三隻，都好大隻，熱辣辣，整得皮脆肉嫩，味道剛好，唔會太濃，好香口。檸檬柚子梳打 檸檬柚子梳打係罐裝梳打水配另一杯檸檬片加柚子醬同冰，絕對唔會太甜。另配獨立包裝飲管一支。Coke ZeroCoke Zero都夠凍。配有獨立包裝飲管。總括而言，生煎鍋貼質素果然高，而其他食品都唔錯，包括小籠包同雲吞。店舖簡單，座位大概有16個左右。星期五夜晚要等位。都有好多外賣單。…Read More

連續九年獲得米芝蓮推介街頭小食榮譽的小店於舊舖附近新開堂食店沒有華麗裝潢，保留上一手咖啡店裝修，以木系為主主要菜式包括小籠包、鍋貼、紅油抄手及生煎包等第一代老闆經驗豐富，師承上海派著名點心師傅陳鎮宇上海點心鮮製生煎鍋貼以天然酵母加鹼水即搓包皮，底部香脆，菜肉餡清新爽貼麻辣紅油抄手麻、辣、甜、鹹、鮮、香、滑而不破，全都到位麵點豬扒擔擔麵充滿麻醬香味，湯底由店主每日熬製，絕無添加:)蒜香牛油雞翼外層酥脆，雞肉嫩滑入味，脆口蒜香兼備風味小食墨魚充滿嚼勁，配搭其秘製辣醬，辣度十足…Read More