麥記美食

麥記小店不在人來人往的大街，但食物的質素吸引不少人慕名而來光顧。每次經過時間不配合未能幫襯，今次經過有點肚餓又有位，馬上排隊買嘢食😄小店出名上海美食，生煎包即煎起一碟 3件，上軟下脆包底煎得香香脆脆不油膩乾身香脆，包餡肉質鮮嫩爆汁，非常好味雲吞麵即叫即整～雲吞細細粒皮薄餡靚，餡料雖然沒廣東雲吞有蝦只有豬肉，但鮮味取勝食完一口接一口，麵是粗麵麵質彈牙軟硬適中，湯底鮮甜不膩不油～好味魚蛋、燒賣、腸仔、魷魚就比較一般，普普通通，醬汁沒什麼特別，只有醬油辣醬，不過不失。推介小店的上海美食，「生煎包」、「上海雲吞麵」很出色，下次會再幫襯「鍋貼」、「酸辣湯」，因見很多顧客惠顧，相信一定也是美味可口…Read More

食完全日雞之後係繼續食由和富行上去堡壘街上到去堡壘街就係想食呢間麥記美食細細地一間手工上海包點已經係連續幾年必比登餐廳有好多必比登餐廳拎左一兩年就收檔呢間麥記直到今年都仲係名單之內另外北角仲有間叫小老板都係麥記太子女兩夫婦開既門口就貼晒餐牌出黎真係平民價黎但係度買野同食野就無乜規矩佢就無指定人龍排隊亦都無收銀位呢樣野總之就排左條唔知有無用既隊老闆忙完就會同你落單比完錢又唔會有單或者號碼只靠人面識認有d人叫呢樣野做人情味但我自己就唔太鍾意呢種模式而座位亦都只有舖頭出面搭出黎檯仔衛生環境就好差當日座位亦都比班工人姐姐霸L晒所以只可以拎開係一二邊食不過老闆記性都幾好既見佢都記得晒邊個買左D乜野食物都唔會等太耐前後都唔洗十分鐘小籠包就應該係等最耐既如果堂食佢仲會跟埋個蒸籠出黎廿六蚊四個比豆漿大王仲平賣相亦都靚仔好多不過佢地唔多湯汁食落都只係一般仲叫左生煎包同鍋貼兩樣都係十蚊三件即叫即整手工野呢個價真係認真無得輸試過係元朗國買都要兩倍價錢先食到熱辣辣夠足料鍋貼同生煎包皮雖然有d厚但幾好咬口有肉汁比小籠包好食本身仲想試埋個擔擔麵但真係食唔落雖然地方污污糟糟但咁既價位同質素真係日日黎食都可以不過地方就唔算好方便堡壘街呢頭都幾黃連食齋既都有中菜西餐乜都齊今晚又會再番黎食飯…Read More

同朋友行行吓街唔知點解突然好想食生煎包 又咁啱喺附近 就走咗嚟呢間米芝蓮良心小店朝聖😆見到資料話包點係每日新鮮製作嘅💁🏻‍♀️🔸生煎包 $10/3個去到嗰陣啱啱賣清一盤 等咗15分鐘左右 煎起一盤新嘅😆外型的的骰骰 兩啖左右一個 底部煎得焦香脆口 咬開真係會爆汁💦皮嘅厚度係我鍾意嘅 食到包嘅口感同麵粉香之餘唔會太厚 同肉餡嘅比例平衡👍🏻overall係好食嘅 但未去到驚艷 滿足到口癮😆加上呢個價錢真係無嘢好挑剔🤓…Read More

以街坊小店黎講絕對係合格，尤其以價錢黎講，但就唔會出色到要專登黎食🙈擔擔麵好重花生味，但其他味道（包括咸）就欠奉，面亦都有啲腍生煎包食第一粒嗰陣無為意結果咇哂啲汁出黎🤣size 唔算大但$10 3粒真係太抵食，包底再脆啲多啲焦香就好喇…Read More

第一次幫襯麥記已是四五年前了，經朋友介紹，金文泰的學生搵食都愛去麥記，貪就腳之餘，食物好味、價錢仲好有人情味！雖然是米芝蓮推介的街頭小食店，但店家沒有坐地起價，堅持親手製作，貫徹樸實的小店態度～————————🔹鍋貼/生煎包🥟 $10/4隻 📍8/10鍋貼、生煎包都是每天新鮮即製，用大圓煎鍋生煎，讓食客時時刻刻食到熱辣辣美食！鍋貼皮不算薄，但煎脆後反而更香；生煎包外皮軟熟、底部脆口，口感非常好，兩者肉餡鮮美，湯汁豐富，正！🔸燒賣 $6/串 📍8/10燒賣不粉，有魚味，加上濃香的秘制咖哩辣醬🌶，好食！🔹齋根 $6/串 📍7/10小編愛食油炸的豆製品，炸豆腐、腐皮、生根⋯不但愛佢陣油香味，重點係可以吸醬汁，所以今日就買多串齋根食～店家將齋根過水後，會把水榨乾再加醬，食落不會好淡，細心位有加分！🔸擔擔麵 $16 （外賣）📍5/10$16一碗擔擔麵，大碗飽肚，真的名副其實的窮人恩物！雖然好抵，但是味道就有點不合口味😅個人認為，花生醬落得太多，就算落左一大把蔥花，但食落仍覺太膩😣…Read More

一直好想試這間店的美食，話晒米芝蓮仲要係小食店。今日難得在附近，又要買晚餐食。店外有晒所有食物的種類同價錢，可以睇完先買。店內不是太大，3位努力忙碌的為客人準備。我叫了生煎包 $10/4粒； 擔擔麵 $16/碗；本身想叫埋蔥油餅，點知賣哂，無得食，唯有下次啦！生煎包：好抵，雖然唔係好大粒，肉的大小適中；包煎得香，上軟下脆，唯一係油了點。😋擔擔麵：都算大碗，只有麵同蔥；個汁少少辣，麻醬味好重；麵是軟的，好飽肚。下次要試小籠包子、酸辣湯同蔥油餅…Read More

第二次同男朋友黎食野。今次嗌左一碗紅油抄手，可以揀雲吞或者水餃，我地食雲吞，同埋生煎包。超鐘意食呢到嘅紅油抄手，因為呢種麻辣味真係無可取代，加埋啲蔥食超好味！一碗大概有8隻，兩個人分啱啱好。不過今次俾起上一次，紅油抄手比較油。生煎包$10有4個，包身比較硬同厚，唔多肉汁，但呢個價錢算係咁。上次黎有食小籠包，$20/4個，唔算皮薄但都幾好味。都叫做有啲肉汁。另外見到唔少人嗌酸辣湯，下次黎一定要試下！:)…Read More

孩提時代，家住灣仔，記得當年父親總愛帶我和兄姊到灣仔道一間豆品店吃早點，店裡美味的窩貼和牛肉包，至今仍令我回味不矣。或者人年紀大了，特別愛回憶兒時美食，不過現在那豆品店當然早已清拆，而家父亦仙遊已久。早已聽聞北角堡壘街有間地道的小食店，叫「麥記美食」，其售賣的蔥油餅、生煎包、窩貼和小籠包等，遠近馳名，這天閒着在家，忽然懷念起這些上海小吃，決定搭 $2 叮叮，去一嘗這隱世食店的出品。要找這店位置，說難不難，但說易又好像不太容易，不過只要你去到北角道，沿行人天橋下的北景街小斜路往上走，第一個街口轉右便到了。其實這店的環境頗為簡陋，店內甚為狹窄，門外不遠處的行人路旁，放了數張摺檯，以供堂食客人之用。幸好這兒人流不多，亦沒有車輛經過，所以即使身處馬路旁邊，仍沒有塵土飛揚之感。我這懶精，既然難得出動，當然要一次過試曬這兒的名物。其實窩貼往往給我一種「小時候」的味道，記得細個的時候，家母間中會買些街頭美食回來讓我和姊妹幾人品嘗，而我總覺得那些放在啡色紙袋內的窩貼小食特別美味。至於這裡的生煎窩貼 ($10)，一碟五隻，看來甚為輕巧，先挾起其中一隻，慢慢咬開一小口，內裡肉餡其實不多，不過肉汁倒算豐富，而且外皮亦唔算厚，軟硬度剛好，不過我尤愛窩貼的底部，煎得金黃香脆，甚為美味，女店主還教我加點醋一起食，可減低窩貼的油膩感呢。跟著上的生煎包 ($10)，同樣一碟五隻，外形頗為的骰可愛，彷如乒乓球般大小，差點可一啖把整個包吞進肚裡。味道方面，當然這裡的做法不似市面一般新派食肆的生煎包，以皮薄、餡大和湯多見稱，不過這兒的生煎包，以其迷你外形的比例來說，肉餡的份量已不算少，雖然內裡肉汁唔算很多，而且包的外皮亦比較厚身，但底部煎得金黃香酥，一口咬下去，融合內裡微微的肉汁和餡料，味道和口感也很不錯。至於這裡小籠包 ($18)，一客六隻，同樣以嬌小形象現身，女店東把籠子端出來時，籠內熱氣還直往上冒，不過我把小籠包放入口時，溫度又出奇地適中。當然這些街頭小吃，絕不能預期會有「鼎泰豐」出品的質素，甚麼外形精緻、皮薄汁鮮等當然欠奉，始終是一分錢一分貨嘛。不過這兒的小籠包，雖然摺子打得唔算十分漂亮，而且湯汁亦較少，但內裡肉餡口感紮實，外皮吃起來也有彈性，加上這裡並非那些大集團店子，吃來頗有家庭風味，而女店主服務又親切有禮，很值得支持。差點就緣慳一面的蔥油餅 ($3)，原來只在每天下午三時後供應，而且限量發售，絕對是手快有，手慢無。其實住處附近都有一間店子有蔥油餅賣，可惜每次總碰不著其出爐時間，而放工後買回家的，往往都是那些凍冰冰兼只得鹹味的貨色，令人失望。至於這兒的蔥油餅，外皮入口微酥，煎得甚為香脆，蔥的香味雖然唔算十分突出，但那酥脆的口感，簡單的味道，卻讓人一口接一口地吃光。聽聞這店在新蒲崗也有分店，相信對甚少過港島的人來說，也是個喜訊，總希望這些家庭式小店，在高地價、原材料不斷上漲下，仍能生存下去。…Read More

之前一直係Openrice的忠實Fans，每日基本上想要上黎睇睇。 3月29號，一早就開始我0既搵食之旅。首先，第一站係麥記，試左佢0既招牌生煎包同鍋貼，之前已經想黎，但唔係成日行開呢頭。0個日黎0既時候，發覺都幾難搵，一開始就行錯左路，所以搵唔到，初頭問人，都無人識。不過意外地因為行錯路而見到林峰，Yeah!買左生煎包同鍋貼，但唔係好特別，同一般食0既差唔多，只係皮算薄，同埋size較一般0既細，要食多幾隻先夠食。可能期望太高，所以有d失望！而且唔算好抵。加上唔係幾好坐，仲好熱下添。…Read More