Cheung Lung Restaurant

一個要返工星期日, 就正好係離公司不完的OPC食六折的團購現金卷, 比約好老公的時間遲了少許, 好彩老公早了到剛好有位, 估唔到星期日這裡都咁爆滿, 不過見同層其他食肆都冇呧爆, 咁這裡一定有番咁上下啦!滿心期待的心情-葱花家常薄餅:摺疊起來令蔥花餅冇咁易變冷, 蔥花好香, 餅皮熱軟, 簡單的點心, 輕易取分-翔龍小籠包:果然推介品, 好過香港的鼎X豐多多聲, 拍的住尖沙咀翡X拉麵的小籠包, 咬下去肉汁要噴出嚟般, 但皮溥的嚟, 係夾的到的, 肉質新鮮芳香。-紅油抄手:餃皮同餡都冇問題, 問題係紅油一D都唔紅同唔辣, 好似係上海醋落的多了, 落單昤, 店員仲提的們紅油炒手係辣的紅油抄手唔辣唔合格呀!-上海炒年糕:好味, 年糕煙煙韌韌, 配菜調味剛到位, 不會過咸-生煎包:都係鎮店的, 底係脆甩的, 包面幼軟, 肉汁在包內盪漾, 非常出色-香蕉高力豆沙:其他到哩刻都飽, 見香蕉高力豆沙話制作需時, 咁制作時就可以比個胃落下格, 甜點都十分出色, 蛋白打的厚而軟, 餡料的豆沙帶著濃濃的豆沙醬, 不太甜, 剛好, 讚!, 老公一口氣食了兩個-Facebook打咭送的桂花糕:真係香水味加魚膠粉, 廷身過度, 比較硬,如果要比錢就扣晒分 …Read More

本身前兩日係BeeCrazy見到有團購買，所以吸引我嚟OpenRice睇下呢間野，見到好似唔錯，再睇返個團購，點知只係得星期六、日、公眾假期早、午、下午茶先用得，所以連買都廢事，直接黎食算喇~~呢個Pacific Centre都有幾多野食，搵日再去試下翔龍隔離間日本拉麵試下先~~好首先講返今次，整體上我覺得唔錯，但係可以有進步既空間~~今晚小菜﹕蔥油海蜇 - 呢個我就覺得好好味，但係男友覺得加少少麻油會好味D鎮江肴肉 - 我覺得“翡翠”好味D，因為翔龍切得太薄，同埋硬左少少翔龍小籠包 - 呢個好多湯汁，我覺得朗豪坊“南小館”好味D，但係男友話夠多湯汁都好好味三鮮蒸餃 - 呢個又係好JUICE，好鮮味，唔錯紅燒牛肉麵 - 唔會推介，因為唔係幾得生煎包 - 呢個都要等一段小時間，有湯汁，包好軟熟，煎好既底一D都唔硬，好脆口，真係好好味整體黎講，呢間野D包類、餃類食品比麵類好好多，可以再去~~…Read More

官塘的One Pacific Centre是一座新型商廈，商廈內已經有幾間食肆，而且位置又夠方便，從地鐵站走過去都只需5分鐘左右，絕對是新的搵食地點。今次去了翔龍，點了蒜泥白肉，小籠包，生煎包，上海炒年榚，砂鍋雲吞雞，桂花榚上海炒年榚，年榚十分彈口, 有有煙韌口感，配料有以冬菇絲，肉絲和菜等，味道不會太鹹，而且醬汁也夠濃，不錯。砂鍋雲吞雞，有半邊雞及大約6隻菜肉雲吞。湯的顏色很清而且雞味很濃，黃芽白又夠清甜。菜肉雲吞味道不錯，雞的肉質挺滑，整體理想。小籠包，皮薄而且多汁，正常，沒有特別。蒜泥白肉，肉肥瘦很適中，不過只帶少許辣勁，蒜味也不濃，有點失望。生煎包，底部煎得非常香脆，輕輕咬開，肉汁就一湧而出，湯汁很鮮味，豬肉也有嚼勁，推介。只要在FB打卡就會送一客甜品，今次送的是桂花榚，桂花榚蠻清甜的，可惜饀料不夠多。整體對翔龍的感覺不錯，地方舒適，而且服務生也有禮，整體食物不錯，價格適中，下次可以再試其他食物。…Read More

雖然開業無耐，但係已經感受到此地競爭激烈！單係頭兩層已經有「Pepper Lunch」同埋「和民」等等連鎖集團，所以如果食物質素唔掂既話一定好快「冇得留低」！地點方面，商場由APM行過去唔駛5分鐘就到，非常方便，絕對係裕民坊清拆之後另一個搵食之選既好地方！餐廳因為新裝修關係，非常光猛醒神，位與位之間雖然唔算好闊落，但都算叫做可以接受。最特別既地方係廚房外面裝左一面大玻璃，坐卡位既食客可以睇到師傅喺裏面整小籠包同埋拉麵既功夫，正！酸辣湯︰可以選擇一煲或者一碗。話就話一人份量，但係兩三個人既話一碗仔每人share幾啖淺嚐都夠食。味道方面，湯既酸同辣既比例剛剛好，並冇側重於某一面。湯既料亦都落得好足，應有既野都有，亦都食得出唔係求其俾D料你「大雜薈」就算，喺選材方面一定落左一番工夫去帶出湯既味道。擔擔麵︰簡單但不平凡。湯既味道啱啱好，唔會辣到食唔到或者所謂「小辣」咁到喉唔到肺。麵料亦都落得好足，肉碎平均分佈喺湯裏面，唔係就咁喺面頭放一pat就算。特別要提一提佢落葱既方法，放喺湯匙既中間就可以同時兼顧到想走青既食客同埋好似我呢D愛葱之徒！小籠包︰誠意的signature dish。小籠包既皮厚薄適中，咬第一啖既時候已經食到新鮮既肉味。包裏面既肉汁非常之juicy，以平民化既價錢有咁既質素，正呀！金華火腿津白湯年糕︰配菜金華火腿同紹菜雖然冇乜特別，不過都算係不過不失啦。雖然本身唔係特別鍾意食湯年糕，但係喺度都要讚一讚年糕既口感。「煙un」不特止，佢特有淡淡既甜味令到當佢索左D湯之後既味道更加特別，抵讚！鍋貼︰唔係唔好，只係冇乜特別。鍋貼底部既表皮略為煎得唔夠火喉，似蒸多過煎，而裏面既肉質略為乾身左少少，不過都係小問題，other than that 絕對收貨。生煎包︰同鍋貼雖然相似，但感覺卻差好遠。由於表面用油煎過，再加上落左葱同埋芝麻既關係，感覺上口感比鍋貼好好多。包裏面既豬肉亦一如預期非常之juicy，少少油得黎又唔會過鹹，啱啱比包既皮剛剛包住晒，食落口既時候「咇」一聲咁爆發出黎，正呀！高力豆沙︰雖然係後加，但係十分鐘都唔駛就已經上枱。或者係好sai功夫加上利錢唔多既關係，香港好多地方依家已經開似唔供應呢味菜喇。Anyway，麵粉炸得好鬆軟，裏面既豆沙既甜味亦都剛剛好，唔會有太甜既情況「喧賓奪主」。而舊野上面既糖衣可以話係最佳既點綴，令到包面食唔到豆沙果部份唔會「淡mou mou」，絕對要推介比各位試吓！雖然叫左咁多野食，但圍返開每人$80蚊都唔駛，抵到爛！侍應亦都好勤力不斷加茶，唔會因為你食晒野就9秒9乜都收晒趕你走，喺今時今日既食肆黎講真係好少見，激讚！…Read More