Ging Sun Ho King of Bun (Jubilant Plaza)

幾次經過都冇入去食，今次我就特登嚟試下，睇下個生煎包係咪真係咁出名。坐底一陣，自行落單，叫左兩隻招牌既生煎包，一碗炸醬麵。唔洗一陣生煎包就到，咬落去係好脆口，個包亦煎得好金黃色，入面勁多肉汁，好可惜最大問題就係預先煎定..所以個包嚟到既時候只係暖暖地，哂左個包。 第二，個炸醬麵完全係失敗，點解咁講？成碗麵冇汁，好乾，得炸醬…麵就好大碗，點食？最後要勁加醋及辣椒醬先叫做有d味。整體嚟講…真係唔值得。要讚一下服務生係好有禮貌。…Read More

今日要去土瓜灣，琴晚睇定土瓜灣有咩好食，見到有生煎包食，食評亦不錯，可惜食過今次後唔會再食！去到職員態度好好，有比熱水洗食具，有提供口罩紙袋，自助點餐，唔錯！最後點左個午市套餐，豬扒菜飯，再套餐價加多兩粒必試生煎包，承惠$62先上兩粒生煎包，職員有細心提醒小心比包內熱湯辣親，好細心，但我始終都係辣親😅😅食完生煎包，豬扒菜飯仍未上，聽到職員有催廚房，最後嚟到職員都有講唔好意思，見到上碟時，豬扒每舊都有紅色，因為始終係豬肉，我真係唔敢食，即刻同職員講，佢話係咁，但係係熟嘅，我再三話你幫我淨係翻熱，令豬扒再熟d,我先食菜飯，最後佢拎左入廚房幫我加熱。豬扒再次上碟，確實比之前深色返，所以我當然照食，一食落，感覺唔好味，好似醃左好耐，唔好味，所以算，唔再食，可能唔啱自己口味，咁就諗住繼續食埋個菜飯就算，食到差唔到7成，見到一條好長好粗嘅頭髮！乜胃口都無，已經再開解唔到自己😩😩😩我要走了！只好同自己講，沒有下次！始終生煎包專門店都係食返生煎包穩陣…Read More

疫情嘅持續令到晚市堂食繼續被禁, 真係令人覺得好灰暗, 唯有不停發掘唔同嘅外賣啦。記得第一次食🔸堅信號🔸時就覺得價錢比較平, 不過隨住越嚟越多分店, 價錢亦都相對地提高咗。🥢 晚市套餐-外婆紅燒肉菜飯配上海醬蘿蔔紅燒肉有5-6 塊, 肥瘦適中, 不過肉質偏乾, 醬汁帶有甜酸味, 好惹味, 用嚟餸飯好好食。上海醬蘿蔔醃得好入味, 咬落口好爽脆。🥟 堅信號生煎包呢度嘅生煎包整得好好食, 皮薄多汁, 第一啖咬落去就飛曬d 肉汁出嚟, 而d 肉好新鮮軟腍, 真係好好食。💭 整體食物都幾好, 不過價錢略嫌有少少貴。…Read More

新店開張不久，想去試下生煎包定價中等，不算太抵食。環境迫狹，店內嘈吵。冷氣超凍。而且需要服務時，好耐都無店員幫手。其中一名店員對客無禮。試試生煎包，生煎包果然爆汁，可以從圖中所見，一咬會噴汁出黎，直情會噴到桌面，而且生煎包是放在煎Pan 上，所以是熱呼呼的。生煎包上的黑白芝麻令外皮更香口，而且底部有少少燶，好好食。內裡是肉和滿滿的肉汁帶油，味道不錯。不過幾好食都好，態度差都是不能接受的。新店開張，可能未上手，但唔代表要責罵客人，非常差勁。嗌野食落單時，在餐單上寫左豆漿走冰，但年紀較大的男店員就態度很差的話「唔洗寫走冰架，呢度都唔落冰。」咁作為客人又點會知呢？另外，其他較年輕的店員都正正常常，但唯獨是那位中年樓面態度差。食完埋單，同佢講話個位有啲凍，冷氣好大。佢就語氣惡劣的話「話熱又話熱，開冷氣又話凍，而家真係好難服侍」親耳聽住咁樣講話「好難服侍」。請問而家咩態度？點解要咁惡去話客人呢？人地善意提醒，就要話客人好難服侍架喇咩？希望店方多加留意店員態度。…Read More

新店試下。店名叫「生煎皇」，應是招牌菜吧，所以下午茶餐點了有灌湯小籠包4個和生煎包2個的套餐，送綠茶一杯，加點麻辣蓮藕片小食。同行見牆上海報吸引，於是要了碗雪菜黃魚濃湯拉麵。逐樣點評一下：灌湯小籠包外皮不夠薄，肉餡較實，好處是不肥膩，味道不錯。生煎包外皮的上部份無味，底部是脆硬不是鬆脆，肉餡口感和小籠包一樣。麻辣蓮藕片只有辣，不麻，而且過鹹，蓮藕本身夠爽口。雪菜黃魚濃湯拉麵是魚湯底，配雪菜好夾，味道好好；黃魚炸得外脆內嫩，拉麵的口感比上海麵好。新店裝修不錯，坐得還算舒服，電子點菜也流暢，只是員工說話聲浪太大。…Read More

新開當然要試吓啦～下午茶四隻生煎包$30加$10轉酸辣湯再加$12兩隻小籠包$52都食到好飽下底脆、肉多、汁多！必食皮算薄、多湯，可試這個是稀版酸辣湯，唔食唔可惜…Read More