Yat Yuet Sing Fast Food Shop

一直都知道牛頭角日月星的生炸雞🍗脾好好食！年三十終於有機會去試啦！😍.去到餐廳，好彩唔算太多人，於是阿魚叫咗個✅生炸雞🍗脾餐（$31）.呢個餐會包火腿治，凍檸茶（凍飲加2蚊）.炸脾既雞皮薄又脆！調味咸度適中！好好食！雞肉嫩滑多汁！性價比超高！！！！！.因為雞脾餐一定要跟火腿治，不可以轉薯條🍟或沙律🥗.🐟FISH'S REMINDER🐟💡阿魚提醒💡.呢到既員工態度拍得住澳牛⋯⋯所以大家最好諗定食乜，揾齊所需要錢的數量！否則⋯⋯🌚.🐟📝：9/10…Read More

看到報導介紹呢間既炸雞脾，特登黎到九龍灣既小區搵呢間小店。招牌炸雞脾名不虛傳，外皮非常鬆脆，雞肉多汁嫩滑~干炒雞翼公仔麵非常香口，夠鑊氣，雖然咸左少少凍奶茶&凍咖啡充滿港式香味~讚值得再試…Read More

見到好多網友都激讚日月星快餐既炸雞脾好好食、非食不可，今日就專登去會一會去。搵左一陣，終於見到你，當時只有人等外賣，所以我地都好快可以坐低～ 呢到係先去收銀俾錢落單，之後再有伙記送到面前。環境方面只得兩張檯，加埋應該都坐到8個人。d侍應同澳牛個d都係串串地，無咩親切感。雞脾好快到，唔，好大隻，皮真係如大家所講好脆、唔油膩，肉都唔錯，但唔夠多汁，有少少乾，最重要我覺得唔夠味。結論係：可能我對佢期望過大，有點覺得名過其實。…Read More

一見炸雞脾，就即時會諗起日月星。食咗十幾年，雞脾大大隻，即叫即炸，醃得入味，外皮酥脆，肉嫩多汁，每次搵佢總不會失望，極極極美味﹗雞脾餐$24仲包三文治一份及飲品，又平又正﹗成千卡路里一隻，吃完總充斥罪惡感，但咁好味點忍？…Read More