Xin Dau Ji (Closed)

今晚約左姐妹s食飯 來來去去都係韓國野今次忍唔住提出不如食中菜 一於去新斗記起碼係老牌酒樓 食物質素有返咁上下識叫一定係叫佢地好出名嘅粟米魚塊啦出面個啲一定係已經加左汁落去魚塊度上到枱 魚塊已經淋晒 佢地就唔同 粟米汁另上魚塊上枱時熱辣辣 炸粉好薄 加埋粟米汁一流重有生炒上肉排 姐係咕嚕肉 酸甜汁岩岩好食落唔會太搶 而且用肉排整 多肉少骨 正最後係豉油王炒麵 味道岩岩好 唔會太咸不過略嫌炒得唔夠乾身 個人黎講 覺得炒麵佐敦個間整得好食啲…Read More

 之前屋企人講過，話覺得而加太興0既乳豬比起新斗記更好食，小妹其實一直都未試過新斗記，只係知道佢好出名食乳豬，所以好奇心下今日係荃灣行街，就順便去荃灣廣場分店試試。大概6點多d去到，仲未係好多人，安排我同老公兩個坐左一間房仔裏面0既2人枱。酒樓0既格局好新，但d餐具就好懷舊咁有隻雞係度。食物選擇小妹覺得唔算多，有二人套餐，但因為一定有海鮮係裏面，所以無叫，變左散叫。叫左個生炒上肉排，係推介0既，當然有乳豬，由於得我哋兩個，所以叫左例牌，另外加左個啫啫通菜煲同白飯。通菜煲最快送到，熱辣辣，一d都唔咸，有時出面就算好出名0既酒樓食呢個餸，無白飯就咁食會覺得超咸，但呢個就算齋食都可以。肉排其實即係咕嚕肉，唔肥唔瘦，唔會淨係得粉面，舊舊都有肉，正(走嗰時行出去差唔多枱枱都有叫呢個)可能係即燒關係，乳豬最遲上菜，每塊都好脆，皮下面無咩脂肪連住。但另外配住的乳豬肉就咸左少少同唔夠嫩。如果你話同太興比，我會覺得表皮係佢勝出，但肉就真係太興嗰面好食d。同埋好明顯價錢方面佢貴過太興。呢度嘢食好ok，但每碟份量就真係少左D!…Read More