Wall City Flavor

座落於九龍城廣場的「城寨風味」，門外以青磚紅泥牆及仿舊的裝飾，營造昔日城寨的感覺。匯集江南各地名菜與小食、杭州、粵菜和川菜，配合時令，革新改良出不同菜式之外，同時強調餸菜是用低鹽烹調。前菜海蜇溏心皮蛋薑和麻辣鮑魚。皮蛋的溏心與酸薑的酸辣令食慾提升，麻辣鮑魚的重點在於鮑魚的煙韌口感，味道少辣適怕辣味人。日式山葵蝦球和柑桔蜜脆蝦球一併送上，一樣的蝦球卻有兩種感受。山葵有清新及再食的衝動，而柑桔蜜則有甜蜜的滿足。北京片皮鴨的肉質鮮嫩，雖然外皮的脆度不足，沒有影響整體水準。砂窩鮑汁瑤柱炒飯的咸味蓋過瑤柱的鮮味，可惜。啫啫芥蘭煲的芥蘭苗翠綠又軟身，容易入口。懷舊古法焗魚腸香味非常吸引，魚腸份量不足，只得蛋香而沒有魚腸的彈牙，失望😌。拔絲咕嚕肉的脆皮唔錯，內裏豬肉被一層脂肪包裹，與一般坊間的咕嚕肉不同，個人很喜歡😘。生滾潮式蠔仔粥正好清清口腔內的濃味，品嘗隨後的餸菜。家鄉煎釀涼瓜的涼瓜吸收蝦膠和肉汁，加上微微的涼瓜獨特苦澀味，好味😋。蝦膠釀入整條茄子，伴以兩串鮮胡椒便完成鮮胡椒茄子🍆，味道都好。城寨醬燒骨煲作為壓軸…查看更多

今次同壽星朋友預祝生日，因為佢好好鍾意片皮鴨，所以經朋友介紹就嚟咗九龍城呢間咁有特色嘅餐廳試下城寨風味！凰舞手撕雞： 賣相好有霸氣！而且係雞肉位置一早已經撈好，仲逐塊雞皮鋪返上去，掂呀！而且撈得好均勻，呢個係餐牌上面原來已經冇，好彩有朋友介紹一早預訂咗！北京片皮鴨：壽星最期待呢道菜，鴨皮燒得好脆好香，雖然肥仔不過陣油香味好正！另外個皮都算整得好薄！蠔仔粥：我自己就最喜歡呢個，性價比算幾高，而蠔仔都俾多，加上有芫茜香味！頭抽斑頭腩：上菜嘅時候朋友都好好奇，個樣都唔太似魚，不過食落味道又唔錯喎！總結嚟講都食得開心而且坐得鬆動，我地傾傾下人地臨關門都冇趕我地走！值得再嚟！…查看更多

知道「九龍城廣場」搞咗個「光影聖誕城」展覽活動，將香港電影同大戲院文化舊貌還原，雖然規模唔大，但幾個場景佈置都做得似模似樣。小弟喺啲老派人，專登嚟睇睇懷緬吓昔日情境。而搵食方面，睇到廣場內嘅「城寨風味」嘅風評不俗，是日晚餐就在此落腳。餐廳環境幾有新色，古雅盎然，餐牌首頁有介紹牆身用上青磚紅泥牆做法，喺模仿番九龍城寨嘅感覺，配合其歷史背景及清初江南特色。如再周圍睇睇，就會發現更多古典氣息嘅仿舊擺設。餐牌內頁，除咗有九龍城寨嘅少少歷史及餐廳嘅介紹之外，雖賣嘅喺中菜，但就集多個地方嘅大成，不拘一地。而翻一轉餐牌，由小食、湯品、燒味、海鮮、各式小炒、煲仔菜、飯麵，以及素菜都有，而絕大部份菜式均圖文並茂。另有一大張硬板餐牌，喺「食客十大推介」，相信唔會喺食客票選，但寫得出嚟，應該都喺店家嘅撚手菜式。翻去後面，原來佢哋仲有做私房菜，需一天前預定，但只列出唔同款式嘅菜色，但就無一個價錢作參考，有興趣嘅朋友要自行問問店家。自家製酸木瓜先放低嘅喺開胃小吃酸木瓜，酸爽脆口，喺幾開胃。頑石點頭 $108單睇個菜名就梗喺唔知搞邊科，不過，菜式名下面有註明喺北菇紅燒豆腐，友人鍾意多素，所以，呢道菜式啱晒。冬菇唔喺好多，都仲要喺薄片，主要喺啲紅燒豆腐，幸而啲豆腐既滑，又有豆香，個芡汁亦頗香濃。城寨小炒皇 $198家家中菜館都總有一道小炒皇，然而，基本上都喺大同小異，土魷、蝦乾、豬腩肉爆炒啲韭菜花，而呢度嘅小炒皇就仲加埋鮮蝦，食味就夠鑊氣，不過，意外哋覺得好辣吓，但餐牌就無特別註明喺頗辣嘅菜式，另外，定價$198明顯有少少喺偏高。桂花炒魚肚 $188平價版嘅可以揀「金柱鄉下仔炒銀芽」($98) 過吓口癮，而高檔啲就可以選「桂花炒魚肚」，後者貴在加入魚肚，而又要將蛋漿炒碎成「桂花粒」，功夫相對多。友人幾鍾意呢道菜，因為味道較清，啲銀芽好爽口，魚肚又嫩滑。柑桔蜜脆蝦球 $188既為十大推介菜式之一，應該唔差得去邊，蝦球先沾粉漿脆炸，故咬落十分香脆，而蝦肉嘅質感保持爽彈，再推個柑桔蜜汁，味道芳香清新，酸甜度又啱啱好，酸爽怡人。生滾潮式蠔仔粥 $138與其食啲炒粉飯麵，大家一致建議點呢個蠔仔粥，一來可以慢慢食，食落暖笠笠唔怕咁快凍晒，二來相比啲粉麵飯就較有特色。事實上，個蠔仔粥真喺做得唔錯，啲蠔仔肥大肉厚，又有蠔味，兼份量十足，個粥底頗鮮甜，值得推薦。紫米露（免費）啲侍應都幾好招呼，好似我哋食完晒嘢，幫忙收拾好枱面，仲稍微抹乾淨，但又無話催埋單。最後，更免費送上紫米露，雖然唔喺咩特色嘢，但臨尾有碗糖水潤吓，心情都靚好多，而個紫米露，都OK啦！文初提及過商場內個「光影聖誕城」展覽活動，都想藉幾張相片跟大家分享吓、懷舊吓！整體嚟講，「城寨風味」師傅做菜嘅手功紮實，幾道菜式都無走樣，確喺唔錯，招呼亦到位，不過，以九龍城廣場呢個地理位置，定價就略嫌偏高，頫帶一提，茗茶每位收$15，另需收加一服務費。…查看更多

曾經看過電影內描述的城寨，曾經是「三不管」的地方。這天帶家人到這個小城走走看看，從前這個地方變得有規劃很多了。走到九龍城商場，被城寨風味的門面吸引了，聽說是私房菜質素呢，當然要試一下。店內設計也保留了城寨的感覺，牆身和城寨公園所看到的磚很相似呢。「不由人算」這句很有意義呢。 很多時候很多東西都不是人可以控制的。和家人都很喜歡吃蠔仔粥，當然要試一下，內裡有很多蠔呢，令到整個粥底都很有鮮味。即使分了四碗都是滿滿的蠔，而且肉質鮮嫩，很高品質。這個古法焗魚腸不是一般地方可以吃到，來到這兒當然要試一下，果然是不錯，魚腸很軟，配上蛋很香，不覺意可以將整碗吃下呢！這晚的重點～要吃一下龍躉。這味菜有兩種煮法，喜歡吃濃味、脆點的可以試一下左邊炸的，脆脆的配上燒汁很惹味。如果喜歡清淡些的則可以試一下右邊的，還可吃出龍躉的質感肉質，非常特別。自問是粉絲迷，這個炒銀絲真的很入味，吃了一口後吃個不停。和家人吃好東西，那種美味會倍添。…查看更多