光榮冰室 (兆和街)

30-5-2021(Sun)同老公落荃灣攞嘢,原本想去咖啡灣,但一來要12:00pm至開門,二來嘢食唔抵,於是嚟光榮,啱啱係早,午餐交界時段,未多人等位,等咗一陣就有位.我哋坐半張卡位,要咗$50.00嘅生滾沙牛窩蛋麵,凍檸茶少甜,同$38.00嘅招牌雞扒早餐,要通粉,炒蛋,加$1.00要多士,飲凍檸水.1. 凍檸茶少甜老公飲,冇comment2. 生滾沙牛窩蛋麵用煲仔飯嘅煲仔熱住上,老公食晒,佢話好香花生味,成個都正常冇問題.3. 招牌雞扒通粉通粉份量唔少,厚身雞扒外皮煎脆咗,調味又啱啱好,唔鹹唔淡,唔錯.個湯嘅味道都係唔錯.味道: 5分4. 凍檸水正常冇問題.味道: 3分5. 炒蛋,多士睇見炒蛋又多又靚,食落又滑,好味;但多士好明顯烘唔夠,有啲失望,但牛油係塗得夠.味道: 3.5分抵食係3.5分上次食評係上年1月24日刊登嘅呢篇: https://www.openrice.com/zh/hongkong/review/%E6%89%93%E6%B0%A3%E9%A4%90%E5%BB%B3-e3648127其他:見到佢哋有$39.00一隻嘅鹹肉糭賣,我想買,但未有.…Read More

去開荃灣，專登上網搜尋附近有咩好食，見到有網頁介紹呢間嘅沙嗲牛肉麵，話11:30先開始供應，時間同我既行程夾，於是就去試下。星期日既11:40黎，已經見到有條人龍，好彩咁岩有人走，等左5-6分鐘左右就可以入座。本身就為左試下沙嗲，諗都唔洗諗就揀左生滾沙牛窩蛋麵。貪小便宜心態，冷熱飲同價，感覺叫凍飲好似賺左幾蚊咁。🤣🤣窩蛋牛麵黎到，同佢張相既樣都差唔多，但相片影唔到既係，個麵真係好生滾，個煲蓋一打開，見到d汁bulubulu左好一段時間，感覺都幾治癒。味道方面，沙嗲味濃既，撈埋d蛋汁食，口感好滑。牛肉都滑，份量多，好味道。有個細心位置係，食食下會食到爽脆既口感，原來佢d麵有少少細細舊既金菇響入面，令口感更豐富，但又唔會大舊到痴牙，本身鍾意金菇既我食得都幾開心。午餐食呢個麵，份量好足夠，食得好飽。同其他茶餐廳唔同既係，呢度地方好整潔乾淨。一打開煲蓋既時候，有幾滴沙嗲汁滴左響枱，職員都專登番去拎番塊布去抹乾淨佢，小小貼心既動作讓人感到窩心。仲有，d姐姐同呀叔叔個個都幾好禮貌，個個唔該前唔該後咁，同一般茶餐廳唔同。依家疫情關係，二人限聚，兩個人坐一張枱，十分鬆動，變相坐得都幾舒服。如果突然想食沙嗲牛，建議可以試下呢間，包保唔會令你失望。…Read More

見光榮新推出用生滾煲仔嘅沙牛麵！！星期日即刻同男朋友嚟試！一去到都有10 個人等緊，不過都相當快，大約等咗10 分鐘就有位入 👍🏻👍🏻生滾沙牛窩蛋麵 $50 配熱/ 凍飲熱辣辣上枱，正呀，聽到好多泡泡聲😂😂 不過個蛋唔係放正中，同個餐牌唔一樣，要攞返隻蛋出嚟影相🤣 沙嗲味好重，所以公仔麵超掛湯呀!!! 牛肉揀得幾靚，都有8 片均上下，好入味。而且麵嘅份量比起平時嘅多 d d ，所以好飽肚。繼續會再嚟食😋😋 yummy!!!!…Read More