Read full review
2023-04-06
1099 views
晌香港做飲食嘅，真喺要各出奇謀，好難靠買三幾樣嘢走天涯，就算出奇招都要有亮點，今晚同老友嚟到「吃扒」，亮點就喺佢哋嘅熱溶芝士鐵板餐，當然，啲扒餐嘅定價亦喺另一吸引點。餐廳位處旺角，當然非常方便啦，鋪面用上大膽嘅紫色，晌豉油街嚟講真喺好搶眼。入到裏邊，裝修帶點復古，櫥窗架起半截白簾，牆上嘅圓拱形玻璃都甚具復古風，整體嚟講有啲70、80年代嘅豉油西餐廳風格。再細心留意吓，仲有啲懷舊嘅擺設，懷舊款式嘅行李箱、舊電話，以及好別緻嘅吊燈。一室柔和燈光，氣氛有幾分浪慢，不停播放住懷舊金曲，好多當年回憶都返晒嚟。食物方面，包括有小食、沙律、意粉、飯品、生酮嘅主菜、鐵板餐、甜品，更有多款特式懷舊飲品，定價都相宜。同老友都喺食肉獸，所以，一早嚟之前已將目標放晌啲扒餐度，故此，點咗兩份扒餐，另外加$25升級為套餐，包多咗餐湯、餐包、甜品及飲品，再額外加多$18配上熱溶芝士。餐湯、餐包一般而言，豉油西餐都喺紅湯、白湯，但呢度好搞嘢，喺中湯、西湯。襯返食扒，感覺都喺西湯好啲。碗羅宋湯好足料，味道香濃，酸香帶微辣，越飲越開胃；而呢款港式餐包仔又喺另一份集體回憶，烘得暖暖，入口好軟熟。特選肉眼扒鐵板晚餐 $178
餐廳位處旺角，當然非常方便啦，鋪面用上大膽嘅紫色，晌豉油街嚟講真喺好搶眼。入到裏邊，裝修帶點復古，櫥窗架起半截白簾，牆上嘅圓拱形玻璃都甚具復古風，整體嚟講有啲70、80年代嘅豉油西餐廳風格。
再細心留意吓，仲有啲懷舊嘅擺設，懷舊款式嘅行李箱、舊電話，以及好別緻嘅吊燈。一室柔和燈光，氣氛有幾分浪慢，不停播放住懷舊金曲，好多當年回憶都返晒嚟。
食物方面，包括有小食、沙律、意粉、飯品、生酮嘅主菜、鐵板餐、甜品，更有多款特式懷舊飲品，定價都相宜。同老友都喺食肉獸，所以，一早嚟之前已將目標放晌啲扒餐度，故此，點咗兩份扒餐，另外加$25升級為套餐，包多咗餐湯、餐包、甜品及飲品，再額外加多$18配上熱溶芝士。
餐湯、餐包一般而言，豉油西餐都喺紅湯、白湯，但呢度好搞嘢，喺中湯、西湯。襯返食扒，感覺都喺西湯好啲。碗羅宋湯好足料，味道香濃，酸香帶微辣，越飲越開胃；而呢款港式餐包仔又喺另一份集體回憶，烘得暖暖，入口好軟熟。
特選肉眼扒鐵板晚餐 $178老友就鍾情牛扒，所以，唔喺西冷，就喺肉眼。佢今晚就揀咗肉眼，貪佢肉味濃啲，超大件肉眼煎得香，伴上薯菜，可謂份量十足。當然期待嘅熱溶芝士一併登場，淋落去啲肉眼度，極具視覺效果，未食都嘩嘩聲！老友就話喇，件肉眼都好高質素，肉質腍滑，只喺有少少筋，但有肉味確喺濃郁，沾上黑椒汁，夾埋啲芝士，真係無得輸。
堡雲酥羊架鐵板晚餐 $188小弟就較鍾情羊扒、羊架之類，所以，梗喺揀堡雲酥羊架啦，再者，平常都唔喺度度都有做呢款菜。一客有成3支羊架，同樣又喺大大件，好夠肉地，入口羶香，唔太搶，肉質好軟腍，配洋蔥汁加芝士，風味獨特。此外，啲薯菜有西蘭花、甘筍仔、薯條，食完啲扒就會見份量好多，薯條捲起啲芝士，正呀喂！
甜品套餐仲包埋甜品，雖然，只喺簡簡單單嘅一杯雪糕，但都喺啲有品牌嘅貨色，唯獨是無得揀口味，但芒果味亦好啱我哋。
露絲瑪莉紅茶梳打 +$15本來就諗住飲雪糕紅豆冰，不過，見到呢款梳打幾特別，好少見咁嘅組合，就試一試。落單時店員都好細心，提提我喺無糖，我OK喎，反正朝早飲咗咖啡，晏晝又飲咗杯果茶，依家就健康番啲，杯梳打幾清爽，少少紅茶香，又滲出陣陣香草味，配鐵板扒餐幾合適。
雪糕紅豆冰 +$15老友話既然嚟食豉油西餐，梗喺揀雪糕紅豆冰啦，喺兒時嘅恩物。紅豆冰大大杯，兼且有好多紅豆，仲要球雪糕大到不得了，佢話見到都開心
晒；再者，啲紅豆又綿又清甜，雪糕溶咗一半之後，令到啲奶水更香滑。
雖然今晚我哋兩個死佬都食得好滿足，但晌點菜上都覺得有啲失策，因為無預嗰啲扒咁大件，又有咁多薯菜，加咗芝士感覺比較「漏」，所以賽後檢討，覺得只需要一份扒餐加芝士就夠晒喇。
Post
