MAZU

午市可以食足6個鐘超級癲！晚市就分咗3個時段10款湯底有辣有唔辣 鴛鴦鍋可以另加錢我就叫咗個比較少見嘅爆漿熔岩莞茜豆腐鍋🍲爆漿熔岩莞茜豆腐鍋身為莞茜控見到咁特別嘅湯底梗係要試試！一嚟到視覺效果已經滿分 綠綠嘅湯底放咗滿滿嘅莞茜葉同埋莞茜蓉莞茜味會越滾越出 離得遠都聞到xd入面本身有大量雲耳 豆卜 蜂巢豆腐同埋連莖嘅芫荽味道清香唔會太嗆嗌咗嘅餐跟咗Prime Grade美國安格斯牛肉極級Prime Grade安格斯牛頸脊西班牙伊比利亞黑毛豬西班牙無激素豬肉片其中最鍾意絕對係牛頸脊同伊比利亞黑毛豬🐽大理石紋嘅脂肪分佈 肉質鬆化豬味都好香濃🐮安格斯牛頸脊都好出色位於牛頸同肩胛之間 口感軟稔牛味香濃火鍋配料超過60款 常見嘅鴨血 花枝丸 台灣凍豆腐到比較特別嘅台灣瀨尿麻辣鹵肉丸 三星蔥熔岩醬貢丸 同埋自家製手工拉麵都有其中幾款丸類仲要有流心 視覺味覺效果都爆燈xd🥩精選肉類沙茶牛肉 雞脾肉 滷水雞腎調味醬汁都緊緊掛住喺肉類上面 就算放入火鍋煮完都食到佢自帶嘅味道而且口感味道都好新鮮🔥炸物類無諗到一份嘅份量都咁多 兩個人食到尾先清哂🤣炸魚皮炸到金黃色鬆脆而且唔會過鹹意外地仲食到啲魚香味🍠自家製Shake shake黃金地瓜條跟咗四款調味粉 甘梅 番茄 海苔同香辣甘梅同海苔粉都好愛 前者微微帶酸後者就鹹鹹香香地瓜條偏粗身炸到金黃色 口感鬆脆唔會太油膩係會令人想一條接一條嘅邪惡感～🥢手工配料類手工黑松露墨魚丸 手工麻辣牛丸 自家製手工韭菜餃 蟲草花香菇雞肉餃以上咁多款都好特別好有驚喜 墨魚丸爽彈帶香濃黑松露味 牛丸同樣爽彈而且有惹味嘅麻辣味黑松露墨魚丸細細粒幾彈牙🥣火鍋配料類順德魚腐 足八寸長蟹棒 芝心丸 金沙魚蛋 甜不辣港式日式同台式配料都有 經典款到創新特別款都會有！最鍾意常見嘅芝心丸同埋第一次試嘅金沙魚蛋後者有滿滿嘅鹹蛋黃流沙餡🥬蔬菜類除咗常見嘅生菜菇類仲有個雜菇拼盤可以一次過試哂幾款菇類嗌咗嘅油麥菜又係超級大盤 同朋友都鍾意食菜都覺得份量頗多🤣🍦雪糕雖然限咗一人一件 但都有Movenpick Häagen-Dazs揀食到超滿足～…Read More

赤口當日唔可以拜年，最好就係去打邊爐，思前想後去左可慢慢食足一日無限時的馬祖瓊華店，開心渡過左整個晏晝😃✏️位置（9/10）： 旺角地標，四通八達✏️環境（9/10）： 店面夠大，柔和舒適✏️衛生（9/10）： 四四正正，乾凈光鮮✏️服務（8/10）： 店員友善，上菜很快✏️食物（9/10）： 食材新鮮，味道唔錯🍱台灣養生涮涮鍋吃到飽套餐Prime Grade成人(7點半前離座) - $344/位慢活最好就係點最優惠的套餐，抵食之餘同樣可以食足大半日😄🌟台灣養生醉雞涮涮鍋醉雞鍋酒味超重，味道幾好，雞肉亦夠香滑😍🌟黃金地瓜條(原價$48)分店特色除左無限時外，另外會送一份黃金地瓜條，配左四種味粉自行調味，開胃味美😆🌟前菜兩款中只點左秘制麻辣木耳，味道香辣，口感爽滑😀🌟火鍋食材人大左唔再可能咩都食，而且目的為慢活，唔需要搵命搏，於是只點了自己鍾意的食材🤣套餐包的Prime Grade美國安格斯牛肉，肉質唔算最靚，但一啲都唔失禮，有牛肉香亦無根😘內臟四寶的爽滑豬肚、鹵水豬耳、鹵水豬大腸及鹵水雞腎，味道唔差，口感亦夠爽，唔會有好韌的感覺😜炸魚皮及響鈴卷味道口感都幾好，亦唔會散散收收😹🌟丸類有好多種，大部份都係手工，印象較深有自家製手工白菜豬肉餃及粟米冬菇豬肉餃，看得出是手工包唔係買凍肉舖貨，味道普通但口感夠爽😋手工梅菜豬肉丸、手工牛丸及手工黑松露墨魚滑都同樣打得手勢唔錯，口感好亦夠鮮味😎較特別的仲有芋泥貢丸、魷魚羹及芫茜燒賣，比其他火鍋店選擇多，亦各有特色，值得一試😊🌟海鮮是日精選海鮮係蟶子同蜆，另外點左生猛海蝦、花膠片、帆立貝及的新鮮魚雲，海鮮很新鮮，食落亦夠鮮甜，其中最推介香滑甜美的魚雲😁🌟其他推介有口感非常好的Q彈正方形魚腐、打邊爐唔可以少的午餐肉，以及大大條的足八吋長蟹棒，絕對要點黎食下🥳🌟蔬菜好多款式又新鮮，點左每次都會點的鮮萵筍、芋絲、鮮枝竹、蟲草花，以及異常清甜的唐生菜🥰🌟主食一定要試下口感爽清特田自家製台灣手工拉麵，唔好次次都食出前一丁啦😚🌟飲品最鍾意佢地有熱的維他奶同麥精，當然亦有各種汽水、涼茶和自家製茶飲👍🌟甜品套餐包每人一份雪糕，雖然有Häagen-Dazs同裝Mövenpick 雪糕，但我地未食過Dreyer's焙茶扭紋脆筒，趁機一試🤩整體感覺當然係超值，呢個價食足4、5個鐘，任飲任食，有Wi-Fi，更有插座可自備充電器充電，真係可以好悠閒咁同朋友傾足全程呀🎊🏠馬祖無限時台灣養生涮涮鍋📬地址： 旺角彌敦道628號瓊華中心11樓…Read More

秋風起又到左打邊爐嘅季節，今次就上左去瓊華食個涮涮鍋放題。餐廳非常闊落乾淨企理，點餐用App落單方便之餘亦唔會漏單😉特別欣賞佢地嘅自家製飲料，選擇多之餘甜度亦適中，邊吃邊飲非常解膩。台 灣 養 生 涮 涮 鍋 吃 到 飽 套 餐 $319- Prime Grade 安格斯牛頸脊- Prime Grade 美國安格斯牛肉- 西班牙伊比利亞黑毛豬- 西班牙無激素雞豬肉片Shake Shake 黃 金 地 瓜 條等候水滾前先送上一份地瓜條，仲附有4款調味粉比你揀黎shake😎我地就shake左甘梅味，酸酸甜甜幾開胃😌藥 膳 椰 子 雞 涮 涮 鍋湯底我地就揀左比較養生嘅椰子雞鍋🥥佢個椰子湯底清甜得黎好濃椰香🤓雞件大約有6-7件唔會太多，煮左10分鐘左右都仲好滑身仲好有雞味👍🏻肉 類一盤份量十約左10幾片，牛頸脊同安格斯牛肉都唔會太肥，厚薄適中，而且肉味都好濃😌手 工 丸/ 配 料丸類選擇好多，但唔會太大粒所以每款都可以一試最特別係手工黑松露墨魚滑，爽口彈牙，仲有香濃嘅黑松露味另外仲有醬爆濃芝牛丸，一咬開係爆漿嘅芝士，真係不得了😈海 鮮聖子同卜卜蜆肉厚鮮甜，海蝦爽口彈牙，絕非一般雪藏貨色🦐蔬 菜蔬菜新鮮係基本，味道鮮甜，擺盤亦齊整企理飲 品無酒精飲品係自取嘅除左有普通嘅盒裝飲品外，仲有一樽樽自家製飲料，非常有心思。冷泡桂花烏龍就清清地，岩哂解膩😉甜 品最後每人一份Movenpick/Dreyers雪糕，真係飽到可以skip 2餐🫢…Read More

由於youtuber 肥仔陳👱🏻‍♂️效應，心血來潮想試吓啲間無限時嘅火鍋放題。今日係國慶日，明知多人在冇book位嘅情況下試吓walkin得唔得。我哋下午3:45左右到，前面有一張飛我哋係第二張，等到4:30先有得入。7:30之前交枱有8折，但我哋就係想試吓無限時慢慢打邊爐，所以都揀左正價。佢有好多價位，我哋揀左第二級$398 （假日再加$10），啲個價位就係極級Prime安格斯牛頸脊，算係中規中矩。湯底有好多選擇，因為之前食得太多麻辣鍋，今次就揀個唔辣嘅「田園蕃茄濃湯牛肉涮涮鍋」。個湯底好多料亦好濃郁，甜甜地好有蕃茄味。一開始佢會送上個shake shake 蕃薯條，有幾款口味嘅粉俾你揀。幾好食蕃薯好甜，但我哋食1、2條就夠，要留肚食其他野，其實都真係幾浪費，應該份量可以少啲/按要求先上。極級Prime安格斯牛頸脊👍🏻👍🏻👍🏻有牛味，亦幾淋，但未至於會一想再食果種。淨係睇個樣都知道唔係屬於好靚果種。而且唔知係咪想控制成本，師傅切得超薄幾乎一夾就爛，口感上會差啲。放落湯碌幾下5秒左右就要夾起，否則會「鞋」西班牙伊比利亞黑毛豬👍🏻👍🏻👍🏻好有豬味，幾好食。一樣係切得好薄，所以要注意碌嘅時間，太熟就會變「鞋」。手工丸配料👍🏻👍🏻👍🏻👍🏻👍🏻啲個反而係我最欣賞嘅地方，佢有多款手工丸，包括梅菜豬肉丸、松露墨魚丸/滑、麻辣牛丸，好彈牙亦都有肉味。可惜佢冇蝦丸（可能又係成本嘅考慮？）丸之外仲有幾款自家製餃子，都係幾好食的。丸同餃子都推薦一試海鮮類👍🏻👍🏻有蝦、BB蟶子、蜆、鱔片、脆肉鯇、花膠片、帆立貝、雪藏魚柳蝦都幾大隻同新鮮但冇蝦味（因為唔係海蝦）。蜆都新鮮可以食，蟶子超細隻而且冇味的，唔推薦。鱔片/脆鯇片切得太薄，完全冇口感亦冇鮮味。其他海鮮例如花膠、帆立貝、魚柳都係啲下價貨色，同$200 任食火鍋放題果啲冇分別，唔食唔會可惜果種。飲品同其他嘅火鍋放題店一樣，除了汽水紙包飲品外，都會有幾款自家製茶類飲品。較特別嘅係佢設有暖飲品區，有熱維他奶、熱茶（紙包）。跟住就係啲一般野例如蔬菜、麵類、魚皮響鈴等等就唔介紹了，都係普普通通（台灣凍豆腐唔推薦，好似食麵筋咁，並唔係蜂巢豆腐應有嘅質地）甜品有movenpick雪糕、dryers甜筒，但每人限食一杯。其實食咗2個鐘啲食物已經試過晒，牛豬okay但又唔會想不停添加果種，丸好食但每款試左兩粒就夠，海鮮唔太鮮，其他火鍋配料都係好一般唔會想encore。4點半入座7點其實都食完，後悔揀左無限時，早知揀7點半前離座有8折，最後我哋慢慢食坐到9點半先走🤣 算係食左5小時抵番，肚皮飽了，但口福就唔係好滿足，因為冇嘢係好好食（包括牛）…基本上你係冇可能食得返本，係靠「時間」上抵番。總結：雖然係無限時放題，但食物種類同質素都係一般般。建議一早book枱食lunch，咁你可以一直打到天黑仲有8折。如果打算夜晚食火鍋放題，同價錢有更好選擇，唔推薦啲間。食物：❇️❇️❇️環境：❇️❇️❇️服務：❇️❇️❇️價錢：❇️❇️❇️翻兜指數：❇️…Read More

近年來經常去食火鍋，質素真的很參差，除了我平時常去的集團，我試過最方便而質素及性價比最高的，這間肯定能佔一席位:)位置（9/10）：位於旺角瓊華中心，屬逛街及交通樞紐，由港鐵旺角站E2出口步行約1-2分鐘，絕對方便環境（8/10）：餐廳寛闊樓底高，裝修簡約明亮，空調充足，抽風系統亦很不錯，不會感到油煙，環境整體不錯服務（8/10）：侍應入座並點了湯底後會提供QR碼自行下單，上單快亦準，枱面有兩樽湯可自行加湯，幾乎全部自行操作，但勝在方便食物（9/10）：火鍋食材用料新鮮且高質，尤其是最貴套餐的幾款牛肉相當不錯，而滷水類預先煮稔入味，海鮮類新鮮味美台灣養生涮涮鍋吃到飽套餐（4） ～ $479/位（晚上7點半前離席）由於是可由中午12點任食到晚上7點半，性價比極高，令我們不用多想直點選最貴的套餐，包括以下食物：前菜有麻辣手拍青瓜及秘制麻辣木耳，前菜肯定不是大家的重點，雖然味道都可以，但還是忽略吧極上肉類這組真的是重中之中，包括極上Prime Grade霜降牛小排、Prime Grade安格斯牛頸脊、極級SRF極黑和牛肩脊肉、Prime Grade美國安格斯牛肉、西班牙伊比利亞黑毛豬及西班牙無激素雞豬肉片。其中必須推薦油花美而牛味香濃的極上Prime Grade霜降牛小排及極級SRF極黑和牛肩脊肉，既然都選了最貴，多點占質牛肉就肯定沒錯精選肉類有沙茶牛肉、爽滑豬肚、雞髀肉、牛柏葉、鹵水豬耳、鹵水豬大腸及鹵水雞腎，其中鹵水豬大腸及鹵水雞腎一定要試，鹵水入味夠香，又夠爽滑炸物類有炸魚皮、響鈴卷及黃金地瓜條，頭兩樣相信不用多介紹大家也會點，而黃金地瓜條是一上菜就會送一盤，香脆而番薯味香，可配提供的四款醬粉，用附上的紙袋自製Shake Shake地瓜條，頗有特色手工配料類店家自製的手工配料種類極多，包含手工三寶丸、手工墨魚丸、手工黑松露墨魚丸、手工潮汕豬肉丸、手工梅菜豬肉丸、手工麻辣牛丸、手工牛丸、手工墨魚滑、手工黑松露墨魚滑、自家製手工白菜豬肉餃、自家製手工韭菜餃、蟲草花香菇雞肉餃及粟米冬菇豬肉餃，個人最愛手工黑松露墨魚丸及手工麻辣牛丸，既香又彈牙，其實其他手工類都很不錯海鮮類包括生猛海蝦、白鱔片、脆鯇魚片、脆骨腩、新鮮魚雲、花膠片、帆立貝、深海魚柳及是日精選海鮮。這一組必點生猛海蝦及是日精選海鮮，精選海鮮有時會配很新鮮的貝殼類，不能單點，質素卻是最高火鍋配料類包括Q彈正方形魚腐、台灣鴨血、花枝丸、雞肉腸、午餐肉、芝士腸、足八吋長蟹棒、香菇皇庭貢丸、台灣腸、千島龍蝦丸、魚皮餃、手作牛肉丸、爆醬濃芝牛丸、濃芝豆腐燒、芝心包、墨魚腐皮卷、台灣瀨尿麻辣鹵肉丸、芥末魚丸、蟹粉丸、米血糕、甜不辣、墨魚香腸、三星蔥熔岩漿貢丸、金沙魚蛋及順德魚腐。雖然選擇多，但都是外購食材，個人喜歡只有足八吋長蟹棒、爆醬濃芝牛丸及濃芝豆腐燒，不過口味人人不同，不妨每樣也試試蔬菜類有長豆卜、台灣凍豆腐、山根、黑木耳、鮮淮山、白蘿蔔、超甜粟米件、鮮萵筍、蕃茄、金菇、雞髀菇、雜菇拼盤、蓮藕片、冬瓜片、芋絲、唐生菜、油麥菜、白菜仔、娃娃菜、羽衣甘藍、菜心苗、南瓜、鮮枝竹、海鮮菇、秀珍菇、蟲草花及紫蘿蔔。食了那麼多肉類，怎麼也要多吃點蔬菜，最推介是有多款菇類的雜菇拼盤及較特別的紫蘿蔔麵類很有誠意，有讚岐烏冬、出前一丁、自家製手工台灣拉麵、韓國部隊鍋麵及淮山麵，真的不計成本，喜歡那種麵食幾乎都能滿足甜品甜品只能每人選一份，但選擇真的不少，當日有Mövenpick雲尼拿、瑞士朱古力、楓糖合桃、紅桑子意大利奶凍雪糕、Häagen-Dazs士多啤梨、曲奇忌廉、咖啡味、Kitkat脆皮雪糕批、Dreyer’s焙茶扭紋脆筒、抹茶扭紋脆筒、白桃乳酪雪條及白提乳酪雪條，您又會選那一款呢整體來說，這間台式火鍋店位置及環境都很好，食物更是我們食過的火鍋店中數一數二的高質，加上竟然不限時由12時食到7點半，單是這點就已經完勝所有的火鍋放題店呢:)🌺馬祖無限時台灣養生涮涮鍋🌺地址：旺角彌敦道628號瓊華中心11樓 …Read More

呢間火鍋睇個店名就知夠晒瘋狂，無限時任食，中意嘅話真係可以由開鋪食到收鋪都得，真係好難想像點樣賺錢🤣呢到佢個吃到飽套餐有4個價位選擇，我地揀左第二級(正價$398/每位)，如果7:30PM前離座就$318/每位，第二級就肉類就包左 極級PRIME GRADE安格斯牛頸脊、西班牙伊比利亞黑毛豬、PRIME GRADE美國安格斯牛肉、西班牙無激素豬肉片，湯底揀左藥膳花膠雞涮涮鍋，如果想鴛鴦鍋就+$48自助調味BAR出面自行混醬冷熱飲品一應俱全自家製飲品方面有愛文芒果茉莉花茶、冷泡日月潭蜜香紅茶、黑糖冬瓜檸檬茶、冷泡桂花烏龍4款口味，最中意就係愛文芒果茉莉花茶，甜甜地又清香😍叫完湯底之後職員會返低壺湯用作加湯之用，而且呢到加湯唔係加水咁簡單，咁就唔會愈加水愈淡味😉藥膳花膠雞涮涮鍋：趁未落火鍋配料之前飲返碗先得，藥膳嘅味道幾濃郁，真係落足料，花膠大大塊而雞肉都幾嫩滑，正😍秘制麻辣木耳、麻辣手拍青瓜：叫左D前菜食下先，少少辣辣地幾開胃😃黃金地瓜條：每一枱都會送一份，可以按照自己口味揀落邊包粉SHAKE黎食，我最中意當然就番茄味啦😋Prime Grade安格斯牛頸脊：第二級放題就已經食到，肉質非常高質，牛味幾濃而且肥瘦比例幾好，非常超值🤩西班牙伊比利亞黑毛豬：冇諗過放題都有黑毛豬任食，肉質肥美得黎仲要豬味夠濃郁，高質豚肉真係值得ENCORE😍響鈴卷、炸魚皮：打邊爐必食之選，夠脆冇放到淋晒，輕輕淥兩淥就食得，夠快捷方便😄花枝丸、魚皮餃、金沙魚蛋、三星蔥熔岩醬貢丸、芥末魚丸、濃芝豆腐燒(流心)、爆醬濃芝牛丸(流心)：呢到肉類固然高質抵食，連配料嘅丸類都一樣有質素，冇雪藏味，食三星蔥熔岩醬貢丸小心D睇熱，內裡D餡爆出黎幾滋味😋足八吋長蟹棒：大大條蟹棒夠晒吸引，同埋因為咁樣冇咁容易散開👍🏻手工黑松露墨魚滑、手工墨魚滑、手工三寶丸、手工墨魚丸：呢到無論自家製手工丸或者手工滑味道同樣出色，而且打得好滑，食落彈牙爽口，手工黑松露墨魚滑D黑松露味仲要好出好正😍台灣鴨血：好嫩滑，而且吸左湯底D味更香深海魚柳、帆立貝、脆鯇魚片、是日精選海鮮、生猛海蝦：海鮮類別嘅配料選擇都唔少，夠新鮮唔會肉質霉，同埋處理都唔錯，D蜆食落冇沙，魚片魚柳唔會腥🤤花膠片、沙茶牛肉、蟲草花香菇雞肉餃：花膠片都有得ORDER，咁可以叫多D，令個湯更加鮮甜😋沙茶牛肉又幾入味娃娃菜、超甜栗米件、蕃茄、白蘿蔔、山根、雜菇拼盤：蔬菜類夠多款夠新鮮最後當然唔少得甜品，每人限點一件，有MOVENPICK, HAAGEN DAZS, DREYERS 任你選擇，夠晒滿足🤩🤩🤩呢到火鍋放題任食仲要可以超級長時間，仲要食物飲品非常高質素，絕對係物超所值，悠閒地同朋友可以傾計，邊食邊嘆，都唔使驚唔夠時間啦😍🤩一定要再ENCORE瘋狂食多幾次先得🤤補MENU…Read More

朋友話平時好中意食馬祖湯麵🍜的湯底～今次開火鍋🍲一定要去試下！！估唔到會喺瓊華中心全層！舖位好大！幾靚幾乾淨！好多卡位～坐位又好闊～好坐勁多湯底選擇！藥膳係必選！麻辣鴨血重可以揀辣度！😍😍😍阿魚唔係好食到辣，利申：平時譚仔都係食十小辣～～今次麻辣食一隻辣椒🌶️係OK😍不過啲煙都好勁🤣🤣🤣重有芫茜湯底😂蕃薯條要加錢另叫，甘梅味 shake shake 粉係必食！重點推介火鍋食材🤍（$498套餐）一定要飲藥膳湯底！飲咗先打！好好飲！重有蟲草花仼叫！（1）和牛片！超滑好好食！好有牛味！（2）梅菜豬肉手工丸（3）白鱔（4）墨魚手打丸，真係有粒粒墨魚！（5）是日海鮮！🥳🥳🥳（6）甜品竟然有焙茶，北海道牛奶🥛甜品甜筒！重係綠茶cone🥳🥳（7）愛文芒果茉莉花茶好有芒果味，唔太甜，好解渇🤍🤍#無表態餐廳🤍馬祖無限時台灣養生涮涮鍋🤍地址: 旺角彌敦道628號瓊華中心11樓電話: 93666489…Read More