暫時係人生食過最惡劣既酒店自助餐. 近期去過又能俾正常rating 的其它食客, 未知是否要求很底或者係受酒店讚助.一入酒店搭電梯落地牢已有陣梅味. 入到餐廳最初感覺還好, 但一坐下就發現餐廳無冷氣. 無錯! 係3x度天氣下只有很微弱既冷氣. 佢部吹風機仲吸引我打卡吸引過d 食物. 大家看看, 左下角全部係發毛既梅點! 全餐飯就係吹住呢部唔知幾耐無清潔過既風機.一坐下, 成張枱係搖既, 放左碗湯, 隻手一掂到張枱就好似搖搖版嘩另一邊彈起, 倒到成枱湯. 搵了待應處理張枱等如無搵, 因根本係爛左. 結果唯有換枱! 好在換枱時待應都好幫手.看見酒店的環境, 放在冰上的凍海鮮我唔敢食. 避風塘炒蝦, d 蝦腸黑到嚇死人, 食到一口沙要吐出. 蒜蓉粉絲蒸勝瓜上面d 粉絲係宿既! 家中老人家連埋蒜蓉一齊食就食唔出有問題, 但我同小朋友無連蒜蓉就試到臭. 基本上全部熱葷都係凍既, 佢既保暖做得差.不過都有好味既野. 乾燒伊面不錯, 好吃彈牙. 蟲草花燉響螺湯十分好飲, 我飲了兩大碗. 刺身質素ok 不錯, 在雪櫃即取即切, 感覺良好. 甜品賣相不錯, 味道一般. 雪糕係movenpick, expresso 味係我至愛. 中途有火焰雪糕，廚師即場倒著火嘅酒落雪糕蛋糕上面, 場面震憾!最後一段又要講番餐廳環境, 因太驚嚇! 中途有曱甴在取食區穿插. 有一隻在地上我差d 踩中, 大叫左聲, 待應來一腳極速踩死, 似乎經驗十足, 眼前都咁驚嚇, 廚房入面我唔敢諗. 全程全場地下油淋淋, 我一直叫老人家要加倍小心. 客人未離場, 已倒到一地垃圾水.外傳 - 廁所篇. 由於餐廳女廁3格裡壞了1格, 差不多完場時排長龍. 我問了待應, 話我可以上兩層(由地牢去1樓)的廁所. 遠遠路行了上去, 發現要du卡至可入, 咁我入去旁邊間餐廳借匙. 果間餐廳既待應叫我落concierge度問. 果刻我已好嬲. 我係酒店顧客, 去個廁所都要上幾層樓行幾分鐘, 去到仲掃走我. 結果要另一待應再出黎至肯借匙.總結, 貼錢買難受! 無下次!…Read More
小籠包 ~ 包皮厚度適中 肉鮮甜 有湯汁
碗仔翅~湯底靚 濃味 肉&料足
冇頸渴 略為偏咸柚子虾沙律~ 特色玻璃瓶盛載 放冰盤
越式檬粉
牛湯底最
麻辣湯底 ~ 怕怕 湯脪死辣刺喉嚨 
串燒牛肉 ~ 似西冷 好味 但過熟乾咗啲 串燒豬 雞肉~ 正常沙嗲汁 ~花生醬味香濃 伴青瓜菠蘿粒 用
冇魚生 壽司好味道甜品多選擇
海鮮蕎麥冷麵 - 本身冇咩味，撈左冷麵汁就幾OK壽司不算好多款都係平日係街見到既普通款式，熟既只得3幾款凍海鮮有長腳蟹、龍蝦仔、翡翠螺、蠔 - 睇落唔算好肥美。拎左2隻翡翠螺都幾大隻，不過冇咩味&有D韌每人送半隻芥辣焗龍蝦，得個頭大冇咩肉食，個人對芥辣不感興趣，用黎焗龍蝦食落D味怪怪地熱食食左梅菜扣肉，肥個D幾好咪，瘦個邊有D"鞋"蒸魚(好似係烏頭魚)，有少少腥紅酒燴牛尾 - 好淋好入味燒雞 - 普通野忌廉焗薯 - 好濃味好好食，新鮮出個時個面仲脆脆地甜品方面都算多款(不過CWB個間仲多款)，而且大部分細細件好的式，可以試多幾款，行左幾轉D CAKE 都仲有新款出，唔錯!!!朱古力噴泉有2款(白朱古力都有)，可選既有泡芙、棉花糖、餅乾條，種類唔多整體食物質素一般，以甜品較優(款式多)服務不過不失，侍應都算有禮貌，會周圍行下收下碟(不過唔算超快手有時要叫佢先識黎收)；幫客人裝雪糕既師傅就真係有禮貌，見佢全晚都好好口會向客人介紹下D雪糕款。6折後2位埋單$501.X，以星期六晚呢個價錢食buffet算好抵啦。
