Nabe Urawa (Hysan Place)

好耐無食任食火鍋，呢排天氣咁凍真係要暖下個胃😬（藉口嚟，香港人一年四季都鍾意打邊爐😂）環境其實希慎都幾多平價美食，雖然係銅鑼灣高級商場，但用旺角嘅價錢都食到🙈餐牌有6個level，我地就揀中間嘅Level 4「澳洲穀飼黑安格斯牛+SRF美國極黑牛放題+海鮮放題 $338 」 自助區 我呢個蔬菜狂人簡直雙眼發光，因為佢居然有紫色嘅羽衣甘藍💜🥬！仲有水耕石斛苗，呢啲平時係任食火鍋點會見到🥲 我真係喪夾🤣 蔬菜都好新鮮，refill得好快！呢期做和洋祭，熱食有意式番茄肉丸、紅酒燴牛肉、泰式配辣炒飯，小食有迷你蘋果脆脆撻、薯條、蟹棒冷豆腐等等，仲有關東煮，選擇不少。連麵區都有誠意，皆因烏冬同拉麵都係手打！真係同包裝麵完全無得比！好食好多 肉類、海鮮類我地揀返今期限定嘅蜆肉魚湯，蜆嘅份量唔多但無沙，湯底較清，都適合唔鍾意食太濃味嘅人。Level 4對比上一個級別就係可以任食海鮮！有三文魚刺身、日本帆立貝、大海蝦、青口、墨魚滑、脆鯛魚片、水魷，帆立貝、大海蝦不停encore！至於肉類，牛都有7款可任食，澳洲穀飼黑安格斯牛最濃味，鍾意帶點肥膏就食美國肩胛肉眼，其餘部位如SRF美國極黑牛、特選牛小排等都唔錯，仲有少見嘅牛骨髓！ 甜點飲品 自助落單有楊枝甘露果啲，但我哋掛住食截咗單都唔知😂叫唔到，就食返出面嘅甜品區嘅甜品，好鍾意脆皮朱古力泡芙，有驚喜！仲有雪糕、綿花糖機…Read More

牛気是我比較喜歡的極上靚牛火鍋放題專門店，印象是材料上盛，物有所值。任食火鍋放題當然好，不過價錢一般比較貴，而且有時會覺得heavy左。牛気最近在銅鑼灣希慎廣場14樓又開新店，路過發現午市火鍋放題認真超值抵食，價錢唔算貴，亦都唔heavy，當然要試一試。新店地方寬敞，佈置依然典雅，環境舒適，坐得舒服。午市精選套餐60分鐘自助放題由$88起(平日$78)，有6款牛肉和海鮮配搭。此外亦有七款不同湯底選擇，有北海道昆布湯、番茄濃湯，三文魚味噌湯、昆布辛口地獄湯、韓式辛味泡菜湯、博多豬骨湯和壽喜燒。午市套餐由A餐到F餐，選了個經經濟濟B餐美國牛肩肉($108)(平日$98)，其他套餐有美國豚腩肉、嚴選澳洲和牛、極上美國牛小排、特級美國豚腩和極上海鮮套餐(大海蝦、青口、帆立貝、廣島蠔和魷魚)等。除了套餐肉類限量供應外，其他自助火鍋配料及大堂食品/飲品，無限量供應，任君選擇。另有各式醬油可自行配搭。套餐B限量供應的美國牛肩肉，色澤鮮紅，牛味充沛，肉質嫩滑。其他火鍋配料有墨汁墨魚丸、韓式年糕、白魚蛋、爆濃芝士丸、章魚丸和餃子等。墨汁墨魚丸十分爽口彈牙，其他丸類亦都不錯。蔬菜火鍋配料既新鮮，而且款式甚多，有粟米、蜂巢豆腐、嫩豆腐、芋絲、白蘿蔔、銀芽、鮮冬菇、冬瓜、雲耳仔、娃娃菜、京蔥、蟲草花、蕃茄、油麥菜和唐生菜等  面食則有拉面、公仔面、芋絲、綠茶面、葛絲等。 另外還有多款小食和壽司供應，有螺肉、中華沙律、墨魚仔、三文魚壽司等，都新鮮好味，水準不錯。食客亦可以在自助沙律吧自行調製各式喜愛沙律。除火鍋配料外，亦有熟食冬菇蟹肉素翅、粟米羹、紫米露、牛肉炒飯、咖喱牛肉和香蒜肉絲意粉。其中咖喱牛肉尤其出色，日式咖喱味道微辣帶甜，咖喱香味撲鼻，再配牛肉炒飯，惹味開胃。甜品有泡芙、啫喱、百福豆腐花、紅豆麻糬、香蕉冰卷、棉花糖等。香蕉冰卷外皮通透，口感黏韌，香蕉味濃，味道吸引。 另有軟雪糕機，備有多款配料，如爆爆珠、士多啤梨醬、朱古力醬、朱古力粒、提子乾、棉花糖、粟米片等，讓客人炮製各式軟雪糕作飯後甜品。至於飲品方面，有各式汽水、罐裝烏龍茶、罐裝羅漢果、罐裝凍碧螺春、韓國啤酒、玄米茶和咖啡等。其實祗是要了一個小小的B餐美國牛肩肉，但任食火鍋配料、小食、熟食、甜品、飲品等，何其豐富，真是有點任性，所以說“ 妹仔大過主人婆 ”絕不為過。這個超值午市精選套餐60分鐘放題，有空會再幫襯，再任性。…Read More

離開左香港一段日子，最掛念的就是香港任君選擇世界各地的美味。香港地揾食，平有平食，貴有貴食，但一定唔會難食得去邊！ 今次翻來，梗係要對自己同五臟腑好啲啦。今晚同朋友的聚餐選擇左 “牛氣”！位於希慎廣場十四樓，才新開一個多月。 話明要食好啲，所以揀左 378 蚊任食套餐，包括四款澳洲和牛，各類海鮮同挪威三文魚刺身。(圖左上角）餐廳環境樓底高，二人卡位張枱都好大，有足夠位置擺放美食，整體感覺坐得舒服，環境亦很乾淨。門口放左易拉架，清楚睇到各套餐收費，包左啲咩食。同場加映，午市都有放題，係銅鑼灣的打工仔不妨一試！湯底上之前，梗係要走個圈，睇下有咩好野食。下圖為甜品。有和菓子，泰式椰汁黑糯米等等，自助沙律。仲有自助雪糕機，可以配搭不同 toppings! 火煱配料方面應該有的都有。推介的係黑色的墨魚丸，好彈牙。仲有蟹棒，金菇，魚旦等。唔怕無得揀，只怕你無甘大食。lol飲品方面有多款罐裝飲品，也有熱茶同咖啡機，即磨咖啡好香！仲有湯，白飯（左上），可以配日本咖喱（左下），肉醬（右下）又得。仲有牛肉炒飯（右上）。重頭戲黎啦。店員推介波士頓龍蝦頭湯底。個龍湯頭足足有我個手掌甘大隻！上左個鍋之後店員仲會邦你炒一炒啲食材，一邊講解，然後加湯滾起就可以打邊爐啦。店員十分貼心，服務周到！個湯餚左一會，飲啖頭啖湯。嗯，龍蝦味濃，充斥住成個口腔，yummy yummy! 牛肉有四款。下圖為極上澳洲和牛。有圖有真相，睇完都想即刻烚下烚下！圖上係美國牛小排。左下係嚴選澳洲和牛。右下係美國牛肩肉。 餐牌仲好貼心準備左兩個漏斗，三分鐘同一分鐘，時間拿揑更準！ 睇下右邊個兩只青口幾肥美飽滿，入口鮮味十足！海鮮方面由大蝦順時針，有日本魷魚，青口，日本帆立貝，廣島蠔，翡翠螺。任君選擇，每款食一件，都已經好滿足！ 總括黎講，加埋一大概四百一個人，。食材新鮮，和牛美味，選擇包羅萬有，服務恩勤。我真係無咩挑剔。香港，真不愧美食天堂！…Read More

聽聞希慎廣場新開了餐廳，就趁不用OT約朋友去試試。一坐下，侍應就介紹有一個龍蝦湯底，每天是有限提供的，我們來得早，還有貨。我們未試過龍蝦湯底打邊爐，就試試。首先來了一個這樣沒有湯的湯底，侍應在我們面前炒呀炒的，然後再加入龍蝦頭，最後才加湯。我們選了和牛+海鮮，和牛大大塊，入口嫩滑，正！海鮮也很新鮮、鮮甜。所有食物都可以再添，真擔心老闆究竟有冇得賺？其他蔬菜、丸類、魚滑、烏冬、麵、飲品、甜品、咖哩飯等等等等，好多選擇，全部都是自己出去拿的，推介魚滑、黑色墨魚丸、芝士流心丸、忌廉鮮奶！最後我們裝了一碗飯倒入龍蝦湯底裡，嘩～ 鮮甜到不得了，我們顧著吃，都忘了拍照。吃完其實已經好飽，但又怎可以放過甜品？有棉花糖機、自己裝雪糕，還有很多其他蛋糕、焦糖燉蛋、紫米露等等等等，總之又是很多選擇。好滿足好滿足～ 真的很值得推介，侍應個個笑容滿面，尤其門口的姐姐仔笑得最甜！將來有什麼聚會一定會再來！…Read More