Mr. Steak (Telford Plaza 2)

為了慶祝仔仔踏入新學年，慢慢適應K3學習生活，來了這間Mr steak食半自助晚餐，輕鬆面對接下來的種種困難🩵餐廳環境寛敞舒適，職員亦很有禮貌！我們的主菜是法式芝士焗龍蝦，並選配了牛扒和豬柳扒各一份！加了茄汁意粉比仔仔，亦可享用任食沙律吧、甜品、新鮮水果，白酒或紅酒或果汁一杯。沙律吧有各式各樣的沙律，每樣都各有特色！🔸海鮮拼盤有生蠔、紐西蘭鑽石蜆、海蝦、翡翠青口，每款都非常新鮮和鮮甜，尤其是生蠔🦪，一點也不腥！🔸法式芝士焗龍蝦配SPF牧場牛扒這簡直是味蕾的雙重享受！香濃的芝士配上鮮嫩彈牙的龍蝦，奶香濃郁，而且超多蝦膏，吃起來既豐富又滿足！牛扒肉質鮮嫩，而且保持著多汁的口感，兩者相輔相成，配上紅酒，讓人回味無窮！🔸法式芝士焗龍蝦配英國豬柳扒英國豬柳扒則有著香氣四溢的焦香，肉質鮮嫰，恰到好處的調味讓豬柳的風味更加突出。🔸甜品吧每款甜品小小一件，十分精緻！我很喜歡朱古力撻，十分香滑濃郁又不會很甜！在這讓人感受到奢華和滿足，確實是一次難忘的美食體驗！…Read More

又要鎚扒，又想食自助餐，我們來到一家美式西餐廳食半自助午餐。自助沙律吧的選擇約莫十幾款，有點窄位，不過每樣皆很新鮮精美，吸睛度不俗。菜蔬類有羽衣甘藍、薯仔、木瓜沙律等，而肉類有煙鴨肉及魷魚沙律，澱粉類有長通粉，不用自行調製醬汁已令人打開胃口。餐湯乃蜆肉忌廉湯，綿滑帶奶香，我們每人各喝了兩碗！價錢方面就取決於主菜的決定。小人的烤肉拼盤承惠二百二十三個大洋，而友人的煎盲鰽則是一百九十元。燒雞髀的皮香脆，雞肉仍嫩；安格斯牛扒三成熟，滑嫩有肉汁，蘸點牛扒汁更加可口！墊底的薯蓉奶滑細緻，用來襯烤肉無縫接合！沙律以外，甜品也是任取的。但小人直到此時才記起網友提及鬆餅是必吃的，所以連同甜品一起吃。鬆餅細細粒，塗些牛油和士多啤梨醬，酸甜牛油和著鬆餅，滋味非凡！西瓜鮮甜，還有一滑入喉的豆腐花，完滿至極！最可惜的是吃到此處已甚飽矣，未能試到搶手的西餅！…Read More

見到日本JA全農和牛嘉年華$498做買一送一，有我鐘意嘅威靈頓牛😍🥗自助沙律Bar款式好多，有西式，泰式，有醬冇醬任君選擇，仲有芝麻醬凍豆腐，食左一轉已經飽左🤣🥣精選餐湯果日係周打蜆湯，好滑，有蜆肉，洋蔥碎，有濃香奶味，食唔到粉粒，好味😋湯旁有迷你版scones，外脆內鬆，不錯，食一件都夠期待嘅主角嚟啦😋🍴🍽️MAIN🍽️🥩日本和牛威靈頓細過女生手掌，和牛十分軟熟，入口即溶，但有少少牛騷味，由於油花豐富，食左半份已覺膩。頭尾酥皮較厚，食落粉味較重。食過美國牛同和牛做嘅威靈頓牛，都係鍾意美國牛多啲，牛味香啲。配芝士焗茄子🍆，油封櫻桃蕃茄🍅，松露薯蓉🥔啲配菜好好食，鐘意松露嘅我好開心，未食都聞到好香，薯蓉做得好滑。🥩日本和牛味噌燒叫左七成，煎得好香，有少少焦。都係非常淋嘅牛，唔使力都切到，食落滿口油脂，好香配芝士焗茄子🍆，燒玉子🥚，蕃茄本菇意大利飯🍚日式燒玉子甜甜地，配酸甜意大利飯好有趣🍰甜品吧有芝士蛋糕，朱古力撻，抹茶卷蛋，豆腐花，啫喱仔，西瓜🍹飲品凍檸茶買一送一都唔錯，可以試下😋，不過要頂得住啲油花，真係好油膩🤣不過和牛就係咁，預左，埋單要原價加一…Read More

復活節假期慶祝！難得有四日公眾假期，當然要食返個復活節大餐，我哋前一日預約，先至唔使排隊等候！我哋選擇食半自助午餐，揀咗主菜之後就可以出去夾沙律、甜品、餐湯，跟餐有一杯飲品。爐燒香檸春雞配迷迭香燒汁$160- 燒春燒聞落好香，啱啱燒起熱辣辣，有肉汁，口感嫩滑，味道幾有香草味，已經唔需要再額外加調味汁，推介！烤英國豬柳配洋蔥汁$175- 豬柳本身肉質爽彈，仲夾雜少少脂肪，不過就冇乜肉嘅鮮味，份量好大，加埋沙律薯蓉食完好飽。自助沙律- 有幾款沙律都唔錯，我最鍾意吃蕃茄螺絲粉，酸酸甜甜幾開胃，其他沙律就正常發揮。甜品- 我每款甜品都夾嚟試吓，最好食係芝士蛋糕，唔會太實太heavy，我哋食多一件都覺得好食。提子scone都好軟熟，唔錯。木糠蛋糕嘅cream好膩，木糠比例太少，可以唔試。廚師精選餐湯- 今日係南瓜忌廉湯，食到一粒粒南瓜有啲口感，質感幼滑，好味到我飲咗兩碗，推介！…Read More

就到聖誕，同同事過黎食lunch預祝節日😋.限時90分鐘，我哋等齊人就出去攞野食啦！沙律種類都幾多，大約9-10款，當中有淨沙律菜，再有6款醬汁俾你簡。而我就簡左最鐘意嘅日式芝麻醬！開胃嘛～.另外蜜桃鴨胸沙律都好好鐘意，夾得好好，桃好甜。仲有雜菌、羅絲粉、雜果、芝床醬凍豆腐沙律等等.當然仲有西餐必點嘅餐湯！今次係南瓜忌廉湯😛😛.到主菜！同事個個都叫西冷，佢地嘅牛都偏熟少少。而我就點咗帆立貝野菌意大利飯！有少少出奇，居然係番茄汁嘅！？「菌」嘅成份唔多，帆立貝兩大粒，都滿足嘅！.最後到甜品，都係芝士蛋糕最好味，啫喱甜有dd硬，而朱古力木頭蛋糕好快就無哂😭😭😭試唔到…。總括黎講餐廳坐位都算舒適，沙律吧、湯都refill得快嘅！主菜都係水準作，keep到食開水準。…Read More

又食生日飯，行過見到mr。steak 個套餐好似幾抵食！就衝左入去喇！$498加1 有兩個set dinner。座位闊落，沙發舒適。餐飲可以揀白酒，紅酒，橙汁或蘋果汁頭盤有海螺，青口和生蠔。但因為我地唔食生蠔，著侍應幫我地轉其他，然後佢好似轉左多一隻青口，不過唔同品種，食落口感唔一樣，一款偏白色既軟身d，另一款深色既就爽口d，但一樣新鮮好味。不過menu寫有蝦架喎，説好的蝦呢？蘇格蘭煙三文魚凱撒沙律，菜新鮮，但太細份喇！千邑龍蝦湯，有d腥，蝦得半邊細細隻終於到主菜，我地一人叫一款，就可以試晒兩款喇。淨係睇個賣相，都已經流晒口水喇。龍蝦配小牛扒，牛扒自己揀幾成熟，我揀左七成，煎得好香，好juicy，個汁調得好好味，加左d醋好開胃，以薯泥墊底。龍蝦帶子天使麵我好似第一次食天使麵，個樣好似意粉，本人唔係幾好意粉，所以無太大期望。但原來天使麵同意粉係完全兩回事，麵質好爽口彈牙，頭先個牛既汁係咸既，呢個個蕃茄汁就係甜既。至於龍蝦，可能煮耐左少少，肉質差左少少，唔夠幼嫩，不過都係爽口好味。但如果有得揀，我會揀食牛扒多過龍蝦，果然mr.steak，都係d steak好食d。甜品本來想加錢食心太軟品同窩夫但係因為我地差唔多食完主菜先落，竟然賣晒！！！好想食呀😩，所以如果想食記住一早叫定。無辦法，唯有食是日廚司推介菠蘿奶凍，同加10元轉藍苺蛋糕，又真係好食喎件蛋糕！最後，仲有茶或咖啡，作為一個小總結，為呢餐劃上完美既句號。我覺得，我地兩個女生食岩岩夠，但男仔可能會唔夠飽，不過味道非常好。另外，生日有寫字服務，可以係甜品上寫字，不過就要係果日六點半或以前預約。…Read More

行到肚餓，見買一送一poster 問下門口靚女話，498兩位用，就咁就行左入去，見旁邊各人都用緊呢個餐應該都係抵既，跟下風先點知一柯打就有話，無跟餐的紅白酒得果汁，well小妹身子有點不適，果汁都好，之後又話starter 無蟹腳換左隻蠔，都唔打緊啦，我都想食蠔。去相先~我最鐘意係個湯同 海鮮starter, 而食牛扒果時靚女侍應仲有兩款黃芥辣比我簡，我自己就鐘意英式的比較辣d, 法式的則比較酸。隻龍蝦好多膏，不過肉就稍為削左d，味道不錯last 甜品上埋， 開大冷氣趕客，不過無計啦，搵食難，晚市趕住做多轉。ok la…Read More