Big Bay Cafe

嘉里酒店現在是指定隔離酒店之一 親友剛從外地回港隔離時住過 酒店送了張3送1的buffet卷 所以隔離完成後請我地一起試試大家不用擔心 因為餐廳是隔離人士不能去的酒店應該劃分了部分設施給隔離人士專用電梯各樣都是其他客人不會用到的嘉里的自助餐都很多人book我地早了2天book平日食但都同我地講要坐比教後的檯 booking好full晚餐buffet $658一位 hsbc有7折時段18:00-21:30我地被安排坐比較遠拎食物的位置 唔緊要 靜靜地 有海景冷盤有沙律吧 麵包 parma ham 芝士海鮮選擇不多 龍蝦 蝦 長腳蟹 青口我試了長腳蟹 幾鮮甜 家人有試龍蝦 一般刺身有三文魚(不錯)吞拿魚(唔好食)油金魚(不錯)八爪魚(無試)熱盤不詳細說了 比教特別的有擔擔面 石鍋面即整印度薄餅(好鹹) 幾款牛扒但選擇不算太多 味道一般沒驚喜甜品係我最著重環節開頭望佢個雪櫃麵眼前一亮 好似好多選擇但原來3層都是一樣的甜品我試了幾款朱古力味都唔會差 濃濃朱古力味😌心太軟都唔錯😌佢有個份子雪糕 即場用部機整 好多煙我就試傳統雪糕 椰子 乳酪藍莓同朱古力都唔錯最奇怪係自助餐不包飲品 佢只包一杯如果要任飲果汁汽水 要另加$68其實果汁汽水都不是甚麼太貴東西要另加$68有點奇怪🤔本身嘉里自助餐我價錢都不便宜呢～總括來說 其實這個自助餐沒甚麼貴價食物。沒生蠔 沒鵝肝～沒下次嚕～～…Read More

四月生日月，特別多慶祝飯局，早前發現香港嘉里酒店大灣咖啡廳自助晚餐有六折優惠，人均連加一服務費只是$427.7。餐廳佈局充滿度假色彩，內裡充滿空間感，開揚寬敞，店員態度友善，勤快收碟執拾。窗旁卡位坐擁維港景致，落地玻璃可以一邊望著無敵大海景，一邊品嘗佳餚，迷人景色盡入眼簾。以酒店buffet來說，凍海鮮款式不多，只有龍蝦、蟹腳、鮮蝦、翡翠螺及青口五款。龍蝦和蟹腳size偏細，不過來貨質素亦算新鮮。今個月主題為「美式燒烤盛會」，新增了多款美式煙燻烤肉菜式。煙燻火雞肉質不乾不柴，其他美式主題菜還有堪薩斯城焗豆、芝士焗通心粉、玉米豆沙律、涼拌卷心菜、忌廉玉米布甸等等。西式熱盤款式亦不少，有燒岩魚、白酒煮青口、照燒三文魚...還有烤哈里薩雞腿、泰式燒頸肉、燒羊脾等等。值得一讚的是熱盤放出來都是小份量供應，所以廚師全程忙於即燒以作添補，因此食物較易保持剛剛煮好的熱度。個人最為推介照燒三文魚，甘甜醬汁帶出食材的鮮味，即使熟透後依然不會變得鞋口。即切肉類也不算多款，西冷牛扒配上各款配菜及特製醬汁。現場即拌的意粉煮出Al dente輕微韌度的口感，芝士忌廉汁調較得相當濃稠。中式熱盤有金湯龍蝦鉗、川味蒸魚、小籠包、蒜茸蒸蜆。金湯龍蝦鉗啖啖肉，不用剝殼就最適合我這些懶人。中式蟲草花燉湯真材實料，湯色清澈見底，喝得出沒加味精，每一口盡是精華，喝完如此滋補的燉湯，頓時感到暖身又暖心。避風塘炒青口以蒜蓉、辣椒夾雜的香味滲透肉身，蒜香撲鼻。藥膳雞的藥材份量恰到好處，入味之餘亦不會過於苦澀。還有香口炸物如蜂巢炸墨魚及椒鹽白飯魚，炸得熱辣辣又脆卜卜。咖哩有超多款式，包括青咖喱雜菜、泰式辣雞、印度芝士咖喱、海鮮紅咖喱、印度黃咖喱豆、印度雞肉飯、咖喱雞及冬陰功湯，香氣濃郁，口味正宗。壽司擺盤頗吸引，不過質素就一般。魚生刺身即點即切，款式就和大部分酒店自助餐大同小異。沙律吧有多款已經拌好的沙律，個人尤其推介大蝦沙律，蝦肉入口爽口彈牙，味道酸辣挑起誘人食欲。冷盤位置放滿不同款式的芝士，以密封容器盛載，除了衛生整潔之餘，也可為芝士保質，避免風乾。當然少不了用來配芝士的parma ham，火腿的誘人油脂與芝士的濃鬱香氣向來都是絕配。厚切煙三文魚色澤鮮豔，脂肪條紋清楚利落，魚肉鮮嫩而有彈性。甜品部的海量款式多得壯觀，甜點控一定要記著留肚！因應美式主題，新增碧根果仁批、焦糖牛奶布甸、紅絲絨蛋糕等經典美式甜點。作為朱古力迷，最愛的當然是朱古力慕絲蛋糕，質地軟滑，可可味夠濃醇。自家製gelato有八款口味之多，味道較為罕見，包括威士忌牛油餅、花生醬、石板街、柑橘伯爵茶、曲奇、朱古力、雲呢拿及士多啤梨雪葩。…Read More

有時食自助餐可以是一個節目, 今次我選到紅磡嘉里酒店, 便是這原因, 第一, 我們未嚟過, 第二, 知佢有海景, 第三,  食完, 可以行下海濱區。我們 12:10入坐,  被安排在熱食區尾部,  由於餐廳是長形的, 都行得遠。冷盤區不能自取沙律, 感覺局促, 而且在壽司區旁邊, 很不方便。壽司區又在冷盤區旁, 冷盤區旁有些卷形小食, 再旁邊便是石鍋區, 冰火交熔。有石鍋吃的自助午餐, 我是第一次。熱食區比較普通, 沒有原條大魚。選擇不多, 味道一般, 湯也不吸引。甜品區則不錯, 款式多, 都沒法子每款都試環境無得輸,  坐seaview  位必然值回票價。而且現在有優惠, 香格里拉會員30% discount 之外,  成人可免費帶11歲以下小童入坐, 只是免費小童無餐飲而已。…Read More

事緣因為SHOPPING而得到一張嘉里酒店既八折COUPON，因為都一段日子無食自助餐啦，所以就揾左一個星期五既下午黎嘉里酒店既BIG BAY CAFE 食LUNCH BUFFET食BUFFET相信大家都好關心價錢，因為如果太貴我諗大家都寧願叫A-LA-CARTE食所以我就影左張PRICE LIST 方便大家過目其實食自助餐都認真唔平，本人又唔食得多野，如果唔係有8折都幾肉痛。今日好好彩可以坐到沙發位，呢個位又有景睇，又寬敞坐得舒服幾SUPRISE 呢度既冷盤有得食希靈魚同埋TUNA魚！好多人都怕希靈魚腥，但係呢個希靈魚只係外圈圈左一圈既魚肉，入面係蔥個類，所以食落係FRESH，唔腥的TUNA魚配冷盤食係好好呢，加上呢度有唔同既醬汁配襯，我食左唔少呢度既熟食唔算特別多，但質素都好，食材新鮮。但如果要講有無咩值得推薦，其實又講唔出呢個燒蝦係我今日食得最多既熟食，因為蝦大隻，熟左既蝦又充滿住香氣，加埋辣既醬汁的確好惹味呢度既甜品吧同其他自助餐既甜品吧有著一大特點，就係有個甜品櫃啦！呢個甜品櫃係要大讚，可以雪住D甜品保持個温度。每樣甜品都好精緻好靚，我都試左唔少但係同熟食都係一樣，無樣野令我特別有深刻印象，所以我都無ENCORE到D甜品甜品吧一定有雪糕啦，呢度既雪糕正確而言係GELATO我試左兩個味，分別係earl grey mandarin同埋green tea yuzi但係我想講兩個味唔止唔好味，直頭係難食先講earl grey mandarin先，earl grey 同mandarin 2個味都食得出，平分秋色，唔會被任何一個口味搶左但係呢兩個味根本就唔夾，唔好食green tea yuzi 我個人認為直頭災難級別，因為綠茶粉既關係，食到成日都係粉，個口一D都唔舒服而且green tea 同yuzi 都係唔夾綠茶同柚子本來係可以相融既味道，柚子清新，綠茶味道清淡略帶回甘，但係呢個GELATO既綠茶味做得唔太好總結而言，呢度自助餐既環境係好寧靜，唔會坐到好逼，坐窗口位又有景睇，呢度係可以舒舒服服食一餐但係食物方面，佢既數量同質素又未必對得住呢個定價如果要幫襯，呢個餐廳可以唔食自助餐的，咁就可以一路品嚐美食，又可以享受呢度平靜既環境…Read More

家姐和姐夫一早訂了枱與老公慶祝生日， 今次有食神了！ 我們大約七點鐘到達， 店員安排我們的窗口座位寬闊又舒適， 一邊用餐一邊欣賞美麗的夜景。 第一次來到嘉里酒店大灣咖啡廳吃自助餐， 食物種類非常之多， 不論冷盤，前菜，熟食，甜品真是應有盡有。 一入到餐廳已經望到吸睛度極高的海鮮區， 有龍蝦，凍蝦，螺，長腳蟹青口， 刺身，壽司等等。 壽司和卷物款式很多， 刺身有八爪魚，三文魚和吞拿魚。在海鮮區隔離有即叫即製的自選石鍋， 很有韓國的風味。沙律區有很多不同種類新鮮的沙律菜， 提供多款醬料給客人選擇。 芝士區也有六款不同的選擇， 我只試了一點點， 隔離還有我最喜愛的巴馬火腿， 有黑毛豬和白毛豬兩款。 還有西班牙辣肉腸 和黑森林火腿等等。甜品區正正是我當晚坐的窗口位對面， 非常方便我這個甜品控。 這裏有很多不同種類的蛋糕， 青檸菠蘿，熱情果紅桑子， 芒果榛子脆脆，朱古力焦糖，意式奶凍， 杏仁朱古力忌廉，多不勝數不能盡錄，還有小朋友最愛的朱古力噴泉。最驚喜的是這裏有分子雪糕， 還有八款不同口味的雪糕， 朱古力，雲呢拿，綠茶，士多啤梨，椰子， 忌廉曲奇等等。熟食方面有中式點心，即叫即煮的粉麵區， 印度美食， 中式美食， 還有推薦大家一定要試的西班牙海鮮燴飯，牛扒，這裏的燉湯也不錯啊！最後的特別驚喜就是美味的朱古力生日蛋糕，還為壽星寫上生日牌，非常貼心。總括而言這裏的食物高質，款式種類很多，環境舒適，服務一流，下次再食自助餐都會來這裏。…Read More

早於個多月前已訂位，今天同幾個好朋友一齊去食lunch buffet。我坐船去，落船行去好近，乘電動樓梯上，經過一間餐廳便到酒店入口，環境很好，可飽覽港島東景色，我地坐seaview位……幾好呀！之前啲人已講呢度係新開的，buffet分七個食物區，我見大概有魚生、燒物、炸物、粥麵、點心、麵包、芝士火腿、冷盤、沙律、生果甜品等，但我沒有好細意行一每一區，因為都吾係好大，同都係集中一邊的。原本想飲湯先，但朋友打亂了我，叫我去攞燒龍蝦先，咁我就由食燒龍蝦、燒虎蝦、串燒開始，D龍蝦、虎蝦及串燒雞肉都幾好，再來佢地話攞石鍋飯，咁我又去拎來試下，未見過buffet有石鍋飯供應，都ok。之後我食左3件蛋糕，呢3件甜點一般，沒有特別，之後食生果，有士多啤梨、藍莓、呢d係我favourite，真係吾係間間酒店有呢d藍莓、strawberries。看來我今天食buffet d次序亂晒了，最後先食魚生。今日食左幾轉，我覺得燒龍蝦、虎蝦及串燒不錯，但可惜後來太多人攞，沒有再添食了，甜品係多款，但我食果3件一般，沒有再食其他款，熱葷食左少少菜、咕嚕蝦球、炒河，都係普普通通，石鍋飯都ok，最後食魚生~三文魚、吞拿魚，都冇乜特別，雪糕我食左vanilla及strawberry，個vanilla好似得個凍字，冇vanilla味，反而strawberry食食下好似有d果肉，幾好，佢地話朱古力、芝麻、抹茶都好！話晒新開，如果有機會會來多次，再慢慢試清楚其他嘢，因為今次真係好似冇每區每樣都試，今日最終冇飲到湯，話時話好似吾見，吾知放左在那裡。…Read More