The Haven

尖沙咀YMCA酒店四樓的「再臨閣 The Haven」，知道餐廳擁有維港景色的用餐環境，一早已成為Buffet愛好者的熱愛之選。未食Buffet 之前，見到餐廳全落地玻璃的設計，將對岸的高樓大廈與維景夜景盡收眼底，慶祝聚會實在一流。知道再臨閣最新推出的泰式主題自助晚餐，是與泰國米芝蓮餐廳主理人及本地星級主廚一同監督，絕對值得一去。食自助餐，基本的海鮮、肉類已經滿足不了我，要去的都要挑選一些有特別主題的自助餐。✸ 海鮮冰鎮海鮮有波士頓龍蝦、琵琶蝦、雪場蟹腳等等。再臨閣的波龍確實不錯，食得出龍蝦肉的鮮味。另外，重點要提的是熱食區的即煎虎蝦，大廚以鐵板將虎蝦即時炙烤至焦香，熱辣辣非常好食，至少encore 4隻；即煮鮑魚亦都處理得非常好，彈嫩度堪比刺身級別。✸ 沙律冷盤泰國主題有不少泰式前菜，無骨鳳爪沙律清爽酸辣；魚乾西瓜沙律則是非常創意，我個人就較喜歡青木瓜粉絲沙律，有點像曼谷街頭攤檔的風味。✸ 熱葷主菜區猶如濃縮版泰國市集，特別要大力推介泰式青辣椒汁蒸烏頭，餐廳以香茅、南薑與青辣椒碎鋪滿魚身蒸製，魚肉肉質非常細嫩，又富有少少辣度，非常滋味；另外，泰國最新名物，火山排骨以巨型豬肋排堆疊成山，淋上泰式青辣椒酸辣醬，一咬即溶在口內，酸酸甜甜辣辣的味道特別過癮。仲有泰式海南雞，亦係做得非常稔滑。✸ 甜品壓軸的泰式甜品宛如一場藝術展。泰式主題有芒果糯米飯、熱蒸泰式千層糕。喜歡榴槤就更幸福，D24榴槤pancake將貓山王果肉打成泥，以pancake 煎餅包裹着，內餡流淌出濃郁榴槤岩漿。凍餅就有泰式奶茶慕司蛋糕，泰奶味道相當濃郁。另外，即整心太軟亦都非常出色，建議至少要食一個。YMCA 再臨閣出名性價比高，絕對無講錯。…Read More

春末夏初之時，天氣開始悶熱，酸辣鮮香的泰國菜，最能提振食欲，尖沙咀港青酒店YMCA再臨閣由即日起至8月31日推出全新期間限定「味遊泰國」自助餐，自助晚餐供應時間為晚上 6 時 15 分至 9 時 30 分，星期一至四成人每位$668、小童$448，星期五至日及公眾假期成人每位$768、小童$528，網上平台還有買二送二快閃優惠，餐廳面積廣闊，空間感十足，窗外景色正是1881、太空館及文化中心，於黃昏時間入座，親眼目睹夕陽西下，華燈初上，入夜後把迷人璀燦的維多利亞海港夜景盡收眼底，當日還有音樂表演，將現場氣氛炒熱至最高點。全晚冰鎮海鮮源源不絕地供應，refill 速度亦夠快。款式包括波士頓龍蝦、雪場蟹腳、琵琶蝦、龍蝦鉗、黑青口、小龍蝦、熟蝦和熟蜆，海鮮控必能大飽口福、鐵板即煎珍寶虎蝦香氣撲鼻，體型巨大啖啖肉，肉質爽口彈牙，慢煮鮑魚經長時間燉煮至入味，口感緊緻彈牙，即切烤肉區提供燒原條有骨西冷，牛扒大約煮至Medium 五成熟，中心仍保持嫩紅色，保留肉汁。Live Cooking Demo由泰國米芝蓮推薦餐廳Mekin Farm的主理人及酒店總廚合力炮製三款正宗泰國地道菜式，包括泰式青辣椒汁蒸烏頭、特色咖哩魚及鮮花七味蝦等，以當地的烹飪手法，呈現泰國東北原味道，新主題buffet熱盤圍繞東南亞主題，例如火山排骨、泰式酸辣排骨、泰式焗蠔、巴東牛肉、燒羊排骨、泰式豬手、特式咖喱魚、泰式海南雞飯、黃金鍋鈀、泰式臘腸炒菜等等，助餐罕見的火山排骨混合各種辛香調味料所做成的酸辣醬汁，肉質軟腍濕潤，能夠輕易骨肉分離，泰式焗蠔酸辣惹味，蠔肉保持鮮嫩多汁，黃金鍋巴脆卜卜，鹹蛋黃味道鮮明，熱湯有冬蔭功和雪耳豬肉湯，冬蔭功辣度絕對不輕，特別開胃，即煮粉麵檔有泰式船麵，湯頭清香，還可自選配料和麵條。沙律吧有四款已經拌好的泰國風味沙律：泰式去骨鳳爪沙律、泰式燒豬頸肉沙律、青木瓜粉絲沙律和泰式免治豬肉沙律，凍肉亦有沙樂美腸、開心果凍肉和煙三文魚，芝士拼盤放滿高達硬芝士、藍芝士、金文達芝士和車打芝士，冷盤包羅黑松露蜜糖伴芝士、水晶肴肉、日式温泉蛋、櫻花蝦豆腐和法式芥末籽薯仔沙律，另有多款新鮮沙律菜、調味醬汁及配料，可隨個人喜好自行混搭，魚生刺身有三文魚、𩶘魚、希靈魚和八爪魚，即叫即切，還有多款雜錦壽司。甜品區同樣走泰國風，有齊泰式奶茶慕司蛋糕、班蘭蛋糕、芒果椰子撻、香芒西米、椰汁西米糕、菠蘿奶凍、荔枝啫喱、泰式蒸香蕉糕、芒果糯米飯、炸榴槤波、花花曲奇和生果，其中一大特色可算是洋溢濃濃熱帶風情的原個蛋糕，同時滿足視覺、味覺享受，泰式奶茶慕絲蛋糕充滿香甜濃郁的泰茶風味，入口細緻滑順，芒果椰子撻舖滿芒果果肉，綻放天然清甜的果香，撻皮質地堅挺脆身，芒果糯米飯絕對是泰式甜點中的經典，自行倒下奶白色的椰漿，椰味飄香，泰式蒸香蕉糕蒸氣騰騰，糕體軟糯而富彈性，蕉味天然甘甜，D24榴槤薄餅即叫即製，可以搭配多款配料，心太軟即點即焗，切下脆脆的表層就會緩緩地流出香濃醇苦的朱古力醬溶漿。最後不要忘了任食Häagen-Dazs雪糕，總共有八款不同口味，飲品有維他命水、凍檸檬茶、蘋果汁、鮮奶和自助咖啡機無限供應，可以隨時自斟自飲。…Read More

今日我,太太,外父和外母相約往尖沙咀YMCA再臨閣食自助晚餐慶祝外父生日,自助餐食物豐富,這裡有冷盤,凍海鮮,刺身,熱食和甜品,冷盤有鹽水鴨,沙樂美腸,無骨黑椒朱柳和煙三文魚,尤其黑椒朱柳很少見此冷盤,食落咸度剛剛好 ,凍海鮮有龍蝦,蝦,蟹鉗,琵琶蝦,蜆和青口,食落味道新鮮,口感鮮甜,刺身有三文魚,希靈魚和八爪魚,三文魚食落新鮮,希靈魚和八爪魚肉質爽口,熱食有慢煮鮑魚,煎虎蝦,煎比目魚,喇沙和美國肋骨牛肉,慢煮鮑魚食落湯汁味濃,鮑魚入口彈牙,煎虎蝦肉質鮮甜新鮮,煎比目魚食落有油花,喇沙有豆卜,魷魚,魚蛋,蛋和蝦,魷魚和蝦爽口,豆卜食落軟腍,魚蛋和蛋吸收湯底十分惹味,整碗喇沙食落爽口,美國肋骨牛肉肉味香濃,西湯有黑松露忌廉湯,飲落有濃香黑松露味,口感清新,甜品款式多有豆腐花,燉蛋,面包布甸,椰汁西米露,朱古力心太軟,豆腐花味道香滑,燉蛋甜度適中,面包布甸口感順滑,椰汁西米露甜度適中,朱古力心太軟味道香濃,haagan dazs雪糕我選了朱古力,味道香濃,食落口感滿足,酒店期間有鐘聲有玫瑰蛋糕,期間甜品師邀請小朋友在蛋糕上加上食用花,食落香滑,有玫瑰花香,味道軟綿,酒店有凍蘋果汁提供,飲落甜度適中,酒店座位舒適,食物美味,冷盤, 凍海鮮和熱食高質,職員服務細心,而且餐廳位置可以有幸看到地球熄燈一小時,見到維港大廈沒有廣告燈光,壽星外父十分滿意,食了一頓豐富自助餐…Read More

睇返啲食評紀錄，原來都有成大半年無食過自助餐，其實，近幾年都少咗食自助餐，因為好老實，無以前咁有食力。不過，一班朋友約出嚟聚一聚，揀食自助餐就方便到大家各有所好，而且，流流長食成晚，大家就可以盡情咁傾，而今次就嚟到尖沙咀「港青」嘅「再臨閣」餐廳。雖然成日聽人講北上消費，但今日雖然喺週中，但估唔到全場坐滿，真喺有少少意外。環境裝修摩登，但殺食位就喺對住文化中心一面全部落地大玻璃，所以，景觀開揚。依家感覺香港好似無咗個冬天咁，凍一個星期就暖和返晒。將快又過年，依家都唔知算唔算已經踏入春天，姑勿論點，今晚嘅自助餐主題「春日盛宴自助晚餐 」就有多款菜式環繞春季而設計。價錢方面，平日成人嘅原價要$668，不過，實際喺有59折，折實咗收$460，確喺抵食。整個場地嘅格局都算幾歸一，一入門口右邊就喺食物區，順路直入，左右兩邊擺放晒各款食物，唔會東一忽，西一忽。沙律、凍肉盤、生果自助沙律吧唔算喺好大陣容，有兩款沙律菜，十零款配料，5款醬汁，以及4款預製好並頗有特色嘅沙律，如椰菜花米沙律、黑醋野菌沙律，。此外，仲有幾款凍切肉，如莎樂美腸、無骨黑椒豬柳，又有自家製嘅鵝肝醬添。晌甜品區唔邊，仲放有幾款新鮮生果，有新鮮菠蘿喎，小弟實唔會錯過啦。打頭陣就梗喺一份豐富嘅頭盤啦，將上述嘅沙律、凍肉盤、生果樣樣執啲，砌成一大碟超級頭盤，望見都正啦。啲食材食落確喺新鮮，預製好嘅沙律都好好食，加埋啲新鮮生果，呢個頭盤夠晒高纖、有營，又清爽怡人，絕對喺令人大開胃口嘅前奏。海鮮吧雖然無生蠔供應，但所提供嘅凍海鮮有波士頓龍蝦、龍蝦鉗、琵琶蝦、松葉蟹腳、龍蝦仔、熟蝦、大蜆及青口，再佐以幾款汁醬，如辣椒豉油、泰式魚露、咯嗲汁及檸檬角。如果想食蠔都唔喺無，晌熱盤區就有芝士焗蠔，為安全理由而唔提供生蠔，改而做成熱盤菜式都喺好多自助餐慣常做法。為咗回吓本，食凍海鮮喺走唔甩嘅選項，又喺砌咗一大碟凍海鮮返嚟，老實講款款都有質素，波士頓龍蝦啲蝦肉好爽彈，仲要有咁多膏添，真喺無得頂啦！啲龍蝦鉗拆咗半殼，一拉出嚟就有得食，啖啖肉，爽呀！而其餘嘅海鮮味道鹹鮮，可以講絕無欺場。餐湯、麵包籃、芝士拼盤、冷盤小食跟住落嚟介紹下餐湯，一般自助餐都會供應一款中湯，一款西湯，呢度就有藥膳瘦肉湯同南瓜忌廉湯，而麵包籃內有多款軟包、硬包。芝士方面，都提供有成4款，包括藍芝士、高達芝士、金文畢芝士及車打芝士，呢幾款芝士我都好鍾意食。漏咗介紹，晌沙律區附近仲有數款做得精緻小巧嘅冷盤小食，如煙燻黑魚籽雞蛋、櫻花蝦豆腐、黑松露蜜桃半芝士、紫蕃薯柚子沙律球 ……等等，都好有亮點。食完一輪頭盤、凍海鮮，都喺時候飲少少湯暖番個胃，小弟就揀咗南瓜忌廉湯，再額外加少少鮮奶，飲落就更加滑溜，南瓜味又夠突出，再搭之前介紹過嘅鵝肝醬多士，完全喺高級組合。另外為咗試幾款芝士，再配個歐陸小圓包，亦都好好食，而冷盤小食就揀咗黑松露蜜桃半芝士及紫蕃薯柚子沙律球，前者味道複雜，個人覺得未必個個都接受到，但後者就真喺好好食，紫薯蓉打得幼滑，裡面又有粒粒爆汁嘅柚子肉，食得過癮！刺身、壽司本身都喜歡食刺身、壽司，不過，平常食自助餐就好少揀，因為覺得大多數都喺普通嘢，但點都要講兩句，睇相都見款式唔喺好多，反而，側邊有一款即做壽司七彩蝦片，原本都諗住試下，不過影完晒相，之後已經遺忘咗，抱歉介紹唔到俾大家知喺乜嘢嚟。熱盤、即煮檔口喺時候介紹另一重頭類別，就喺熱盤同即煮檔口呢個大片區啦，介紹幾款焦點菜式先，分別喺海鮮喇沙、慢煮鮑魚、燒美國肋骨牛肉、扒大虎蝦，啲賣相非常吸引，雖然啲鮑魚、虎蝦每次限攞一客，但後段大家都食飽晒之際，已經無限咁任攞！跟住，就再一口氣介紹埋其他熱盤，無影太多相，唯有文字記錄，俾大家參考吓：香草燒T骨羊扒、炸薯絲蝦卷、芝士焗蠔、魷魚仔墨汁麵、 柚子蜜黑豚肉、燒新薯、黃金鍋鈀、香草牛油焗法國田螺、醬燒雞、蜜餞三色甘筍、蒸比目魚、日式牛肋條。人大咗，胃納有限，所以，都精華啲揀最心水嗰幾款，再件少少燒新薯同蜜餞甘筍，扮晒成碟主菜咁。鮑魚果然好入味，口感柔韌有咬口；肋骨牛肉正呀喂，好有肉味，而羊扒無得輸，煎得係香，肉質軟腍；扒虎蝦亦都好正，蝦肉極之彈牙，充滿蝦鮮味！未介紹甜品之先，印象中大槪7:45pm-8:00pm之間，突然見到門口甜品區堆滿人，原來有啲互動環節，餐廳餅廚做咗一款超長形嘅蜜糖蛋糕，會搵啲食客為此灑上食用鮮花，令其賣相更洋溢出一份春日生機處處的暖意，非常有意思！甜品、雪糕 所有甜品都放晒近門口嘅一角，所以，一入餐廳，多多少少都被啲色彩繽紛嘅甜品所吸引。因為小弟工作關係，加上自助餐6:15pm就開始，所以，未能影到所有蛋糕嘅完整全貌，不過，單睇款式都應該幾唔錯，一邊長枱放有花彩杯子蛋糕、柚子蜜糖布甸、白桃奶凍、櫻花水玄餅、花盆杯、香橙西柚蛋糕、鮮花蜜糖蛋糕、蜜糖芝士餅、草莓撻；另一邊仲有桂花小丸子、豆腐花、即做班戟、心太軟、暖蘋果撻，所以，款式確喺唔少。此外，仲提供Häagen-Dazs雪糕 ，口味會不停轉款。最終，揀咗9款甜點砌成我嘅甜品拼盤，朋友話估唔到我喺咁鍾意食甜品喎，無錯，小弟都算喺甜魔。綜合而言，質素比預期好喎，奶凍做得滑溜，蜂蜜蛋糕喺幾清甜，班戟皮薄好食，仲有Häagen-Dazs咖啡口味雪糕，啱晒我啦。飲品雖然無乜點影到自己飲乜，其實，成晚用餐就不停飲果汁，到最後就咖啡配甜品，食完晒嘢，沖杯檸茶嚟舒緩吓！此外，仲有好多唔同口味嘅茶包，用上川寧，算有誠意啦。唔經唔覺，原來都食咗唔少嘢，朋友就話我唔算細食喎，但我就話其實喺食少咗，以前最有食力嘅時候至少可以食多碗湯粉麵㗎！總之，今晚都好開心，食到好嘢，又同啲好耐無見嘅朋友聚一聚。 …Read More

第1次來尖東YMCA再臨閣，發現4人優惠好吸引我們6個人除開，大家吃平了！而食物非常豐富，有龍蝦、琵琶蝦、青口、凍蝦、麵包蟹，翡翠螺……等比較出色：翡翠螺彈牙爽口麵包蟹膏很濃琵琶蝦肉質彈牙而且蝦肉味好鮮甜沙律DIY 選擇很多酒店服務好好不停添加食物，不會缺貨！不用搶食物，可以慢慢取，服務一流！烤西冷肉質柔軟.外焦內嫩，比較喜歡切薄一點因為很易飽肚慢煮鮑魚、海鮮龍蝦湯、溫泉蛋、即煎虎蝦、即煎石斑魚片、羊架、龍蝦伊麵、清蒸比目魚、炸軟殼蟹、炸薯絲蝦……堅好味道，沒有伏（＾＾）海鮮龍蝦湯甜品區甜品好豐富，生果／蛋糕/豆腐花/糖水／窩芙……等比較特別有朱古力心太軟，火焰雪山蛋糕.我吃左杧果西米布丁，朱古力杯，木糠布丁。杏仁蛋糕，成個沙灘造型！有Häagen-Dazs 雪糕。而且新出栗子味好濃好味！免費飲品區有咖啡/紅茶/檸檬/蘋果汁/青梅綠茶/青瓜維他命水……很滿意自助餐。…Read More

今次是受朋友的邀請品嘗這間新開餐廳的自助晚餐。本身是一名自助餐迷，所以對自助餐有一定的期望。當我一進入餐廳便被它新裝修的環境所吸引。環境很寬敞和高級，開放式廚房的設計很時尚和充滿藝術氣息，落地玻璃可清晰地望向維港。很浪漫💕！開放式廚房很高級和有藝術感落地玻璃和高級海鮮🦞自助餐講到食物方面，鵝肝多士真是好食到不得了。廚師在你面前細心的煎煮，鵝肝的香氣慢慢地散發出來，直接挑戰你味蕾👍🏼廚師在透明玻璃前用鐵板燒老虎蝦給你品嘗，精練的鐵板燒技術感覺很治癒哦老虎蝦很彈口和香嫩！感覺超一流！龍蝦、帶子卷和其他海鮮。有不同的海鮮款式而且亦很新鮮。最驚喜的是這個帶子卷，醬汁可自由加入之餘和帶子煙肉亦很好配合。口感一流甜品的款式亦很多，甜度調較適中而且很美味…Read More