樓下冰室

講起蕃茄湯麵同瑞士雞翼， 第一時間一定諗起「樓下冰室」， 之前係荃灣店食過好幾次， 覺得瑞士雞翼好入味， 去開鰂魚涌出job， 一出地鐵站就見到原來有間新分店開左係呢到，梗係要黎捧下場啦！😏 懷舊冰室嘅裝潢， 比荃灣店更乾淨企理， 坐得更舒適！ 次次黎親都係食呢個指定套餐😂 🌟推薦❗️特色蕃茄濃湯通粉配牛乳炒蛋（$55） 仲可以免費轉螺絲粉、意粉、米線、公仔麵、湯飯，啱晒所有人心水， 仲有得揀辣定唔辣，好多選擇呀。☺️ 今次揀左螺絲粉， 小編最怕螺絲粉好粉好腍， 而「樓下冰室」嘅螺絲粉軟腍適中， 配上酸甜醒胃嘅蕃茄湯和香滑炒蛋，一流！ 套餐仲可以選配一款小食， 識揀一定係揀招牌瑞士雞髀🍗啦！😏 平時單點一隻都要$30， 而家有得套餐價，梗係抵啦！ 瑞士雞髀超入味， 食得出瑞士汁加左唔同嘅香料，層次感豐富， 唔係一味死甜味， 加上雞髀肉嫩滑多汁，正！😋 🌟推薦❗️自家製蔥花叉燒滑蛋飯（$55） 小編平時唔係好鍾意食飯， 不過呢個叉燒滑蛋飯賣相真係好吸引！😍 半肥瘦叉燒，配上炒滑蛋， 加上畫龍點睛嘅蔥花， 簡單而完美嘅配搭！ 🌟推薦❗️瑞士雞翼（3隻）（$38） 雞翼上枱嘅時候熱辣辣， 好大隻，又好厚肉， 未食已經聞到瑞士汁好香， 雞翼亦好入味，肉香嫩滑。 雖然套餐冇包到飲品， 但凡order湯粉、麵、飯，均可半價配飲品一杯。 🌟推薦❗️華田脆脆（+$12） 阿華田好香濃，面頭再灑上大量華田脆脆，增添了不少口感。 今次食晒所有招牌菜， 不過其實「樓下冰室」仲有好多其他必食菜式，下次有機會再試下！😏 …Read More

今天小米比賽，早上９點出門，直到下午３點才完結。比賽期間没有進食，我倆都肚子咕咕叫！來到這邊，就在MTR出口附近，看到這家新餐廳，所以在此享用遲來的午餐。就坐後，細看下午茶餐和午餐，最後點了二份套餐！黑椒牛扒腸仔飯　　　小米為了牛扒，點了這個餐。看到小米有儀態地以刀叉用膳，完成後又會將刀叉置邊，儀態十足，心感安慰。　　　紅豆冰　　眼見小米今天比賽的表現不錯，雖敗猶榮，所以特准小米飲紅豆冰。特飲要加錢嫁！！！小米久久未嚐過紅豆冰了！開心得又吮又食！　瑞士雞翼　　　　看到很多客人枱面上有瑞士雞脾，看來瑞士汁系列是主打美食。　　瑞士系列可選雞翼或雞脾，但覺得雞脾呎寸太大了，最後改選雞翼。　　一碟瑞士雞翼呈上來了！　　　嗅覺：雞翼熱辣辣，有助那瑞士汁香味散發。上枱之時，鼻子已經感到那個香味。　　　視覺：雞全翼表面的啡紅色瑞士汁，跟印象中的純啡色瑞士汁有明顯分別。　手感：食雞全翼要有儀態，用刀叉。在翼尖，中翼和雞鎚之間的關節落刀。關節不太硬，無需太多手力即可分件。先處理雞中翼，剔出二條雞骨，就變成一啖放入口無需吐骨的去骨雞翼。　　　口感＆味道：去骨的雞翼配粘度高的瑞士汁，鹹中帶甜又啖啖肉，滿口食物的感覺真幸福。這種去雞翼骨的手法，易學難精，還要看雞翼的質素。曾遇過煮至硬崛崛的雞翼，要很大力氣才可為雞翼去骨。另外嚐過雞翼後，無需馬上飲水過口。這二個瑞士汁雞全翼，合格！　　粟米雜果沙律　　瑞士雞翼茶餐，可配沙律或炸薯角。剛才二隻雞全翼，都是肉，所以放棄炸薯角。沙律有不同的水果粒粒，感覺較健康。沙律醬也不太酸，易入口。　　　另外也點了厚切牛乳炒蛋治。　　　熱奶茶　　　　看到水吧有黑白奶，所以放心點熱奶茶。奶茶的茶香不濃，但入口順滑。還感到當中有一種特別的味道，似薄荷又似香茅又似荳蔻。也許是剛才瑞士汁所加的材料的After taste吧。　　　這次誤打誤撞，遇到美味的瑞士雞翼。為了瑞士雞翼，我會再來！…Read More