Ngan's Chinese Cuisine

想搵間坐得舒服既川菜，睇到呢間啲相好似幾唔錯就黎試下。環境係幾舒服，夠闊落，週末晚市黎都只係得幾枱客，幾啱傾計。一入座就上小食，係琥珀合桃，都幾香脆，沒油益味，如果再甜少少就完美。前菜揀左積木茄子，炸得幾好，炸醬薄，夠脆身，外面有花椒胡椒調味，都幾好食。之後叫左嗰素湯，竹笙花菇燉菜膽，清清甜甜，用料唔錯，幾好飲。脆皮黃油鹽香雞都皮脆肉滑(除左雞胸之外)，雞味幾濃，都唔錯。最差既係水煮桂花魚，唔夠麻唔夠辣唔夠香，而且魚既肉質唔嫩... 紅薯粉係好幼身，太稔唔彈牙，有啲失望。整體都ok，但就唔係正宗川菜，想食辣野，呢間就未必滿足到。…Read More

-{銅鑼灣中菜推介🫖}🤤 川味手撕雞 🤤 麻味都幾重 份量都好多😚啲雞皮好爽彈😉👖褲評: 8/10🤤 蒜泥雲片白肉 🤤 超重口味😍腩肉半肥瘦超香口☺️仲要啲蒜真係好濃味😌👖褲評: 8/10🤤 天府辣子雞丁 🤤 主要係辣粉嘅味😉不過個皮都炸得幾脆身😙不過少少咸得濟😳👖褲評: 7.8/10🤤 蘇堤春曉東玻肉 🤤 好腍身嘅東玻肉😝係化開嘅感覺🤩好有膠質😉食完一嚿啱啱好👍👖褲評: 8.8/10🤤 蕃薯芝麻湯圓 🤤 超大粒嘅芝麻湯圓 少少辣但好暖胃😎👖褲評: 8/10琥珀合桃好好食😍值得一提環境同service都好好☺️枱嘅距離都幾遠 私隱度夠高👍性價比: 7.5/10服務: 9/10環境: 9/10🚩 顏府御膳 🚩地址: 銅鑼灣開平道1號Cubus 5樓 #fuudjai #fuudjai中菜 #fuudjai銅鑼灣…Read More

平時去酒樓食中菜都會覺得比較嘈，今日嚟呢間銅鑼灣利苑對面嘅高級中菜館環境氣氛好似食緊西餐fine dining，裝修結合現代同古典風格，型格得來又不失傳統中式風味。環境乾淨企理，座位非常舒適，服務員衣着整齊，形象專業，服務態度殷勤，會主動幫客人添茶。我哋揀咗菊花茶，有清香嘅菊花香味；前菜有琥珀合桃同自家製XO醬，琥珀合桃好香脆，有微微嘅無香味；自家製XO醬好香好惹味，好想即刻叫碗白飯撈來食😋三色素鵝賣相好精緻，木耳，蘿蔔，萵筍切絲用腐皮包住，腐皮豆香味濃，好絲滑，配上爽口木耳，清甜萵筍，爽脆蘿蔔非常清新。尖椒皮蛋份量都幾多，皮蛋晶瑩剔透，配上惹味尖椒，少少辣多多麻香。砂鍋XO醬蝦乾肉碎芥蘭砂鍋上熱辣辣好有鑊氣，一打開個蓋已經聞到好香嘅蝦乾同XO醬味，芥蘭好爽脆，蝦乾鹹蝦味濃郁，再加肉碎爆香，少少辣好香，撈飯食一流。薑米蛋白炒飯雖然睇落去簡單，乾瑤柱絲好香，蛋白好滑，炒飯炒到粒粒分明，乾濕分明，每一啖飯都好香。八珍老姜一口黑豚肉同一般咕嚕肉唔同，黑豚肉爆得好香，加咗八珍甜醋同老姜味道好似薑醋，酸酸甜甜好開胃。宮廷玉璽呢個係紅棗糕，加咗金箔顯得份外矜貴，味道有紅棗嘅香甜，甜度適中，口感煙煙韌韌。…Read More

今日帶咗長老去試銅鑼灣上樓嘅顏府衘膳吃晚飯一出升降機，就看到食肆的格調紅色的吊燈加添時尚感琥珀合桃焦甜好好脆口，對腦部有益又美味嘅小食青瓜海蜇頭海蜇頭勁爽口，青瓜清翠，富有芝麻香鮑汁鳳爪煮得好入味，但仍能保持鳳爪嘅外貌完整，火喉拿捏得好好，吃時咀巴全是膠質羊肚耳菌濃湯浸時蔬娃娃菜勁合適用濃湯同煮，菜吸收咗濃湯，超級juicy好鮮甜,連湯都飲埋鐵板新鮮沙薑陳皮生煎雞生煎包就食得多🤣生煎雞都是第一次品嚐，香噴噴鐵板熱騰騰上檯，聞到真係好吸引，雞肉煎得微微焦香但肉質依然嫰滑，好鬼正足料XO醬布簾後就是大圓檯席，好有privacy這兒提供的不是竹牙籤，而是牙線籤，好體貼食物好有水準，服務也很周到，也喜歡這兒舒適環境下次要試孖寶…Read More

同屋企人食中菜唔可以求其，畢竟煮開飯嘅人對食材同烹調技巧會有要求，最後揾左呢間銅鑼灣新開嘅精緻中菜，裝修別緻，餐具講究，而且服務周到，一入去印象已經唔錯。餐前小食係香脆嘅琥珀合桃，另上一碟多瑤柱少辣嘅XO醬。🍽蒜片牛柳粒見menu推薦就叫左呢款前菜，牛柳粒肉味濃，大部分無渣，加埋炸香口嘅蒜片一齊食唔錯。🍽是日例湯當日係海底玉米龍脷葉煲豬腱，睇個湯嘅顔色就知足料，加左玉米、蘿蔔同海底椰非常清甜，娘親話龍脷葉有止咳潤肺嘅功效，轉天氣飲啱曬。🍽砂鍋涼瓜豉蒜炆頭腩一開蓋就聞到好香嘅蒜頭豆豉味，魚肉無腥味又嫩滑，無骨方便食用，砂鍋令外皮焦脆，微苦嘅涼瓜索曬汁，好食。🍽顏府秘制一字骨賣相好似西式ribs咁，咬落好淋，入口即溶，似東坡肉嘅質感，店員介紹個汁係師傅秘制嘅燒肉汁，再濃少少會更好，但肉質真係好正！🍽砂鍋大澳蝦醬啫啫唐生菜膽我地眼闊肚窄叫左太多肉，最後黎返個菜，一開蓋真係有嗞嗞聲，蝦醬味濃但唔會太鹹，仲有大大隻蝦乾，唐生菜膽爽脆，菜頭唔會過硬，油左少少但味道好出色。雖然價錢唔平，但同食物質素成正比，而且每碟分量都頗大，屋企人話可以encore。…Read More

上次趁郊遊，入到去石門一帶食咗一餐高水準嘅中菜，今回同郊遊無關，但同樣喺一餐高水準嘅中菜。銅鑼灣食廈Cubus，進駐得入去嘅都喺一啲中高檔餐廳，以前就光顧過其中嘅「Chez Moi」。最近，就加入新一員，喺賣精緻粵菜嘅「顏府御膳」，到訪當日都仲喺試期中。餐廳裝修都喺走中國風，但又唔會大紅大紫咁俗氣，反而透過射燈燈效，有種高雅嘅親和感。再者，樓底比一般平常嘅食廈餐廳高，加上中間一排圓枱刻意唔用，增加咗空間感，亦對時下嘅防疫有好處。最入面，仲有一個廂房，因為未有客嚟，店員都唔介意小弟入去影低幾張相。廂房內只容納一張8人圓枱，而裝修都幾骨子。除環境，枱布、餐具、杯碟都好精緻。順帶一提，茗茶每位$20，本來想點鐵觀音，但聽到有菊花，就轉而選佢，茶味真喺好清香。琥珀合桃 $20未用餐前，先來一小碟餐前小食「琥珀合桃」，店員介紹時講明喺自家製，琥珀色嘅合桃沾滿白芝麻，外表悅目，咬落十分香脆及甜蜜。另外，XO醬亦喺自家製，啲瑤柱絲大大絲，香辣而不嗆喉。菜譜真喺有啲厚，影起嚟可能唔喺咁清楚，請見諒。大致上，類別分為巧手小食、湯羹、山珍海味、魚翅、海鮮、肉類、家禽、時蔬、廚師推介、飯麵及甜點。如果唔想煩，仲有個「顏府嚐味晚餐菜譜」，六道菜定價$638 / 位。釀焗鮮蟹蓋 $148先登場嘅焗蟹蓋其實喺餐牌中嘅小食嚟，不過，就喺一客高級嘅小食。蟹蓋唔使多介紹大家都知喺咩，篤開一睇，果然真材實料無欺場，啖啖都喺絲絲蟹肉，入口勁有蟹鮮味，除咗少少蘑菇碎碎，最得意混入啲蘿蔔絲，提升一吓口感度，面頭嘅芝士忌廉汁亦校得啱啱好。手工蟹肉石榴翅 $228曾經晌「潮庭」食過一道石榴雞，印象甚深，因為好功夫菜，不過，已經喺多年前嘅事。今晚晌「顏府」再會，但升級咗加入蟹肉、魚翅嘅高級板。同樣做得精緻，加一大抹蟹黃做點綴，賣相就更搶眼高貴，篤開蛋白皮，睇到內裡釀有好多蟹肉及魚翅，入口鮮甜無比，再夾雜蟹黃一齊食，真喺無得輸，以佐以鹹香濃郁嘅高湯，更喺滋味無窮。六頭大虎蝦 $168食鮑魚就會分幾頭幾頭，食虎蝦食到分幾頭就真喺第一次，講真，上到菜就知「六頭」真喺好大隻。呢道菜可揀頭抽煎焗或雞油花雕蒸，當然後者較為特別啲啦。隻蝦唔止大隻，蝦肉仲好爽口彈牙，個雞油花雕汁好香，襯出蝦鮮味，而當中嘅酒味香得嚟又唔嗆喉，恰到好處。此外，唔好錯過蝦頭嘅蝦膏喔，再者，賣相又再為道菜加多點評分。慢煮牛肋排 $298食西餐遇上慢煮就多，但中菜一樣可以慢煮，其實，呢道菜個人都覺得都幾有西菜嘅影子，尤其原條肋骨放埋一齊，有少少斧頭扒嘅感覺，亦頗有霸氣。肋排肉紋理好清晰，咬落真喺意外地咁軟腍鬆化，卻有濃濃肉香，細嚼明顯感受到肉汁豐盈，而所淋上濃郁嘅紅燒汁令肋排食起嚟更惹味，真喺想叫碗白飯呀！蟶子皇櫻花蝦蒜香糯米飯 $148蒜蓉蒸蟶子皇唔喺第一次食，但配上糯米飯咁有創意，就真喺第一次。蟶子皇蒸得啱啱好，既爽口，又鮮味，當然，蒜蓉嘅提味亦功不可沒；而下面嘅糯米飯口感極佳，軟糯唔黏牙，而且，最有心思喺裡面混有櫻花蝦，添了點脆脆感，唯少少挑剔喺蒜蓉下得太多，出現微微偏鹹嘅狀況。店員仲介紹埋佢哋嘅午市套餐，包頭盤、點心、老火湯、主菜及甜品，定價$150，星期一至日都有供應，可以趁周末過嚟港島區行山時光顧下。除咗用餐環境舒適之外，服務非常熨貼，不時幫忙添茶，侍應嘅態度亦好有禮。海鮮每日都喺新鮮貨，如真喺打算嚟嚐嚐海鮮菜式，最好就跟店家先預訂為佳。…Read More