Sufurewa Pancakes (Tseng Choi Street)

幫襯左好多次，非常推薦既甜品店。炙燒焦糖布甸麻糬窩夫🧇🍮🍨我覺得係間店最好食既甜品。面層淋左自製既布甸醬，再加上用手槍炙燒成既焦糖。口感好豐富，有焦糖既焦脆，加好creamy既布甸同雪糕，雪糕好有奶香味，但唔會蓋過布甸，再加上窩夫中間的麻糬，煙煙韌韌。🤤🤣珍珠奶茶窩夫🧇🍨☕️🥛另一款覺得好好味既窩夫。窩夫上淋既cream同配既雪糕都係奶茶味，岩哂奶茶控。窩夫幾厚實，可能因為淋左cream，唔太脆，整體比麻糬窩夫偏甜少少。芋圓幾有芋香味，屬於有咬口的質感，我個人幾鐘意。如果堂食比既芋圓同紅豆會比較多些，外賣就比得四五粒芋圓。但整體都係大份量，一個人真係食唔哂。凍藍蝶豆花玫瑰荔枝梳打🦋🌹🍹玫瑰、荔枝味都唔太明顯，可能因為我揀左少甜，但唔知點解就係對佢情有獨鍾。影相靚之餘，因為已點左兩款甜品，飲品清清地反而覺得無咁膩。每次都係跟套餐點，比單點抵好多。…Read More

相信屯門牛一定有聽聞過有料案內所呢間餐廳餐廳嘅裝修非常吸睛 好有特色一入到去彷彿置身於日本大阪🇰🇷可以一解大家想去旅行嘅慾望~佢除咗係一間甜品店之外仲可以食唔同嘅熟食😋有大阪燒 日式炒麵 章魚燒 呢啲日本特色小食非常推薦大家食佢地嘅主打甜品 梳乎厘！！-✨珍珠奶茶梳乎厘班戟🧋 $86梳乎厘嘅蛋漿係選用左日本雞蛋同埋牛乳所以口感食落非常鬆軟充滿空氣感同埋會會有濃烈嘅蛋香味！加上班戟上嘅奶茶cream同埋奶茶味嘅雪糕所以有濃濃嘅奶茶味 重點唔會太甜食落口啖啖珍珠奶茶味 真心好正！真心推薦佢嘅奶茶味雪糕真係超級之好食！😍除咗有兩大舊班戟外 亦都有少少芋圓 增加口感xd市面上好似好少餐廳有有出珍珠奶茶嘅梳乎厘(?)所以如果各位經過屯門 都可以嚟試吓！十分推薦~-✨珍珠奶茶窩夫🧋🧇 $68同上面嘅疏乎厘一樣珍珠奶茶味都好濃郁但係對比窩夫 我更加鍾意食疏乎厘！🤣可能cream令到窩夫變淋咗🥺所水口感唔太突出~配料除咗有珍珠芋圓之外仲有少量嘅紅豆~-✨鮮雜莓窩夫🍓🧇 $66鮮雜莓窩夫有草莓同埋藍莓配搭 份量適中~ 中間夾心嘅cream亦都唔會太膩對比起珍珠奶茶窩夫鮮雜莓窩夫就冇咁甜 比較清新 fresh d味道方面就普普通通 正正常常🤣整體還可以 未算話好有驚喜~-✨士多啤梨藍莓芝士奶蓋冰🍧 $36呢個奶蓋冰嘅份量十足 超級巨型可以3至4人分享一個~刨冰主要都係士多啤梨醬嘅味道 奶蓋味唔太突出~雖然係士多啤梨醬 但係味道唔會太化學食食吓發現中間嘅冰比較硬身 比較難處理..可能因為我唔太鍾意食好甜嘅嘢~呢個刨冰對我嚟講略甜😭…Read More

呢間嘅梳乎厘班戟同刨冰都好出名，但因為天氣轉涼，今次就冇叫到刨冰，留返下次再嚟啦～ 店內外裝修都好有日本嘅感覺，暫時冇得去旅行，嚟呢到感受下都唔錯～•🥢 炙燒焦糖布甸梳乎厘班戟 $86溶咗嘅焦糖布甸包住班戟，焦糖脆脆地，而梳乎厘班戟就軟綿綿咁，充滿空氣感，班戟本身蛋味幾濃！整體配搭幾好～•🥢 珍珠奶茶窩夫 $68窩夫偏薄，上面加咗奶茶味嘅cream，令到窩夫淋得好快😅 奶茶味嘅cream可以再濃啲，但依加食落都唔膩；奶茶雪糕奶茶味幾濃；芋圓中間保留左芋頭質感，但有啲偏硬；另外配咗啲紅豆，感覺唔係幾夾😂•🥢 Wasabi 明太子章魚燒 $42章魚燒幾脆，入面唔係滿滿嘅粉漿，中間有一粒章魚，Wasabi同明太子嚟自章魚燒上面嘅醬，明太子味濃啲，朋友話wasabi味唔夠。面頭仲有好多木魚絲！•🥢 深宵食堂煙肉大板燒 $46大板燒入面係滿滿嘅生菜，唔會只係粉漿！而且醬嘅份量適中，足夠食晒成個大板燒而唔會好鹹，味道正正常常，但菜嘅份量有加分！•🥢 Oreo芝士奶蓋蜜瓜沙冰 $38沙冰都幾大杯，Oreo碎同芝士奶蓋份量都唔少 ，沙冰好幼細，Oreo芝士奶蓋同蜜瓜都好夾，好fresh，味道有啲似melona 蜜瓜雪條咁，最驚喜係中間仲有蜜瓜果肉！！…Read More

第二次黎朝聖，都係食返好評嘅窩夫🧇。今次叫咗特別嘅珍珠奶茶窩夫，材料好豐富，唔只窩夫咁簡單，一次過滿足多個願望。首先有奶茶雪糕，味道似台式奶茶，比較甜。同上次嗰個灸燒焦糖布丁窩夫唔同，窩夫今次切開咗4件，排得靚靚仔仔。窩夫上有重茶味嘅cream，cream好細滑。由於cream唔會過份甜，食落唔會太膩，好味到每一細件窩夫都要點晒啲cream。半碟仲有紅豆蓉、珍珠同埋三色芋圓。本身對護院冇大期望因為唔係主角，但佢嘅芋圓絕對唔馬虎，分別好重地瓜、芋頭味，唔會只係好似食到一舊冇味嘅粉。紅豆蓉本身甜，所以覺得配埋窩夫食嘅話就太甜，有可有可無嘅感覺。而珍珠口感就正常發揮。一齊行山嘅同學就叫咗店舖抹茶紅豆刨冰🍧，分量大得驚人。佢有啲後悔落得唔夠多煉奶，但整體好評。…Read More