Hocha.Elite (MOKO) (Closed)

放工經過moko，去咗呢間茶店tea一tea～ 呢間店有好多適合女士嘅養顏、養生花茶飲品呢，不過呢日行到有d熱，所以叫咗消暑解渴嘅士多啤梨mojito！🍓 味道入落好清新，仲有粒粒新鮮士多啤梨喺入面添～👍🏼 優惠套餐$58有飲品+甜品，所以就試埋佢個玫瑰荔枝慕絲蛋糕～🌹 外型幾靚岩晒打卡！味道都唔錯，入面有好多層次：mousse、啫喱、蛋糕、餅乾底～ 食落口感輕盈軟滑，而且唔係好甜，感覺幾健康～🥰店內仲有賣多款靚靚花茶包、同埋手工製糖果，臨走時見到有人黎買當散水禮物呢～ 下次要再黎慢慢睇吓至得！😋…查看更多

沒有Quota飲癈水🥲以前中學放假一個禮拜至少2次Mk買珍奶手搖！由正常到少甜少冰到而家飲養生茶，真係唔後生了🥺🥺不過呢間好茶養生可以滿足我嘅心癮💗環境：7/10係商場2樓，好少少難搵不過行過路過攰攰地，入去坐下嘆杯茶又唔錯🍵食物: 7/101️⃣ 水果茶 $38好怕水果茶一味死甜又冇茶香，呢到嘅水果茶除咗用新鮮生果仲會用水果乾🍊🍓，所以甜味來自果糖為主☺️2️⃣青蘋果青檸茶 $38喜歡清清地飲都茶味嘅呢款會更加適合你🤍小清新帶一點點酸，生津解渴🍋不過冇蘋果味可能意思係有2片青蘋果俾你食下咁解🍏😂3️⃣玫瑰🌹荔枝慕絲 $48叫咗件cake食，粉紅色玫紅賣相加咗100分，少女心冇抵抗力💕淡淡玫紅味唔會好似食緊香精放心🤣入面仲有荔枝啫喱，唔錯😋💰性價比 :7/10 ($40/人)，一般手搖價錢，有時口渴飲返杯養生茶對身體更加好又解渴，仲有得堂食可以take個break🥰…查看更多

嚟到好耐冇嚟嘅Moko，除咗睇吓換咗咩聖誕裝飾之外，仲多咗啲舖頭其中一間專飲養生茶飲，啱晒又想飲手調飲品又怕唔健康嘅人去而且冷鋒嚟到，飲吓熱飲暖身啱晒呢度除咗飲品，仲有好精緻嘅蛋糕供食客送茶呢件類似拿破崙蛋糕嘅cake，食落都幾酥化，cream滿滿士多啤梨嘅香味:)另外打卡一流嘅玫瑰mousse，唔係得個樣㗎，外面用激薄朱古力層包住，跟住就係mousse，裡面就係酸酸甜甜嘅荔枝味餡料，夠晒層次跟住就飲返杯茶啦，胃民揀咗桂花雪梨裡面有啲陳皮，好夠中氣大胃就飲銀耳露，唔會太甜，淡淡甘香溫和又多銀耳，飲完真係覺得暖返晒…查看更多

早幾日同朋友行街行到攰想搵個地方坐下，經過一間雲石風格既茶飲店忍唔住入左去😛不過最近養生，所以叫左杯熱飲，朋友就叫左杯凍飲，再一齊嘆件甜品🍰▪️桂花雪梨茶 ($38)Request左微暖同少甜，帶有菊花清香，入面仲有桂花同雪梨乾！而且甜度非常啱我🥰清熱又潤肺，呢啲天氣飲杯暖野好▪️蘋果美顏茶 ($36) 店員介紹朋友飲呢杯，同樣係少甜，帶有微酸既山楂味好易入口，入面仲有蘋果乾同玫瑰花添果然係養顏又消滯甜品採用獨立包裝，夠晒乾淨衛生我地分別叫左：▪️士多啤梨千層批 ($48)士多啤梨🍓吉士唔會太甜，香滑又清新，而酥皮口感唔算好脆，但充滿牛油香🧈▪️玫瑰荔枝慕絲 ($48)粉色玫瑰花勁靚，外層係薄薄既朱古力脆皮，中間有海綿蛋糕同玫瑰味啫喱，仲有好香既荔枝味，口感層次豐富平時茶飲店買完就走，好少有個舒服既地方可以慢活一下，簡約雲石設計仲幾啱打卡影相添📸️…查看更多

台灣手搖飲品就聽得多喇，台灣健康茶同花茶都係第一次飲，近期係旺角MOKO新世紀廣場開左一間花茶店，HoCha.Elite。店面設計簡樸，配以淺色系裝修同擺設，有種舒服既感覺同埋打卡上黎都幾靚。健康茶款好多，每款都有唔同既功效，可以簡一款岩自己飲既黎飲皇牌血氣茶|$38 比較有小小甘既味道，可以選甜度，個人健康無簡到甜，功效理氣散淤，暖宮驅寒。冰糖雪梨銀耳露|$35 只可以選擇小甜，味道唔會太甜，滋陰養顏，生津潤肺。伯爵茶意式雪糕|$35 唔係太甜，但係就好軟好好味。玫瑰荔枝慕絲|$48 甜甜酸酸既味道，個樣幾靚，打卡一流呀餐廳整體幾有氣氛，名副其實飲茶飲生又可以打埋卡。評分味道⭐⭐⭐⭐環境⭐⭐⭐⭐⭐服務⭐⭐⭐⭐衛生⭐⭐⭐⭐抵食⭐⭐⭐⭐⭐…查看更多

食友知我老婆喺講健康嘅人士，又知小弟都喜歡飲吓啲台灣花茶、果茶，就介紹我試試呢一間「好茶養生」，主打一啲健康、養生嘅中式茶飲，真喺，正合心意。佢仲話，呢間茶飲店以前喺網購店，依家做到開實體，就自然喺有一定嘅實力:)。餐廳採開放式環境，所以，予人感覺開揚，而一室淺灰配白，簡潔明亮，讓人有一種提起勁嘅感覺，加上餐廳位處商場一角，而到訪時人客又唔多，更加寧靜盎然。就在近入口旁嘅用餐區，有一組陳列櫃，趁等候茶飲時走一圈睇睇。櫃上放有好多唔同種類嘅產品，都喺店家自家工場調配嘅茶飲，有小包裝，有禮盒裝，以花果茶嚟講，定價都唔貴。 睇相就睇唔清有啲乜，幸好佢哋都備有產品單張，貼出嚟俾大家參考，產品真喺多元化，而且，除圖文並茂之餘，仲介紹埋有咩配料同功效，真喺按圖索驥，揀番自己嘅心水。不過，現買嘅茶飲就無咁全面，包晒所有店家出品。但喺，可供選擇嘅款式都唔少，亦確喺幾特別，有別一般台式茶飲店嘅款式，更可選熱飲，同樣可以揀少甜少冰。此外，仲兼營甜品，款式唔多，但勝在精緻。不過，此刻就只剩兩款甜品而已。茶飲定價$35-$38，而蛋糕賣$48件，故此，Tea & Cake Set就最抵嘅，每人自選飲品一杯及蛋糕一件，都喺賣$58。士多啤梨千層批（散點價 $48）佢哋每一件蛋糕都喺獨立盒裝，予人感覺衛生，內附小叉仔，食用都方便。而望上去外型做得有板有眼，酥皮烘得金黃，層次都分明，入口都算酥脆且富牛油香，中間嘅士多啤梨吉士亦做得香滑，士多啤梨味都十足，整體亦唔會太甜。玫瑰荔枝慕絲（散點價 $ 48）蛋糕做成一朵玫瑰花形，賣相自然搶到唔少分，加上以少女嘅粉色系，就更増加咗打卡度。單睇外面唔知葫蘆裡面賣咩藥，一切開，底層喺海綿蛋糕底，中間仲有一層玫瑰味嘅果凍，酸香醒胃，而粉色嘅荔枝慕絲做得既柔滑，又有淡淡嘅荔枝清香，整體感覺好清新。  桂圓紅棗茶（散點價 $36）小弟一向都偏愛桂圓，所以，揀咗呢一款以桂圓、紅棗、枸杞、冰糖所做嘅桂圓紅棗茶，但有別一般好似泰式嘅龍眼冰咁，杯內唔多見桂圓肉，但飲落又有一陣陣桂圓嘅清甜，感覺好清潤，嗰陣甜味又好純香自然。桂花雪梨茶（散點價 $38）老婆就好鍾意桂花陣香氣，佢本身都有買啲桂花嚟自己沖，不過，未試過配雪梨，睇樣同我杯桂圓紅棗茶好似樣，不過，唔睇張單張真喺唔知裡面除桂花、雪梨乾之外，仲有橘皮、甘草、菊花及冰糖，飲落確喺幾清甜芳香，味道多變不單一。雖然只是一杯茶飲、一件蛋糕，但感覺已寫意悠閒，心情放鬆，香港人實在太匆匆忙忙，慢活一下亦是養生之道。…查看更多

依間茶飲店以白色及金色為主調，設計簡約型格，買完飲品仲可以坐低同朋友邊飲邊聊天～小店主打健康養生茶，店內仲有售賣甜點、茶味gelato、養生茶包及食品。行街經過見到依家做緊優惠，$58就可以享用到飲品加蛋糕，好抵呀～❀ 桂花雪梨茶近排食得熱氣野多就揀了依杯中式養生茶，佢有清熱潤肺及養陰生津既功效，而且配料好豐富，有桂花、菊花、橙皮及雪梨乾。飲落好清甜，有淡淡桂花香及果香味，清涼解渴❀ 士多啤梨茶本身以為泡泡系列係氣泡茶，但原來泡泡係指打入氮氣令綠茶飲落更順滑。杯內有士多啤梨片及青檸，飲落士多啤梨味突出，配合埋茶香，感覺好清新又解膩❀ 玫瑰荔枝慕絲粉紅色玫塊花造型既蛋糕，賣相好精緻～切開蛋糕會見到明顯既分層，外層係荔枝慕絲，入面夾住一層玫瑰啫喱及海綿蛋糕，底部仲有餅底。整體酸酸甜甜，荔枝味較突出，味道清新，甜度適中❀ 士多啤梨千層批賣相同樣吸引～千層批上有一層層既士多啤梨cream，表面仲有開心果粒粒及士多啤梨作點綴。cream有香濃又酸甜既士多啤梨味，夾埋酥皮食口感豐富，而且食完唔會膩…查看更多

🥚🥚🐷優待自己的養生下午茶✨性價比：9/10🍳食物：7.5/10🌏環境：8.5/10🕺🏻服務：8/10💰是次消費：人均 $ 58#蛋蛋豬 
🏝地點分類: #蛋蛋豬在旺角 
🍰食物分類: #蛋蛋豬吃飲品————————有日在大型商場中逛街逛累了，想找個地方坐下，但之前已經吃了午餐，想找個有輕食的地方休息後再戰。剛好就在一個寧靜的角落見到有間好茶養生，外面已經掛了優惠牌子：$58 任選一件蛋糕＋一件茶飲，價錢非常吸引！店內有十幾個座位，枱面都是雲石花紋，由於在商場最內的小角落，所以真的很寧靜，想不到在大商場中都可以靜一下。之前都已經試過買他們的茶飲即沖包，主打養生茶飲，即沖包內容都已經夠足料，堂飲當然不例外。桂花雪梨茶 Osmanthus Pear Tea (原價$38) 打開杯蓋會見到很充足的材料包括雪梨乾、橙皮，桂花菊花，帶點甜味原來是下了冰糖。這杯是他們的推薦飲品，果然好好味，尤其是熱飲。暖胃養生，可以清熱潤肺，不用常常飲珍珠奶茶。水果茶 Fruit Tea (原價$38)水果茶無論色彩或味道都同樣繽紛，好大杯絕對飲不完，好香好消暑。玫瑰荔枝慕絲 (原價$48)玫瑰形狀的蛋糕十分吸引，切開會見到幾個層次，上面是荔枝味慕絲，細滑又有微微荔枝味。中間有一層酸酸地玫瑰果醬，下層有軟綿蛋糕和餅底，豐富層次有驚喜。巴斯克起司蛋糕 (原價$68)這個起司蛋糕表面燒焦，口感偏甜，帶點芝士味，細細件過口癮不錯。蛋糕都是以外賣包裝，內附小叉叉，堂食外賣皆宜。十分討人喜歡的寧靜小角落，可以為身體充充電再行過，養生飲品多喝都沒有罪惡感，覺得茶飲好味還可以買茶包回家再飲。好茶養生 Hocha.Elite🚦旺角太子道西193號MOKO新世紀廣場1樓123D及123E號舖(旺角東站 D 出口 或 旺角站 B 出口，步行7分鐘)🕰營業時間：12:00 – 21:00…查看更多

學習進入養生，最難ge 係唔知從咩入手！路過[好茶養生],俾佢d products 吸引我入去睇。睇睇吓發現可以堂食，即興同個fd 一人一杯熱茶，一人一件cake,嘆番個afternoon👯‍♂️我點左杯熱蘋果美顏茶，主要成份係蘋果肉，山渣，紅棗同洛神花。飲落酸得來帶點甜，開胃又舒服。飲左fd 個杯冰糖雪梨銀耳露，好濃好潤，味道剛好不太甜，質地厚一點。蛋糕分享時間🍰 佢ge 玫瑰荔枝慕絲好好好香，食落冰凍且啖啖玫瑰濃郁味，我的紅莓慕絲蛋糕偏酸，質地較融。整體唔會好甜，唔想食落去，反而佢ge 香味成功帶我食哂佢，配埋茶，享受得來又健康！…查看更多

嚟咗旺角MOKO行街，行到熱熱地，想搵杯嘢飲吓，見到呢間好茶養生，裝潢風格充滿現代感，高級有格調😎，於是決定飲杯野嘆件cake😚同埋依家一杯飲品加一件甜品只係要$58咋😆士多啤梨千層批 (單價：$48)- 呢個千層批望落去visuals已經好邪惡好吸引，食落味道果然都係冇得彈；啲cream帶住香甜嘅士多啤梨味，質感都rich，連埋鬆化酥脆嘅酥皮層，口感層次好多元，好好味啊😋水果茶 (單價：$38)- 平時都鍾意refreshing嘢飲嘅我，呢杯水果茶就啱晒我，水果款式多元，有火龍果、橙等風，酸酸甜甜，入口仲食到啖啖果肉，簡單係夏日炎炎嘅消暑佳品之一💛玫瑰荔枝慕絲 (單價：$48)- 呢個慕絲口感細滑，香甜細膩，仲帶有一絲絲玫瑰同荔枝嘅香味，而且入口即融，香氣隨即係口腔內爆發，幸福指數飆升🥰士多啤梨MOJITO (單價：$38)- 呢杯特飲都份外清新，MOJITO嘅味道突出，飲落去格外醒神，而且仲帶點香淡嘅士多啤梨香，互相配合，味道組合得宜😚甜品同飲品嘅質素都幾有水準，而且好多靚靚嘅擺設，仲有個選購zone可以比人買吓各種嘅養生茶包，遲啲經MOKO會再嚟飲番杯，嘆件靚cake😋 @hocha.elite #好茶養生 #hochaelite #香港品牌…查看更多

今日冇嘢做，同個仔去左旺角行新世紀廣場，行到攰攰地見到間可以坐喺度飲吓嘢嘅舖頭，就決定入去high 個tea chill 下😂見到甜品同飲品嘅賣相都幾吸引😍，就叫咗兩個甜品同飲品試吓。蘋果美顏茶（熱）$36望落去好足料，一飲落去好香玫瑰同蘋果味，味道甘香又唔太甜，暖暖地好啱女士飲，飲完成個人都好舒服👍🏻士多啤梨MOJITO (凍）$38呢個係士多啤梨味嘅梳打水，入邊仲有其他果粒，不過主要都係士多啤梨味，飲落去甜甜酸酸好開胃，唔係好鍾意咁甜嘅亦可選擇少甜！小朋友好鍾意飲😋😋玫瑰荔枝慕絲 $48見個樣好靚，買來打下卡，扮吓文清都好😍食落去味道不錯，雖然唔係好香荔枝味，但中間嘅果醬餡料又幾好食！野莓忌廉朱古力泡芙 $42呢個好好食！雖然賣相比較普通，可能因為我好鍾意食朱古力，佢入邊嘅朱古力cream勁多啱晒我! 外邊層泡芙亦鬆脆，豐富左成個甜品嘅口感，正！☺️見到入邊仲有其他養生茶包賣，感覺幾健康👍🏻…查看更多

女人去到某啲年紀真係要好好保養一下，當然我唔會話俾大家知我幾多歲啦，哈哈今日就好好彩喺新世紀搵到間養生嘅Cafe，可以一邊食我最鍾意食嘅甜品，但又可以有保養嘅功效一舉兩得，餐廳仲有唔少養生茶可以選購，鍾意嘅話就可以將佢哋帶返屋企蛋糕係會同餐牌有少少出入，大概餐廳係會不定時更新啲蛋糕款式，而今日呢幾款都係偏粉紅嘅系列，好lady feel等我影d戰利品俾大家羨慕下先，我同朋友一個叫左件蛋糕同一杯飲品紅色既紅莓慕絲蛋糕呈水滴既形狀切開之後原來中間仲有紅莓醬，所以口感會更加濃烈豐富荔枝慕絲蛋糕就係係女人見到都一見傾心既玫瑰花，同蛋糕影靚概都可以有排玩飲品方面，左邊蘋果養顏茶（$36）就有埋蘋果肉、玫瑰花、山楂味道既茶，右邊（$38）黃色既桂花雪梨茶就有 桂花、雪梨乾、冰糖、甘草、菊花，夠哂清熱滋潤…查看更多

👧🏻😋👅🍽✨好茶養生（太子MOKO) 🌹 係MOKO寧靜既角落超岩談心🌹cake同茶都好靚，又好食又好睇🌹仲有茶包禮盒同散買，送禮自用都好得體 -玫瑰荔枝慕絲 $48✨賣相吸引，玫瑰花形 😍✨入口玫瑰芳香，加上淡淡荔枝好match✨最外面層mousse包住中間少少蛋糕，最深色果層係好似jam咁甜，但整體黎講一啲都唔會太漏✨仲有個餅底，建議大家連埋個cake一齊食，層次感爆燈 💡 -紅莓慕絲蛋糕 $48✨水滴形💧超靚 ✨外面有層脆皮，入面又係好多層次，mousse好香滑，莓味酸酸甜甜好開胃-皇牌氣血茶 $38 （熱）✨作為一個養生既女士緊係好注重自己氣血✨杯茶一大抽玫瑰花，好香玫瑰味，又靚又香，仲有紅棗同龍眼，少甜好清新，岩岩解左甜品既膩-蜜桃茶 $36 （凍）✨叫左少甜，少少酸meimei，茶味唔太重但都好突出，有一片片蜜桃肉✨唔係淨係用糖漿開咁hea嫁 👍🏻-…查看更多

好茶養生係一間主打養生同健康嘅茶飲店，唔似大路嘅台式手搖茶飲店，佢地主要賣唔同嘅花茶同水果茶，另外亦有賣多款茶味雪糕同蛋糕。同同事喺Moko食完lunch，想外賣杯野飲返office飲，飲得珍奶多又怕肥，見好茶養生好似比較健康啲，就黎試下。士多啤梨茶($36) - 哩度嘅茶都比較大杯，凍飲都有700ml。同事揀嘅士多啤梨茶揀左少冰半糖，見倒真係得幾舊冰，飲落亦只係涼涼地唔會有凍嘅感覺，就算而家天氣凍飲完都唔會好寒咁。半糖飲落冇乜甜味，以士多啤梨原味為主，茶味亦唔會太澀，感覺幾健康。水果茶($38) - 我揀嘅水果茶要少冰少甜，比起頭先嘅半糖會多返少少甜味，但又唔會太甜，水果茶入面有菠蘿、火龍果、檸檬同青檸，酸酸甜甜味道都唔錯。玫瑰荔枝慕絲($48) - 同款味道嘅蛋糕有得揀心形或者玫瑰花形，兩款都明顯好得女士歡心。慕絲蛋糕好軟綿，唔會太甜食得淡淡荔樣同玫瑰味，唔會好假好藥水。野莓忌廉朱古力泡芙($42) - 泡芙好鬆軟，朱古力味亦好濃。總結，茶飲價錢正路，sell健康就算平時想過下口癮飲多杯都唔怕，都有一定吸引力，反而蛋糕就比同價位嘅蛋糕店細件少少，冇野飲咁吸引。…查看更多

位於「旺角東」港鐵站旁邊的大型購物商場「新世紀廣場」，裡面的台灣手調飲品店實際數目不算很多，至少想在「新世紀廣場」裡面享用手調台式「水蜜桃紅茶」飲品的難度頗高。後來我在「新世紀廣場」一樓樓層的位置，找到一間名稱叫做「好茶養生」的台灣手調飲品店。我在「好茶養生」價目表裡面，無意中發現到有一款名稱叫做「蜜桃茶」的飲品，「蜜桃茶」裡面是紅茶還是綠茶就無人知曉了。另一方面，我發現原來「好茶養生」也有推出類似手調台灣茶飲品，配搭蛋糕或者慕絲甜品的「甜品套餐」，「甜品套餐」的性價比，較散買甜品跟飲品便宜得多。購買「好茶養生」的食客，可以在「好茶養生」擺放自家製作西式蛋糕甜品，在「好茶養生」附有冷凍保溫用途，陳列甜品為主雪櫃櫃檯裡面。不過，或許上門來到「新世紀廣場」，光顧「好茶養生」的食客實際人數也不少吧，所以「好茶養生」陳列的冷凍雪櫃裡面，裡面實際的蛋糕款式只有寥寥三款而已。結果我在「好茶養生」剩下的三款甜品裡面，揀選了一款實際名稱，叫做「玫瑰荔枝慕絲」的慕絲甜品。「好茶養生」裡面的自家製慕絲蛋糕甜品，「玫瑰荔枝慕絲」的而且確是「甜品如其名」，一款慕絲甜品集合了兩款食材味道，包括擁有濃厚香味的「玫瑰」，以及甜味的水果「荔枝」。而且「玫瑰荔枝慕絲」甜品裡面的主要味道，都被甜味的「荔枝」，加上新鮮「荔枝」製作出來的「荔枝」甜味慕絲所支配着，「荔枝」慕絲的實際口感感覺十分軟滑。「荔枝」慕絲裡面的濃厚水果「荔枝」甜味，一度把「玫瑰荔枝慕絲」甜品裡面，我還以為氣味就已經芬芳撲鼻的「玫瑰」花香味都完全掩蓋。結果「玫瑰荔枝慕絲」實際製成品出來的味道，味道竟然沒有我最初預期那麼重「玫瑰花」的香味，「玫瑰荔枝慕絲」最後製成品的實際味道，結果反而還是來自「荔枝」的甜味而已。另一方面，「好茶養生」為自家製作的蛋糕甜品，預備一些質地相對比較硬，感覺有點像膠的外賣盒作為容器，把「玫瑰荔枝慕絲」蛋糕盛載起來。「好茶養生」為蛋糕而預備的外賣盒，表面上看來質感只是一般的軟身塑膠外賣盒而已，但是實際上「好茶養生」蛋糕外賣盒的質感，比我想像中稍為硬了一點。「好茶養生」蛋糕的外賣盒實際情況，就好像「好茶養生」製作的「玫瑰荔枝慕絲」蛋糕一樣，慕絲蛋糕外表看來軟趴趴，不堪一擊的樣子，但是實際上用餐具嘗試切下，還是需要加力才能完全切下慕絲蛋糕。所以我用「好茶養生」的塑膠餐具切下其中一口「玫瑰荔枝慕絲」蛋糕之後，原本呈「心形」形狀的「玫瑰荔枝慕絲」蛋糕，在被切下一刀之後，外型仍然硬淨依然，沒有變形或者崩塌下來。至於「好茶養生」「甜品套餐」裡面，我真正選擇的手調飲品主角「蜜桃茶」，「蜜桃茶」裡面雖然的確是有來自新鮮「蜜桃」跟它的甜味，但是飲品裡面的「蜜桃」跟「紅茶」濃度，則沒有我喝過「水蜜桃紅茶」那麼濃厚。後來我「好茶養生」裡面的店員傾談了一會兒，店員後來解釋給我知道，原來「好茶養生」製作的「蜜桃茶」，茶底材料不像一般飲品店裡面的「水蜜桃紅茶」一樣使用糖漿，而是會使用真正甜味新鮮「蜜桃」調味。所以「好茶養生」「蜜桃茶」飲品裡面的蜜桃實際甜味雖然仍然存在，但是不像我預期那麼濃厚，感覺反而有點像直接享用新鮮切片蜜桃，然後喝一啖新鮮切片甜味蜜桃輕微染色的淡味「蜜桃茶」。結果「好茶養生」「甜品套餐」實際上給我的甜味，的確跟食店一直強調，利用花裡面的營養功能「養生」概念互相呼應。「蜜桃茶」裡面的甜味不像最初期望那麼甜，但是飲品裡面的「紅茶」也沒有坊間飲品那麼濃厚。相對「好茶養生」手調「蜜桃茶」飲品裡面的「蜜桃」甜味，我反而欣賞「好茶養生」廚房店員製作的「玫瑰荔枝慕絲」蛋糕甜品多一點。「玫瑰荔枝慕絲」蛋糕裡面的確是有來自「玫瑰」的香味，但是蛋糕同時還有「荔枝」的甜味，慕絲蛋糕的實際製成品口感，也比我預期更軟，儘管蛋糕曾經被放入雪櫃裡面冷藏過，蛋糕稍為被雪硬過一會兒。但是「好茶養生」「玫瑰荔枝慕絲」蛋糕的實際外型和質地還是很實淨，而且不容易貿貿然因為餐具切下來而崩塌，餐具切下製造頗完美的橫切面，蛋糕裡面的荔枝甜味仍然絲毫無損。所以「好茶養生」裡面親手製造的「玫瑰荔枝慕絲」蛋糕實際甜味味道，給我的驚喜感覺尤勝食店親手調製，店員強調沒有加入蜜桃糖漿的「蜜桃茶」。「好茶養生」廚房店員最後製作完成「蜜桃茶」飲品的時候，「蜜桃茶」飲品杯面冒起了一層泡沫，我懷疑可能是「好茶養生」店員沖調「蜜桃茶」的時候，利用茶碰撞蜜桃而產生出來。所以「好茶養生」製造的「蜜桃茶」不是我喝過，味道最濃厚的手調台式「水蜜桃紅茶」飲品，相反地「玫瑰荔枝慕絲」蛋糕裡面的甜味，反而是我食過以來味道感覺最甜的慕絲蛋糕。…查看更多