Ueno Bakery & Enzyme

我係一個嚴重麵包控　試過一日三餐都係食包，要講香港我會成日再幫襯既包店，就要講呢間！好耐之前係附近學野，睇過食評又知呢間店好出名，所以過黎買試下，點知一試愛上左！果時中意食既時候仲未開始寫食評，依家一定要介紹返！店舖唔係好大，款式都唔算好多，但係每款質素都一定唔差！而第一次黎買既時候都係買「玫瑰洛神」，之後每次黎都一定買呢款，都有試過「竹碳亞麻籽乳酪」、「紫玉酥」等等，但食過咁多款，我都係鍾情於「玫瑰洛神」！玫瑰洛神　$29咁岩買到岩岩出爐既麵包！價錢貴唔貴就見人見志，我自己接受到，因為個包仲大過手掌，仲可以分兩次食，入面足料，一切開洛神花瓣、忌廉芝士佔麵包三分二左右，洛神花瓣清香微甜，忌廉芝士唔會太甜，有時想試新野，但一見到玫瑰洛神，都係買返佢　我記得晚上７點後買３個仲會有85折，不過自己食唔到咁多，所以都係買一個…Read More

上野酵素麵包生活館每次去太子必買之麵包玫瑰洛神 $27成分有玫瑰粉，蜜餞洛神花瓣，忌廉芝士佢真係超大個，$27一個絕對吾貴落足料比你，滿滿既cream cheese芝士控真心超滿足！而且蜜餞份量都吾少，酸酸甜甜同忌廉芝士好夾ahh外面白色既部分吾好睇小佢，勁似方塊酥既味道，感覺似食緊曲奇甘而入面粉紅色既麵包非常鬆軟，總之成個麵包都好滋味不愧係熱賣款式見大部分人都會切開兩至四份，但我每次都要成個食～因為想留都忍唔住而且麵包分左之後放耐左會變得吾好食!!(我覺得)食完成個好幸福ah同食甜品一樣甘開心上野酵素麵包生活館 (太子)地址：太子彌敦道785A號地下B…Read More

今次試左太子呢間幾出名既麵包店,據說他們有幾款招牌包都很飽肚,可以當一餐,所以今次就黎呢度試下今次一試就試左五款招牌包,分別是養生歐克,紫玉包,台灣神木,黃金麵包蛋糕,玫瑰洛神由細到大咁講上去,首先介紹下呢款養生歐克,呢個係全間麵包店唯一既全素麵包,由於冇落牛油既關係所以外皮有D硬,而入面既餡料有杞子,果仁,栗米,提子,食落去有種很清甜既香味,尚算不錯第二細有呢棵台灣神木,外皮跟養生歐克一樣有D硬,但係硬得黎食落每一口都能感受到恰到好處的巧克力香味,既不會太濃又不會太淡。個人認為呢個比養生歐克好吃多了,雖然內餡的種類不多,就只有一塊大大的核桃,但我覺得核桃跟外皮巧克力的配搭簡直就是絕配,在五款招牌包之中我最喜歡這一款接下來要介紹的是這款紫玉包,外面係一層層薄薄的酥皮,不太脆身有點淋,而且裡面的芋頭餡不夠多,因此包子食落去果陣覺得芋頭味有點不夠濃,但幸好皮身夠淋,口感不錯,算是不過不失跟住呢款黃金麵包蛋糕係我最唔鍾意既一款,賣相係錯,但係裡面落太多牛油同雞蛋,而且並無任何特別餡料,食落去覺得十分油膩,不太好吃最後一款就係最有名,可以一個麵包頂兩餐的玫瑰洛神了,雖說餡料係用左玫瑰粉,但我食落去覺得有D似草莓味,仲有一種淡淡的芝士口感,而且麵包外皮都幾有口感,既不會太硬也不會太淋,幾好食。而最重要既係27蚊可以抵兩餐去邊度揾(注意唔好餐餐食,始終都係覺得此包有點油膩)總結一下,今次試既五款麵包除左黃金麵包蛋糕之外其他的都覺得幾好食,而且呢間麵包店的麵包都是不添加防腐劑的,十分健康。路過打醬油的,無時間吃飯的都可以入去買個包試下…Read More

最近，出開太子跟舊友飯聚，經過彌敦道，順道走入 <上野酵素麵包生活館> 買麵包留待翌日早餐吧！ 其實，我已經很久無幫襯這間麵包店，因為對我來說不太就腳！ 這裡依然是以白色及青色為主的裝潢，所以麵包及餅點已蓋好，衛生程度不錯！ 由於，今年4月1日起開始，香港實施徵收商戶的膠袋稅，每當食客買麵包時，女店員會直接放入有手挽的膠袋！快捷方便又環保！ 玫瑰洛神 $25我總覺得跟 Gooday cafe 的招牌美食洛神花包有幾分相似！三角形的外型透出一些粉紅色的圖案，一個都幾重秤！表面白色的薄薄外層是淡味，加入玫瑰粉，粉紅色的包身甜度剛好，夾雜味道酸甜的洛神花乾，中間更有一大件忌廉芝士，整體口感層次豐富！如果，烘焗的話，相信口感及味道會更好！芝士球 $10外表平平無奇，芝士散發獨特鹹香！內裡有些芝士粒粒，食出啖啖芝味來！…Read More

自從第一次吃過他們的酵素麵包後，對其他坊間的麵包店已提不起興趣。最吸引我的是這個名物-玫瑰洺神（ $25）外皮是薄薄一層像雞蛋仔質感的漂亮白色間接著是用洛神花花瓣製成的軟軟麵包層還吃到一粒粒的洛神花花瓣最入面的是芝士乳酪根本不捨得吃！這麼用心的烘焙，難怪我已完全放棄光顧其他店舖。…Read More

上次一嚐洛神葵花，味道念念不忘，曾承諾再次到訪一試有名的玫瑰洛神，今日是時候兌現自己的承諾，踏入店內，不用多想，直接拿下是次目標玫瑰洛神（其實心底害怕花多眼亂，選擇困難症再度發作，最終又改變主意，忘記了玫瑰洛神才是事實）說回玫瑰洛神，外型十分巨大，差不多有三個菠蘿包的大小，白色的外層，有著少量玫瑰花碎，內裡藏著粉紅色的麵包，第一個印象是十分有＂阿凡達＂feel，麵包本身散發著陣陣原有的麵粉香味，中間粉紅色的麵包香熟柔軟，口感滑溜，密度適中，中層夾帶大量微黃色的乳酪，甜美中帶點酸味，再加上麵包內分佈著點點酸甜味的紅色洛神葵花乾，減少乳酪的甜膩口感，增加不少食慾，這種味道盡顯麵包師傅的心思。…Read More

較早前已在openrice見到呢間麵包店被列入頭十位,睇過食評後真係成日都好想試,尤其店中最有名既麵包玫瑰洛神~我呢個麵包迷今日終於忍吾住要去試試店內有好多款名字特別既麵包,真係好香好吸引!但奈何一個人真係食吾到幾多,所以都係先試店內最受歡迎既包~~玫瑰洛神這個玫瑰洛神真係非常特別,而且非常巨型!!一食入口,心入面忍吾住哇左一聲!!真係勁好味lo!!暖暖既包裡面既係香滑乳酪cream cheese,包入面食到少少酸甜既洛神花肉,配埋香濃既cream cheese,果種感覺真係勁幸福~~真係未試過甘特別既麵包!雖然size巨大,但食下食下竟然俾我一次過食哂lo!!!haha之後仲忍吾住返轉頭買多個黎帶返屋企俾媽咪食tim~真係好想快d再去試埋其他款式呢!…Read More