Rose Cafe

呢日約咗個港女朋友食飯，上網搵黎搵去都驚唔啱佢心水碌碌下見到呢間花花世界咖啡室，佈置好似好靚，啱曬俾佢影相打卡一入到去，真係好似走咗入花花世界咁佈置極花心思，環境氣氛營造得相當好食食下見悶可以起身周圍影下相而且每枱座位唔會話逼到痴埋一舊舊咁，啱曬三五知己傾心事南瓜忌廉湯(隨餐附送)好似要豎起隻尾指黎飲湯先對得住貢靚嘅碗同匙羹松露帶子雜菌意大利飯大大粒帶子同黑松露，呢個比其它CAFE要真材實料得多而且做到米粒外軟米心仍保持咬口，意大利飯黎講相當高質南瓜青口意大利米型粉 大鄉里唔知咩係米型粉，所以叫黎試下結果真係米型嘅粉，好特別好滑身，響個口度冼黎冼去都咬唔到佢咁要比較的話個人喜好呢個米型粉多過飯尤其個南瓜醬汁係爆星，非常濃郁荔枝梳打朋友話OK，鍾意佢唔會太甜，剛剛好玫瑰朱古力響啲咁有情調嘅CAFE梗係叫番杯一聽就知會好靚嘅飲品全晚啲食物都好好味可惜杯朱古力就淡咗啲啲希望下次再番黎試會改善一下…Read More

呢日約咗好耐冇見嘅中同，諗咗好耐去邊度食好，搵搵下見到呢間花花世界，見到啲圖都好靚，岩晒我地女仔去，所以就book咗喇～花花世界.玫瑰咖啡室位於朗晴坊，就喺朗豪坊隔離，好易搵～部𨋢一開門，見到門口，已經覺得好靚～入面就更加靚，好多好多好多花，未坐低已經想影相！店員帶咗我哋坐呢個位，好似坐喺鳥籠入面咁叫完嘢食就出咗去影相喇！呢個千秋岩晒打卡！而且餐廳仲提供咗好多道具比客人影相！另外店員都會好樂意幫你影相，仲會影到滿意為止添！影完之後都差唔多食得嘢喇～我哋呢晚都唔係好肚餓，所以只係叫咗一個小食、一個主菜同一個甜品，加三杯嘢飲～廚師精選餐湯（羅宋湯）首先上嘅係呢個羅宋湯。每個主菜都配一個湯嘅，但店員見到我哋有三個人都比咗三碗我哋入面嘅料好多，不過個味就有啲太辣水牛城雞翼（$68）小食我哋嗌咗buffalo wings~個汁都幾好味，而且雞翼好入味。煮得啱啱好，好好咬。香煎比目魚配玫瑰香檳汁（$188）呢個魚好好味！如果有得食多啲就好喇魚煎得啱啱好，魚皮脆脆地，啲肉又淋又入味！個汁都好好味！入面仲有啲洋蔥碎～ 雖然食唔出咩玫瑰味，但係好襯同啲魚一齊食～另外伴碟仲有啲薯角，都整得好好味～Rose cake with ice cream （$88）我哋想呢晚叫嘅嘢都關玫瑰事，所以就揀咗呢個rose cake裝飾好靚～ 用果醬畫左朵玫瑰花喺個plate度～個蛋糕可以揀白朱古力／士多啤梨味，我哋就揀咗白朱古力～本身個蛋糕個形已經好靚，係玫瑰形嚟嘅～蛋糕嘅上層係白朱古力味嘅奶凍咁嘅嘢，下面就有一層蛋糕，幾特別同埋好味！另外仲配咗曲奇味嘅雪糕添！至於飲品，我哋都叫咗有玫瑰味嘅嘢飲玫瑰朱古力呢杯玫瑰朱古力既朱古力味好濃，但係又唔會蓋咗玫瑰嘅香味。每一啖都係先飲到朱古力味，落到喉嚨就taste到玫瑰味，好正玫瑰鐵觀音青烏龍茶本身已經好鍾意飲茶，佢咁靚嘅茶具就更加令人既飲欲大增～除咗有茶香之外，都有好香嘅玫瑰味～玫瑰鮮奶伯爵茶呢個就係我最想推薦嘅玫瑰鮮奶伯爵茶喇！本身order嘅時候以為係熱嘅，掂到隻杯先知道原來係凍嘅。冇乜抱特別嘅期望去飲，但一試就令我喜出望外～本身好鍾意伯爵茶嘅香味，但呢個唔止有伯爵茶味，仲有玫瑰嘅香味，另外仲有甜甜嘅奶泡！忍唔住飲得好快，但又怕好快會飲曬，要慢慢咁飲！總括嚟講，我真係好鍾意呢間餐廳！環境超級靚不特止，食物同飲品都冇令我失望！除此之外，亦都見到餐廳擺咗好多心機去佈置成間嘢同購買餐具！女仔嚟到一定會好開心，但我見有啲男仔嚟到都好興奮，哈哈不過可以改進嘅地方可能係侍應嘅人數。我哋果晚去嘅時候得一個侍應，但間餐廳都幾大同幾多客人，所以未必好快咁應到客人，如果可以多啲員工就好喇～不過我見呢間餐廳係新開，可能未必咁快請到咁多人，做到咁已經好好！一定會再嚟過！下面擺返menu：…Read More