Chun Fun How (Carnarvon Mansion)

已經唔知幫襯咗幾多次真心好推介！👍🏻👍🏻👍🏻👍🏻👍🏻平時飲開玉荷青蘆薈蜜真心一定健康過出面啲手搖自己分別試過晒咁多種甜度個人最喜歡走甜或微甜💜呢杯就算走甜都已經有甜味 唔知係咪本身啲蘆薈有少少糖水(?) 不過走甜令到荔枝味更突出～同埋唔會越飲越口乾加埋蘆薈好襯 唔會好似平時其他配料飲得唔爽或者咬到好攰🤣推爆！重點係大部份飲品喺呢個市道平過出面好多呢樣嘢已經加好多分幾乎一半飲品仲keep到$2X只要一日唔執笠 一定會再幫襯！…Read More

第一次試嗌咗杯玉荷青蘆薈蜜，平時成日飲珍珠奶茶但發現果茶都好好飲，重點係健康啲😂每次隻杯個包裝會隨機抽design，好似有6-8個唔同款式，所以打卡影相絕對一流。個人比較注重環保，所以見到佢哋冇用膠袋裝杯都好開心。外賣杯套用卡紙做，design都好靚😍如果join佢哋會員就買夠十杯送一杯，可以加入apple wallet方便俾佢哋scan。排隊時間少過10分鐘，員工都有禮貌好好人，下次再幫襯試吓蔗汁茶！…Read More

🌞天氣無啦啦又熱返今日就揀咗杯店員推薦嘅玉荷青蘆薈蜜🍹。濃郁蘆薈味配上清新荔枝水果茶，清新怡人。每一啖都食到粒粒蘆薈肉🤤清爽味道加上荔枝香氣，⛱️冰涼感覺為炎炎夏日帶點色彩杯身用 花 為插畫主題，幾適合鍾意打卡嘅朋友🌺餐單有好多選擇，有幾款Toast、超過30款飲品我就prefer冇咁甜嘅飲品，所以水果茶、花茶就啱哂我口味😃上次經過都試過冬瓜烏龍+吞拿魚吐司，個吐司好有驚喜😋店內設計簡潔而華麗，服務都好好😊落單嗰陣店員仲好有心介紹返飲品有幾個level嘅甜度。…Read More