來多碗車仔麵 (康寧道)

openrice簡左一間車仔麵老店，環境唔錯，叫左米粉先，簡左大家推薦既魷魚，豬腸，豬皮同埋豬紅。阿姐問我要唔要辣醬，我話要就比左我一匙。一麵四餸36蚊，價格係觀塘算是ok喇碗麵很快食得，好大碗，雖然每一個餸得三四舊，但係每一舊都很大，特別係豬皮。本以為辣醬很辣，其實唔係，於是全部落曬湯入邊。加左小小紅醋更加正！魷魚：魷魚係因為見到openrice上大家各個都推介先叫架，魷魚ok，可能我本身麻麻魷魚，但係佢地既魷魚很有彈性，唔錯豬腸：豬大腸很粗，量都幾多幾，腸外面很脆，有嚼勁，但係腸入邊太多油，還有罪惡感。同埋有小小腥味，下次應該唔會再叫，但係唔驚肥既朋友可以叫，都係唔錯既。豬紅：豬紅好大幾舊，同埋很實，唔似其它地方果d咁鬆散，小小腥味，總體ok，除左豬紅本身原料唔錯，其他唔覺得有咩特別豬皮：豬皮係要大力推介既！！很大很厚實既幾舊，一睇就知道很抵食喇！同埋豬皮脆脆地，又很入味，我真係很鍾意，下次再去可唔可以僅係叫豬皮？？哈哈米粉：有d硬，都係希望阿姐可以煮耐d再比我食，我唔趕時間湯：ok，原味冇乜特別，加左一匙辣醬就惹味，但係如果要辣既話可以試下枱上擺既辣醬，都唔錯，我試過。總之，雖然話間鋪係老店，但係總體麻麻wor，不過推介豬皮，同埋價錢都算抵食既，但係要素質就⋯唔高唔抵咯。…Read More

Step和娘子今天中午去探住在觀塘功樂道的朋友，因為朋友剛剛有新成員出世；可惜Step誤信了Google Map表示行上去功樂道朋友家只需10分鐘，結果…. (被娘子黑面伺候!!) 由裕民坊行上康寧道之際，肚餓的娘子被一間車仔麵店的名稱所吸引，結果Step又被娘子拖了入去，而這家車仔麵的名字 – 來多碗車仔麵。入到店內，Step的第一個感覺，就是店內燈光光猛，地方非常清潔企理，這個讓Step留下好印象，原因大多的車仔麵店都不是很整潔呢；第二感覺是店內大部份都是卡位，設置卡位其實會霸佔不少地方，但老闆並不介意這點，好讓食客坐得舒適食車仔麵也是非常重要；第三感覺是半開放式的廚房，完完全全看到工作人員在做甚麼，但最令Step驚喜的是，廚房和樓面一樣，燈光光線充足，地方也是一樣整潔!!事不宜遲，Step和娘子立即看看貼在廚窗上的Menu：一麵兩餸$24，一麵三餸$30，一麵四餸$36，加麵底只需3元!! (食量大的Step的眼發光了!!) 價格合理，比起食雲南米線，價格更有競爭力呢!!還有學生餐一麵三餸再加上維他檸檬茶也只需25元，這裡的學生真是有褔喇!! (不知Step著校服來可以嗎?)立即揀餸，這裡有18種配菜和7種麵底可供選擇，18種配菜對比其他車仔麵店來說並不算多，店員說配菜不多的原因，是為了保持每樣水準，貴精不貴多；最後娘子選了四餸(蘿蔔、魚蛋、鹵水蛋和魷魚)加粗麵；而Step則選了四餸(豬腸、牛腩、雞翼和魷魚)加幼麵。湯底(4.5♥/5♥)麵一來到，先試試湯底；Step發覺湯底清香鮮甜，而且喝後也不覺口渴，一問店員之下，原來是用了大量豬骨餚制而成豬骨湯底，再加上豬腸鹵汁加色；辣醬為店舖自家制，辣味十足又惹味，愛辣人士不容錯過；食Step未試過食車仔麵可以連湯一起喝，Bravo!!麵底(4♥/5♥)再試試Step的幼麵，幼麵採用了全蛋麵，麵身爽口，質感煙韌，充滿著蛋香味；就算被湯浸過一陣子，幼麵也不會發脹泡起，正!!鹵水蛋(4♥/5♥)娘子分了一半鹵水蛋給Step，入口時鹵水蛋還是熱辣辣(像剛煮好一樣)，蛋白嫩滑軟綿綿，質感有點像食糖心蛋白的感覺；而鹵水的味道剛剛好，蛋白與蛋黃帶著一點點的鹵水味，不太濃也不太咸，好味道!!豬腸(4.5♥/5♥)豬腸可以說是車仔麵的靈魂所在，有很多人都覺得，車仔麵沒有豬腸就不是一碗正宗的車仔麵(因為夠嗱渣?)豬腸份量不少，看到店員拿起了2條大約10cm豬腸用剪刀剪碎；咬下去是豬腸表皮帶點煙韌，咀嚼時卻很鬆軟，而且醃制得非常入味，腸騷味十足；腸中間洗得乾淨，沒有異味(絕不嗱渣)，仍保留了一些纖維，咬下去時非常juicy，湯汁都『必』了出來，正!!牛腩(4♥/5♥)食肉Monster的Step，牛腩是必選的。牛腩份量足，Step數數埋埋有5-6舊，要知道其他店舖牛腩是要加錢的，這個份量Step覺得物起所值；牛腩顏色較深，但不要被它蒙編，其實它的味道恰到好處；牛腩瘦肉較多，而肥肉和筋較少，所以肉質感會較強，好在牛腩已經炆得鬆化入味不『鞋』口，正!!魷魚(4.5♥/5♥)在揀餸時，其他配料只是用一個個細盤裝著，反而魷魚則用一個大盤承載，一問工作人員才知道魷魚是鎮店之寶，Step和娘子都立即order了。魷魚份量一大抽，佔了Step碗1/3的位置；而魷魚是師傅每日新鮮炮制，怪不知入口爽脆彈牙，魷魚鮮味十足，絕對有驚喜，一般車仔麵店的魷魚，爽口就爽口了，但沒有甚麼鮮味可言。對於Step來說，食完碗裡的魷魚也不太夠喉，有衝動單點來淨食 (單點12元咋)!!鹵水雞翼(4♥/5♥)雞翼大大隻，啖啖肉，絕對不是發育不良的雞翼；鹵水味也是醃得恰到好處，不會醃到表皮有一層鹵水膠質般，太咸而影響了雞翼本身的味道，也不會破壞湯底的味道，Yummy!!食完後，Step和娘子非常滿意地行上功樂道朋友的家，和朋友說了這家車仔麵，才知道這家來多碗車仔碗就是以前觀塘老字號小食店 - 金橋小食，原班人馬再開的新店… 原來是老字號名店之後，怪不知感覺與別不同啦!!下次在觀塘行街街，一定會再去來多碗，由地鐵站行去大約只需5-10分鐘，價錢實惠，味道ichiban，老實說，兩者同時兼得的食店真的不多。『來多碗車仔碗吖!! 唔該!!』 …Read More