Cocopig Hainanese Chicken (Po Wing Building) (Closed)

難得去北角，前一日bookmark 咗唔少餐廳，見附近嗰間台灣餐廳12點已經排隊，無奈之下嚟咗呢間食午餐～難得嚟到，當然要試招牌菜。椰香飯果然出色，食兩碗都冇問題雞普通，唔算特別滑，份量亦唔多，不突出。同埋我俾佢份量嚇親，我睇到都知自己一定唔夠飽，所以叫多咗份秋葵同飲品秋葵勁大條，好少見係原條俾，前面食到有啲硬，但食得出好新鮮，而且真係健康，用少少豉油調味。店家好搞笑冇切斷啲秋葵，成條食係幾有難度養生茶老闆話無添加糖，的確飲落清潤，而且樽底有唔少杞子，值得加點…Read More

其實炮台山一帶有好多美味小店，今次閒逛之中就發掘咗依間海南雞專門店，雖然鋪仔細細，但原來食物質素都幾有驚喜，買外賣返屋企食都幾正☺️特色椰香海南雞飯 $58海南雞肉質超嫩滑又足料，雞皮香口又爽口但又唔會太油膩，配埋秘製醬汁，真係好滿足😍😍 而且油飯夠香又帶點清爽的椰味，令人食指大動！必試 🤟🏻驚嘆黑蒜醬燒豬軟骨配白飯 $58豬軟骨炆得好淋好入味，浸淫喺油份較重且蒜香味勁濃郁的黑蒜汁中，香濃帶辣，撈白飯食真係好過癮，夠曬惹味 🔥養生秋葵 +$15超級新鮮，綠油油的一片令人感覺好fresh 🌱 咬落去超爽口，高質！👍🏻 鍾意食秋葵的朋友一定要嗌~ 麻辣牛展 $32 真係夠曬麻辣，牛展片切得夠厚身又大塊，雖然少少偏乾，但都喺一個不錯嘅開胃菜～…Read More

與媽媽有附近酒店宅度假，套餐不包晚餐的我倆只好在附近覓食，走進小巷中便發現了海南雞飯店。餐廳面積細小，內裡大約可容納12人，裝橫簡約，顏色以白色為主，收銀處亦靠向街道窗戶，窗戶周邊亦貼上菜單，方便遊人外賣取走，我倆鎖定此餐廳外賣回酒店用膳。我倆點了兩個主食（一飯一麵）及兩個小食，麵跟湯底分開包裝，包裝膠盒紮實密封，在20分鐘路程中沒有半點湯汁或醬汁倒出，而盛載著海南雞飯的紙盒堅韌堅固，沒有變形也不浸水浸油。雞件大約有5隻，皮薄脂肪甚少，肉質仍然十分嫩滑，除雞翼外全部已去骨，非常容易進食，沾上帶有泰式風味的秘製醬汁，酸辣中帶甜蒜味，增加不少惹味感。油飯不像以往品嚐過的重香料味，反而帶清淡薑黃及椰香味，還附有酸菜作配菜，整盒海南雞飯較一般的輕盈健康。麵內有四片牛展、雲耳絲、冬菇及大豆卜一個，此麵食精粹在於湯底，而湯底果然沒有令人失望，首先湯底可明顯看到杞子在飄浮，品嚐後發覺藥膳味甚為香濃，帶有杞子及清幽人參味，湯底清澈不油膩，選用之米線不像在連所餐廳般軟腍呈白色，而是較挺身呈半透明，麵條較長時間浸於湯底也沒有影響到其質感。餸菜方面，厚切牛展甚有口感，肉質軟腍帶輕牛肉香，大大的豆卜吸收香濃藥膳湯後，一咬湧出，十分滿足。秋葵比手指更要長，一份大約有8-10條，質感脆硬，醬汁味道清淡如鰹魚汁，杰度較低，未能品嚐到醬汁在秋葵上發揮的作用。一整片白肉有如打邊爐肥牛般大小，肉下浸著辣油，肉上放上辣蒜茸，辣物上下夾功的情況下看似好辣，原來帶甜屬小辣，豬皮至脂肪爽口，豬肉尚算軟腍，但略嫌整體較乾身，蒜茸與辣油未能與豬肉融於一體。——整體評語：食物-整體食物較清淡，不會感到過於油膩，所以調味也恰到好處，而藥膳湯底更份外濃郁，小食份量亦毫不吝嗇，媽媽與得表示十分滿足。.服務-餐廳以快餐式經營，在收銀處點餐後自行搵位待餐送上，而我倆便在門外待叫號取餐，食物大約15分鐘內呈上，取餐後正離開之際，店員示意尚有醬汁還未打包給我倆，頓時感受到她的好客與責任心。.衞生-外賣膠盒及紙盒也乾淨整潔，不覺油膩黏立，沒有崩爛與損毀，醬汁與餸菜亦沒有傾出盒外。.環境-外賣自取未有堂食體驗。.抵食-抵食指數甚高，午餐與晚餐同價，顯出晚餐固然份外抵食，媽媽與我每人一主食一小食$80有找，其份量與用料不吝嗇，我倆也飽肚不而。…Read More

屋企人唔煮飯嘅日子，由天后上班族姐姐買外賣，炮台山有好多食物種類揀，港式、台式都有好幾間，今次屋企人去雖然叫可可豬，但實情主打海南雞嘅小店買外賣。特色椰香海南雞飯 $43店子招牌菜，海南雞油光十足，皮薄肉嫩，最重要係無骨，可以成啖食。油飯比平時食嘅無咁油，仲食到椰香，加埋番茄、蘿蔔、菜等等配料，顏色豐富又健康。藥膳醉雞配白飯 $55平時食上海菜都會叫醉雞，估唔到呢度都有。開蓋聞到酒香，雞肉同樣好嫩，而且夠哂入味，一件接一件食，爭啲唔記得咗碗白飯。麻辣鴨腎 $28口感爽脆，輕輕的麻辣味，佐飯一流。菜心苗 $22食飯最好配碟菜，唔會煮得太老。…Read More

突然想食海南雞飯 openrice見到依間店 就決定黎試下位置上係後街 係正酒店隔離 店舖細細 得3張枱 店內播緊時下流行音樂既鋼琴曲 感覺勁舒服依間店主打海南雞飯 見網上好多人都推薦依間既椰香海南雞飯 為食既我緊係試下 落左單好快就有 唔好睇佢$43以為份量唔大 其實份量都幾大份 。 本身以為佢係個雞椰香味 點知原來係個飯 。 有別一般海南雞飯既招牌黃薑飯，依度既飯一啖食入口已經有清香既椰香味 啲雞好滑又鮮嫩，食過真係番唔到轉頭 依間真係大份夾抵食 絕對係意料之外 。 據聞依間係紅磡都有分店，如有機會真係好想去試下😋😋…Read More

店舖位置較特別，如果喺炮台山站前往，就係沿着英皇道入蜆殼街，中間見到掛滿紅色燈籠嗰間台式餐廳向右轉入麥連街。目測店內有三張枱，傍晚六點幾去到，坐滿咗三張枱，仲有兩位客人想叫外賣，店員表示好忙，叫我先等等。特色椰香海南雞飯 $43大約有5件海南雞件，雞肉唔嚡，飯有椰香味黑蒜醬燒豬軟骨配白飯 $58豬軟骨入味，肉質軟腍，但略嫌太油麻辣雞腎 + $22雞腎軟腍，重麻辣味，份量比預期多菜心苗 + $15翠綠，大約有6條…Read More

近排忙住追星，真係飯都唔得閒煮，唯有買外賣返屋企食。炮台山麥連街雖然有點隔涉，附近既食店絕對不少，當中既「可可豬海南雞專門店」經常都有唔少人排隊買外賣，而且門口仲可以泊車，真係超級方便。🚩 特色椰香海南雞飯  ＄43✣ 椰香海南雞皮肉嫩滑兼啖啖肉，跟配秘製醬汁，油飯帶有椰香配上開胃沙律，非常惹味。🚩 驚嘆黑蒜醬燒豬軟骨配白飯 ＄58✣ 黑蒜醬真係有驚嘆位，個汁撈飯一流，燒豬軟骨煮得非常腍，入口即融。🚩 蒜泥白肉 （跟餐＋＄26）✣ 白肉片好大塊，食落口非常有質感，蒜泥唔會太油，超級香口。🚩 養生秋葵 （跟餐＋＄15）✣ 餐廳用左少少豉油吊味，非常清爽。…Read More

🥥必食椰香海南雞飯🐓  同事早幾個月喺炮台山見完客買過一次外賣嘅椰香海南雞飯勁好味！今日到我路過梗係要買返公司食啦！地點喺炮台山麥連街嘅可可豬海南雞專門店，小店前身叫椰粉湯紅！招牌有大大隻雞離遠已經見倒。 小店細細店員有禮，外賣好快有，讚！🥥🐓特色椰香海南雞飯 🐓 $43 ＋食療拿杯湯$18 精緻嘅外賣盒🥡，打開聞倒陣陣椰香！海南雞件份量唔少，雞肉鮮嫩肉味香濃，雞肉肥瘦均勻，厚薄適中，連雞胸都煮得好㵉身好好味！椰子飯有特色，啖啖椰香味唔油膩，飯粒夠乾身，粒粒分明，配菜有蘿蔔絲同沙律菜。食療拿杯湯好似亞媽煲嘅湯咁香！🌶️香辣口水雞飯🐔🍚 $43 ＋蒜泥白肉 $22喺竹絲海南雞同口水雞之間真係好難決擇，最後揀左愛辣人必食嘅口水雞！原來全個飯～都～好～辣！🔥🔥🔥 口水雞極之惹味！雞肉鮮味同辣味並存！雞肉一樣肥瘦均勻，雞皮好Q彈，加埋勁香醬汁一齊食勁好味😋，一樣都有配菜有蘿蔔絲同沙律菜。 🧄蒜泥白肉🧄晶瑩通透嘅白肉，薄薄嘅切片，煮得好淋，豬肉味加埋蒜蓉超香口！太驚喜太好味！推介👍👍👍…Read More

北角和炮台山區附近一帶有很多小店,昨晚下班剛好經過就發掘多一間新的海南雞店。暫時不可以堂食,所以我只能買外賣回家,價錢算是不貴呢!特色椰香海南雞飯+湯  61元海南雞專門店的首選。海南雞件幾滑,配上泰式醬汁,再加上椰香味飯粒,幾好味!香辣口水雞飯+麻辣牛展+湯  83元辣到噴火的口水雞及厚厚的牛展,非常有四川重慶的風味,旁邊還有一份新鮮的小沙律,好飽好好味!茶樹菇香菇准山湯 +$1818元就可以額外有的中式湯品,每天都有新款。茶樹菇是我最喜歡的中式菇類,配合香菇准山,對身體相當有效果的湯~有緣相遇就是一種緣分。喜歡飲湯吃雞的友人不容錯過~…Read More

今日同女友去staycation，不過遲咗放工又未食午餐，同一時間又想快啲check in，所以去左公司附近嘅可可豬海南雞專門店先買外賣，再攞去酒店開餐！- 特色椰香海南雞飯海南雞好滑嫩，而油飯比起一般更出色，粒粒分明，而且加左椰漿一齊煮，椰香味道非常突出。配料仲有青木瓜沙律，分量好足！- 宮廷藥膳醉香雞絲湯米粉雞絲份量超多，吸收曬藥膳湯底嘅精華，加埋紅棗同木耳，感覺非常滋潤😚，味道亦好豐富。米粉浸係湯咁耐難免影響口感，不過尚算彈牙。- 蒜泥白肉五花腩切得比較厚，略欠口感，不過蒜蓉醬同辣椒好多好惹味😋- 金羅漢果養生茶材料有金羅漢果、菊花、杞子同陳皮，味道清爽甜潤。總括而言，Cocopig絕對抵食，套餐加少少錢就有小食同飲品，椰香雞飯有驚喜，北角返工或居住嘅朋友有福啦😍…Read More

今天下班後有事去到北角弄一下，剛好媽媽說她今天好累不想煮飯叫我買外賣，所以我就在附近找找有什麼好吃的，就發現這間特色的海南雞飯。特色椰香海南雞飯（４３元）這個飯最特別的地方，就是相比其他海南雞飯餐廳的雞油飯，這裡改成了椰香飯，吃起來啖啖椰香，又不會有雞油飯的油膩感，又有種清新的感覺，最重要的是更加健康，正好適合現代人的追求！而海南雞方面，雞件都已預先去骨，啖啖肉，雞肉嫩滑，有雞味，雞皮也很爽滑！最後還配有青木瓜沙律，吃起來酸甜開胃！麻辣手撕雞冷麵（４０元）平常的冷麵吃得多，但麻辣冷麵就真的是第一次吃。冷麵面上放了大量的蔬菜，下面的是手撕雞，最下面的是蕎麥麵，吃前需要你先拌勻。手撕雞的份量不錯，吃起來一絲絲的，配上麻辣醬，麻辣鮮香！蕎麥麵本身是比較健康的麵條，配上比較重口味的麻辣口味，更能平衡兩者的感覺，吃起來也比較清爽！時冷菜芯苗（加配１８元）　　　　　　　　　　　　　　　　　　　　　　　　　　　　　老媽子表示沒菜吃會渾身難受，所以就加個菜滿足一下他了。菜芯吃起來很爽脆，也帶點菜芯的清甜！食療拿杯湯（加配１８元）一開始我還以為店員是不是拿錯了，因為他們用了飲品杯，問了一下才知道是湯，忘了問店員是什麼湯，但喝起來很清甜，而且也喝不出加了味精，感覺不錯！滷水雞腎（加配１８元）只吃飯沒其他菜好像很單調，所以就加了個滷水雞腎來試試，雞腎很入味，而且有不會咬不動，也不會太鹹！熱情豐盛（加配１５元）這杯應該能算是養生茶的一類吧，因為我很少會看到會加杞子的台式飲品，而我來身很喜歡熱情果，所以就叫了一杯來試試。喝起來酸酸甜甜的，有很濃熱情果味，又有點青檸帶出一點清新的感覺，加了杞子感覺健康了一點！…Read More

晚上放工後想不到吃什麼，就去了家附近的cocopig睇下有咩買兼飲湯！這裡特別之處是買了個主食後，可加$18要個「食療拿杯湯」，而且每周的款式都不同，還要是真材實料煲成的。再加$18還可以配小食，簡單得來都可以食得豐富。店員準備食物好快手，轉個頭就ready好了。🌟特色椰香海南雞飯：餐廳的特色椰香飯好香椰漿味，有別於一般海南雞飯的油飯。雞肉肉質嫩滑，配上蘿蔔同車里茄等配菜，絕對係健康之選。🌟日式胡麻醬手撕雞冷麵：以為餐廳專長做海南雞飯，原來冷麵也頗特別的。麵拌上好香的麻辣醬料（比較像四川麻辣那種），辣得來非常過癮，最適合鍾意食辣嘅人～仲有好多配菜去中和一下辣味，為味覺帶來多重感受👍🏼🌟滷水牛展：加$18就可以食到牛展，真係超值之選，牛展肉質都好好，是不錯的冷盤選擇。下次再想不到吃什麼，可以再來買～…Read More

前排去金鶴拉麵食晏發現原來呢邊有好多食肆, 所以今晚就過黎呢邊搵餐廳食晚飯, 係OPENRICE search到有間台灣餐廳同一間新開既日本餐廳評價不錯, 日本餐廳話無訂位就無位, 台灣餐廳仲勁, 大排長龍。繼續行, 經過呢間可可豬海南雞專門店, 店舖面積好細, 唔係老公叫住我真係行過左都唔知。我地嗌左特色椰香海南雞飯, 椰香海南雞拼招牌豬手, 樽仔檸茶(套餐升級加$9)同食療拿杯湯(套餐升級加$18)。佢地既MENU寫得唔太清晰, 以為椰香海南雞拼招牌豬手只有餸, 所以特色椰香海南雞飯我地揀左增量。但送到黎既時候發現原來椰香海南雞拼招牌豬手都一樣係有跟飯。而店員亦都聽漏左我地要增量, 所以最後我地係食左兩個正常份量既飯餐。椰香海南雞拼招牌豬手 - 同特色椰香海南雞飯既份量一樣然後多左兩件豬手。鍾意佢地既海南雞係無骨, 肉質唔韌。豬手爽口容易咬開。海南雞同豬手亦都煮得入味。飯係粒粒分明, 乾身既嗰種, 感覺唔油膩但又充滿油飯香。不過佢地既青木瓜沙律唔好食, 唔係無酸辣味咁簡單, 直頭係無味。樽仔檸茶 -  好飲甜度適中, 茶底應該係用左錫蘭紅茶。食療拿杯湯 - 好飲, 真材實料, 最鍾意飲熱辣辣既中湯, 好多時出去餐廳嗌湯飲溫度都唔夠。建議店家加返少少鹽。可可豬海南雞專門店食物味道不錯但份量偏少, 男仕們要嗌多份小食先夠飽。                                   …Read More

疫情緩和咗就多咗新食店最近見到炮台山有間新嘅海南雞飯專門店，主打椰香雞飯、豬手飯睇唔少網報道都講紅磡店，話同坊間雞飯唔同，有椰子香味，所以去試試價錢唔算太貴，屬於經濟型，以外賣為主招牌貨係特色椰香海南雞飯 $76，陣椰香味覺得似椰子煲雞海南雞同油飯都有好重椰子香味，海南雞肉份量唔太多大概6至7件，大小見仁見智，比較適合女士食用油飯比雞更有水準，油飯係泰國米，飯量唔少，乾爽而分明，有咬口除咗一般雞油香，椰漿係點睛之筆，同普遍油飯的確有分別雞肉係雞髀肉，肉質嫩滑，雞皮金黃，幼薄有油香雞肉同油飯一樣滲透出啖啖椰子香味，大概加入椰子煮過蘿蔔絲、車厘茄等伴菜嘅酸甜味幾醒胃而醬汁鹹中帶小辣微微酸甜味，有少少蒜味椰香雞飯比較清香，香辣口水雞飯 $74就重味少少雞肉有雞髀肉同雞翼，前者亦係啖啖肉，入口滑嫩醬汁辛辣度適中，香辣入味，睇落色澤紅噹噹，幾多辣椒有濃味感覺，但唔算太辣，幾刺激食慾口水雞比清香嘅椰香海南雞飯較惹味，口水雞比海南雞飯多油，適合配白飯叫飯加$15試吓小食養生秋葵，平時好少有配合豉油調味，通常就咁食秋葵切成細塊，入口爽脆，只係簡單配甜豉油自己反而覺得適合配口水雞，可以解解辣加$18試另一款小食滷水牛𦟌，屬冷盤，份量唔多，配有滷水汁牛𦟌比較薄切，但有肉味，望落通透，入口唔韌，軟腍入味另加$18叫埋食療拿湯杯，查一查原來每個禮拜都有唔同款式嘅湯水今次係青紅蘿蔔蓮藕湯，聲稱可養血養胃，生津健脾，下氣化滯，補肝明目湯水入口鮮甜，唔會好鹹，感覺好家庭式，飲完唔口渴，湯水無味精比較難得，幾滋潤但一杯份量唔太多，比較適合無時間煲湯嘅打工仔加$13再試埋樽裝嘅金羅漢果養生茶，內有羅漢果、菊花、杞子、果皮等入口清甜解渴，有天然感覺，好過飲汽水，只係渣比較多，隔渣飲比較麻煩…Read More

行過見到以為係新餐廳，原來係椰粉湯紅改左名。之前一直都未試過，今次終於試到了！哈哈哈！買返屋企打開晒啲盒，視覺上好滿足！🤣🤣有時真係要對自己好啲😌😌。🌟香辣口水雞飯🌶🌶 $𝟼𝟷好好味💕！啲雞好滑，份量又夠多。最正係佢個辣汁做得好好，唔會得個辣字，而係好夠味，就算無辣椒都好入味🤤，送飯一流！如果你鍾意食辣就一定要試呢個，食完啲辣仲會last一段時間架！🥰𓂀推介度：♥︎♥︎♥︎♥︎♥︎🌟特色椰香海南雞飯 $𝟽𝟿呢個就清啲健康啲，會比較食到雞肉嘅新鮮味道同嫩滑口感！見到面個浸雞油嗎🤫？食個陣記得點個泰式辣醬啊!!幾時都係perfect match!!另外值得一提係佢個椰香飯‼️粒粒都好重椰香味！超正！𓂀推介度：♥︎♥︎♥︎♥︎♥︎🌟滷水雞腎 +$𝟷𝟾雞腎正常，但個滷水汁味道唔錯，夠甜👍🏻。份量算多，幾抵食！𓂀推介度：♥︎♥︎♥︎♥︎🌟食療拿杯湯+$𝟷𝟾今日係哈密瓜百合陳皮雪耳湯，雖然佢冇提及到有椰子，但係一打開就已經聞到好大浸椰香味，飲唔出有味精，感覺好補🤣。同埋大大杯咁，加$18就有都幾抵！🥳𓂀推介度：♥︎♥︎♥︎♥︎♥︎🐈：雖然呢間嘅價錢對我黎講算係中價，但係我覺得佢嘅食物質素都符合呢個價位，因為真係食得出啲雞好新鮮，同埋啲配料一啲都唔馬虎，值得一試！仲有好多嘢想試😭！𓂀推介度：♥︎♥︎♥︎♥︎♥︎…Read More