Rokkaku

六角都算係灣仔嘅隱世小店，隱藏喺星街月街😂，一直都聽到有啲同事話幾好，所以擺咗喺我to-eat list好耐。我叫咗個特上雜錦魚生飯定食 🍱（$178 plus 10%)，無話邊樣特別出色，因為每樣魚生都新鮮軟嫩，仲好爽口，唔係梅梅咁。有好多種魚生🍣，好似三文魚/帶子/甜蝦/白身魚/碎吞拿魚腩。有一種魚生喺丼飯係比較少見，應該係鯖魚，好好味，爽身香甜。不過我覺得個飯🍚有啲太濃味，會搶咗魚生嘅味道。睇返其他人嘅食評，因為係赤醋飯（？），可能係個人味問題啦。個定食仲包埋茶碗蒸🥚同雪糕🍦，無咩特別。💁🏻‍♀️侍應語氣態度非常‘特別’😂，比中環以前某間出名3碗魚生飯嘅日式料理店有過之而無不及。但有同事叫佢加咗3次飯，佢都無問題，似乎又唔太差🤔🤔🌟環境唔錯，唔會逼。我哋幾個人坐咗幾耐下吹咗好耐水，都無點明示暗示我哋要快啲交枱。價錢喺灣仔金鐘食魚生嚟講算係咁。不過要抵受得住侍應特別嘅服務態度先好嚟😂…Read More

哩間食肆多人光顧既情況, 引致係必須要訂位既, 如果WALK-IN的話, 分分鐘LUNCH TIME完左都可能未入得倒去食.訂左位之後, 用餐當日店員會Whatsapp個SPECIAL餐單過黎, 睇下有無需要HOLD起, 不過HOLD左就唔可以再轉喀啦, 為左減省時間, 更係落定ORDER先.一坐低就即刻提供前菜同蒸蛋, 不過掛住傾計, 唔記得影相. 店員都好快手快腳, 一見我地食完就馬上收拾, 奉上主菜, 完全唔駛等好耐時間特上雜錦魚生飯定食刺生好新鮮, 7款海鮮+蛋,我最欣賞係凡立貝, 真係好甜. 而佢個飯底係用左赤醋飯, 相比一般醋飯, 味道更加有層次, 飯既份量較中等, 如果食量偏高既人仕, 最好預先講加飯. 因為佢D飯真係薄薄一層, 唔太夠食. 放心, 加飯係唔洗加錢既, 不過就要落ORDER個陣就要講左先, 之後就無得加返架喇.碎呑拿魚腩飯定食吞拿魚蓉一向都係無得輸, 鮮味得黎帶少少咸, 再配埋赤醋飯, 中和返兩樣野既味道, 比起其他日本餐廳食既蔥吞, 更加有變化.之前有中醫教過, 原來壽司飯上面既薑, 就係用黎食完生冷野之後, 食D薑片, 中和返生冷既負面效果, 我估塊紫蘇葉都係咁既用途, 片薑比一般餐廳既唔辣, 好易入口, 太辣我真係會頂唔順最後仲有雪糕或者咖啡選擇, 等成個用餐有一個完美既結束…Read More