Fûhn (The L. Square)

星期日去咗銅鑼灣行街，我同朋友心血來潮想食越南河粉🇻🇳，但又唔想幫襯連續店。上網一搵之下就彈咗「Fûhn」出嚟，我之前已經想幫襯㗎喇，今日終於有機會！餐廳位於銅鑼灣其中一幢食肆雲集嘅大廈，地理位置方便，但樓層面積唔大，所以點半鐘去到嗰陣坐滿晒人要等位⏳。呢度裝修風格簡約，燈罩用上越南帽子作點綴。餐牌上寫住餐廳係北美風味越南菜🤔，老實講唔係好察覺到菜式上有乜特別，但份量就確係出眾，好似美國菜咁大大份🇺🇸。我哋好在只係嗌咗一碗粉咋，否則一定食唔晒。火車牛魔粉($128)，🚆火車頭好大碗，係二人份。麵底得兩款揀，分別係河粉同金邊粉，我揀咗後者，麵條幼身，麵質軟硬適中。🍜湯底比其他餐廳食到嘅清澈，無咁油之餘，亦肯定無落味精，當中並滲出微微牛骨香。餐牌設有食Fuhn四步曲教學，北美食法就係建議加入是拉差辣椒醬同海鮮醬，落咗之後味道又真係即刻唔同晒，幾有特色！另外，亦可選擇落魚露🐟。話明火車頭，即係有多款牛肉🐮，食材包括安格斯牛、牛坑腩、手打牛丸、牛筋片、牛腩邊以及牛柏葉。每款牛各有千秋，我自己就最鍾意安格斯牛同牛柏葉，前者肉質軟稔，而後者就煙煙韌韌，同時又切得夠細。特上小食拼盤($198)，拼盤有大小可選，大嗰款繽紛好多，六款食物，每款兩件，兩個人食啱啱好✌🏿。蒜蓉牛油雞翼味道濃郁，越南風味十足。豬肉串燒同扎肉粒都係大大啖肉，而春卷就正常。椒鹽軟殼蟹🦀，軟殼蟹足成隻，外皮炸至金黃酥脆，蟹肉飽滿鮮甜，兼且無乜咬唔開嘅衣。手打炸蝦餅🍤，炸蝦餅係必點推介，手打蝦膠質感超級彈牙，勁正啊！拼盤其他食物都OK，但蝦餅完勝，鍾意食海鮮嘅不妨直接嗌三色蝦餅。XO醬蝦頭油炒通菜($78)，💚炒通菜貫徹大份量，開頭預期蝦頭油炒會重口味，但出到嚟算係恰到好處，惹味嘅！但我略嫌通菜有啲大棵，唔夠嫩。椰青之寶($98)，呢個甜品無得輸，造型澎湃，啱晒打卡📸。椰青作為器皿，將椰水倒入小酒杯內，而中間就裝住椰子沙冰🥥，仲堆到成座山咁高。沙冰椰香顯著，口感清涼綿密，甜度剛好，再加埋椰肉一齊食，還原度高。總括嚟講，呢間越南菜館富有自家特色，平凡菜式之中卻能散發出與別不同嘅感覺😛。同時，份量多亦係餐廳嘅賣點，所以定價偏貴都尚可接受啊。…查看更多

🤚又到揾食時間，行過銅鑼灣The L. Square，友人話想食越南嘢～好啦，就呢度啦！一入門口，店員熱情款待，🈯️定動作：量體温、清潔雙手👐呢度原來🈶️酒飲嘅，下次🉑️以嚟Happy Hour直落‼️.📌香茅豬扒飯+荷包蛋 $78豬扒酥香入味，配上香蔥一齊食，餸飯一流👏（記得叫蔥油另上，以免飯底索晒油）📌美國安格斯生牛肉湯粉 $75上枱見到一大碗湯正🈴️我意，香味撲鼻，湯底牛味香濃，即時飲咗幾羹，差啲停唔到口⋯🤤好耐都冇食過咁滑溜嘅河粉，安格斯牛肉浸耐咗都依然腍滑🥳📌特上小食拼盤 $188呢個拼盤真係包羅萬🈶️：炸蝦餅、牛油雞翼、越南春卷、豬肉串、炸扎肉、軟殼蟹，仲有酸蘿蔔絲伴碟😍👉樣樣都即炸熱辣辣，雞翼超重牛油香，入口juicy, 牛油迅間佔據口腔，邪惡度10級‼️👉炸蝦餅仲誇張，脆口彈牙，厚切不特止，成隻🦐仲清晰可見，真係第一☝️次食到😱📌煉奶越南咖啡雪糕🍨 $48果然係越南咖啡雪糕，入口超香濃咖啡味，味道遠勝一般貴價名牌子。驚喜👍…查看更多

這間越南菜一直都有留意，因為公司就在附近，但一直未有機會上來試試。今次就放工來到這裡，估唔到平日晚上都這麼多人，相信味道應該都會不錯!看看餐牌，款式都有很多，令人眼花撩亂。火車牛魔粉，食越南粉時常都會揀這款什麼都有的火車頭粉食，因為這樣便可以不用想太多。這裡的火車牛魔粉包括有安格斯牛、牛坑腩、手打牛丸、牛筋片、牛腩邊和牛柏葉。安格斯牛是生熟牛，來到的還是很新鮮的感覺!而牛腩都整得好冧好入味，而且整碗都好大份，很飽呢!香茅豬扒撈檬，豬扒份量有很多，足足一塊咁多。豬扒好香香茅味，不會太油，肉質不會太鞋。檬粉拌入酸汁，有種開胃的感覺!特上小食拼盤，這款小食拼盤有牛油雞翼、春卷、蝦餅、豬肉串、炸扎肉和軟殼蟹。牛油雞翼第一次食到真的有牛油的香味，雞肉嫩滑。春燒炸得脆口，蝦餅內有很大粒蝦肉，而軟殼蟹不會太油，共有一隻給我們，飽肚又美味!越式炒小椰菜，不知道在何時愛上了吃小椰菜，小椰菜食落有淡淡的苦味，而且很香炸蒜味，美味又健康!…查看更多

早幾日同男朋友去銅鑼灣，到食飯時間突然好想食越南野，於是就去左呢間食飯，整體而言食物味道好，價錢合理，份量都算多，意想不到有驚喜😋見好多人都有推薦火車牛魔粉，我呢個愛食牛嘅「牛魔王」又點可以錯過！呢個火車牛魔粉好大碗，足夠2-3人食，用料十足！ 越式粉麵最重要就係個湯，呢到嘅湯清清地唔會好油，咸甜度適中，我地要左金邊粉麵底，金邊粉煮嘅時間剛剛好，腍得黎係夾得起方便食用，金邊粉吸左啲湯好好味！牛魔粉入面有安格斯牛、牛坑腩、手打牛丸、牛筋片、牛腩邊同牛柏葉，我最鍾意就係安格斯牛，好重肉味❤️第一次食牛腩邊，原來好有咬口，都幾好食。呢碗牛魔粉對於鍾意食牛嘅朋友黎講真係值得一叫！除左主食，我地仲叫左特上小食拼盤同鹹蛋黃薯條。鹹蛋黃薯條嘅鹹蛋份量好多，香口但唔會好油膩，食完都唔會覺得好濟👍🏻特上小食拼盤有6款小食，分別係炸牛油雞翼、春卷、手打蝦餅、炸扎肉、扎肉串、椒鹽軟殼蟹。整體味道都幾好，當中我最鍾意春卷、手打蝦餅同扎肉串。春卷外皮炸得香脆，一咬食到好多蔬菜絲，好滿足！手打蝦餅好彈牙，蝦肉份量都多。扎肉串幾特別，第一次食，豬肉味香濃🤤食完油炸物，飲番杯青檸梳打真係好refreshing，為晚餐畫上完美句號！…查看更多

難得今日約左好朋友出銅鑼灣shopping, 行到累累地肚餓，朋友就帶左我黎呢間越南餐廳，係東南亞美食入面最鐘意食既就係越南菜，一入到黎餐廳覺得幾舒服，好鐘意呢到既裝修風格，加上柔和既燈光，好適合同朋友係到聚會，而食物方面都唔錯，我地叫左好多嘢食火車牛摩粉---呢個都幾重點推介，雖然要$128蚊但真係好大碗好足料，分別有安格斯牛，牛坑腩，手打牛丸，牛筋片，牛腩邊同埋牛栢葉。。。一次過試晒唔同既部位，岩晒我呢d無牛不歡既人士 鵝肝醬法包---好鐘意呢個包入面既醬汁，加上新鮮既蔬菜同埋香脆既法包食落口感一流。。。同之前係胡志明市街頭食到既法包不相伯仲，值得一試特上小食拼盤---睇住meun入面樣樣小食都心思思想試下，都唔知點邊樣好，好彩餐廳好細心，有小食拼盤咁就解決個問題啦，一次過滿足晒所有願望，正呀椰汁冰---飲得出餐廳係用新鮮既椰子即叫即榨，飲落味道好清甜吸引，夏天消炎必備既飲品呀…查看更多

Fûhn銅鑼灣駱克道459-461號The L. Square 1樓本身一早plan左同成班fd 6月份去越南旅行，但遇到疫情關係當然去唔成啦，好失望唯有比個藉口自己食住越南嘢頂下癮先啦呢間越南菜餐廳以前都黎過覺得唔錯，而且位置好方便係銅鑼灣地鐵站C出口行過黎2分鐘就到，所以唸住今日再黎幫襯。我地一出電梯，即刻覺得改頭換面咗，原來無黎一排重新裝修左，除左坐得舒服左之外，連meun都更新左，加入左好多新菜式，好吸引呀 好重鹹蛋黃既香味，炸得好香脆，自己係鹹蛋控，一試即刻愛上左 好豐盛嘅小食拼盤，有炸牛油雞翼，春卷，手打蝦餅，炸扎肉，扎肉串， 椒鹽軟殼蟹自己最鐘意就係個炸扎肉，因為平時食扎肉通常都係食湯粉一片片既，但原來炸左都幾好味，另外椒鹽軟殼蟹都炸得好香口 即叫即炒，夠晒鑊氣而且都幾多唔同既配料，非常豐富 牛油果奶昔--- 本身出面都好少有牛油果製作嘅飲品，所以見到即刻想試下，估唔到出奇地好清新，好香牛油果既味道加上鮮奶，口感好Creamy 白桃沙冰---- 飲落個桃味幾濃，而且涼浸浸啱曬而家夏天咁熱飲，消暑一流…查看更多

去開銅鑼灣來這間食都唔錯，餐廳最近裝修翻新左新潮左，餐牌多左好多新野食。撈檬依然河粉大大碗抵食經濟，拎位時見幾full下，好彩唔駛等～平時食開河粉，今次轉下主攻小食。鮮蝦米紙卷 $78米紙煙韌透薄，包住米粉、蝦、蘿蔔、生菜味道清淡，蘸下惹味秘製花生醬汁先係靈魂所在。越式雞絲沙律配牛油芥辣汁 $75大量沙律菜、酸蘿蔔、甘荀絲，相當健康，加上軟淋淋的雞胸肉，撈埋牛油芥辣汁開胃又好味。特上小食拼盤 $188有六款小食各兩件，大堆頭望見開心。越式炸牛油雞翼雞皮脆口肉嫩，啖啖牛油蒜香味。手打蝦餅炸得金黃，咬落唔粉爽口彈牙，原粒蝦肉誠意可嘉。春卷蘸檬汁酥脆好味。炸扎肉似魚蛋口感彈牙外皮脆幾特別。扎肉串慢慢細味更加滋味。椒軟殼蟹炸得香脆，蘸下酸味沙律醬無咁膩。牛油果奶昔 $49大大杯凍飲無溝冰好襟飲，味道甜美可口，偏重奶味滑滑口感，淡淡牛油果香甜而不膩，仲飲到果肉，最尾一啖飲到薄荷香葉味好正～…查看更多

係銅鑼灣講起想食越南嘢，朋友就帶咗我黎呢間越南餐廳Fuhn。黎到門口，餐廳坐滿人，等咗陣先入座到。留意到餐廳放咗一次性口罩袋同酒精搓手液比客人使用，相當貼心。朋友都一段時間冇黎呢間食，原來話餐廳裝修咗，仲更新埋個menu，多咗嘢食選擇，變得更加吸引同坐得舒服。 Menu嘢食好多選擇，樣樣都想試下，由其是蝦餅，個人比較喜歡食煎炸嘢，加上服務員有提及呢到蝦餅係手打，即刻覺得更加要試下。嘻～最後唔覺唔覺點咗好多有蝦餅既菜式！  特上小食拼盤 呢個拼盤超級豐富，有雞翼、春卷、蝦餅、扎肉、扎肉串同埋椒鹽軟殻蟹，每一樣都好吸引！！扎肉串好有驚喜，肉質彈牙，香口好食，味道唔似平時串燒咁簡單，睇返先知係扎肉，唔怪得特別好食。樣樣都覺得好食，想貪心咩都試，揀呢個拼盤就唔會失望。   金輪三式蝦餅 蝦餅有三隻味 -黑松露 芝士 原味，擺碟十分吸睛，影相一流既！蝦餅果然係手打，肉質彈牙又香脆，小食必叫。但黑松露味唔係好出，重味d會更加好。   越式蝦堡 配咸蛋黃薯條 蝦堡大大個，一個人食哂就實飽飽，蝦餅一樣好食彈牙可口，呢個包配搭埋生菜同夾埋裡面有少少辣既醬，相當惹味。仲有咸蛋黃薯條，一樣香脆好味，呢set好邪惡呀～   自家濃湯雞絲粉 越南嘢唔少得既越南粉，見周圍每枱都會叫返個粉食，我地緊係都叫返個啦。我要大讚個湯底，超好飲～超香濃～個粉都係好好食，加埋雞絲一齊更滿足，有埋雞絲雞味個湯都香濃d。個湯太正，最後飲到見碗底，下次唔叫小食都要黎食呢到既越南粉。  牛油果奶昔 呢杯夏天飲覺得好正，係奶味比較重的奶昔，都唔錯，牛油果味都加多d就好。 …查看更多

同男朋友又想食越南啊泰國個類菜 所以經朋友介紹後黎左呢間食🥰美國安格斯生牛肉粉 $75牛骨湯非常濃 又唔會咸 幾好飲～ 牛肉份量都唔算小 而且牛肉既質感都好嫰滑易咬☺️香茅豬扒粉湯金邊粉 $75呢個係豬骨湯 覺得淡翻小小會更好 豬扒份量都ok 唔算好柴～特上小食拼盤 $188見有咁多款 我地就叫左黎食😍 食到超飽🤣 佢既一串串腸仔 我最中意食🤣蝦餅都唔錯 好足料！牛油果奶昔 $48牛油果味唔算濃 好易入口 如果唔中意食牛油果既朋友都可以試下 但我就中意食牛油果 所以想佢再濃啲就更好😚😚…查看更多

同朋友去銅鑼灣搵食，咁岩經過駱克道見到樓上有間越南菜，上去試下新野先！防疫關係台面加左塊板，唔洗驚隔離台d口水彈左埋黎！雞絲撈檬：一上菜時嚇親，因為我以為係2人份量，真係太大份，68蚊好抵。雞絲好入味，檬粉質地都好好。豬頸肉撈檬：一樣咁大份！！豬頸肉係炸的所以好脆，yummy！特上小食拼盤有炸牛油雞翼，手打蝦餅，春卷，炸軟殼蟹等等，本人最愛炸蝦餅，咬落勁多隻蝦勁足料！軟殼蟹米紙卷：賣相靚之餘味道亦好好，點埋個沙律醬好fresh好好食！整體性價比高，份量足味道又唔錯，抵食！…查看更多

餐牌有勁多選擇睇睇下見到呢一版我諗佢啲水係一個賣點黎即刻幫兩杯淨化過既水影張相A4和牛湯粉（限量） $128試過個湯底有好濃濃既牛湯味雖然啲青好多 但都無搶走個FOCUS啲和牛 入口即融 仲有啲油脂係口到齒頰留香～成個口都充滿住牛牛既味道特上小食拼盤 $168見到餐牌上邊嘅小食都好吸引搞到我好想食煎炸野所以就叫左一個小食拼盤-越式炸牛油雞翼雞翼上邊有啲蒜～牛油味都重 而且雞翼好滑-春卷右上角果一個就係春卷喇炸得好酥脆我分別點咗沙律醬同埋甜酸醬兩個嘅味道都好夾-手打蝦餅蝦餅啖啖都係蝦肉忍唔住要影返張相炸既時間拿掐得岩岩好而且好彈牙-炸扎肉佢嘅感覺就好似魚蛋咁樣 不過硬少少嘅-扎肉串佢就好似一D雞肉串咁樣 -椒鹽軟殻蟹我好似第一次係食越南嘅餐廳既椒鹽軟殼蟹佢同你切開咗兩份 我見到有蟹膏好好食！！仲要係好有肉地既軟殻蟹特式雞絲湯粉 普通 $95食左個和牛湯粉先 搞到呢個有啲失色但其實都好味佢個湯底用返雞湯湯底好有誠意 比較淡口 岩啲想食清淡既朋友仔-手撕雞係用返髀肉 好滑-鵪鶉蛋有3粒-手打雞肉丸覺得啲肉有啲實～白桃沙冰 $38爆爆荔枝梳打 $30荔枝肉都有2粒 都幾大方但無曬爆爆 轉左椰果～我6：45就到左 未到PEAK HOUR 可以影張室內照裝修得幾靚 而且坐得幾舒服 而且服務好周到 會不停主動幫你加水…查看更多

餐廳位置L.Square 既一樓，第一次黎但估吾到咁多食客會搵到黎，食落終於明點解餐廳會咁受歡迎，除左性價比高外個回頭值都幾高。生熟牛肉牛筋片湯粉（河粉）（普通size）    ＄75           77分雖然系普通size，但基本上都好夠食，河粉好滑而且無痴埋一舊舊。湯底系牛湯底，屬於清清地既牛湯底，飲得多都吾會膩。生熟牛肉分量都幾多，有D牛肉片未完全熟透，要經過少少湯底既餘溫再煮熟，但半生熟既牛肉片食落都不錯。另外仲有牛筋片，切得薄薄但骨膠原食落都仲系濃濃的香芧豬扒湯粉（金邊粉）（普通size）    ＄69         77分香芧豬扒煎炸到香口之後面上放左好多香料，湯粉跟豬扒系分開擺放所以無影響到豬扒既味道＆口感。金邊粉同河粉既吾同在於金邊粉比河粉更幼，食落會比河粉更為硬身少少。湯底系雞湯，清得黎有好重既雞油味，食到最後會吾覺意咁飲哂D湯。特上小食拼盤       ＄168         76分餐廳有數款既小食拼盤分類，而今次呢款特上包括越式炸牛油雞翼、春卷、手打蝦餅、炸扎肉、扎肉串、椒鹽軟殼蟹各2件，款式上包括左好多樣岩哂選擇困難既朋友仔可以一次過試哂咁多。拼盤中最為欣賞個手打蝦餅＆炸牛油雞翼，首先蝦餅炸到脆口之餘咬落爽口，亦見到蝦餅中間有好多蝦肉，完完全全系menu所講既手打。牛油雞翼炸得外脆內嫰多汁，真系食完兩隻都仲想加單。新鮮椰青       ＄49椰青即叫即開，大大隻，椰青水清甜之餘，D椰肉仲可以食埋，椰肉幾嫰所以都食左吾少椰肉…查看更多

越南野真係愈開愈多，今晚黎到銅鑼灣，就揀左依間越南餐廳！一搭lift上到餐廳已經好多人，好彩仲有張二人枱！揀左特上小食拼盤， 超級豐富，有越式炸牛油雞翼、春卷、手打蝦餅、炸扎肉扎肉串同椒鹽軟殼蟹各兩件，蝦餅好有驚喜，真係好彈牙，食得出係落足蝦肉，唔似平時出面食到既蝦餅太多麵粉實的的！炸牛油雞翼同椒鹽軟殼蟹炸得好香脆，炸札肉比札肉串更加惹味！然後再嗌左碗大Size既生熟牛肉金邊粉，依度湯河既分量會分為普通、大同埋特大，大Size已經大到差唔多放唔落個枱面，份量好足料，牛肉生熟岩岩好！餐廳仲好細心一早用另一個碗裝好配料，有芽菜、紫蘇葉、辣椒同青檸，鐘意落幾多就幾多，抵讚！另外仲嗌左香茅豬扒撈檬，豬扒好重香茅味，食落惹味，加埋酸酸甜甜既撈檬，感覺好開胃！…查看更多

話說某次食過好伏的越南生牛肉湯河，反而想食返＜真・越南湯河＞。今天小米暑期班完結後，順便在附近晚餐。想食＜真・越南湯河＞，此其一。另一個原因：此店提供清潔過濾水。 在六時半左右，晚市剛開始，大量座位。就座及下單後，著小米去清潔雙手。   生牛肉湯河    越南名物，又是小米至愛。未知小米食量，所以只點正常份量，再預先取出一小碗。剛浸熟的牛肉可以原塊夾起，至少真材實料。牛肉跟是拉差醬很夾! 不過又係滙豐!!!　上次某家中伏的生牛肉湯河，勁鮮紅色的牛肉，肉質薄如紙，筷子一夾，牛肉即散。Bun Bo Hue順化湯粉      餐牌標示＜每天限量二十碗＞，加上未曾試過＜越北順化粉＞，所以貪新鮮，點這款。只因圖片中，湯底表面有紅油，特地要求紅色辣油另上。  視覺：啡黃色湯底，拌著札肉牛丸豬手片牛展，中央還有一堆炸蒜呢! 將生牛肉湯河的芽菜配料，都放在順化湯粉裡。浸呀浸，把所有材料浸熟 直到香料都出味，芽菜都變軟。手感 : 浸呀浸，搞呀搞，再夾出米線。因為碗身很大很深，米線容易夾出。很喜歡這個手感。口感和味道 : 先試湯底，湯底微酸，帶著香料的香氣,跟牛肉湯河的帶甜的湯底有明顯的分別。來到紅色辣油　　表面紅油由透明液體，冷卻為固體了。撥開固體紅色脂肪，夾出下方的暗紅色辣醬來試味，很濃的蝦殼／蝦米味，絶非蝦膏。還有魚露的鹹鮮和辣椒的辣味囉！　一丁點也足以噴火 ~~ 爽。　沾少許放在米線上，慢慢享受＜越南順化風味＞。特上小食拼盤　　樣樣小食都要想要，有了拼盤，就可以解決＜選擇困難症＞的煩惱。椒鹽軟殼蟹  自己很喜歡食蟹炸札肉  即是順化粉的札肉。札肉串  肉質好夾脆    牛油雞翼  小米喜歡這個手打蝦餅　　配是拉差蛋黃醬   春卷  外形好似我印象中的米網卷酸瓜 這個很重要。嚐過油炸小食，口中十分油膩，酸瓜就可以解膩。椰青是天然健康的飲品，可以放心讓小米享用，小米竟然懂得把白色椰肉挖出來呢！還問：椰漿係咪椰子水和椰肉攪埋一起嫁？享用過美味越南湯粉，才發現店內已經滿座，平日晚上也爆棚，星期五六日咪好墟冚。　 …查看更多

難得有朋友搵我食飯，忽發奇想去食越南野，於是就嚟到依間Fûhn食越南野。生熟牛肉牛坑腩片湯粉（$72）牛坑腩又淋又滑又有牛味，加上牛骨湯嘅味道，令牛肉味出晒黎，鍾意牛嘅就要試下啦~香茅雞扒撈檬（$69）越南野黎講嘅，我最鍾意就係食撈檬，特別夏天熱辣辣，撈檬涼浸浸，食完就爽YY~而且酸酸甜甜，好醒胃呢個香茅雞扒都好正，煎得啱啱好，有脆脆嘅外皮，又可以keep到裡面肉質鮮嫩，Yummy~特上小食拼盤（$168）對於有選擇困難症嘅我，叫呢個拼盤，就可以一次過滿足曬六個願望，裡面包含左炸雞翼、牛油雞翼、椒鹽軟殼蟹、炸蝦餅、炸扎肉、越式春卷，樣樣都好食！雞翼香嫩，軟殼蟹脆卜卜，蝦餅啖啖肉，春卷皮薄餡滿滿的手牛油果奶昔（$49）牛油果既味道加上奶昔，令到整個口感好豐厚。牛油果味道偏重，鍾意牛油果嘅人就要試吓啦！…查看更多