Sushi Sakura (Closed)

秋風起又是omakase換上新menu 的季節晚餐點了Kin set $1480📍3款前菜、7款刺身、和食、天婦羅、5款壽司、湯品和甜品🦪前菜是生蠔、鮑魚和海帶。蠔身肥瘦適中，味道細膩新鮮幼滑，海水味不會過重；鮑魚爽囗帶點醬油味；海帶新鮮沒有腥味。🐟刺身有石垣雕魚、粒貝、黑炭鹽元貝、鮮北寄貝、牡丹蝦、煙燻堅魚和秋刀魚。推介牡丹蝦和秋刀魚；前者配上烏魚子，更突顯蝦的鮮味感；後者刺身一點腥味也沒有😋和食是酒煮大溝貝🐚🍣壽司有鰤魚、深海池魚、手釣池魚、右口魚、和根室海膽。令人回味是手釣池魚和右口魚。手釣池魚肉質细嫩爽滑，材料新鮮味道濃郁；右口魚油脂豐富，入口即溶，魚油味久久不散。尾聲是魚腩湯和靜崗蜜瓜配紅豆布丁🍮…Read More

講開「廚師發辦」（Omakase），眾所周知，都唔喺消費便宜嘅玩兒，過千一位都喺平常事，其實，坊間都有啲賣三、四百嘅，但可能環境無咁高檔次，質素或許會亦要下調少少，但作為入門試試無妨。如果喺想食番一定質素，但又要求平啲啲，咁就不妨改為食晏，有少部分餐廳午餐都有做「廚師發辦」，而「壽司櫻」喺其中一家，今日就趁假期，同老婆過嚟港島區走走，並且，嘆番餐好嘅！平日晚上嚟「永光中心」都怕怕哋，因為人流太多，排隊等升降機都有排，但假日嘅晏晝嚟感覺就好唔一樣。推門進入第一眼所見就喺吧枱，亦喺食「廚師發辦」嘅最佳位置，因為可以睇到師傅切魚生、揑壽司，以及跟佢哋嘅互動:)。而吧位嘅對面有兩組4人「卡位」，裝修好雅致，而且，特別闊落，好適合3、4人嘅組群，比起坐吧枱更方便傾偈。此外，想私隱度高啲，另一邊有兩個和風個室，都喺放有4、6人嘅大枱，剛好放寬咗可以6人一枱，6人枱就大派用場，不過，個人嚟講，盡可能忍忍唔好約大棚人聚餐啦，減少傳播風險嘛！當然，待疫情消退後，夠人多，包個房嚟聚一聚，不知幾開心。晌呢啲中高檔餐廳，除咗環境，餐具及服務都喺值得留意嘅一環。一碟、一杯都好古雅，甚至筷子托，都小巧別緻。而服務方面，都好熨貼，侍應既有禮，又不時為我哋添茶及收拾餐具。師傅上菜嘅速度，亦喺恰到好處，令人用餐感到悠閒唔急速。講番午市有咩選擇，如上文提及，嚟到都喺試其「廚師發辦」，定價$680，包括先付3種盛、刺身5種盛、和食、天婦羅、壽司3貫、汁物及果物，非常豐富吓。先付3種盛先分享吓個「廚師發辦」套餐，首先喺前菜，以小木托盤一次過送上3款前菜，而賣相喺一貫日本菜嘅精緻，單喺睇都令人賞心悅目啦。日本珍珠蠔唔止器皿靚，擺咁少少食用花瓣，立時都靚好多。有別一般食生蠔嘅食法，加咗少少柚子酸汁嚟調味，卻無蓋過蠔本身嘅蠔味，亦能嗒到海水嘅鹹鮮味，口感又帶點爽脆，喺好有質素嘅生蠔。胡麻秋葵秋葵中間嘅黏黏潺潺感未必人人鍾意，但我同老婆又幾啱，淋上大量胡麻醬及灑下木魚碎，食味大不同。水雲海蜇中間晶瑩透白嘅喺海蜇，但有別我哋食燒味時嗰啲海蜇，口感卻喺同樣爽脆；而周邊墨綠色嘅喺水雲，其實喺啲藻類，滑滑溜溜咁，好有營養價值。右口魚薄切跟住落嚟喺刺身5種盛，先登場喺右口魚薄切，左口魚就食得多少少，右口魚印象中就好少接觸。右口魚刺身切得厚薄均一，足證師傅刀功好，外觀薄透清澈，魚味比較清淡，沾少少酸汁，好有提昇鮮味嘅作用。粒螺師傅介紹第二款刺身喺粒螺，當然真身就唔知喺點，但睇樣就幾新鮮。螺肉切好後，再刨上少少柚子皮。螺肉非常爽口，卻又帶點韌勁，喺跟食魚刺身嘅另一種體驗，再者，柔柔滲出柚子香味，可謂神來之筆。牡丹蝦好嬌巧嘅賣相，確喺非常吸引，師傅介紹時，仲提到蝦面放咗毛蟹肉及鳥魚子，唔止顏值高，更感矜貴咗。一啖入口，肉質黏黏哋卻又帶有爽身嘅口感，而味道複雜紛陳，極具層次。深海池魚處理上唔喺單單就咁切成刺生送上，而喺稍稍炙燒一下，目的喺逼出魚油，因為呢款魚種魚油比較豐盈。炙燒後，唔單令刺身睇起嚟更光澤，入口更富油香，而肉質嫩得嚟帶點點爽口感。鰤魚鰤魚可以少聽啲，但油甘相信大家實聽過，因為大多數迴轉壽司都有供應，其實，鰤魚就等同油甘嘅大人，咪以為大條咗就會肉質嚡，其實佢算喺頂級食材，而且，好講時令。師傅將其兩食，一片簡單做刺身，另一片則做成火炙，同樣都喺口感鮮滑細膩，火炙過嘅油脂更豐腴。黑松露和牛卷完咗5款刺身，就來一客和食暖暖番個胃。外觀好似平平無奇，但和牛厚薄剛好，咬落軟腍極具油香，而中間捲住好多蔬菜絲，如紫洋蔥，翡翠苗之類，再加點炸蒜片，並淋上黑松露醬，令到入口時多一份清爽感，以及味道更多層次。天婦羅原餐牌中，天婦羅部份喺海老，但依家變咗什錦，有薑花、日本青椒仔、甜薯、冬菇及右口魚，多樣化咗，仲啱我老婆，佢鍾意食素嘛！啲天婦羅做得幾好，脆漿薄，入口唔油膩，沾點抹茶鹽，更添一份惹味口感。鯖魚壽司套餐中嘅壽司，安排咗3貫，先喺鯖魚。平時食鯖魚都喺鹽燒做定食，做壽司印象中都算少有。醃漬過鯖魚，加上薄薄嘅昆布，以及軟熟、握得緊致不鬆散嘅赤醋飯，實在滋味。中拖羅壽司吞拿魚中，唔鍾意油脂嘅人會揀赤身，極鍾意油脂嘅就揀大拖羅，中拖羅算唔算兩者之間呢？眼前嘅中拖羅，色澤嫩嫩嘅粉紅，油分十足，入口都頗有入口即溶嘅感覺，的確喺柔嫩味鮮。北海道海膽軍艦一件比一件壽司味濃，最後一件壽司喺海膽軍艦，軍艦上鋪滿大片色澤光亮嘅海膽，小試一口，入口甘香豐腴，質感綿密細膩，喺有種好新鮮嘅感覺；配上脆口嘅紫菜，軟綿綿嘅飯粒，唔止好食，仲有種餘月韻。味噌湯我哋廣東人就喜歡飲湯先，之後先食飯菜，但日本無論食「廚師發辦」，抑或鐵板燒套餐，都喺後段先上汁物。味噌湯雖然無咩帶嚟驚喜，但平實、麵豉味香濃，暖和番啲腸胃。紅豆年糕原本喺果物，但改咗為甜品，晌日本食紅豆年糕都喺啲喜慶日子，雖然依家經濟困難，但都要盡量保持內心喜樂。啲紅豆煮得幾綿，年糕咬落又好煙韌，喺簡單滋味嘅甜點。另一版就喺定食形式，即包咗前菜、沙律、茶碗蒸、味噌湯、甜品，定價為$168-$490，豐儉由人。而主食算喺有7款選擇，但當中3款喺以壽司為主，見到師傅都喺逐揑，逐件上，一樣有食「廚師發辦」嘅感覺。本來一心揀「銀雪魚西京燒」，但剛巧無貨，就改選和牛海膽飯。前菜、沙律前菜喺胡麻秋葵，沙律亦喺簡單嘅沙律菜再淋上醋汁，基本上只要材料喺新鮮，出嚟嘅效果亦唔會太差。和牛海膽飯 $250伴隨主角「和牛海膽飯」登場嘅仲有茶碗蒸同味噌湯，睇到啲餐具都特別有感，好靚、好雅致，捧上手雖然好重、好墜手，但呢啲咪叫手感囉。先講個飯，打開碗蓋，有大大瓣海膽，並鋪滿和牛，和牛油潤好食，甚具肉香，而海膽晌上文都介紹過，鮮甜豐腴，牛肉汁滲入飯中，撈埋啲飯跟海膽一齊食，別有一番滋味。茶碗蒸蛋漿蒸得滑溜無比，兼且甚有蛋香，而且，蛋下滿滿材料，如銀杏、冬菇……等等，面面又淋上一點湯汁，睇得出師傅做得好有誠意，唔會因為只喺一份蒸蛋就馬馬虎虎。味噌湯老婆一向喺愛湯之人，咩湯品都鍾意，再者，呢度嘅味噌湯又確喺做到濃香而不濁味，加入少少昆布、豆腐乾，令簡單嘅味噌湯都可以讓人感覺很好。紅豆年糕定食嘅甜品同樣都喺紅豆年糕，其實，呢樣嘢對啱晒我老婆嘅胃口，所以，佢食得特別稱心。質素即喺質素，無論刺身、壽司、天婦羅或定食，都食得出用料不賴，加上師傅嘅手勢好，製作用心，以及貼心、有禮嘅服務，都令到我哋有個愉快嘅午餐時段，老婆都話嚟到食晏確喺英明之選。…Read More

揀咗間喺銅鑼灣嘅壽司店試吓😬 點咗Omakase $680，當中包括前菜三款、刺身五款、和食兩款、天婦羅、壽司三款、味增湯同甜品😙 前菜：蟹肉湯凍 將湯嘅精華味道凝固，放入口先慢慢溶化，同時加上蟹肉絲增加口感🦀 幾中意呢個做法😊 #珍珠蠔 細細隻但好鮮甜🦪 海蜇水雲 當中水雲滑身嘅口感加上爽脆嘅海蜇相輔相成👍🏻 配埋酸酸地嘅汁好開胃😌 刺身：鰈魚刺身 肉感本身富有彈性，用薄切非常適合😋 牡丹蝦 唔單止賣相靚靚，將蝦膏放上面，加強鮮甜嘅層次🦐 秋刀魚 緊致具彈性，每塊切嘅大小厚度啱啱好 🐟金目魚 配士多啤梨醬，幾特別嘅配搭，味道係ok但唔岩我口味😅 堅魚 小小魚嘅味道，食到有小小類似筋位咁，呢件覺得普通👀 和食：五花腩 係煮得好入味，係好食嘅，但老實講如果要食五花腩，唔會黎壽司店食😅 天婦羅 有魚、菇、番薯，配上幾特別嘅綠茶鹽，炸得皮薄外脆👍🏻 壽司：大溝貝 口感爽脆鮮甜，好似係第一次食，唔錯😋 海鰻肉質軟腍、夠新鮮 北海道馬糞海膽 😻一定係最期待嘅壽司，的確非常鮮甜，入口溶化🤤 最後以 味增湯 同 紫薯紅豆慕絲 作結尾😛環境方面，門口幾靚、但入面冇想像中咁靚，bar枱位置前面會俾一個放壽司嘅櫃，擋住咗欣賞師傅嘅刀法😅 整體食物都新鮮唔錯，壽司幾款都鍾意，只不過當中竟然覺得前菜好過刺身，冇一種好想再試多次嘅感覺👀 見openrice上好評佔多，唔知係咪咁岩今次配搭唔岩我😗 但以性價比黎講唔錯，思鄉就試咗先講😹…Read More

妹妹曾推介這家新開的日本餐廳, 而今天路過銅鑼灣, 所以來試一試. 在吧枱上就座, 枱面没有醬油等調味料, 感覺乾淨俐落.  不過餐牌更加乾淨俐落, 午市套餐7 款 & OMAKASE.  每天工作已經很忙, 回家又要教仔, 間中要放縱一下, 讓大腦休息一下. 外出午餐, 不想再為點菜煩惱, 所以選擇OMAKASE廚師發板, 把食物決定權交給主廚吧!  也許OMAKASE能夠為味蕾帶來新驚喜.  小米則看中了和牛飯午市套餐.  下單後, 著小米去清潔雙手. 小米的午市套餐先呈上, 沙律, 前菜, 茶碗蒸, 麵豉湯.  而小米不食和牛飯面的海膽, 自己先取走海膽...獨吞!  OMAKASE的3款前菜來到了! 擺盤美美的, 很有秋天的感覺. 看著三款前菜,  迷惘之際, 職員主動介紹三款前菜小食. 蟹肉湯凍醋蜜   醋蜜啫喱酸度不高, 當中還混有花瓣, 細碎的蟹肉味道較清, 作為第一道餐前小食十分適合. 白子配酸汁 食用金箔 辣蘿蔔蓉   小米看到白子後, 表示: 呢個似大腦! 其實是雞子, 牛荔枝的朋友! 唯有告訴小米: 是男仔大魚才有的東西哦!! 之前嚐過烤焗白子, 現在是浸於酸汁之中的白子. 酸和辣可以辟除腥味, 好讓軟綿綿白子提昇鮮味.    北寄貝 水雲   水雲=海草, 片片北寄貝配微酸的調味, 可以除去味蕾上白子殘留的油膩, 好為下一道菜作預備. 來到5款刺身了. 右口魚刺身 配粉紅色岩鹽     右口魚=鰈魚   雖然跟左口魚同為鰈目, 二者卻是不同種. 看著主廚在三片右口魚刺身灑上即磨粉紅岩鹽. 三層刺身叠一起, 在最底下的一塊, 相對岩鹽就較少. 所以先夾出最下方的右口魚. 只有少量岩鹽, 可以感受右口魚最原本的口感和味道. 肉質結實, 爽脆, 油份不多, 而味道較清較淡. 如果使用豉油, 會蓋過右口魚的原味.  難怪主廚只用鹽. 粒貝&柚子碎   粒貝=海螺, 表面黃色的柚子皮碎碎, 蘊含柑橘類特有的香氣, 真身叫揮發油, 來提昇螺肉的鮮味.    火炙大溝貝  啡色一塊, 顏色前深後淺, 有橫向紋理, 此仍何物? 當然要問主廚, 大溝貝是也, 真身似小型象拔蚌. 經過火炙, 仍看到對半切開的管身, 邊緣燒得脆脆焦香, 原來中間卻很嫩滑, 有點似墨魚刺身的質地, 但比墨魚更脆身, 配上鹹中帶甜的醬汁, 用最簡單的形容詞<鮮甜美味>.    牡丹蝦 白蝦 蝦膏 烏魚籽 保留著牡丹蝦尾, 叠起來似一朵花, 更似細路女頭上的噴泉辮子.  牡丹蝦加入白蝦肉, 再把蝦膏挑出來, 果然將牡丹蝦各部份都用盡不浪費. 牡丹蝦粘粘糊糊, 白蝦肉彈牙, 甘香的蝦膏配點點帶鹹的烏魚籽, 其實無需再加醬油了!    火炙鰤魚 附蔥花芝麻   主廚話 : 鰤魚=成人版本的油甘魚     魚肉角位是深紅色, 又真的有點似油甘魚.   鰤魚刺身  在上枱前, 主廚早已在刺身掃上醬汁, 配青柚子芥末. 鰤魚刺身口感比火炙鰤魚更爽脆, 要慢慢咀嚼, 好讓味蕾感受鰤魚那淡淡的油香. 果然是成人的油甘魚!   深海池魚頭  看著一碟燒至金黃色的魚頭, 心中不禁疑惑 : 咩魚來嫁??? 食材的事, 就要向主廚了解.  OMAKASE的額外服務, 就是有專人馬上解答.  <深海池魚頭>是也!!! 三文魚頭, 油甘魚頭都遇過. 池魚則是首次遇上. 小小的青檸, 不足以均分在整個魚頭, 所以就滴在小碟醬油裡, 把撕下的魚肉, 輕輕沾上醬汁來享用, 保証有儀態.   天婦羅 配抹茶鹽    全因天婦羅薄薄的炸皮, 容易認出蕃薯, 蝦&青椒, 而旁邊紫色一梳梳的, 是茄子嗎?   最重要是炸皮没有梘水味!! 可以嚐到黃色蕃薯微微的甜味, 青椒那特有的青味.  長長的蝦肉, 竟然很有彈性又鮮味十足, 接近新鮮蝦肉.   註: 曾遇過勁厚粉漿來扮大隻且炸皮帶有梘水味的天婦羅. 然後又來到壽司3貫  火炙大溝貝裙邊壽司 大溝貝的伸縮管身做刺身, 為物盡其用, 裙邊則用來做壽司, 還擺得美美的, 似雀仔. 同樣動作 : 主廚提前在大溝貝裙邊掃上醬油!  燒過的大溝貝裙邊, 邊緣位是脆口,  中間爽脆嫩滑, 不太硬, 不太韌. 而壽司飯酸只帶淡淡的醋味, 没有蓋過大溝貝的鮮味.  櫻花蝦拖羅壽司   附有櫻花蝦乾 芝麻 蔥花  以紫菜包著整個壽司, 保証所有食材都放入口中慢慢享用. 燒過的拖羅半生熟, 有刺身的微酸, 也有紫菜芝麻蔥花混合的香氣.   海膽軍艦    剛才SET LUNCH和牛飯表面那几塊海膽配紫蘇葉, 美味瞬間即逝, 不夠滿足! 現在有放滿橙紅色海膽的軍艦, 正! 個人覺得 : 海膽要配白飯才可延長&放大海膽的美味.  白飯雖然平凡, 但没有太特別的味道, 不會影響其他食材的原味, 配任何食物都OK,  這就是<中庸之道>. 把整個軍艦放在口裡, 慢慢咀嚼. 海膽有白飯加持, 味蕾就有充分時間來感受那海膽的甘香.  自己味覺本身較敏感, 這份海膽是没有苦味!!!  嚐過多款主食, 來到湯了.    麵豉湯  跟午市套餐的麵豉湯一樣, 顏色偏橙紅, 可能添加了赤麵豉. 而小米表示這個湯有微微的酸味.  小米果然是遺傳了<高敏感度>的味蕾...   甜品 ~ 紅豆南瓜布甸    當知道是南瓜布甸後, 馬上向主廚了解: 布甸是否含有牛奶? 只怪小米對牛奶酪蛋白敏感呢! 幸好, 主廚馬上預備一堆淨紅豆給小米享用.    一小杯的甜品, 來一口清茶, 作為美味午餐的句號.    用餐時跟主廚交談, 才發現主廚跟我之間, 是有一位共同認識的人! 而且多年來, 三人多次在同一時間, 同一地點出現! 果然有驚喜! …Read More