Hotpot Instinct

雖然香港人一連四季都會打邊爐，但天氣凍嘅時候，就更加想打邊爐。本色係一間走中檔路線的火鍋店，雖然位在北角，不過估唔到平日晚上都幾旺場。本色的抽風系統做得幾好，食完都唔會好大陣打邊爐味。座位亦夠闊落，其中兩張Ｕ形枱，人多都坐得落。湯底有十幾款選擇，無論港式或台式藥膳湯底都有。一品酸菜魚鍋($288)這個酸菜魚鍋有成條桂花魚，再加上大量酸菜、芽菜、芫荽同辣椒，非常足料。趁未落火鍋料前先飲啖湯試味，酸酸地辣辣地咁，味道非常濃郁，但食完又唔會覺得口喝，証明冇落味精。桂花魚好多肉，肉質好滑。酸梅湯($42)酸梅湯因為剛剛煲起所以唔夠凍，不過侍應都細心送上冰塊。牛魔王拼盤(小)($328)哩個牛魔王拼盤可以一次過食勻金錢展、牛肩甲肉、牛柳粒、牛頸脊同牛胸尖，份量夠二至四人食，真係啱晒牛魔王呀!金錢展唔會切得太薄，有少少彈口。牛肩甲肉雪花紋好平均，食落都幾腍幾嫩滑，牛味都幾濃。牛柳粒雖然比較厚身，但唔洗煮太熟，食落好有咬口又唔會太韌。牛胸尖外表似似地肥豬膏，但食落其實係爽口，都幾特別。牛頸脊好腍好滑，鍾意食軟滑口感嘅就最啱。新竹米粉($30)米粉夠鬆，煮熟左都唔會太腍，幾好食。總結，雖然湯底同火鍋料唔算平，但真材實料交足功課，座位亦舒服，如果本身對食物同環境比較有要求應該唔會失望。…查看更多

北角 對於我來説的確毫不陌生，可以話由細住到大。講到 #打邊爐 簡直是我至愛全因圍爐而坐，陪感親切又能開懷大吃。由 火鍋本色 改名為 本色鍋品料理 ，位於丹拿花園附近，整體上與從前一樣私穩度其高。有圓枱、卡位、梳化位等位置，並設有大電視相當舒適。任點散叫形式，大多以高質食材為主。醬料每人 $18，茶位則每人 $8。滋補白鳳美人鍋 $298 湯底有多於10款的選擇，今次選擇了滋補白鳳美人鍋。一上桌相當吸晴，原隻老火烏雞，每一口湯都煲出濃郁並掛湯。美人鍋內的材料豐富有花膠、杞子、淮山煲至細膩，暖笠笠再打邊爐是唔錯的選擇。牛魔王拼盤（小） $328不同的肉類選擇，一班朋友相聚可選擇 #牛魔王拼盤內含：美國牛頸脊、美國牛肩胛肉、美國金錢𦟌、極品牛胸爽、甘香牛柳粒。牛頸脊紋理分明，肉質軟腍而有嚼勁。牛肩胛肉與金錢𦟌相比牛頸脊為厚身，滿帶肉香配合醬料同吃不俗。甘香牛柳粒烹調時間耐一點，粒粒厚身不會太韌。最後牛胸爽以白色為主，帶點爽口不過口味上各有捧場者。金牌手工丸 $108以梯形形式的鋪排「金牌手工丸」外型上相當吸晴。內含芝士海蝦丸、黑松露丸、手打鮮牛丸、流沙豬肉丸四款選擇，無論顏色及排位都色彩繽紛。手工丸粒粒人手製作，彈牙又飽滿而且新鮮美味。自製韭菜餃 $68對於韮菜餃我是情有獨鍾，每一隻餃子自家製大多以皮薄餡靚為主；特別內含的韮菜飽滿而有嫩綠色爽脆，才算是新鮮度高與濃郁湯底陪感滋味。菜心苗$28火鍋蔬菜類都比較多，近年都會有菠菜苗、菜心苗、番薯苗、水蓮等，平時大家食菜心都比較硬身，反而菜心苗比較軟腍並帶有菜心的味道，吸收湯底嘅精華更為入味。芋圓豆腐花 $28火鍋店歷久常新，近年流行芋圓都會加入為飯後甜品。芋圓以買貨來説都是合格，帶有煙韌口感配合冰凍涼粉及滑溜花奶，冷熱共融的確為這餐飯劃上完滿的句號。…查看更多

北角丹拿道呢間火鍋店，估唔到有咁高水準，今晚試左之後真的讚口不絕👍🏻佢哋有幾款招牌鍋底，包括：滷水鍋、美人鍋、酸菜魚鍋，材料足兼貨真價實，天氣開始涼涼地，我哋決定試吓個滋補花膠白鳳美人鍋$298元🤗混醬當然係指定動作，配料齊備，而且新鮮👍🏻嘩！足料靚湯底好快送上，店員講明真材實料，童叟無欺，大大個銅製火鍋，顯得特別高貴，零舍不同，材料有花膠、原隻烏雞、加上大量滋補藥材，仲有生晒龍眼乾，聞到陣味都已經口水流😋店員服侍周到，還提醒我們小心燙咀，一碗足料的花膠湯，已經放在我面前，咁多藥材煲成嘅濃湯，果然與眾不同，入口濃而不涸，滋補養顏，係時候補充下骨膠原了😍田園蔬菜盤$88，靚到吖，好似擺設藝術品咁，顏色鮮艷，配搭又靚，既美觀又實際，已經有多款蔬菜🥬，非常超值！牛魔王拼盤（小）$328，五款不同部份靚牛，全部標籤好，清清楚楚，食火鍋又點少得吖🤗而我就最Like美國牛肩胛肉和牛頸脊，皆因夠肉味又有咬口，而且新鮮嫰滑，每日飛機✈️運到👍🏻金牌手工丸$108，四款不同自家製的手工丸，整齊擺放在樓梯形狀的木架上，份外高貴，每款兩粒🤗酸梅湯（渣）$42，食火鍋飲就最啱，消滯解渴，酸酸娓娓，店員不時為你加添，服務十分細心，環境舒適，坐得舒服，又冇時間限制，買單人均消費$500左右，真係值回票價👍🏻…查看更多