City of Darkness

【覓食實況】天后参不館地址： 天后電器道68-70號樹林銀座7樓全層人均消費： 約 $640 (兩個人total $1282.6)推介度： ⭐⭐⭐⭐ (值得特別日子去試！)我同個 Friend 星期二晚去挑機，見到個單人均要六舊幾水，真係心諗：「食咗金定食咗鑽石？」 但食完之後，我可以好負責任咁講：佢哋啲靚料真係無得輸！🍲 湯底：極端鴛鴦鍋，有辣有唔辣 (金銀蛋/媽!好辣啊) 我哋貪玩叫咗個 媽!好辣啊 麻辣湯 ($雙拼加多20)，痴線！個名無呃你，辣到我哋兩個係咁叫 梳打水 ($16）嗰種辣係直衝頭頂，但係個香料味又勁夠，係又愛又恨嘅感覺！ 另一邊個金銀蛋菠菜豆腐湯 ($62) 就係救命恩人，清甜解辣，平衡返麻辣個刺激，一定要配埋叫！我見到隔離枱叫咗個花膠雞湯個樣都好唔錯，下次要試！！🐂 牛魔王拼盤 ($488)：今晚嘅主角，正到痺！ 呢個拼盤真係霸氣十足，四款靚牛一次過排好晒。我哋食落口，就知點解個價錢咁硬淨。啲牛肉油花靚到發光，落鍋八秒即刻粉嫩上碟，入口即溶，肉味勁濃郁！ 俾多啲錢都係為咗食呢啲貨色。如果你係牛魔王，呢個係必點，無討論空間。🐷 其他配料：黑毛豬、五寶丸 ($138/$98) 叫咗份西班牙黑毛豬，肉質好爽口彈牙，無乜豬羶味，比一般嘅豬肉高一班。手打五寶丸就中規中矩，合格有餘，但主角始終係牛肉。【總結】如果你想食豪少少、對牛肉品質有要求，又鍾意挑戰辣度，叁不館 絕對係你嘅 target！雖然人均消費比較高，但用咗 $1300 換嚟一個咁滿足嘅火鍋體驗，我哋覺得都「都做抵食嘅」。記得叫定多幾支嘢飲解辣！🚨 勁筍優惠： 今次最抵玩係佢哋個 $1/支啤酒 優惠！只要 Follow 佢哋 社交平台 專頁，就可以用 $10 蚊買到 10 支指定啤酒 (醇滑嘉士伯/青島)。我哋今次人均消費 $640 已經輕鬆達到 $500 門檻，係必用優惠！✅ 實用貼士：超抵！ 啤酒當水飲都得！但記得每次去只能用一次優惠。重點！ 如果飲唔晒 10 支，可以暫存 90 日！下次嚟之前記得要先 WhatsApp 訂座 拎返啲存貨，唔好白白浪費！條件： 必須 2 人以上，同埋消費要過 $500，不過食火鍋好易過啦！…Read More

咯咯雞花膠湯$298牛魔王拼盤$488蘇格蘭蟶子$58/隻扇貝$38/隻自家製四拼餃$98手打五寶丸$98新鮮炸響鈴$68雙拼豆卜$70好味指數：😋😋😋😋😋抵食指數：💲💲💲💲環境舒適：😌😌😌😌環境衛生：🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️香港有不少富特色的火鍋店，以前去過幾間，今次就去了位於天后，帶70年代大排檔感覺的火鍋🍲店。門口位有越來越少見的霓虹燈招牌及裝飾。店內有放鐵皮信箱、竹籮、竹篩等作裝飾。此店裝修特別之餘，食物亦不錯。咯咯雞花膠湯似是經長時間熬煮。按侍應提議，先嚐一碗湯。雞🐓味香濃，不油膩。配了半隻雞的雞件及花膠。雞件肉質不鞋口。軟滑的花膠滿滿骨膠原。牛魔王拼盤一大盤，有本地手切肥牛、頂級安格斯牛頸脊、牛脷托、手切封門柳、鮮牛肉粒、黑安格斯牛板腱。當中最喜歡頂級安格斯牛頸脊，肉質柔嫩，有豐富油花。蘇格蘭蟶子口感爽彈。按侍應的建議，把扇貝放入鍋內灼大約2分鐘，口感不會太硬。自家製四拼餃有鮮蝦雲吞、韮菜餃、芫茜🌿餃、午餐肉餃。鮮蝦雲吞內有一大隻爽口蝦仁🍤。午餐肉餃夠特別，比較少吃到。手打五寶丸有豬肉丸、帶陳皮味的鯪魚丸、肉味濃郁又juicy的牛丸，彈牙的墨魚丸和蝦丸。新鮮炸響鈴好鬆化。餐廳最近有限時優惠，只要做齊步驟，就可享$1啤酒🍻！…Read More

🙋🏻‍♂️餓底探員去咗天后調查呢間火鍋店，餐廳裝修充滿80年代懷舊風情，店內播放著經典粵語流行曲，店員服務周到，細心講解menu同推介食咩，喺度用餐好有氣氛🫙醬油 $18/位🙋🏻‍♂️表示有10款醬油供應，可以按自己心水調配醬油，必食自家製蔥油醬，味道香濃惹味，仲可以買返屋企，$58樽約220g🍲今晚卜卜蜆煲 $198🙋🏻‍♂️表示個湯底入面有蜆肉同芽菜等湯料，份量好多，湯底不含味精，飲落清甜鮮香，充滿蜆肉鮮味🥩牛魔王拼盤 $488🙋🏻‍♂️表示個拼盤有本地手切肥牛，安格斯牛頸脊，手切封門柳，鮮牛肉粒，安格斯牛板腱同牛脷托，一次過有6種唔同部位，油花均勻，呢個拼盤必點👍🏻餓底最愛係牛頸脊，口感非常嫩滑，牛味香濃，鮮牛肉粒口感鮮嫩，食落香軟juicy🐤花雕醉雞件 $118/半份🙋🏻‍♂️表示雞件以花雕酒浸製，肉質嫩滑，食落有淡淡花雕酒香🦐海中蝦 $88/半份🐚蘇格蘭蟶子 $58/隻🙋🏻‍♂️表示海蝦口感彈牙，味道鮮甜，蟶子好大隻，肉質爽口，食落好有鮮味🥟自家製四拼餃 $98🙋🏻‍♂️表示4種餃分別有鮮蝦雲吞，韮菜餃，芫荽餃同午餐肉餃，每粒手工包成，漲卜卜好飽滿，餓底最愛雲吞，食落爽口，充滿蝦肉鮮味，午餐肉餃味道香軟juicy，用午餐肉做餡料幾特別🦐蝦膠油炸鬼 $78🙋🏻‍♂️表示個油炸鬼有兩隻味，一款係蝦籽，另一款係海苔，口感酥脆，蝦籽味道鮮甜，海苔味道香濃，各有特色，必食😍🫔紫菜炸響鈴 $68🙋🏻‍♂️表示個響鈴炸到好酥脆，入面包住紫菜，食落有雙重口感，味道好正🌽椒鹽粟米 $68🙋🏻‍♂️表示粟米一條條疊起，面頭放上炸蒜，粟米味道鮮甜，咬落多汁，連埋炸蒜一齊食更加香口惹味，推介👍🏻⚠️餐廳有限時優惠活動，只要follow餐廳IG就可享優惠價$1枝指定啤酒，詳情可向店員查詢📈吃貨指數😋好味度 9/10🔙返啅度 9/10…Read More

這間人氣火鍋店是叁嘗的副線，位於天后的樹林銀座，主打港式火鍋，裝潢以八十年代老香港為主題，有仿九龍皇帝的字體牆及港漫巨型油畫等，充滿港式的獨特風味，適合多人聚會。限時優惠完成指定任務可享$1/支啤酒，可跟齊一班朋友聖誕飲勝～醬料 - $18位排列得整齊有序的十種醬油配料，其中蔥頭油最為有特色，酥香四溢、餘味悠長；自家製沙嗲醬亦值得一試，有濃厚的花生香氣又帶點微辣。開胃小食 - $20/碟莫生氣椰椰雞湯 - $178奶白色的鮮雞湯細火熬煮而成，內有一絲絲椰子肉，倒入一整個優質老椰子水，再加入半份肥美飽滿的鮮雞，椰子雞湯的清甜不膩，口感順滑，充滿豐富營養又滋補清潤。牛魔王拼盤 - $488六個不同部位各有六片。極級本地手切肥牛肥瘦相間，肥而不膩，瘦而不柴，嫩滑又多汁；頂級安格斯牛頸脊密密分佈著雪白的油花，肉味濃郁，肥嫩而具彈性；牛脷托取自牛舌最近喉嚨最厚肉的部位，外層軟腍，內裹煙韌有彈性，油香及肉味極濃；手切封門柳結實而有嚼勁；鮮牛肉粒油花雖少，但極軟腍多汁；黑安格斯牛板腱有一根透明的嫩筋，脂肪少肉結實。日本扇貝 - $38/隻雪白肉厚的鮮帶子有著純淨的清甜，裙邊帶爽脆，月牙位軟糯。海中蝦 - $88/半份爽口彈牙且易去殼充滿鮮味。蘇格蘭蟶子 - $58/隻色白鮮甜的蟶子肉嫩且肥厚，入口無沙啖啖肉。大連鮑魚 - $38/隻厚身爽身的鮮鮑魚切去內臟，有明顯的鮑魚鮮味。雙拼豆卜 - $70軟綿綿的豆卜好掛湯，免治豬肉軟腍多汁富鮮味，而鯪魚肉則嫩滑起膠富彈性。水魷 - $68魷魚肉身較厚，口感爽滑，而魷魚鬚則較爽脆，兩者均好鮮甜。唐生菜 - $42新鮮翠綠的蔬菜平衡油膩感。藍妹 - $42/支源自德國的藍妹啤酒味道較為清新淡雅，啤酒花苦味則偏淡。夏枯草 - $48/榨甘甜可口，有清熱解毒之用，最適合火鍋。…Read More

環境5分：懷舊香港裝飾，懷舊音樂由八十年代聽到現代，實有首你識唱。枱櫈有大排檔feel格局，可以畀五分。衛生5分：枱面有煮食餐具同紙巾圈，有很多種調味料任君選擇，有幾種仲要係自家製，非常有心思，乾淨企理畀五分。服務5分：侍應生非常後生，爽手唔囉唆，落單上菜加湯全部都好快，態度好好畀滿分。味道5分：1)   菜乾雞腳湯非常足料，除咗菜乾同雞腳之外，有紅蘿蔔，蟲草花，粟米，飲落非常鮮甜，雞腳好淋，紅蘿蔔要煮多陣先得。2) 牛魔王拼盤有六種，牛胸尖好爽脆；牛脷托爽彈；鮮牛肉粒依個要煮耐一陣，唔係中間唔夠熱；手切封門柳師傅起雙飛，切功一流，食落好有牛味；頂級安格斯牛頸脊最嫩滑；極級手切本地肥牛好鬆身。3) 蘇蘭蟶子分半鐘搞掂，非常新鮮彈牙。4) 日本扇貝就要耐少少，兩分半，一雌一雄，肥大又鮮滑。5) 皇帝菜新鮮爽嫩。6) 海帶結結起黎食好得意，仲有芽菜仔墊底。7)  蘿蔔片煮到最尾夠淋仲入哂味。抵食5分：六百零蚊可以食哂六款牛肉，又有兩款海鮮，加埋啤酒蔬菜，有靚雞腳湯底，飽肚滿足，抵食一定滿分。…Read More

天氣開始涼涼地特別鍾意打邊爐😆今次係天后覓食搵到叁不館呢間火鍋店～ 裝修夠哂懷舊，完全令我諗番起小時候嘅回憶～ 湯底叫左香茜皮蛋湯拼復古沙嗲湯🍲呢度嘅沙嗲湯出哂名夠哂濃郁同埋係傳統嘅沙嗲湯味～ 熟食方面叫左個椒鹽龍蝦，新鮮生猛嘅龍蝦用椒鹽嘅整法真係第1次食，啖啖肉超惹味！火鍋配料點左牛魔王拼盤，一次過試哂極級本地手切肥牛，頂級安格斯牛頸脊，手切封門柳，鮮牛肉粒，牛胸尖及牛脷托，不同部位不同口感，但個人認為一定要配沙嗲湯，呢個配搭係無得輸！另外仲點左日本扇貝，夠大隻又鮮甜～仲有其他配料都非常足料大份！ 最特別係我好欣賞佢呢度其中一款醬料係蔥頭油，超香！！！ 非常值得推介👍👍原來仲有得買番屋企架一罐自家制蔥頭油280ml $58，好味到忍唔住買番屋企可以撈麵食😋😋😋 …Read More

睇完 “Physical:100” 之後，覺得「Sexyama」真係超級Charm 💪🏼 見到佢前一排嚟香港做訪問，有去「叁不館」打邊爐🍲於是我又想嚟試吓😋餐廳裝修好有心思，老香港、懷舊大排檔特色，令我打卡打得好開心😁我最鍾意打邊爐就係要混醬，佢哋嘅醬料齊全，仲有自家製嘅蔥油同沙茶醬，令醬料增添滋味！湯底方面，我預留左「咯咯雞花膠湯」店員特別提醒我地要先品嘗一下雞湯先再放食物。雞湯濃郁，啖啖鮮甜，飲得出真材實，無落味精！而且仲有四塊大花膠，雞肉新鮮又嫩滑。趁等緊朋友嘅時候，我哋嗌左份「黃金鮮魷」食住先。魷魚厚厚一片，有口感嘅同時亦好軟滑，加𠹺薄身脆漿同邪惡鹹蛋黃醬，真係好好味😋其他食材都好新鮮，選擇亦多，我哋揀咗「牛魔王拼盤」、「雜菜拼盤」同「雜菇拼盤」貪心又貪方便，樣樣都有D。每款拼盤份量都好大，尤其蔬菜類，到最後我哋都冇辦法食得晒。餐廳有播歌，有懷舊金曲，又有近期hit 歌🎶聽完Beyond 之後有Dear Jane，新舊交替都幾得意。店員動作勤快，會自動幫我哋收碟同加湯。我呢個「hot-potholic 」應該會時不時上去打邊爐🤭…Read More

叁不館主打港式火鍋，裝修以古式茶檔、香港電影等為主題，一入去就好似穿梭翻去5、60年代嘅老香港咁，真係打卡必去😆！店員每次都會主動介紹湯底、食材，大家唔洗驚眼花撩亂～餐廳嘅食材全部都好新鮮，無論係蔬菜🥗、牛肉、海鮮、丸類、雲吞都係新鮮採購或手打。另外，值得一提嘅係餐廳提供好多醬料比客人自己調製蘸醬，當中仲有自家特製嘅蔥油添，小編試過真係好香😋！------------------------------眾人皆醒醉雞湯  $148呢個湯會包埋一碟醉雞。湯底嘅花雕酒味好香🥘，入面有唔少當歸、紅棗、淮山、杞子同桂圓肉，味道十分濃郁🤤。------------------------------牛魔王拼盤 $468呢個拼盤有齊曬極級本地手切肥牛🐮頂級安格斯牛肩脊🐮手切封門柳🐮鮮牛肉粒🐮牛胸尖🐮牛脷托🐮。牛肉各有6片，全部都好新鮮、牛味十足，顏色鮮紅，小編特別推薦安格斯牛肩脊同牛肉粒🙌🏻。------------------------------手打五寶丸 $98因為實在有太多丸類選擇，貪心嘅小編就要咗呢個拼盤🥳，入面有齊曬豬肉丸、鯪魚丸、牛丸、墨丸、蝦丸。全部丸類都係新鮮手打，牛丸同豬肉丸一咬落去爆汁，墨丸蝦丸好彈牙😋。------------------------------鮮蝦雲吞 $80雲吞每粒都好飽滿，入面係滿滿嘅鮮蝦餡料，十分juicy同彈牙。------------------------------雜菜拼盤 $88呢個拼盤有生菜、油墨菜、小白菜、粟米等等，全部都好新鮮🥗。------------------------------檸檬薏米水 $48食咗咁多熱氣嘢，緊係要飲杯檸檬薏米水下火啦！薏米水好清涼，而且唔會過甜，幾好飲。…Read More

🙋🏻‍♂️餓底探員今晚去咗天后調查呢間懷舊火鍋店，店內裝修好懷舊，好有80年代嘅感覺，店員服務好周到，由講解餐牌，介紹食物，煮嘅時候有咩要注意都詳細說明，喺度用餐感覺好舒服🥥莫生氣椰椰雞湯 $178📸表示個湯底入面已經有椰子同粟米，仲有半隻雞同個椰青，店員會幫忙倒個椰青水落個湯底度，好貼心🙋🏻‍♂️表示個湯底本身已經有滿滿嘅椰子味，倒埋半隻雞落去煮，飲落更加鮮甜，未開始打邊爐已經飲咗成碗湯，好滋潤🥩牛魔王拼盤 $468📸表示個拼盤有極級本地手切肥牛，頂級安格斯牛頸脊，手切封門柳，鮮牛肉粒，牛胸尖同牛脷托，一次過食到6種唔同嘅牛，牛魔王絕對唔可以錯過，成個拼盤好震撼眼球🙋🏻‍♂️表示個拼盤餓底最愛係牛胸尖，佢係牛心臟旁邊嘅脂肪膜，睇落好似嚿油脂，但食落唔油，口感爽脆，另外牛頸脊餓底都私心推介，口感非常嫩滑，牛味好重🥟招牌午餐肉餃 $80📸表示個午餐肉餃一碟有8粒，每粒都包到好豐滿，睇見都流晒口水🙋🏻‍♂️表示個午餐肉餃入面包住午餐肉同豬肉，食落好juicy，用午餐肉做餡幾特別🍡爽彈牛筋丸 $78📸表示個牛筋丸一碟有8粒，每粒都算大粒🙋🏻‍♂️表示個牛筋丸食落爽口彈牙，味道唔錯嘅🦐蝦膠油炸鬼 $78📸表示個油炸鬼有兩隻味，一款係鋪滿蝦籽，另一款鋪滿咗海苔，一橙一綠顏色好鮮艷🙋🏻‍♂️表示個油炸鬼食落都仲酥脆，蝦籽味食落鮮甜，海苔味食落好香口，各有特色，店員仲溫馨提示要將個油炸鬼反轉嚟煮📈吃貨指數😋好味度 8.5/10🔙返啅度 8.5/10…Read More

首先一去到餐廳，店員就會很親切地介紹餐牌的湯底，食物等 🥰 小吉湯底不能做雙併，因為小吉湯底的料較足，是比較特別的湯底👍 枝竹豆腐魚頭湯 $198現在有冬天系列湯底，所以我們這次嘗了枝竹豆腐魚頭湯，建議先飲湯，因為湯底超甜 😋 食物方面，打星星的食物能做雙拼，而螢光筆劃下的是新鮮肉肉🍖和刺身🌊 牛魔王拼盤 $468 🐂 牛魔王拼盤是除了滑牛肉外，所有肉肉都齊，所以推介 ！！🤩 手切肥牛牛味重😎而安格斯牛，油脂分佈平均🤤封門柳口感則比較厚實🥩牛胸尖口感很爽，大概變彎就可以食 😚 牛舌比較薄切，也是挺爽口彈牙 👍 蝦膠油炸鬼  $78要注意下鍋的方向，應該先下🦐落蝦膠那一邊，否則油炸鬼就會變淋😶，大概至蝦滑變色就可以👍彈牙的蝦滑配上脆脆的油炸鬼，口感很特別，推薦！！！ 🐷豬肉釀豆卜，🐟鯪魚釀豆卜（雙併） $70這個沒有甚麼驚喜，一般般～～ 紫菜炸響鈴  $68質素不過不失 😛 竹蔗茅根海底椰（榨） $48 總結：食物頗高質，特別是肉肉及湯底 🤤 座位方面不會與鄰座相隔太近，所以還算舒適 👍 叁不館天后電氣道68號金輪天地7樓…Read More