HK Gyu-Kaku Jinan-Bou (Closed)

做咗牛角會員咁耐都冇食過呢間，週末中午同男朋友經過就嚟試吓，叫了以下兩個丼B. 牛角次男坊丼(草飼牛腹腩) $89男朋友叫左依個 雖然話有16 cm高 實物比相片看起來細😣其實只有面頭一層牛肉🥓下面係用芽菜疊高佢🍚飯既份量應該正常男朋友都全部食晒 我覺得稍為大食少少嘅男仔可能會唔夠飽…🫣🫣牛肉燒過 味道幾好食 男朋友覺得似豬肉多啲😂S2. 醬燒安格斯牛板腱肉蔬菜丼 $88我唔想食咁多飯叫咗個蔬菜丼 其實係沙律😂牛肉幾好食唔會肥 但下面個胡麻沙律醬汁太多 食到尾好鹹🤢記得要叫佢少沙律醬！炸雞塊 +$18有4件都算大件 炸粉吾厚幾好食👍🏻👍🏻雖然唔使加一 牛角會員亦有九折 但整體性價比唔算高☹️寧願去食牛角 應該唔會再嚟食…Read More

作為住係附近既居民，呢間牛角次男坊係我唔知食咩既時候會選擇既餐廳。今次想介紹下最穩陣既飯d牛肉堆得好高，醬汁味道同牛角燒肉汁相似，肉下面亦都有芽菜解膩，而飯既份量都好適中，不過胃口細既我會剩一兩啖而我每次去都會追加一份鴨肝（～$25），因為鴨肝d油脂送飯真係好正！如果住係九龍灣既朋友仔覺得燒肉太heavy而又想食肉，真係值得一試！餐廳入面既位置雖然唔算多，不過都坐得舒服，但環境就偏暗左少少而個燈光都令人覺得有少少熱，希望可以改善下！:)…Read More

-牛角除左有得食燒肉之外🥩原來都平價版既燒肉丼🤤味道一啲都唔差👍🏼無時間慢慢燒肉食 食呢個止下癮都好☺️———————————————————-🍴牛角次男坊丼($86)呢款燒肉丼應該都係佢地招牌之一眼見有唔少人都叫呢款😯肉個方面 佢地用左草飼牛腹腩🐮食落唔會乾爭爭 仲帶些少肥肉而且仲堆到成座山咁高⛰😂肉下面仲有啲芽菜比你解下膩🤭整體好唔錯~lunch想食好啲 呢個都係一個唔錯既選擇😌…Read More

牛角大家應該無食過都係人地口中聽過，相信大家都知道佢地既燒肉品質唔錯，今次我就試左牛角副線既餐廳次男坊，黎試試佢地既牛肉丼有幾出色😋🐠牛角次男坊丼 $86一座牛肉丼山上枱，滿滿燒汁既牛肉係表面，牛肉入面有一層芽菜，而飯底就係紫菜配日本飯，牛肉肉質尚可，芽菜略為無味，但牛肉既醬汁搞伴入飯入面一齊食非常搭配，快餐丼飯來説算高質。🐠鴨肝豚肉丼 $126鴨肝食落無乜焦香味，好似無乜點煎過就上碗，有d失色，豚肉方面相比牛肉之下牛角依然係牛做得出色一點，豚肉肉質較韌。PS. 如果大家係想食個高質小小而又快既lunch我覺得係十分不錯既選擇👍🏻可以來試試😋…Read More

有時唔太餓，又想食燒肉，唔知食咩好。依間同牛角係同一集團，主要食燒肉丼，睇上去幾吸引，於是嚟咗先😯😯餐牌選擇唔多，只有九個飯同三個兒童餐揀呢個飯係餐牌入邊最貴嗰個，果然一分錢一分貨，肉質鮮嫩，好軟熟，牛味夠，肉量較另一個飯多，但係飯太濕，再加埋啲汁，就好似食糊仔咁😣依個飯堆得好高，我以為有好多肉，點知中間有一大堆芽菜（好似多過啲肉），隻肉好似平時打邊爐嗰肥牛片，有啲韌，雖然個汁好食，但係都救唔返🙁同樣地，個飯都係太濕😣😣…Read More