HK Gyu-Kaku Jinan-Bou (Tsuen Wan Plaza) (Closed)

又夠期儲分續牛角會員💳，所以就去左牛角底下嘅牛角次男坊。不過有個中伏位，本身想用埋會員啲$50優惠卷🎫，點知佢話今年3月開始牛角次男坊已經唔用得✖️，只可唔可以草分。同埋留意哩間餐廳冇午餐set，全日都係用同一個Menu，夜晚過嚟食會抵啲🌙。牛角次男坊丼 ($87)哩到嘅招牌菜，富士山堆到好高🗻，非常吸睛同打卡able📸。牛肉堆入面其實係一堆壓到好實嘅芽菜黎，不過哩個價錢都預左唔係全部牛架啦😬，但其數返都有10片，都幾抵食🤤。啲牛質素唔差，絕對唔係街市啲Cheap牛肉🐮，可惜燒得太乾太韌🚱，有少少浪費咗啲牛肉。用咗牛角燒肉汁去燒到焦香帶甜，個味道都幾好食幾夾，而個底就唔係白飯咁簡單，係有少少紫菜碎喺面頭，然後淋上咗牛角汁🍛，食落就唔會太單調。牛角燒牛肉丼L ($73)哩個飯同頭先個牛角次男坊丼基本上無分別❎，係少左芽菜、辣椒絲同4片紫菜，牛肉數過都有9片，肉嘅品質同味道都同上面一樣。如果你係食肉獸🍖，為左食飽飽，唔係打靚卡，我會建議叫返哩款。胡麻雞絲冷麵餐 ($66)係一個好正常嘅冷麵，但個冷麵係冇咗蟹柳🦀，取而代之係紅椒同埋蕃茄🍅，如果想食蟹柳嘅人就要留意啦。而啲雞就係啲鞋鞋地嘅雞胸絲🐔。麻醬一開始俾勁少，成兜嘢勁dry🚱，食咗一半基本上一啲汁都冇，所以叫人另外再加汁，好彩佢都可以任加🉑。但個味食落就係普通嘅冷麵冇乜特別，夏天想涼涼地開下胃都可以食下☀️。豚肉丼L ($66)同牛角次男坊丼係一樣嘅基底，但上面就換咗做豬肉🐖。豚肉都算厚肉，唔會薄到一張紙咁🥩，不過唔知係咪因為肉厚，所以燒到太韌🥶，要咬一陣先咬得完，而且食落有少少豬騷味🤢，如果比我再揀多次，我可能會揀返平啲嘅鹽味豚肉丼。糖心蛋 ($16)糖心蛋已經接近8成熟🥚，完全冇流心嘅感覺，$16一粒好差🙅🏻‍♂️。跟餐配料 ($12)冷麵同豚肉丼都跟咗餐，有一個小食、味噌湯同飲品。小食係帶子裙邊 ，不過食落似優之良品嗰啲零食小食😐。味噌湯飲落好似飲水咁🚰，搞均埋個底都仲係非常淡口👎🏻。⭐️總括而言…作為牛角支店，本身都幾大期望💭，啲肉其實唔差，嘢食都大份，味道都唔錯。奈何佢地啲似肉無論豬定牛都燒到太乾太韌🚱，扣太多分🤐。話說本來想叫雞肉飯🐔，點知望真啲個英文原來係雞頸黎，想食雞飯嘅人都要留意啦👀。…Read More

👀話說琴日發夢見到恒指爆升， 不如今日食番個牛仔飯先， 聽朋友講荃灣有間牛好出名， 今次麻甩專員就黎同大家食下牛！ ----------------------------牛角次男坊丼 (草飼牛腹腩)$88----------------------------一上菜個下， 即刻聞到好香既bbq香氣原來佢地每一塊都燒過，而且份量一d都唔細，大約都有8-10片牛肉， 油香好好， 食落甜甜地，個口感仲好豐富添。而且個底有少少芽菜， 食落就唔會太油膩，加分！坐位都算好多， 唔會坐得好逼， 岩一家大細， 兩口子黎食下飯拍下拖---------------------------------麻甩專員評分區-------店內環境: 8/10   食物外觀:8/10 食物味道: 9/10   整體分數: 8/10   翻食指數: 8/10 …Read More

身為飯怪，真係好鍾意食丼飯🍚🌟有時唔想花太多時間排小店，都會揀黃商連鎖店幫襯下～❤️好似牛角次男坊，大件夾抵食，就係我至愛～！😍牛角次男坊真係大件夾抵食，飯怪好去處！餐廳夠大，幾好坐。佢哋嘅牛肉片燒製過，脆脆地，好香口。呢度主打即叫即燒燒肉丼，以肉類份量多見稱，官網聲稱每碗有16cm高！雖然食食下，發覺中間夾有芽菜😏但目測肉片量都約有8-12片，份量都算對得住個價錢，相信大食啲嘅朋友都夠飽！另外，佢哋飯底係用日本產越光米（我至愛！），粒粒飽滿香糯，撈埋佢哋嘅自家製燒肉汁嚟食，成件事真係超滿足！😆呢個燒牛肉丼，幾乎係我每次嘅必點之選！我鍾意佢哋嘅牛肉片，火喉燒得剛剛好，脆脆地得嚟唔會乾柴。肉片油脂適中，唔會食上口一嘴油，而且肉味幾濃，整體味道唔錯。佢哋嘅燒肉汁，質感比較濃郁，甘甘甜甜，食上去幾重柚子香，幾襯燒肉，惹味得嚟又解膩。平時食開燒牛肉丼，今次就貪心啲，試埋穴子＋燒牛雙拼～～呢個飯係視覺上都幾誇張，喺富士山般嘅燒牛丼上，再加原條穴子！燒牛肉就不重複講～坦白說條穴子認真麻麻，燒得唔夠香，同埋唔知係咪我影相耐，食到條穴子有少少腥味...😰樣就夠浮誇，不過實在唔算好食，我諗我下回都係叫返普通嘅燒牛/燒豚算。😅…Read More

星期六下午經過牛角次男坊，見到外賣自取有優惠，本身外賣餐牌已經平過堂食，而家額外再有七五折，我喺OpenRice Apps度落order用支付寶俾錢再多1%折扣。外賣自取牛角次男坊丼78元折實後58元落order後10分鐘就有得攞，佢哋都好有心思，紫菜分開上，個碗有靚，碗蓋係拱起嘅，返到屋企都可以還原番堂食嘅樣貌，未食睇到都開心呀食埋之後佢嘅牛肉好似肥牛咁嘅樣，薄薄地，牛肉有焦香，白飯香軟，冇嗌錯呢個外賣，真係好好好好味呀…Read More

牛角燒肉旗下既高質燒肉丼😋味道好正而且價錢幾抵！值得一試👍試過3款丼，覺得牛肉丼>豚肉丼>牛舌丼1️⃣牛角次男坊丼（牛肉丼）$93😍d牛肉疊到山咁高，賣相一流！仲要傳黎陣陣燒烤香！ 食落d牛肉仲好濃牛味、好鬆化，襯埋d紫菜食都唔錯，紫菜唔會好快淋，食果時仲脆！2️⃣豚肉丼 $89豚肉冇牛肉咁濃，但個醬汁加番分，鹹中帶少少甜，幾開胃，豚肉丼有隻溫泉蛋，送飯一流😍😍😍 ！3️⃣牛舌丼 $79牛舌都幾淋，而且幾香，但較為薄切😢冇牛肉丼同豚肉丼分量咁多，但鍾意牛舌既朋友都可以一試👍！ ！ 總括黎講，依間餐廳性價比好高，唔洗$100食到咁大碗燒肉丼，而且有麵豉湯同野飲，真心抵玩！ ！ …Read More

晚市時間，到達荃灣廣場牛角次男坊 ，排隊都頗多客人﹗餐廳以快餐形式經營，有自助服務站，供應熱水和室温水。點餐後服務員會給予餐號給客人，店員會根據枱上餐號送到客人面前。由於食物新鮮製作，所以需要耐心等待。牛角次男坊丼(美國肩脊肉)$93: 丼飯以數十片燒過牛肉片砌成，堆成一個富士山仔，旁邊有三片紫菜，外形狀觀。燒牛肉片惹味，肉味濃郁，放在飽足的大碗飯上，配以特製燒肉汁，拌飯一流。 肉片下有大量芽菜，有脆脆咬口。而米飯是日本產越光米，口感軟糯。套餐所附味噌湯，十分滿足﹗…Read More

正所謂豬百日偷生一刻閒😂🤪早前有朋友介紹🤤🐮小肥趁返工前食下最愛嘆下牛牛丼🤤🐮🍚位於荃灣廣場既牛角次男坊🐮🍚雖然距離港鐵站比較遠🙉🙇🏻‍♂️但有「天空之城」之稱既荃灣可謂四通八達！由A1出口直行沿住南行天橋過黎都算方便😆呢度簡約環境裝修🙈簡約又帶點日式牛丼店既感覺😆🍶煮出既牛食配材卻可以說得上牛中之魔🤤🐮牛角次男坊丼份量十足既牛肩丼😆煎香約七成熟既肉眼雖然唔係入口即溶既口感🙇🏻‍♂️但肉質依然夠滑嫩之餘亦好Juicy😋食落一啲都唔韌😆🥩而伴著住既紫菜絲同埋蔥花🤤賣相誘人之餘亦充滿口感🤤🤩而且有十分惹味微微香辣既醃芽菜作伴🤤令丼食更為豐富☺️…Read More

難得唔忙既一個星期六☺️決定去遠少少既荃灣西行下，可惜天公不造美，只可以行商場。係商場食肆牌見佢個名幾特別，就試下佢。門口落order，一個豚肉丼，一個牛角次男坊丼。一入去坐低，就後悔了，只因見到對面間有好想食既肉骨茶!!! 唯有下次啦😟野食黎到，賣相不錯👍🏻不過食落豚肉丼個飯勁多汁，好鹹，個牛角次男坊丼就無乜😰我地要交換啲飯撈下先得呢餐全肉對於我黎講太多，有啲滯，有啲油膩🤭叫不過不失啦。…Read More

一家大細去荃灣買家品，荃灣廣場最方便，有一田同aeon喺隔離，可以揀到啱用嘅嘢。行街之前要醫一醫肚，荃灣廣場都有唔少餐廳，大部份都係連鎖店，見佢個名比較特別，就去望望啦！點知原來都係牛角集團，不過見有位就入左去坐了。環境都算闊落，原來入面轉角仲有好多坐位，唔算好迫，所以都幾適合一家大細。佢門口好大個龍珠招牌，店內又播住高達嘅日本歌，有日式裝潢。佢喺先喺門口購票，再帶位入座，主要有豬同牛，我地兩個人每人叫左一款，每個丼有麵豉湯。豚肉有溫泉蛋，我嘅至愛，好好味，豚肉都算滑，唔喺好韌同鞋果種，份量也唔少，配埋蛋汁更滑。而牛肉丼就無溫泉蛋，但配有紫菜，不過個配搭有啲怪，哈哈！牛肉都唔錯，份量都唔少，我地配嘅醬汁唔同，牛肉果種汁有少少辣，豚肉就偏甜，兩個醬汁味道都幾好！價錢就正常價吧，大型商場價位，無乜人又唔駛趕住走都算幾好了！✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨ …Read More

呢到既模式有啲似日本快餐店 喺門口買左野食先 然後店員再會安排你入座 再等野食送上檯 所以係要收加一架😂每個丼都配送一碗味增湯 不過明顯係沖出黎果啲🤭---------------------------牛角次男坊丼 $88牛肉疊到好高 原來入面塞左一堆芽菜🙊不過都真係好多塊牛肉 食極都食唔完 牛肉唔係薄切切果啲 都有啲厚度 牛味濃且帶咬勁 醬汁揀左經典牛角飯燒肉汁 味道甜甜地 同牛肉幾夾 不過醬汁唔夠多 搞到無咩汁餸飯唔夠味🙁.豚肉丼 $78配搭微辣既次男坊燒肉汁 相對比較惹味 呢個丼無太少汁既問題 再加上有隻溫泉蛋 啲飯唔會乾爭爭🤓豚肉同樣有好多塊 而且都幾嫩 但係肉味偏微弱 同埋呢個丼有大量蔥 唔食蔥既人士要留意啦‼️…Read More

三個人，一個星期六黎食午餐。遠遠望過去有人龍，以為要等好耐。原來哩度係先落order，先俾錢，再安排入坐，所以counter前會有一條慢慢被消化嘅人龍。入到去被安到靠窗坐，都幾光猛。上菜時，每個丼都有個透明蓋，大概係保温嘅作用。上完菜無即刻收走，侍應見我哋真係食緊飯先拎走。👌🏽整體黎講肉多，飯少，汁剛好！ （我自己係怕多汁嘅，啲飯係1/3汁，2/3飯）牛角次男坊丼 $88哩個係薄燒牛肉飯，牛肉都幾多 —— 大概十幾片，牛肉算香（同牛舌比）。牛肉山嘅秘密係——芽菜，都幾好，有菜有肉。😌豚丼 $78薄豬肉飯，有10片左右，係有咬口嘅厚度。上面有隻半熟蛋，成個飯濕濕哋，幾好味。燒鹽麴牛舌丼 $78牛舌係薄切，有10片左右，絕對夠送飯。每個丼都跟一碗麵豉湯，有大大片嘅海苔，偏咸。有兩個汁揀：1️⃣「次男微辣汁」係唔辣嘅，少少甜，仲有淡淡嘅柚子味。2️⃣「經典牛角飯燒肉汁」朋友話反而哩個汁有少少辣，胡椒嗰邊。…Read More

🍚食物:👍🏻「王樣!豚肉丼$88」豚肉很大份，脂肪位很香，喜歡食肥肉既人一定適合，半熟蛋味道不錯。👌🏻「豚肉丼$78」豚肉燒得岩岩好，但味道較淡，流心蛋加蔥加牛角汁撈飯一流。👌🏻「牛角次男坊丼$88」賣相真的很震撼，但食很麻煩，要把肉拿開先食到飯，牛肉有點靭，肉質普通，無很大驚喜。👌🏻「燒鹽牛舌丼$78」牛舌份量很多，但牛舌好薄，吃起來有筋的感覺，不好嚼。環境:主打快餐形式，門口先付款再有侍應送餐，在付款時已被選好座位，一旦更改就會出現混亂，座位較密集。用餐地方有自助服務站，任斟水飲，不叫飲品也不怕。依間同牛角無得比，第一醬汁選擇很少，第二肉得四個選擇，第三食物質素。但依間主打價錢平(不叫海鮮)！建議中午下午時間食牛角因爲價錢差不多。晚餐就依間較抵食。…Read More