HI TEA (Phase 2, Amoy Plaza)

之前同朋友已經嚟過食茶舍的下午茶今日試吓佢嘅晚餐，好似冇上個月咁多人排隊啦，等咗5分鐘先入得🙈比較肚餓，兩個人叫左pizza、焗飯、牛角包、薯條多士，跟餐配熱奶茶同熱咖啡全程用手機落單：三層芝士焗鮮茄牛脷飯牛角包千島醬海鮮比蕯脆炸軟殼蟹芥末醬吐司店員好貼心，落單前提左焗飯、Pizza類製作需時。Pizza 🍕 有5”大幾鐘意個pizza餅底係有些少微甜，海鮮材料有魷魚、魚柳、蝦。鮮茄牛脷焗飯D牛脷好林好軟，芝士拉絲，焗飯上枱時好熱，岩哂咁凍食。牛角包🥐 size 好大個，因為好酥皮、鬆軟，食落唔會滯胃。脆炸軟殼蟹芥末醬吐司有成隻軟殼蟹呀，另外薯條好脆口，要配合點茄汁。繼上次的下午餐，今餐超飽的說😆😆…Read More

今晚諗住在長假期前夕，食餐普普通通嘅晚飯。學朋友話齋，揀餐廳嘅準則第一，夠多人排隊，一定無走雞，唔會中伏😆 結果我們排咗足足15分鐘，先有位，食完證明終於明白點解咁多人排隊。我個人黎講食飯好少要等咁耐位，唔係朋友叫到都唔會等佢成15分鐘咁耐。入到坐低，手機落單，叫店員幫手落單又得。我們人頭點左個普通唔普通不過價位嘅意粉同飯，分別係忌廉野菌皇烤雞扁意粉、鮮茄汁香煎豬扒滑蛋包飯，之後仲點咗個牛角包同蒜香雞中翼，甜品就要了個原味芝士蛋糕同埋意大利粟子法式布朗。忌廉野菌皇烤雞扁意粉 調味恰好，烤雞係雞粒上，扁意粉配忌廉野菌白汁好食。鮮茄汁香煎豬扒滑蛋包飯 塊豬扒好嫰，用既係珍珠米，$48包熱飲真係同區都難揾呢個Quality，更何況淘大。配4隻蒜香雞翼，雖然比較遲上（可能因為太多人喇）但食落去真係冇令我失望，外皮真是金黃色的，雞翼香脆，4隻話咁快食哂😋牛角包系性價比之鬼，牛角包有手掌咁大，好鬆軟，有脆既酥皮，又有牛油嘅香味，包外脆內軟，都係$12，真係好出色!!!總體嚟講，在呢度食遠遠超出食一餐普通嘅茶記。而值得一提是店員哥仔好熱情、好有禮貌，服務好，食物質素又唔低，性價比高，唔少地方都比其他淘大餐廳優勝，相信響淘大呢個食肆雲集嘅地方都應該可以好快做出位。…Read More