Gyumai by Beefar's (Lee Theatre Plaza)

對上一次食日本燒肉放題已經幾個月前，所以係時候又要食下，今次呢間主打日本薩摩和牛放題加任食涮涮鍋，食烤肉同時食火鍋好少見我同朋友揀咗日本薩摩和牛放題，有134種食材：日本薩摩和牛、樂天澳洲和牛、美國Prime牛肉、安格斯牛肉、特上豚肉，仲有啲刺身、海鮮、炸物，呢個set仲會送一個牛舞拼盤，有齊以上每種肉嘅推介款式，等我知道應該要重點order邊樣薩摩和牛當然係咁多款入面最正，牛肉充滿油脂，好重牛味，肉質又淋又嫩滑，點少少鹽已經好好味涮涮鍋揀咗牛骨湯底，配料有好多豬肉同牛肉揀，而蔬菜、雜菌同丸類配料就喺出面自助拎，牛骨湯非常香濃，配料唔駛點醬汁都好夠味餐廳嘅自助區仲有啲煮熟咗嘅熱食，連章魚燒都有，另外仲有甜品、水果同日本雪條任食，野飲連紅酒、白酒、梅酒都有，真係包羅萬有整體黎講，呢間食材幾高質，座位幾寬敞，環境又舒服，值得再黎…Read More

在此曾為地標、後來重新發展的純 shopping / dining 大樓內，也有一家開業多時的しゃぶしゃぶ；不知是否業主招商的政策，一直都沒有路線接近的對手。近期情況不同了，一個具規模的FMCG集團，在此開設了其第二品牌放題食肆的分店。既然可以「即時升呢」，也不急於一選就選薩摩和牛了。加上之前所學、澳洲和牛也交出不錯的成績，就先選B餐吧！一輪時興的二維碼點菜後，上菜！完成第六回合的和牛學習，結論很簡單：她的牛，的確可使我「起舞」，就集中盡情享受牛肉吧！…Read More

牛舞已經係第二次黎，雖然以烤肉放題黎講佢價錢唔算平，不過佢嘅任食薩摩牛質素堅係高，唔想食咁貴，佢都仲有幾個唔同級數揀，而且座位闊落，地方乾淨企理，食得放心。野飲選擇唔算太多。火鍋料、熱食、甜品、雪條都可以喺自助區拎。雪條全部係明治，都有唔少選擇。一坐低每人拎左野飲先。入座前已經要揀定食咩餐同湯底，因為一入座就開始計時了。烤肉套餐分左五個價位，以平日正價計，由$218至$688不等，我地黎就係為左食薩摩牛，所以就揀左最貴嘅薩摩和牛放題套餐。涮涮鍋($58) - 套餐本身只包左烤肉，如果想打埋邊爐可以另加$58要個湯底，湯底四選一，我地揀左芫荽豚骨湯，裡面都幾多芫荽，另外仲有粟米同冬菇，幾夠味。每張枱都有烤肉爐同電磁爐，烤肉爐雖然唔算大，但火力都好足夠。枱上面已經有調味料。4%奇跡之牛巨切 - 哩個奇跡之牛係一次性嘅，只要兩位或以上點和牛套餐就有得送。雪花紋超靚，但因為多脂肪再加上薄切，快快燒十零秒同要不時反下佢。牛舞拼盤 - 拼盤同樣係一次性，包左七款唔同嘅肉，點任合一個牛肉套餐都有送，不過如果好似我地咁點薩摩牛套餐，其實拼盤內嘅肉都可以再任點。薩摩和牛套餐同落一級嘅樂天澳洲和牛套餐，分別除左有薩摩和牛之外，仲多左甲羅燒、鮑魚、雞泡魚乾......哩啲較貴價嘅水產，所以我地當然唔可以錯過。試晒薩摩牛、澳洲和牛同美國Prime，每一款牛都有唔同部位嘅牛肉，而每一個部位亦有唔同口味選擇，非常多款。虎蝦 - 好大隻，肉質扎實彈口。鹽味扇貝 - 扇貝唔會得個殼大，肉質微彈。每款牛肉都點左啲試下，全部都好嫩腍冇筋，薩摩和牛同澳洲和牛脂肪明顯比其他牛肉脂肪更平均。磯煮鮑魚 - 本身已經熟左，再燒返熱佢就食得，鮑魚彈口得黎唔會太韌，非常入味。甲羅燒 - 甲羅燒同蛋漿係分開上，燒到咁上下先加蛋漿入去蟹殼度。蟹膏味道都濃郁，如果有埋多士佐食更好。梅酒 - 清酒梅酒都有得任飲，梅酒幾香甜，好易入口。火鍋料 - 主角係牛肉，所以都冇乜食其他火鍋料，只求其夾左啲蔬菜食下。甜品 - 泡芙雪得夠凍，口感鬆軟。蛋糕唔會太乾。雪條 - 有八款唔同口味，最鍾意杏仁朱古力同藍莓乳酪。Mocha - 咖啡機仲有多款咖啡任斟。總結，薩摩牛肉質素無庸置疑，120分鐘時限雖然唔算好鬆動但都夠嘅，如果唔係話一定要食薩摩牛同貴價水產，個人覺得次一級嘅澳洲和牛套餐更加抵玩，人頭消費仲平左四成。…Read More