Seorae (Tang Lung Street)

好耐無食過喜來稀肉啦，環境通風比較好，唔會食完好大浸油煙，而且店員細心會比圍裙我地，係聚會好地方🔸蔘雞湯🔸蔘雞湯味道濃郁，雞肉鮮嫩，裏面仲有蔘味。蔘係一種好有營養嘅東西，有助於提升免疫力，補氣養血，係一個好健康嘅選擇。呢道蔘雞湯有原隻雞加上裡面糯米，好味道🔸護心肉150g🔸護心肉係豬既橫隔膜這款肉含豐富的纖維，又略帶點油花，肉味濃郁，肉質更加鮮嫩🔸喜來烤肉150g🔸喜來烤肉厚度適中，配以板燒嘅味道更加突出，帶點甜甜既牛味，配埋生菜包住一齊食，口感豐富🔸牛舌150g🔸牛舌經過煮熟之後，味道更加突出，唔會太膩口同腥🔸喜來泡菜🔸最後要提一提佢哋嘅自製泡菜，係出面salad bar可以拎同普通泡菜偏酸味唔同，味道更加鮮美，而且唔會太辣，讓人一試難忘…Read More

𝑺𝒆𝒐𝒓𝒂𝒆 喜來稀肉-🍽️ 牛護心肉🍽️ 韓豚五花肉🍽️ 牛舌🍽️ 拌冷麵對呢間過江龍品牌餐廳一啲都唔陌生，尖沙咀、旺角、銅鑼灣都遍佈分店，「爐邊」蛋最為人熟悉！有泡菜味，有芝士味！久違嘅探店有驚喜(⁎⁍̴̛ᴗ⁍̴̛⁎)每碟份量夠唒多，而且上得快！有油膏開爐幾細心~咁就唔使燒到黑晒～首先牛護心肉特別出色，佢刁鑽到係橫膈膜同肝之間嘅部位！好珍貴~ 護心肉油花相當平均，嫩滑，肉質較腍！價錢中位數，份量多，性價比高，推薦必叫！五花肉，一碟兩塊，嘩！呢個價錢呢個質素出面邊到搵(*≧ω≦) 厚身，半肥不油膩！包菜一流！(講起菜，free flow生菜已經贏咗，仲要…點解咁新鮮㗎？！)牛舌！你冇睇錯，係佈滿一個大碟！薄切牛舌爽口，建議輕輕大火來回辣幾次就得！咁又keep到應有嘅爽口，而且又夠嫩！拌冷麵，有青瓜絲，蛋，蘿蔔片，麵質爽彈！涼浸浸，夏日熱辣辣，消暑一流，唔好講笑！仲幾開胃！喜來稀肉係一個回憶，亦都保持得好好嘅水準！經過咁多年，性價比都keep到咁高！٩(˃̶͈̀௰˂̶͈́)و📍Golden Dragon Building, 41-51 Tang Lung Street, Causeway Bay#jcfoodgasm @seorae.hk…Read More

印象中喜來稀肉這間分店在銅鑼灣已經開業了七年。在銅鑼灣這樣競爭激烈的旺區營運七年，可看到它一定有它的特色和過人之處。突然想起好像有一段時間沒有食韓國燒烤，第一時間就想起喜來稀肉。牛舌大大一盤薄切牛舌整齊地排好，賣相吸引。因為較薄，輕烤已經熟透，口感爽滑。牛護心肉未經調味的牛護心肉，可以吃到牛肉原來的味道。油脂分佈平均，肉質嫩滑，一點都不韌。😋濟州五花肉五花肉較為厚身，烤熟後配上辣醬再用生菜包著，一流的配搭 👍🏻。芝士石鍋伴飯及石鍋伴飯這兩個則較為普通，因為石鍋飯我喜歡吃它的飯焦，但這兩個都沒太多的飯焦。藍色檸檬汽水抱著一試的心態，出奇地好喝，而且外觀特別，可以一試 😄。他們的泡菜也是很好吃，辣度足夠亦不會太鹹 😍。Follow my IG 😉…Read More

已經好耐冇食韓燒，呢間韓燒餐廳聽左好耐都未食過，係登龍街經過無數次，有次買米線個時係下面買左個泡菜黎食，發覺非常好食，所以今次終於黎試呢度既燒肉。喜來稀肉係係黎自韓國既連鎖烤肉店，著名韓劇太陽的後裔都曾經係呢間烤肉店拍攝過，主打韓國燒烤，供應多個精選牛肉同豬肉部位，好似牛肉眼、牛五花、牛頸、五花肉、護心肉、梅肉等。夜晚七點去到，已經見到好滿座，店員安排入座。餐廳非常有韓式既感覺，係圓檯圓凳，凳拎起可以放袋係入面，餐廳空間感幾大，座位闊落。Menu首先有燒肉套餐，有牛同豬套餐，之後係飯麵類，第二頁係十幾款既豬肉類、牛肉類，另外仲有唔少酒，餐廳用QR CPDE 形式落單。每次換鐵板都會放一舊牛脂肪，爐邊仲有蒜頭，幾周到。-🥬 前菜/配料 💰0（👅: 8/10）前菜分別有三種，包括辣泡菜、醃蘿蔔洋蔥同辣椒雜菜，另外仲有生菜同爐邊蛋，全部都係免費任添。呢度既泡菜唔會太酸，小小酸帶微甜，辣味會有小小辣，咬落去幾爽脆。辣椒雜菜上面有有辣醬鋪面，不過唔辣，食落幾解膩。醃蘿蔔洋蔥酸酸幾開胃。有兩種，泡菜蛋同芝士蛋，到我食飽大概食左兩轉既爐邊蛋。芝士蛋會有少少拉絲，不過芝士味就唔算好重。泡菜蛋唔算辣，有小小泡菜味，酸酸好開胃。-🍜 壹頭牛 💰520（👅: 8/10）呢個壹頭牛SET 有五個部位，分別係喜來烤肉、牛五花、特級牛頸、牛肋骨肉同烤調味牛排，另外仲有兩塊菇同兩塊瓜。上碟時非常吸引，因為啲肉都係用牛嘅模型木盤上，因為牛肉份量唔少，所以幾澎湃。喜來稀肉係依度嘅招牌，佢會捲到好似一朵玫瑰花咁。份量係最多嘅肉，就咁睇唔會有好多雪花、脂肪係上面。牛肉有少少厚度，所以好快熟，但都因為太薄所以好易痴底，咬落肉質好嫩，入邊比較爽，食落去肉味重，不過脂肪比其他肉少，有用醬油輕輕調味，食落少少甜，味道同個牛好夾，唔會膩，可以同生菜包住黎食。牛頸比喜來稀肉厚身，食落都有牛味，不過牛味比喜來稀肉淡，同埋某幾舊會比較韌啲。牛五花係咁多塊最好食，佢係最薄身，係半肥瘦狀態，咬落係柔嫩多汁，質感似腩肉，食落牛脂非常甘香，油脂分布平均，食落唔會鞋，而且燒過既脂肪令牛味非常濃郁，就咁食生菜都唔駛係最滿足，因為油脂豐富，同佢本身有小小醃製醬汁，唔駛落任何醬料，最多點一兩粒鹽。牛肋骨肉係肋骨之間既五花肉，係一條條，比較厚身，咬落肉質鮮嫩，充滿肉汁，帶小小嚼勁。最後係烤調味牛排骨，雖然睇落好似唔新鮮，其實是用左醬油同梨汁醃製，燒完之後雖然厚身，但一啲都唔韌，幾軟腍，食落係好香醬油味，甜甜鹹鹹，用佢送菜係最好，因為佢好夠味。-🍜 牛舌 💰148（👅: 8/10）牛舌係薄切牛舌，分量非常之多，大概有二十幾塊。因為佢係好薄，所以其實每一面可能燒10秒內就已經夠，燒耐左絕對影響佢冇咁好食。輕輕一燒佢嘅香味已經好出，牛舌嘅邊位咬落會有少少脆，而入面就少少嫩，非常爽口，有嚼勁完全唔會覺得韌覺得鞋，有入口即溶嘅感覺，食落有牛味，油分充足，用醬汁醃製過，所以除咗牛味仲食到醬汁嘅惹味，鐘意食牛舌嘅我完全抗拒唔到。-🌟食物來講唔錯，肉類主打牛同豬，食肉獸一定可以滿足，前菜同埋爐邊蛋都可以無限添加，非常滿足，要挑剔嘅就係唔係每一個位冷氣或者風扇都好充足，有啲風機係吹緊冇食客嘅走廊唔係吹緊人，而抽氣算唔錯，只要較細火，就已經可以整熟啲牛又唔會好多油煙。價錢大約300至400，晚市來講算係中價嘅韓燒，可以再戰。-👅味道: 8/10🍴環境: 7.5/10💰消費: $300-400pp (服務費: 10%)…Read More

由於我係星期六去，所以一早book定位！去到已經滿晒😣見到出面仲有好多人walk in要等位，所以最好book定位先去！入座後開始計個半鐘要交枱！因為之前次次都叫過韓牛套餐所以今次想試吓散叫！牛五花(180g) $158牛舌 (180g) $148牛肉眼(200g) $150水冷麵😋😋$85個人比較推薦牛五花同牛舌，食落比較有油分亦有牛味唔會太鞋！佢嘅牛舌份量都好多雖然係薄切但有成碟勁多塊真係好滿足😋牛五花都好正超快熟然後包住生菜食真係一流，順帶一提佢提供免費嗰啲泡菜都超好食夾住啲肉係勁好味😋而牛肉眼個人覺得麻麻哋因為中間啲肉比較鞋所以建議可以試吓其他！而爐邊蛋食咗頭嗰轉已經冇加過因為實在太飽啦，侍應服務都好好見到生菜食晒會自動refill🤤去到最後男朋友次次黎都一定要食嘅水冷麵，其實已經超飽但食咗咁多肉之後食返碗水冷麵真係好清新😂感覺已經冇咁濟！個水冷麵啲面係勁煙韌超正☺️總共好似食咗六百幾蚊，食到呢啲質素嘅韓牛都真係唔錯！除翻開都係三百幾蚊一位同出面食嗰啲韓燒放題差唔多價錢但質素就好好多啦😉…Read More

好耐冇食過呢間韓燒啦 唔知係咪人大咗 定佢真係平左 我覺得佢平左同埋好食左好多😍😍😍今日冬至 食燒烤都好適合 雖然我依家打緊邊爐 😂😂但係因為個邊爐無咩特別就唔post lu 大家冬至快樂啊👨‍👩‍👧‍👧·護心肉$150呢個完全係喺韓國食到嗰個水準 個調味剛剛好 肉質又係勁好 超正😭·牛舌 $140呢個又係好好食 有陣時啲餐廳既牛舌口感會唔係咁好 但係呢隻完全冇呢個問題 唔會太un 超好食·喜來稀肉 $130呢個相比起另外果兩個就一般d啦 但係都係好好食嘅 但係冇前面果兩個咁驚艷😈😎·#rbyeat#rby銅鑼灣 #rby尖沙咀 #rby旺角·📍銅鑼灣登龍街41-51號金龍大廈地下3號舖及1樓📍尖沙咀金巴利道79-81號金栢閣1樓連地下📍旺角廣華街3號百利達廣場地庫…Read More

難得早收工，突然興起想食燒肉，食燒肉識食一定系食喜來稀肉，沒有之一，真係好好食。雖然市面上好多韓式烤肉但係真係對喜來稀肉情有獨鍾。由佢喺香港只係得壹兩間分店，食到佢而家開到咁多間，佢嘅品質依然keep到咁冇令我失望。同朋友黎到銅鑼灣燈籠街分店，因為夜晚7點就上到去，唔洗排隊，好開心。仲記得兩年前，喺尖沙咀夜晚試過排左成個鐘先入得去食。依家竟然係香港開咗咁多間分店唔使排隊，方便左咁多實在太好。揀咗個窗口位坐，落完單就等食小小美中不足嘅就係食食吓出邊竟然落起毛毛雨，好彩冇整濕到我哋同埋啲嘢食。見到佢出咗好多唔同嘅套餐，不過我最鍾意食依然係護心肉同埋喜來烤肉，由於套餐冇豬牛合一，我哋又怕食唔晒，所以最後都係單點。喜來烤肉，果然系有"手指公"推薦，肉質嫩滑有肉味，幾新鮮，薄得來亦都非常之嫩，唔會嚡十十好似食緊沙紙咁。配埋距提供ge醬汁同用生菜包住食,一流啊!!加碼牛肋骨肉,無雪味,依然正,配埋d洋蔥圈食,正正正。鍾意食有啲口感嘅牛叫牛肋骨肉就無錯啦。豬肉就叫了一份護心肉，朋友對豬肉麻麻，但經我極力推薦護心肉，佢覺得烤起黎食都好好味。個人認為原汁原味嘅護心肉比起醃過既更好食。特別贊距個牛舌，好鬼正真係，唔洗燒太耐，仲滑，而且肉感又好。而且個份量好足夠，同埋佢嘅醬汁撈埋鍾意食牛舌嘅人真係要嗌。仲叫了一個水冷麵，無落過距提供ge醬料落去，原汁原味品嘗，好正，因為我哋不嬲都相機食先，店員仲好貼心咁提醒我地快d食咗個麵距，因為d冰就快溶曬，好貼心另外仲叫咗個生牛肉拌飯，如果牛肉嘅份量可以在多啲就好啦。佢嘅用料好新鮮，有時係出邊食到啲唔好食嘅韓式拌飯會覺得d拌飯一pat野，但係喺呢度從來吾會食到呢個情況。當然，爐邊蛋係唔少得啦。應該係我點嘅牛舌同埋喜來烤肉都有醬汁，所以個爐好容易燒焦，一讚係店員時常留意到呢個情況，幫我地勤加換板，抵讚！一直以來，服務有質素，食物有質素，價錢又合理，係我對喜來稀肉既評價，韓燒對我地黎講佢真係不二之選。…Read More

係香港有名氣既韓國烤肉一定不少得喜來稀肉，每次經過尖沙咀既喜來稀肉都好多人等位。難得同男朋友一齊放假，終於食到韓國烤肉既始祖喜來稀肉！餐廳的裝潢風格都跟韓國的烤肉店一樣，而且椅子可以放女生包包，很貼心的設計！三碟小配菜，食完可以添加。我最喜歡食個泡菜，又酸又辣，爽脆又開胃。店員一見我地坐底就為我地送上Menu同幫我地個爐加入蛋漿，一邊係泡菜蛋，一邊係淨蛋。可以食過太多次韓國烤肉，覺得無乜特別。眼利既男朋友一坐底就發現啲侍應大部分都係韓妹，落Order既時候，佢就搶住同韓妹傾計，真係無佢甘好氣~壹頭牛（牛肉拼盤）2人套餐 + 兩種飲品 ($488)我同男朋友都係「牛摩王」，所以叫左個全牛的拼盤，拼盤入面分別有牛排骨，牛肋骨肉，特級牛頸，牛五花和喜來烤肉!真心推介牛肋骨肉，我最愛佢脂肪分佈平均，好香牛味！花形既部分係喜來稀肉，肉片的脂肪好少而且厚度比其他肉厚，雖然肉味更比其他肉濃，但係我較喜歡有雪花紋既牛肉。護心肉 150g - 💰HKD150其實我同男朋友都唔係幾好豬肉，但見護心肉係呢度既招牌菜就試下拉。護心肉係肌肉部分，所以肉質好爽好有嚼勁，而且脂肪不多，啱晒我呢啲怕肥既人食！牛舌 180g/$130去烤肉必叫既牛舌，牛舌切得好薄身，每邊燒20秒就食得，肉質好爽口！生米酒 $120食烤肉又怎可能沒有酒呢？我怕燒酒的苦烈，所以叫了韓國有名的有氣米酒。店員送上米酒連同兩個碗，第一次甘飲感到好新奇！味道甜甜的，比啤酒更容易入口。一啖肉，一啖酒，正！總括而言，喜來希肉可以話係我食過甘多烤肉之中最正宗既一間。雖然價錢是計肉類重量的，價錢比較貴，但是的確是一分錢一分貨。…Read More

在云云韓國菜式中, 自己十分喜歡食燒肉。那種啖啖肉的滿足感, 不是泡菜和粉絲可媲美。給拉麵店稱霸了的登龍街, 萬綠叢中, 新開了間韓式燒肉, 就是在荃灣, 旺角和尖沙咀亦有分店的“喜來稀肉”。每次經過金巴利道的分店都打消光顧的念頭, 因為排隊的人龍實在太恐佈了!心想分店剛剛開, 應該不會有太多人知道吧, 就趁平日晚上六點多碰碰運氣, 果然不見長長的人龍, 更不用等得太久便可入座, 非常幸運呢!佔地兩層的食店, 樓下是接待及等候區。 樓上為進食區, 座位與座位之間非常寬敞, 坐得非常舒服。 不過以香港寸金呎土的租金, 其實可以再坐密一點也不成問題呢。打開了一整排窗戶, 晚上確是舒服, 令油煙不會太侷促。以水泥及深木為主的環境中, 不乏細緻的裝飾。店員以韓國人居多, 較地道又有氣氛, 即使以英文溝通也可以。未點菜已先來幾碟前菜: 醬醃芽菜, 自家泡菜和醃製洋蔥絲, 更有一碗芽菜湯和一籃新鮮生菜。而且是可以無限添加呢! 其中泡菜味道濃郁不是太辣, 爽口好味! 接著店員將蛋漿倒進爐邊, 兩邊用來烤爐邊蛋, 一邊用來烤蒜頭。豬護心肉 $150燒肉店主打的是護心肉, 200g一碟的護心肉, 份量頗多, 經過燒烤, 散發陣陣豬香味, 肉質有彈性又帶嚼口, 稍稍醃過, 不用沾上醬汁已好好味, "稀肉"果然是必點!喜來五花肉配秘製醬汁 $120一碟三塊的五花肉, 原來已有150g的重量。比起其他韓式燒肉店, 喜來稀肉的五花肉是較為薄身, 而且脂肪含量亦較多, 不過大火燒過後將肥膏迫了出來, 變得爽口, 還算是不錯。如果略嫌燒過後的五花肉還是肥膩, 可以用生菜加上生蒜捲著來吃, 自我感覺健康點。真雪花牛肉 $200150g的真雪花牛肉, 雪花分佈得平均。吃落牛味較為一般, 不算太突出, 不過肉質腍軟細嫩。牛肉沒有醃製過, 味道要用其他配料或醬汁搭救。牛五花 $150薄薄一片的牛五花, 雖然是呈半肥瘦的狀態, 燒過後這些脂肪令牛味更香濃, 加上薄切好快燒熟, 肉質嫩滑彈牙。牛五花本身已有醃製的醬汁好入味, 不用沾上其他醬料已經非常之好好味。夾上泡菜一同進食更加一流, 不愧是招牌菜, 推介推介!!牛舌 $140牛舌鋪滿一整碟, 同樣用醬汁醃製過, 所以燒過後與牛五花很像樣, 雖然是爽口, 不過帶有小小牛膻味, 醬汁也蓋不了。爐邊蛋分了有加泡菜和沒加泡菜, 泡菜跟烤蛋當然是美味配搭, 不過沒有加上泡菜的烤蛋, 同樣是烤得香口滿有蛋味, 不錯!初飲初樂柚子味燒酒 $80吃燒肉不離要喝一杯燒酒! 燒肉店有提供韓國燒酒牌子 - 初飲初樂的柚子味, 淡淡的不太嗆喉, 比米酒易飲又易入口, 女生會喜歡。吃過熱騰騰的燒肉再來一杯冰凍燒酒, 簡直爽呀! 不過酒精含量差不多有20%, 真的要量力而飲, 否則好易hangover啊!可能店是新開, 燒爐的火力好強勁, 調較至最細火肉類都好快熟, 要小心火喉啊。打開了窗戶雖可通風一點, 不過冷氣變相要再開大一點, 燒爐上的獨立抽風機也要加強, 始終面對著強力而熱烘烘的火爐, 面上的油份和汗水都跑了出來呢! 喜來稀肉的燒肉很有水準, 個半鐘的用餐時間, 令嘴巴和肚子都非常滿足, 難怪每間分店都迫滿人龍。建議可以仿效韓國本土的燒肉店, 增設衣物噴劑, 令食客飽嚐燒肉後也可無聲無息。…Read More

近年韓流襲港, 好多韓式食店相繼出現, 早前我地去了位於銅鑼灣的喜來稀肉食晚飯.一踏入店內, 見到一條長長樓梯. 而在當眼位置見到近期大熱的韓劇<太陽的後裔>的紙牌, 原來同劉大尉合照, 並放上facebook, 可以得到飲品一杯.上到樓上, 怖置簡單為主, 我最鍾意位與位之間夠寛闊, 不用迫着食飯, 這樣舒服好多.坐下後, 店員先奉上三款前菜, 包括泡菜, 洋蒽, 豆醬芽菜, 可惜其中兩款是辣, 不太啱我食. 另外有生菜, 芽菜湯. 這些全部可以無限添加.也有三款醬汁俾客人點肉時用.這裡的種類不太多, 主要以牛肉和豬肉為主. 熟食就有湯, 水冷麵等.我地兩個都是愛食牛肉, 所以點了其中幾款, 包括真雪花牛肉, 喜來稀肉, 調味牛護心肉和牛舌.真雪花牛肉.牛肉色澤是偏粉紅色, 而且雪花分怖好平均, 非常靚.第一時間燒來食.牛肉非常鬆軟和嫩滑, 這個就甘食不點醬汁, 原汁原味已經好味, 牛味不會太重. 喜來稀肉.上枱時已被佢的賣相所吸引, 卷成一朵玫瑰花.這個牛肉非常薄身,所以好快就熟. 即使食全熟的我, 也唔會覺得硬和乾.這個口感和真雪花牛肉不同, 多一點口感.牛舌.我自己好鍾意食牛舌, 所以每次食燒烤必定點.這裡的牛舌是薄而大片.牛舌帶點咬口, 但唔會過硬, 我會點醬汁一齊食.調味牛護心肉.平日燒烤, 較少食到牛護心肉, 所以點來試下.這個和其他牛肉好不同, 一燒就已經聞到好勁的牛味.相對於雪花牛肉和喜來稀肉, 牛護心肉最有咬口, 口感十足, 但又唔會過硬,而且牛味最濃郁.一口氣食了多款肉類, 要飲湯中和一下, 由於我唔食得辣, 所以點了青口湯.上枱後, 試了一口湯, 我發覺原來這個青口湯也是辣, 感覺似胡椒湯, 幸好還算可以接受.青口的數量也不少,有成十二隻.青口肉質幾彈牙和爽口, 愛食青口的朋友可以一試.…Read More

這頓晚飯是本月的第五餐燒肉。嗜肉者今次來到韓燒連鎖店－喜來稀肉於銅鑼灣剛開張的新店。原來吃肉真的會上癮。新店的座位間隔同樣寬敞，窗戶大開使內部空間通爽，加上爐頂的抽煙機減低油煙氣味。另外，適逢韓劇太陽的後裔人氣爆燈，餐廳特設劉時鎮紙牌供粉絲合照，一嚐劉大尉幫自己幫鞋帶的滋味。（利申：我沒有拍照。）店家一貫採用三道坑的爐，兩道坑均用於烤爐邊蛋（原味、泡菜味任君選擇），餘下一道坑烤蒜頭，待烤好五花腩後加入生菜包。淺嚐過酸酸辣辣的前菜喚醒味蕾後，事不宜遲，馬上從餐牌上亂指一通，把肉喚上。豬護心肉為喜來稀肉的主打，護心肉即豬肝與橫隔膜之間的肉，所以可以幻想到每隻豬的護心肉份量其實不多，感覺很是珍貴，實屬「稀肉」！我本來意外地把一片護心肉烤得過熟了，但肉質依然細嫩而內在保留肉汁，沒有像是牛肉過熟靱口的感覺。無論單吃、沾醬料吃、包生菜吃同樣出色。薄切牛舌帶有鹽蔥作點綴，把兩面輕輕烤熟變色後品嚐，有輕微入口溶化之感覺。同樣地，點醬汁不點醬汁，同樣出色。當然我還是建議原汁原味吃味道較好，較能享受肉類自身的味道。真雪花牛肉亮麗登場！雪花牛肉油脂紋路清晰，縱橫交錯，色澤鮮紅不帶半點暗啞，感覺很鮮。烤至五分熟後嚼感嫩滑，油香味充沛，半生熟肉汁味道使雪花牛肉的口感與味道發揮至極致。喜來五花肉為我個人必吃推介，把五花肉剪細，烤至全熟後的五花肉兩面俱金黃色，略帶油焦，脂肪融化於肉塊表面冒煙，香烤氣味撲鼻。把熟肉放進生菜中，再依個人喜好加入配料與醬汁，肉味香濃，油焦香味惹味兼提味。店員麻煩你再添加生菜可以嗎？另一韓食店最愛：生米酒 Makgeolli，色澤呈混濁米白色，略似益力多。此酒精飲品味道味甜非常易入口，大部分女士皆喜愛這生米酒，一個不小心就會喝至醉薰薰。…Read More