麵屋武蔵 武骨相傳 (朗豪坊)

去唔到日本，就試下呢間東京沾麵過江龍，連個名都氣勢過人！今次試左2款沾麵、小食同飲品。‖ 牛肝菌雞白湯沾汁麵 ‖ $98「雞白湯」以雞肋燉煮而成，大火慢煮8小時， 所以湯底超濃郁，再配合牛肝菌，成個湯充滿骨膠原，非常養顏！最重要係配上自家製坑紋麵，有咬口之餘，仲超級掛湯，每一啖都食到濃濃嘅雞白湯精華！！‖ 二刀流沾汁麵 ‖ $88有3款湯揀：白（香濃豚骨湯）、赤（辛味豚骨湯）、黑（黑蒜豚骨湯）。我就揀左黑，黑蒜味幾出，鍾意食肉嘅朋友不妨叫呢個二刀流沾汁麵，入有豚角x叉燒，仲要厚切同好大嚿。豚角油脂同肉分布幾平均一層層，而叉燒就無乜油脂比較瘦，不過唔會韌，炆得好軟淋。‖ 夢幻之唐揚魚 ‖ $45外型有啲似多春魚，不過呢隻魚就無春，炸得鹹香酥脆，再配上酸酸甜甜嘅柚子+ wasabi醬汁，食完一條接一條。‖ 五輪燒餅 ‖ $58味道同醬汁都似大阪燒，入面有廣島蠔同蔬菜，不過就唔係好食到有蠔，但整體都幾好味、唔會好粉。‖ 梅子青檸梳打 ‖ $28有原粒梅係入面，酸酸地，味道幾fresh，幾解渴，好啱夏天飲🍹‖ 巨峰梳打 ‖ $28係支裝日本山梨縣嘅巨峰梳打呀～🍇 幾夠氣，飲完即刻gur晒😆@menyamusashi_hk——————————————————————-好味指數：⭐️⭐️⭐️ 💫（3.5/5）環境服務：⭐️⭐️⭐️⭐️（4/5）打卡指數：⭐️⭐️⭐️ （3/5）性價比：⭐️⭐️⭐️⭐️ （4/5）…Read More

近期朗豪坊又有新店進駐，是我喜歡的日本拉麵，今次想品嚐下沾汁麵，比較少吃這類型的款式，別有另一番風味！餐廳裝修以日本時尚風格，加上開放式的廚房設計，可看到廚師熱誠製作食物的過程，而且地方舒適，有好多卡位，可以好好享受聚餐樂。見到餐牌上的沾汁麵好特別，有牛肝菌雞白湯沾汁麵、二刀流沾汁麵及相傳叉燒沾汁麵，至於湯麵都好高質，還有日式丼飯、別緻小食及飲品，真的很不錯。牛肝菌雞白湯沾汁麵    $98牛肝菌和雞白湯都有美顏效果，這個熬煮了8小時的雞白湯，帶來陣陣的雞香味，飲起上嚟口感黏黏的，因為有最喜歡的骨膠原成分，清甜而不膩，加埋濃郁的牛肝菌，香氣撲鼻。一片片雪白的雞肉，鮮嫩不乾身，肉味香濃，菇菌好爽口，加上自家特製的坑紋麵，爽滑彈牙，沾入雞白湯一齊食，坑紋麵吸入湯汁後真香，每啖都是好滋味！二刀流沾汁麵    $88二刀流沾汁麵有3個湯選擇，分別是白(香濃豚骨湯)、赤(辛味豚骨湯)及黑(黑蒜豚骨湯)。這個揀咗香濃豚骨湯，熬製多小時的湯底，清甜可口。至於叉燒就好厚好大塊，加埋五層肉的豚角，兩樣炆煮得都好軟淋，肉質鬆化，不用多咀嚼已經㖔下，鮮嫩多汁。坑紋麵條夠爽滑，沾入濃味的豚骨湯，麵身的坑紋較容易吸到湯汁，配合溏心蛋和荀一齊食，特別有日本風味！田之最強    $48材料豐富的日式沙律，加入我最鍾意的牛油果，香口的煙肉，翠綠的生菜，清爽的車厘茄、粟米和紅黃椒，濃濃的芝士粒，爽口的日本漬物，配合胡麻醬拌勻一齊食，口感豐富，味道清新。胡麻菠菜    $38口感清爽的一道前菜，日式胡麻醬味道香濃，加入菠菜裡，吸收到的胡麻醬汁，芝麻味好香，兩樣很配。巨峰梳打    $28  提子味好濃，口感清爽，甜甜的，好好飲，加上有汽的感覺，飲完趕走悶氣。番茄梳打     $28番茄汽水好特別，都是初次品嚐，蔬菜和汽水味道都好配，少少酸，好開胃。…Read More

之前已發現朗豪坊4樓轉了幾間新餐廳，每一間都貌似吸引。這晚就先試試拉麵！由於拉麵店所處的位置比較開揚，即使鋪面不大，還是會給予一種空間感。屬於「麺屋武蔵」獨創的二刀流系列，湯頭以大量豚骨、小魚乾、貝柱，和蔬菜用大火熬製超過10小時而成。然後再演變出白、赤、黑3個款式，今次點了赤湯，是在原有的豚骨湯頭中加入了豆瓣醬:)。湯底味道濃郁，因為混合了豚骨和魚乾，更顯鮮味。拉麵彈牙爽口，掛上赤湯後帶點香辣感。而附上的叉燒片肥瘦相間，梅花豚肉的油脂香甚為誘人。牛肝菌雞白湯是旺角店限定的款式，當然要一試。根據餐牌的介紹，湯底是用雞肋熬煮8小時而成，白濁的顏色代表著乳化的脂肪和骨膠原。湯汁呈稠身，入口果真有非常濃郁的雞肉味道，香而不膩。粗扁身的麵條口感煙韌帶𡁻勁，配合香濃的雞白湯汁，十分美味。先要讚賞一下燒餅的賣相，以燒汁和沙律醬畫了亮麗的pattern，再配了鰹魚碎片。燒餅上枱時已被分成4份，餡料包括了大量椰菜絲和廣島蠔等。蠔味頗突出，整體口感頗為豐富，而且感覺和大阪燒有像。不知狼牙是否指被炸粉包裹著的外層呢？單骨雞翼非常脆身，內裡肉質juicy，進食起來更是方便。還附有少許沙律菜伴碟。相信是由蘋果汁和焙茶混合而成的飲品，比較偏重蘋果汁的香甜味道，茶味未算明顯。…Read More

呢間餐廳係2005年曾被日本TBS電視台票選為拉麵四天王之一，更係日本朝日電視台拉麵總選舉中榮獲沾汁麵系列第一位佳績🏵💗白相傳二刀沾汁麵 ($88)湯頭選用大量豚骨、豚肉、日本魚介同秘製醬油調味，以慢火熬製超過12個鐘，再加入香濃豚骨，份外鮮甜濃厚🦴；叉燒使用歐洲梅花豚肉，用自家醬汁醃製72個鐘，再以高温燒烤3個鐘，淋上自家袐製醬汁，肉質鮮嫩爽彈🥩；豚角同樣使用歐洲梅花肉，先放入秘製醬汁浸泡，塗上醬汁後再以高溫烤炙至表面焦香，肉質肥瘦相間，鬆軟細膩🐖；自家特製坑紋麵，口感煙韌彈牙，掛湯力十足🍜；配料包括糖心蛋、竹荀同蔥花💗牛肝菌雞白湯沾汁麵 ($98)雞白湯以雞肋燉煮而成，大火熬煮8個鐘，湯底濃稠奶滑，味道清淡樸素🍲；慢煮雞胸片肉質嫩滑鬆軟🐓；牛肝菌香氣濃郁🍄；自家特製坑紋麵，口感煙韌彈牙，掛湯力十足🍜；配料包括糖心蛋、竹荀同蔥花💗相傳煎餃 ($38)餃子外層煎至焦脆，餡料以豚肉同椰菜新鮮包製，飽滿多汁，蘸上餃子醋減低油膩感🥟💗狼牙手羽 ($48)單骨雞翼沾上薯片碎後，炸至外表金黃香脆，內裡肉質嫩滑多汁🐥💗飄雪 (+$15)淡淡牛奶配上士多啤梨糖漿，加入碟豆花增加夢幻效果🍓💗蘋果汁·日本產 ($22)蘋果汁清爽香甜🍎…Read More

熟我既朋友應該多會知道比起日本傳統拉麵，我更喜歡正宗風味沾麵。因為覺得以湯頭精華一樣既沾汁伴麵味道會更濃郁，令到拉麵更惹味。東京人氣拉麵之一既麵屋武藏既沾麵係日本甚有名氣。佢地旗下有好多個唔同既字號，「武骨相傳」係佢地其中一個品牌，第一次聽個名就已經覺得非常霸氣。最近麵屋武藏開左一間新分店係朗豪坊，地點就腳當然要安排試下。.武骨相傳品牌賣點係提供左三種唔同顏色口味既沾汁，包括：白色 – 用左日本海鹽同多種魚干提味，海鮮感重既口味；赤色 – 辣版沾醬，加入左多種辣椒粉同豆瓣醬；黑色 – 味道非常濃郁既版本，唔係墨魚汁而係用左炒香既洋蔥、青蔥、大蒜同咖啡豆，烤製過之後碳化既顏色。湯頭用左豚骨同魚介混合做基底，所以會帶有海鮮既甜味。.而佢地賣點之二既叉燒。用左歐洲梅花豚肉，醃製72小時，再即日用烤箱精心烤製，所以口感外酥軟、內裡嫩濕潤。另外餐廳用既沾麵底係香港首創，自家特製坑紋麵，呢種坑紋麵配沾麵會更易掛湯。.相傳二刀流沾汁麵 (赤) 💲88⭐️3.9/5二刀流呢個名同餐廳名一樣咁架勢。其實即係麵底除左傳統叉燒，仲有豚角煮雙併。再加上配料有傳統既半熟玉子同筍片。叫左赤色即係辣沾醬，辣度比想像中高，不過都係我喜歡既口味。.牛肝菌雞白湯沾汁麵 💲98⭐️4/5另一碗試下旺角分店限定既雞白湯沾汁麵。雞白湯沾麵底標榜用左雞肋8小時大火煮成既精華。再加上似係慢煮極嫩滑雞肉，配埋牛肝菌既香氣，我自己更喜歡雞白呢種特濃雞湯風味。.相傳煎餃 💲38⭐️3.7/5日本正宗既餃子質感，皮薄香脆爆汁。煎餃係想像中既味道，四平八穩唔會伏。.五輪燒餅 💲58⭐️3.7/5口味好似大阪燒餅既五輪燒餅，用左廣島蠔，味道都係不錯。 曙光 +💲15飄雪 +💲15期間限定特飲跟麵加15蚊就有交易。兩杯特飲色彩繽紛非常之打卡able，而份量足600ml大杯相當驚人。藍白紅色既飄雪其實係藍天草莓牛奶，俾人感覺好似藍天配紅葉雪山一樣，唔甜幾好味。而橙黃既曙光其實係醬油果凍配甜柑橘。呢杯特飲口感非常獨特，因為佢有用上日本麵屋醬油製作既果凍，味道微鹹，再配埋鹹酸既鹹柑桔，主調酸甜再微微帶鹹既口感，特別得黎都好解渴思，味道上毫不違和。以呢個價錢計，個人覺得兩杯都係十分有誠意必試既特飲。.總結：正宗方便就腳既一間日本人氣拉麵店，食物出品不錯，環境舒適缺點只係人流比較多夜市時間可能要排一陣先食到，建議大家可以考慮網上撳左飛先再行過去。.不專業食評 nei.foodie…Read More