Kamiki Japanese Restaurant (Closed)

🙋🏻‍♂️餓底探員今晚去咗觀塘調查呢間日本料理，餐廳走木系風，裝修充滿和式風情，食物種類多，壽司，刺身，串燒，炸物小食甚至燒肉都有，啱啱一眾鍾意日本料理嘅吃貨🥗蟹籽沙律 $45🙋🏻‍♂️表示個蟹籽沙律底下墊滿青瓜絲，配上蟹籽同蟹柳絲，唧上蛋黃醬，個沙律食落有青瓜嘅清新同蟹籽嘅鮮甜🥩牛肉他他 $88🙋🏻‍♂️表示個牛肉他他配上洋蔥，蒜蓉，蔥花，蛋黃同醬汁，牛肉口感軟腍，食落牛味香濃，連埋啲配料一齊食層次感豐富，香濃惹味🍗雞五味盛 $118🙋🏻‍♂️表示個雞五味盛有免治雞肉棒，雞軟骨，雞腎，蕃茄仔等串燒，免治雞肉棒食落脂香有咬口，雞腎同雞軟骨都有嚼勁，食落香口🐟神之特上刺身 $198🙋🏻‍♂️表示盤刺身有三文魚，赤蝦，帶子，左口魚裙邊等刺身，擺盤精美，赤蝦鮮甜，口感彈牙，左口魚裙邊食落有咬口，帶子口感煙韌，味道鮮甜，整體刺身都好新鮮🍲鍋燒烏冬 $78🙋🏻‍♂️表示個烏冬有天婦羅蝦，蛋，日本魚蛋等配料，湯底鮮香，烏冬口感爽滑，天婦羅蝦鮮甜，係略嫌浸咗落湯食落唔脆🍊桃園柚子梳打｜藍柑乳酸梳打 $28🙋🏻‍♂️表示杯柚子梳打味道甘甜帶乳酸味，底下有好多柚子肉，杯乳酸梳打成杯藍色好夢幻，飲落有柑嘅甜味又有乳酸味，幾特別📈吃貨指數😋好味度 8.5/10🔙返啅度 8.5/10…Read More

依度有冇觀塘打工仔呢🧏🏻‍♀️今次介紹既餐廳可以成為你既食堂啦!地鐵站出穿過APM就到 極為方便🚶🏻‍♂️日式裝潢 忍唔住都打左幾張卡📸仲有戶外坐位都幾chill架播住日本懷舊金曲同MV 夠晒feel🇯🇵✿ 神之特上刺身 $198 ✿依盤咁架勢既刺身拼盤一共有6樣野:三文魚、油甘魚、吞拿魚、帶子、蝦、左口魚樣樣都新鮮厚切 最出身係左口魚 微微燒過油脂香口✨✿ 廚師推介-一人壽司拼 $108 ✿一人壽司拼盤黎講依個都算誇張😂六件壽司 件件都好大舊🤣好彩我地係share係 我一個人食到依度應該開始都食飽了~✿ 牛肉他他 $88 ✿份量極多 大大碟粉嫩既牛肉淋上秘製蔥蒜汁 加埋生蛋黃 食落好絲滑😚鐘意重口味d既可以夾埋生洋蔥一齊食🧅✿ 鍋燒烏冬 $78 ✿扁身烏冬 配冬菇、鳴門卷等 重頭戲係隻天婦羅大蝦🍤蝦大隻彈牙炸皮薄湯底好清唔味精 食完暖笠笠🫂✿ 燒牛柳粒 $28 ✿牛柳配埋車厘茄解油膩 肉香尚算唔錯有肉汁~✿ 藍柑乳酸梳打/草莓乳酸梳打 $28 ✿酸酸甜甜唔係藥水味~…Read More

耐冇食日本菜，有時都有個心癮想食，好在身邊嘅朋友同另一半都鍾意食，有個伴真好！而今次呢間餐廳都係主打日本料理，進食嘅環境相對寬敞，裝修偏向日式風格，有啲座位以竹葉圖案嘅屏風一邊包圍住，牆上亦掛有幾幅日本動畫嘅畫像，有如置身日本享用晚餐一樣～✎ 牛肉他他牛肉質感鬆軟而富有肉味，裡面粉嫩，易咬開。表面放咗好多蒜，口感濃烈刺激。篤穿流心蛋，令蛋汁流岀，蛋香味浸入牛肉，令牛肉多咗一重絲滑口感！✎ 神之特上刺身(6點盛) 刺身有蝦、帶子、油甘魚、三文魚、吞拿魚同鮑魚。刺身普遍新鮮，冰凍感十足。最令我深刻嘅係鮑魚，非常Q彈，爽口滑嫩，令我想食多幾塊嘅感覺～✎ 雜綿燒物 分別有燒蕃茄、牛舌、雞肉串、雞軟骨串、翠玉瓜、雞皮同埋雞肉棒等等。串燒以辣粉調味，微辣，香口美味～牛舌爽口；雞肉柔嫩；雞軟骨爽脆嫩口；翠玉瓜多汁，燒到有啲焦，更顯惹味；雞皮脆香，一入口少少油脂爆出黎；雞肉棒外層微焦香脆，肉質軟腍，肉香四溢。燒物味道都唔錯！✎ 火灸三文魚卷火灸三文魚充滿油香，味道鮮甜，入口幾乎即溶～入面嘅餡有玉子、蟹柳同青瓜絲。飯口感軟腍，味道酸酸地，唔會鬆鬆散散！✎ 藍柑乳酸梳打 濃濃橙香同乳酸味。✎ 草莓乳酸梳打 濃濃草莓同乳酸味。…Read More

今日再次嚟到觀塘工業區，選擇咗食一間日本料理，位置都十分之方便😎。日本菜嘅價錢嚟講算係抵食，款式亦都多選擇，員工都積極推薦當日有咩新鮮嘅食材。神之特上刺身(6點盛) $198🍣刺身有六款唔同嘅魚生，每一片都切得非常之精緻，包括三文魚 、油甘魚、帶子、大蝦、左口魚同埋中拖羅，呢個拼盤食落十分滿足，魚生夠新鮮，油脂豐富。牛肉他他 $88份量極多😧牛肉半生半熟，食落軟嫩，中間有生蛋，撈勻蔥粒蒜蓉醬汁好好食雞五味盛 $118🍢🍢一聽名就知包左五款嘅串燒，雞翼、雞肝、雞胸軟骨、雞心、雞頸肉，串燒擺盤有心機，上到枱仲係熱辣辣，見到上面有調味粉，但係調味唔會過鹹。比較出色係雞胸軟骨，燒到啱啱好亦都好有咬口🤤鍋燒烏冬 $78🍲睇落份量唔係好多，但係食落估唔到係好多。烏冬配料十足，有大大條天婦羅炸蝦🍤、雞肉、菇等等，食落去清清地暖笠笠藍柑乳酸梳打 $28乳酸味非常突出，亦都唔會過甜，非常開胃桃園柚子梳打 $28好清新，微甜，食食吓好快就飲晒神木日本料理 (觀塘)觀塘巧明街114號迅達工業大廈4樓A室…Read More

- 觀塘｜神木日本料理 -▪️神の特上刺身 (六点盛)有6款刺身，分別係左口魚、三文魚、拖羅、深海池魚、帆立貝，同埋赤蝦🦐，每款都係厚切，亦都好新鮮▪️雞五味盛🐔除咗常見嘅雞翼，仲有雞肝、雞心、雞頸肉、雞胸軟骨，可以一次過試到5款唔同部位，而且每款都燒得微微焦脆，但唔會太過乾，幾香口，同埋調味啱啱好，好夠味▪️牛肉他他🐮牛肉食落好軟腍，撈埋蛋黃就更加滑。另外黑椒味道香濃，加埋蒜蓉🧄、青葱、洋蔥🧅，就更加惹味▪️鍋燒烏冬🍲烏冬滑溜，配料有炸蝦天婦羅🍤、蟹棒、鳴門卷、冬菇等，湯底清清哋，唔錯▪️藍柑乳酸梳打🍹▪️草莓乳酸梳打🍓🍹乳酸味突出，酸酸甜甜咁神木日本料理📍觀塘巧明街114號迅達工業大廈4樓A室…Read More

神木雖然話係工廠區，識路嘅官塘友就知道，地鐵穿過APM, 一出港貿就到。其實都幾方便架~ 神木的日式料理好多元化，有刺身，壽司，串燒，仲有燒肉~ 和風設計，地方都幾闊落，坐得舒服, 仲有戶外區~呢D天氣坐戶外，認真爽呀~頭盤先來個牛肉他他，超級好食~ 必點推介~牛肉半熟，一D都唔嚡，配埋個蔥粒蒜蓉醬，非常惹味~ 一碟只係88蚊，但有十幾塊，抵食~  神之特上刺身 (6點盛)  6款時令刺身，每款都有2切。擺位好有心思，連隻蝦都扭哂花極度厚切上~ 咬落啖啖肉，對於鐘意食刺身的朋友，呢個刺身拼盤一定好滿足~ 串燒來個雞五味盛  神木的串燒雞是用日本薩摩雞，而呢個雞五味好特別，除左有常見的雞肉同雞翼串燒外仲有雞心，雞潤同雞軟骨，直頭食勻成隻雞呀~雞心同雞潤嘅質感同鵝肝差唔多，燒過後口感更結實。如果燒得再乾身d 就更有BBQ 風味~ 不同的串燒，師傳都用上不同的自家調味 ，唔會串串一樣味的。青龍炸蝦卷 卷物內包住炸到脆脆的吉列蝦 ，外面鋪上了芝士和三文魚籽，再加綠色的海苔，變成一條青龍了。有芝士又有蝦，仲有粒粒三文魚籽，口感有脆有軟，非常豐富。藍柑乳酸梳打 士多啤梨乳酸梳打 2款梳打顏色都好靚，味道非常濃郁，冰唔會太多，飲到尾都唔會淡哂~ 只係28蚊，大大杯，非常抵飲…Read More

觀塘有間位於工廈入面嘅日本菜餐廳，食得出有誠意有心機，價錢唔貴，性價比高。 蟹籽沙律蟹柳同蟹籽份量多，唔會好dry。 夜繽紛星期一至四嘅優惠刺身串卷拼盤。有三文魚、油甘魚同甜蝦，好新鮮。大蔥燒過甜味好出，燒雞胸軟骨好香脆。 牛肉他他牛肉鮮嫩腍甜，撈蛋黃汁令牛肉更加滑，蒜蓉、洋蔥同蔥花令成個牛肉他他更香口。 蒜蓉燒生蠔燒生蠔口感滑溜，蒜蓉帶出生蠔嘅鮮甜多汁。 鍋燒烏冬熱辣辣好暖胃，炸蝦天婦羅夠飽滿。流心蛋增加香味。 青龍炸蝦卷海量嘅蟹籽同海苔真係好正。炙燒芝士嘅焦香同炸蝦相映成趣，點埋酸酸甜甜嘅沙律醬真係唔錯。 …Read More

#MC帶你去觀塘工廈美食又點止駱駝漆大廈😎，今次瓹窿瓹罅，搵到間高水準又平民價位嘅日本料理餐廳，仲要超近觀塘APM😜。🥢 神之特上刺身（6點盛） $198刺身一啲雪味都無，非常新鮮‼️每款刺身都係厚切Size，超滿足🥰。✅ 三文魚︰肥美厚切，口感軟嫩✅ 大拖羅︰食落完全無筋，魚油嘅口感好濃厚🐟✅ 帆立貝︰味道鮮甜爽口😋✅ 大赤蝦︰肉質非常肥美✅ 左口魚︰裙邊部分經過火炙🔥，有嚼勁又鮮甜爽口✅ 油甘魚︰魚紋路分明👍🏻，甘甜清新🥢 彩虹卷 $88六款不同口味嘅卷物，用厚切魚生片包埋飯卷😱，魚生有三文魚、油甘魚、馬刀貝、左口魚等🐠，上面仲放左金箔、花瓣同魚籽做裝飾😍，抵食之外，食落口感層次幾豐富。🥢 夜繽紛 $98好緊貼時事嘅食店😂，「夜繽紛」有齊刺身同燒物，一次過滿足曬‼️✅ 牡丹蝦刺身︰肉質爽甜🤤✅ 三文魚刺身︰夠曬新鮮✅ 油甘魚腩刺身：甘甜清新✅ 日本新瀉縣雞胸軟骨︰雞肉鮮嫩，軟骨爽脆👍🏻✅ 日本薩摩赤雞腎︰香濃炭燒味，爽口唔韌✅ 大蔥雞︰口感鮮嫩多汁💦🥢 牛肉他他 $88估唔到日本菜都有牛肉他他😱，食落又真係有驚喜🤭。用半熟牛肉伴生雞蛋🥚，配上蔥花、生蒜粒、洋蔥拌勻，牛肉片有返咁上下厚度💯，唔係薄切，食落有咬口之餘唔韌，將生雞蛋、蔥花、生蒜粒、洋蔥拌勻🌀，撈埋一齊食，口感豐富超好味😈！🥢 明太子一口烏冬 $48烏冬口感煙韌彈牙有咬口😍，撈埋明太子沙律醬一齊，味道唔錯，十分滿足☺️！.…Read More

同朋友gathering當然想搵間可以靜靜地慢慢食嘅餐廳, 朋友選址觀塘工廈「神木日本料理」, 滿足條件, 價錢又抵d。餐廳地方開揚企理, 多款刺身、壽司、串燒等選擇。逢星期一至四晚仲推出了抵食套餐【夜繽紛】HK$98/set包含了刺身、串燒各三款 + 自選罐裝/紙包飲品。每款串燒燒得金黃微脆, 有嫩滑雞肉串、雞頸肉很有油香, 雞翼表面甘香肉嫩;刺身有三文魚、赤蝦肥美爽甜、鯛魚有筋絡散發淡淡魚香。【牛肉他他】HK$88牛肉表面輕熟, 內裡鮮嫩多汁, 將生蛋、他他醬汁、蒜蓉拌勻, 再夾集洋蔥絲、蔥粒食, 肉味濃郁, 口感黏滑, 不錯。【蒜蓉燒生蠔(3隻)】HK$30生蠔雖然縮得比較細隻, 不過口感還是脹卜卜, 而且多汁; 蒜蓉令蠔更加提鮮。【青龍炸蝦卷】HK$78飯卷卷住了吉列蝦卷同埋少少青瓜絲, 面層佈上火灸芝士同埋蟹籽, 整個入口, 層次豐富, 鹹香芝士跟吉列蝦perfect match, 超正!【雜錦燒物(隨機5串肉、2款蔬菜)】HK$162 豬五花: 肥瘦平均, 唔會燒得太乾身, 有油香。雞心: 彈牙甘香翠玉瓜: 清甜多汁雞胸軟骨: 非常爽脆, 有少少雞肉連帶, 滿足到口感。雞頸肉: 有油脂香大蔥: 味道清香, 正好食完雞頸肉後食, 可平衡口中嘅膩。免治雞肉棒: 食到甜甜地嘅雞肉, 混入了軟骨碎粒, 很有層次。…Read More

今晚朋友帶我到這間「神木日本料理」吃晚飯。原來觀塘工廈真的有很多高質素的餐廳，這是其中一間。蒜蓉燒生蠔：店員推介是日特價蒜蓉燒生蠔。我們就叫了一客三隻。生蠔都頗大隻，蠔肉鮮美多汁，上面鋪滿蒜蓉，超香勁Juicy。牛肉他他：牛肉鮮嫩多汁，medium 的牛肉配上很多洋蔥，還有惹味的他他醬汁，中間有一隻生蛋， 將生蛋、醬汁和牛肉拌勻，蘸在一起吃，超級十分好味。一口牛肉炒飯：一口牛肉很鮮味，飯粒非常軟糯有彈性，每一口都有牛肉，整碟飯炒得很甘香鮮味，讓人回味無窮。彩虹卷：有拖羅、三文魚、油甘魚、左口魚、馬刀背、真鯛等。裏面包着蟹柳、青瓜、甜蘿蔔。色彩繽紛，以花瓣和黑魚子做裝飾，上面還有金箔，口感非常豐富清新。雜錦燒物：是隨機七串的串燒，包括日本薩摩赤雞心、日本新瀉縣雞胸軟骨、大蔥雞、豬五花、日本薩摩赤雞二節翼、大京蔥和蕃茄仔。每一讓串燒都燒得很香充滿炭燒味，不會太乾，口感鮮嫩多汁。店舖內的陳設佈置充滿日本風味，周圍掛上日本特色燈籠，牆上掛着一幅幅別緻的畫作，還有室外平台雅座，非常有意境。真是一間不錯的日本居酒屋。…Read More

同朋友喺觀塘行完街大家都餓就喺附近搵嘢食😆意外地食咗依間高質樓上日本餐廳好味又抵食～而且仲出奇地幾多元化 除咗日式料理基本嘢外仲有得燒肉添😛 店員服務態度好好，坐低仲主動話比我哋聽今個月餐廳做緊嘅優惠有啲咩🤩蠔$10/隻啱食嘅好抵食🫢 我哋叫咗4隻蒜蓉燒生蠔黎到勁香蒜味🤤 唔會燒到太乾身～除咗叫蠔之外我哋仲叫咗彩虹卷、牛肉他他 、神之特上刺身6點盛同雜錦隨機串燒拼盤（7款）兩個人都好滿足😋啲刺身好新鮮，牛肉他他配上蛋黃汁撈嚟食又滑又好食而且夠牛味🤤而彩虹卷飯嘅份量同鬆實感恰恰好配搭埋刺身嘅口感控制剛好🥰 燒物亦都相當夠火喉落枱已經好香；依個質素埋單$5xx 相當抵食～ 其實佢仲有其他優惠都好吸引🤭龍蝦都係$38x 講講依度嘅環境；係幾特別又坐得幾舒服有室內同室外區 ，室內充滿日系風格天花仲掛有紙傘而室外就格外Chill ,天氣冇咁熱室外都唔錯。醫完肚想同朋友仔吹水邊飲兩杯😛唔洗走嚟走去轉場啦🥳依度仲設有包場Party～ 都幾多元化🥰 朋友都話下次會想再嚟試吓其他嘢食…Read More

終於秋風起了，最好不過就係一班人可以圍埋一齊燒燒野食/食仼何菜式都可以，但場地好緊要。同朋友食呢間工廈餐廳下，發現呢間餐廳室外室內都好正，室外仲可以包場燒肉，甚至可以帶埋寵物都得，一班人有私人空間& chill下就最好不過👍🏻。神之特上刺身（6點盛）($198) 呢個價錢下其實份量都幾多，而且整體刺身質素都唔錯6點包括左三文魚、大拖羅、章紅魚赤蝦、帶子& 燒左口魚，全部都好新鮮，鮮味十足，肉質有口感之外，仲充滿油脂，100分。最鍾意大拖羅，油脂感十足，有入口即溶既感覺。。彩虹卷($88) 六個小卷，裏面既餡料都係一樣，有玉子、蟹柳&少少青瓜絲，而叫得彩虹即係表面鋪滿左唔同顏色既刺身，顏色慢慢漸變咁🙈由最深色嘅三文魚、鮮魚片、海螺、拖羅、帶子、到最淺色既左口魚，刺身片都好厚身，而且全部口感都好新鮮，由外面既鮮味食到壽司卷入面餡料既清新味。。牛肉他他($88) 牛肉份量好多，餐廳教落要將上面既蛋+醬汁完全撈勻晒係每塊既牛肉，食起嚟會更滋味，ok我就照跟住做。果然牛肉好有牛味，而且冇塊都好掛汁，加埋上面既蔥，食起嚟有少少似豚肉生薑燒既味道，但係真係好好味，肉同醬汁都好配合。。雜錦燒物 (7串) ($162) 隨機7串，所以有機會每次都唔同，而我今次有雞肉串、燒雞翼、免治雞肉軟骨、翠玉瓜、雞腎、五花腩肉 & 冬菇，全部都好夠味，而且份量都好多。特別鍾意免治雞肉軟骨串，雞肉裏面有唔少攪碎咗既軟骨，食起嚟好有口感，唔會太軟腍，再沾埋蛋醬，不得了，有啲想再encore👍🏻。蒜蓉燒生蠔($60) 係逢星期一到六都有優惠，$10隻蠔!!!! 冇睇錯，真係$10隻，但order既時候要3隻起😉蒜蓉味極足夠，勁香，生蠔食起嚟都好夠味，而且蠔肉都幾大粒回頭指數: ⭐️⭐️⭐️⭐️食物質素: 🌮🌮🌮🌮服務質素: ☺️☺️☺️☺️消費指數: 💰💰(TTL $656，人均消費$328)環境質素: ☘️☘️🍀🍀* 神木日本料理 (觀塘)觀塘巧明街114號迅達工業大廈4樓A室同類餐廳 #cocofood_日本菜同區餐廳 #cocofood_觀塘如果你鍾意我既分享，按右上角🔔，就可以睇到我所有既update🙈…Read More

以前朋友生日都有嚟過，不過上次係食日式燒肉，其實呢度仲有好多其他嘢食，今晚就同老細試吓嚟啦～因為老細唔食生嘢今晚聽曬佢話全部叫熟嘢先嚟兩隻燒生蠔🦪佢都話係special，有得嗌冇幾耐，仲可以逐隻叫！！本來要三隻起跳，但係我話朋友唔食，我又想試，所以佢畀我叫兩隻！😍🥰🙏🏻跟住係牛肉他他😍呢個真係要讚💞👏🏻因為全生肉老細接受唔到～呢個熟度啱啱好，好似medium咁上下～配埋洋蔥同埋佢個醬汁，再撈一個日本卵，真非常香滑同juicy！！你一件…我一件…真係夾下夾下好快食曬！！🤣再嚟一個串燒嘅拼盤🍡🍢有十樣嘢，有肉有蔬菜，即叫即燒，串燒燒得好香，上枱一陣陣炭火味最好嘅係調味唔會太鹹而且都保留肉汁食完唔覺得乾！老細勁鍾意食蝦🦐，所以再嚟一對燒大蝦，聞到微微嘅牛油香同鹽燒，保留到蝦嘅鮮味～蝦頭滿滿蝦膏，齒頰留香！原隻燒魷魚筒就正常發揮，唔會太乾身，肉質新鮮彈牙～反而過明太子一口烏冬非常吸引😍😍👍🏻佢將明太子放響紫蘇葉上，撈匀之後夾一口彈牙手打烏冬嚟食，非常好食！😍🤤紫蘇味半拌住明太子嘅鹹香，令人回味無窮！！店舖內嘅陳設同佈置好有日式風情，尤其牆身掛滿咗貓貓畫做裝飾，最合我心意！❤️💞🥰其實佢平台出面仲有幾個打卡位，不過今日好大風，就唔坐出面啦～😅🤭…Read More

而家搵食都唔鍾意去大型商場 呢間店內裝修以竹林為設計 有埋outside area勁chill好少見食日本嘢都咁高CP值❣️是日SPECIAL優惠 - 蒜蓉燒生蠔 $10/隻呢個真係意外驚喜 計埋手工費仲要先$10隻蒜蓉勁香勁入味 鍾意食🦪嘅千祈唔好錯過❣️忌廉芝士炸蠔卷 $68脆炸天婦羅生蠔 仲有大大嚿實實在嘅忌廉芝士食落勁濃郁 🧀軟熟口感入口即溶 好creamy勁滿足❣️牛肉他他 $88洋蔥混合牛肉片同生🥚微辣得嚟好滑口 醬汁亦帶牛香 蒜蓉香蔥更添風味❣️明太子一口烏冬 $48用料大方 大大Pat明太子醬放正中間而且烏冬沾滿明太子沙律醬稍辛辣惹味開胃❣️廚師推介 - 一人壽司拼 $108 🥢中拖羅粉紅色嘅中拖脂肪比例頗高 油脂平均 魚香恰到好處 入口甘香🥢吞拿魚蓉一般吞拿魚蓉都係採用近魚腩位置 較少運動食落實在厚實🥢三文魚油脂豐富肥美厚切 口感軟嫩油而不膩🥢赤蝦蝦身🦐通透幼嫩 味道鮮甜 唔使點豉油可以享受到自然鮮味🥢馬刀貝肉質豐厚 甘甜飽滿 食落爽口彈牙 淡淡天然海水味回甘香醇❣️雜錦燒物 $162🥢 日本芝士年糕軟糯年糕串彈牙有感 係唔錯嘅串燒小食之一🥢燒雞二節翼雞翼尖雞翼全隻上燒到勁香 脆皮夠香油滋滋好過癮🪽🥢日本薩摩赤雞腎雞腎洗得乾淨非常爽口 而且件數都多 好抵食🥢日本新瀉縣雞胸軟骨唔係平時嗰啲雞軟骨 原條雞胸骨大大嚿更有口感 🥢豬五花肥瘦層次鮮明 啱啱燒好油滋滋閃令令勁吸引✨🥢車厘茄燒過之後爆汁嘅車厘茄勁juicy🍅啖啖水份滿滿🥢冬菇搽燒汁燒令味道更昇華 菇味香濃🍄溫度將水份迫晒出嚟多汁好味…Read More