台灣同日本都好流行一人燒肉，香港就無咁流行，可能都仲係怕一個人食飯嘅尷尬?! 前排我哋見屯門新開咗呢間一人燒肉，今次就先一行兩人入去視察下環境先😂 入到去見到有4人/2人枱，都有靠窗嘅單人位(見圖十)，中間有隔板，自己一個爐，私隱度都幾高，就算一個人食都唔怕尷尬😌 •🥢A13 特選三重奏套餐 $165/250g十勝A5和牛肩胛肉、汁燒牛胸花、味噌豬五花A11-13係有十勝A5和牛嘅特別限定餐，而A13呢款就係貪心之選🤭 和牛肩胛用嘅油花分佈得幾靚，油香好重，少食多滋味，多食好快膩🤣 兩片厚薄適中，唔會一夾就散，燒一燒就食得～牛胸花就切得再薄啲，但係有多幾片，食落有牛肉香，加埋燒汁就juicy d~😛味噌豬五花比想像中更好，肥瘦一間間，燒耐左乾/燶咗少少都唔會太硬，不過豬肉嘅肥油好搶火，燒嘅時候要留意住😂•🥢A10 四重奏套餐 $165/350g蔥燒牛肩花、汁燒肩胛片、味噌豬五花、柚子胡椒雞腿肉呢個餐有晒豬肉、牛肉同雞肉，兩款牛當中我哋更鍾意汁燒肩胛片，肥瘦比較均勻，而蔥燒牛肩花食落就比較多油香~ 雞肉都不錯，不過火力比較細，而雞肉切得比較厚，燒嘅時間會耐啲，可以燒咗啲牛再食住先再燒雞，慢慢燒熟雞肉同燒脆雞皮好正，同埋雞肉嘅胡椒味好濃，推薦！！👍•🥢牛繁蛋拌飯 +$16 (小)套餐本身有配白飯，白飯有大中小可以揀(相中白飯係大size)，而加錢可以轉其他有配料嘅飯，我哋揀咗一個牛繁蛋拌飯，即係有溫泉蛋同大量飯素，單食個飯都好滿足，配燒肉食又好夾～👍🏼 燒肉點少少溫泉蛋食仲嫩滑啲，好似食壽喜燒要點生雞蛋咁😆•🥢無糖可樂 $9 +冰杯本身無叫到野飲，但無意中見到枱隔離有張poster寫有冰杯，即係大玻璃杯裝滿大粒嘅冰磚，將可樂倒入去再飲，爽呀！…Read More
