Nha Trang Vietnamese Cuisine (Harbour City)

今天出開尖沙咀，諗住食越南嘢，即時諗到嚟芽莊，因為都去過好多次。今天不是假日，所以下午茶時段不是太多客，當時有5張枱都在進食中，只有我哋新到的客人，員工方面就眼見樓面有6位，其中有一位在執枱，一位正帶我們到餐廳內，其餘員工就分2組人在場傾計。因好肚餓，所以座下後即看餐牌，決定食物後，想搵員工落單，但見5位員工在門口吹水（我哋座嘅枱與門口都有一段距離），他們跟本就沒有回頭望著餐廳內，只有一位女員工正在收拾其他客人枱上的餐碟，我根本就搵唔到員工落單，咁我就見執枱的員工行過（她手上拿著碗碟），所以我就同她講：麻煩你轉頭幫我哋落單，她回應我：好的，請你等等。怎知等了又等，連她都現身於門口位置，完全忘記了要落單這回事；所以我要等她們回頭望入餐廳才可擧手搵佢哋。後來就見到有位短髮女員工望向我哋張枱方向，咁我就即時向著她舉手，怎知她望不見，我就再舉多次手，仲要好大動作，她才見到，真係奇怪，「似見似不見」，都唔理咁多，因肚餓，有人嚟落單就ok，怎知呢位員工態度真係絕頂，好似係我哋阻住佢冇得傾計咁，黑面之餘，聲線還帶點唔耐煩，最後落了單。後來有員工拿刀及义來我哋張枱，什麼都沒說就放低，呢啲服務，以前唔會發生在這品牌，之後的飲品及食物都是在冇聲冇色地，在不同方向降落在我哋枱面上。🙄除服務欠佳外，佢哋食物保持以往的味道，值得推介「芝麻蝦多士」外脆內軟，蝦味同口感唔錯😋；另外豬扒唔乾身，幾 juicy 😋，不過飲品 「桃蜜熱柑桔」就冇咩桃味，柑桔味又唔係咁夠，而環境及衞生都完全冇問題。…Read More

平安夜前夕公司早收，約咗個同事去海港城行街食lunch，喺海港城底層見到間芽莊外面好多人等位， 心諗一定好好味，於是我哋就攞咗張飛跟住喺商場大約行咗15分鐘，返轉頭啱啱好入得環境唔錯 ，坐得幾舒服又唔算太迫。大家有啲肚餓，兩個人嗌咗兩碗凍檬加一碟小食。上菜都算快，先來一碟小食牛油炸雞翼， 啱啱炸出來香脆可口，牛油味濃好入味而且雞翼都算大隻啖啖肉，好味跟住再上埋碗燒牛肉凍檬，啲牛肉份量唔少，牛肉唔算太淋唔算太靭，食落啱啱好，味道唔錯 大家都食到好飽好滿足…Read More

友人心血來潮嚷著要吃越南菜，身處尖沙咀的我第一時間去芽莊等位，希望不要令友人失望。第一讚是上菜時間非常快：先上的河內番茄蟹肉湯檬湯頭充滿蟹鮮味，湯中有拆下的零星蟹肉，番茄味跟蟹鮮非常搭配，唯有中間的蟹肉丸口感有點霉，不合個人口味。再來的是友人想試的藕苗蝦沙律，酸酸甜甜的汁非常醒胃，而當中的微辣更是一絕。藕苗鮮甜爽脆，作為開胃小菜合格有餘。緊接而上的是蒸粉卷。粉卷上的扎肉味道不錯，而粉卷餡料十足，皮又不是死厚的一層，值得再次品嘗。再來的是牛油雞翼。入口略嫌脆漿有點厚，然而仍夠脆身及有牛油香，味道整體而言不過不失。最後上的是鑊仔牛柳粒。意外的是有很多沙律茶伴碟，牛柳粒火喉剛好，咬下去仍有肉汁，沾一下隨碟而上的椒鹽更添風味，非常好下飯。希望芽莊能繼續保持一貫水準，不要令支持者失望。…Read More

約在兩年前,尖沙咀芽莊列入我的wish list之一. 可惜,香港真的有太多美食,一直還未有機會來到.今晚,和朋友來到海運戲院睇戲,睇戲之前也經過芽莊,真的如此這麼多人等位. 打算在睇完戲之後,約9:30在看看情況.睇完電影後,真的是晚上9:30,由戲院到芽莊只需五分鐘時間,我們便步行到芽莊打算碰碰運氣.晚上9:30,已沒有人在門外等位了. 職員很好,我普通要求,希望坐在望海的,職員便幫我安排坐在窗邊對海的,真的這麼幸運呀!入座後,我們便立即看看Menu,看看今晚打算吃什麼. 誰不知,我們二人,真的眼寬肚窄,有很多美食也想order的.當然我們最後也作出挑選1) 大蝦柚子沙律今晚,第一碟送上來的便是大蝦柚子沙律,我也當作今晚的前菜.起初朋友order大蝦柚子沙律,我的心也想reject他. 因曾吃過柚子沙律的柚子超酸,酸的程度是影響了整碟沙律的味道,但相反芽莊這一個大蝦柚子沙律,柚子清甜,不酸,和其他配料也很合拍.幸好柚子是清甜的,因他的柚子份量也不少,如果柚子酸的話,相信整碟也不能吃了.2)蒜蓉包蒜蓉包真的很香濃蒜蓉. 皮是脆脆的,而且蒜蓉包內裏熱騰騰,軟熟熟. 好味.3) 咖哩牛腩在我心目中,不同國家也有不同的咖哩味道. 日本有甜咖哩,印度有重香料的咖哩,泰國有很辣的黃咖哩. 越南的咖哩幸好不算太辣,它的咖哩汁加上蒜蓉包也是十分合拍. 另外也要讚讚這一個咖哩牛腩,牛腩大大件,也是很"林"的,而且也有適量的肥部份,咬下去特別有口感,而且感受到牛腩的肉質豐富,完全沒有令我失望.4牛油雞翼) 牛油雞翼內裏有四隻,兩隻雞中翼,兩隻雞腿. 心想,如果兩隻也是雞中翼就好了.不知是否我要求高,真的覺得這四隻牛油雞翼添上太多粉炸出來.皮很重,很快有飽肚的感覺,再加上牛油味不重,真的吃不出有牛油味. 雖然感受不到牛油味,但味道也是不錯的.能夠在芽莊尖沙咀店,可以坐在窗邊向著維港夜景,而且又沒有落著大雨,真的是幸運的事. 雖然餐廳環境也是很有越南新派氣派,但也敵不過自然的維港夜景,一邊向著維港夜景,一邊嘆著越南美食,真是感恩.今晚,真的是太滿足了,走的時候也要影影芽莊的門牌,來紀念今晚一邊望著維港夜景,一邊享受著芽莊越南菜的開心時候.…Read More

兩年前黎食過,係慶祝生日,當時覺得唔錯唔錯,book台時仲揀左海景位,又好食,環境又好...幾鍾意佢d碟,幾靚,好越式feel今次係好夜去食,差唔多10點...冇book位,佢收11點o既...我地去到都有位,冇海景位坐呀,唔緊要啦...我地太肚餓喇,有得坐底食野就得...叫左7樣野,本來8樣,個薄餅賣晒...鮮茄蟹肉湯檬, 聽聞係最出名o既,上次黎好似冇食,今次一定要食返先,好淡o既蕃茄湯,有d蟹肉,兩粒蟹丸,好多莧茜...我就覺得麻麻喇,唔係出色之作,好淡啦,冇蟹味啦...不過當清清地咁食都ok o既..但唔係特別好食...如果話係招牌菜呢..就好似唔得喎...香茅豬扒撈檬, 個樣唔差,檬粉都ok,加埋魚露,配料都冇乜問題,衰就衰在塊豬扒....勁硬勁韌呀,咬得我地幾辛苦,就算個味ok都唔pass啦,就算唔落鬆肉粉,都應該係咁二都用刀拍下塊豬扒...真係食到牙都甩....軟殼蟹米紙卷,係入面又有軟殼蟹,又有朦粉,又有d青瓜,蘿蔔絲咁..味道唔錯,軟殼蟹都冇炸到好乾淨淨,好有肉地,加上d配料,再點d魚露,都幾好食大蝦柚子沙律, 兩隻大串燒蝦,都唔係太雪味,接受o既...d柚子都好多,但就唔夠juicy喇...今次食好似麻麻地咁,上次食正d...牛油雞翼, 唔算大隻,唔夠牛油味...不過都唔係差...但一碟得4隻少左d... 香芋大蝦餅, 原來係甜吃咁,炸到好香口,但就好似有奇怪,d蝦就擺上面,雖然我就好like食芋頭,但就冇芋頭香,唔夠粉, 只係香口取勝...好熱氣...炒雜菜, 有d腰果,唔同o既菜,好似叫咩野高菜,個味唔知點講,少少似蝦膏少少似南乳咁....都幾油架,麻麻地...都已經幾full下,冇叫甜品,10點幾都last order喇,今次食就覺得麻麻地,係最差個豬扒,其他都ok...希望如果再去的話,有改善啦...…Read More