IKKYU Japanese Causal Restaurant (38 Plaza)

呢間餐廳真係我既飯堂，食過好多次，佢唔係靚靚既日本餐廳，但性價比幾高😋想平平地食下日本野都幾唔錯！食滿$100可以優惠價+$68換十塊三文魚刺身，唔算好肥美，不過不失。火焰三色卷$68，次次黎我都必食🥰有兩舊三文魚、兩舊吞拿魚同埋兩舊帶子。3款都好好味🤤牛油果軟殼蟹卷$76，都好食👍唐揚墨魚咀$48，大大粒熱辣辣👍份量都幾多！牛肉壽喜鍋$68，牛肉唔係靚牛，味道正常壽喜燒味，咁既價錢都算係咁啦🤣🤣…Read More

喺旺角行完街，到中午時候緊係去搵下好野食，咁啱經過山東街38號廣場，俾一休和尚同埋個menu吸到住，就上咗去一樓食lunch了。店內佈置充滿日本🇯🇵色彩，座位寬闊舒適，唔會覺得迫夾。🌟🌟Order食物用最方便的QR code, 可以慢慢揀👍🏻🤩食物選擇非常之多，有拉麵、咖喱飯、烏冬、魚生飯、天婦羅、燒物，應有盡有。我同friend 最後揀咗牛肉辛辣湯底拉麵，角切魚生飯、牛油果軟殼蟹卷、鐵板牛油什菇、餐飲有熱黑糖薑母茶，凍京都抹茶鮮奶。🍜牛肉拉麵揀咗辛辣湯底（🌶️大辣），麵量分量十足，辣味十足。🌟🌟角切魚生新鮮，角切的size 頗大粒😍🌟🌟肥美軟殼蟹外脆內軟，配上牛油果軟滑的口感，非常好味。🌟🌟牛油什菇香口爽脆，都係大大份。…Read More

這一天放工在旺角行街，想起好耐都冇食過日本嘢😊 結果我哋揀咗一休食晚餐我哋大約六點嚟到容易有位，再遲啲就越來越多人呢間日本菜的確係性價比好高，好多嘢好抵食。而且服務唔錯，效率好高。佢哋都有好多唔同嘅優惠😊我哋兩個人點咗幾樣嘢，好快就上菜😊玉子燒幾夠蛋香，甜甜地鹹鹹地嘅醬汁更帶出蛋味雜菜鍋內菜同埋菇嘅份量好多，湯底都好配合蔬菜，帶出蔬菜嘅清甜。仲有豆腐好滑，加埋湯底一齊食好好味。軟殼蟹炸得香脆，配合埋牛油果感覺清新，加上沙律醬同埋蟹籽，食落去增加口感同埋鮮味。三文魚粒炒飯味道配合得好好，魚肉配合炒飯真係一啖接一啖停唔到口😊 仲有唔同嘅蔬菜粒以及洋蔥粒，有口感紅豆蓉非常之香甜，牛奶同埋綠茶味道都好濃郁，呢一杯真係好好飲😊 亦都可以作為一個美味嘅飯後甜品…Read More

今日黎到旺角搵野食，想食下日本野，就搵到黎呢間一休日本料理，入到去格局就係一間居酒屋咁，我地因為都有啲肚餓，所以都叫左好幾樣食物，包括刺身拼盤、唐揚墨魚咀、海膽蟹子炒飯、豚肉泡菜鍋同埋推介既牛油果軟殼蟹卷。先講刺身拼盤，有三文魚腩同吞拿魚腩都好肥美，油脂甘香，蝦、海膽都好新鮮，另外重有磯燒鮑魚都好好味。之後就係炸物唐揚墨魚咀，墨魚咀炸得卜卜脆，作為餐前小食真係最合適不過。再講下店員推介既牛油果軟殼蟹卷，脆脆既軟殼蟹由紫菜飯同牛油果包住，加埋沙律醬，一啖咬落去真係幾種口感，而且好好味。另外兩個熟食海膽蟹子炒飯炒得好惹味，而豚肉泡菜鍋幾有驚喜，泡菜辣辣地好惹味，同豚肉、其他配菜好夾。下次一定要再黎食過!…Read More

今晚想食日本野，見呢間一休d食物款式種類幾多，價錢都唔貴，所以一試！我地叫左5樣嘢食埋單都只係$301!👍🏻首先有牛肉壽喜鍋，送到黎既時候d牛肉仲係生既，所以我拿拿聲翻d牛肉落去d湯度，係夠熱整熟d牛既！🤣呢個鍋既味道幾濃，d菜同牛肉都好入味，唔錯！👍🏻仲有紫芋甘粟餅外層脆口，入面好足料，仲會見到大大粒既粟子添！👍🏻另外，牛油果軟殼蟹卷，軟殼蟹好脆，牛油果熟度剛好，配合埋沙律醬，正！仲有鯛魚腩蒲燒飯既魚腩好夠冧，醬汁都好入味，送飯一流！至於鐵板羊架，竟然用咁平既價錢食得至！但味道肉質都唔錯，好冧身👍🏻性價比好高，出菜又快，值得encore!!…Read More

🐼AHHHH🥡‼️幫襯左10幾年，第一次叫外賣，仍然有高質水準，包裝好整齊好靚一打開個狗仔都忍唔住抵食，每次都一定要食角切魚生飯，同埋一休海鮮沙律🥗勁夠魚生大大份炸雞軟骨$50喺呢度先有，勁大粒軟骨雖然冇現場識擺得咁靚，但係味道一樣咁好鰻魚卷唔係好夠味好細心，將紫菜用保鮮紙包起左，食嗰陣仲係脆既仲有新鮮青瓜絲又係必食，送酒一流超多蟹膏嘅蟹膏軍艦，天婦羅蝦🐶🐶至愛以後屋企都食到一休，好開心雖然無咗堂食嗰啲優惠，同埋師傅好靚嘅擺盤但屋企可以飲酒平d😅😅我會繼續叫外賣🥡 🐼‼️AHHHH…Read More

次次想坐得舒適吹到水又可以食到平價日本菜嘅揀一休就無得輸佢啲卡位多到打平瞓係到都得兩丁友，安排到近窗口位望景嘅四人卡位對於香港黎講食餐安樂飯真係好難得刺身拼盤(松)有板海膽，三文魚腩，吞拿魚，甜蝦如圖所見，所有野都大大份除咗吞拿魚之外，其餘都超鮮甜，尤其腩位，魚油脂香真係好好食點解調極都調唔轉到張圖呢個係牛油果軟殼蟹卷發覺同上次係青衣一休食嘅野品質差唔多好軟殼蟹熱辣辣配合恆溫壽司飯，唔會過硬過散牛油果亦熟透，成件野好好食梅酒一定要配雞軟骨餐廳好貼心配有檸檬同沙律醬最後搞到要encore咗杯梅酒…Read More

終於做下mk妹出mk搵食！呢晚黎到旺角山東街近朗豪坊既一休日本料理同好耐冇見既朋友聚一聚～因為要上樓嘅關係，唔係好起眼，如果唔係朋友搵到，真係唔會知有間日本餐廳喺度～樓面都幾大下，但枱同枱中間多唔會太迫。嗰晚雖然唔係禮拜尾，但係都差唔多滿座咁滯～因為價錢唔算貴，所以我地都好放肆咁想食咩就叫咩，嗌到好似放題咁，擺都擺唔落🙈下面就擺啲特別推介嘅嘢食啦～岩石燒牛脷薄切（$68）佢個推介menu上面有呢個牛脷，咁我哋就試下啦～又幾好味喎，同蒜頭一齊炒得好香。除咗牛脷之外仲有啲洋蔥伴碟～黑松露薯條（$38）佢嘅薯條係粗薯，正呀！我哋食頭幾條發覺「咦，點解係普通薯條味嘅，又話黑松露薯條？」原來佢係比咗個黑松露醬我哋點個醬嘅黑松露味好重，好好味～不過因為佢嘅粗薯本身已經好好味，所以點唔點都可以～蟹籽沙律（$38）係我次次去日本餐廳必嗌嘅沙律！三文魚加州卷（$46）牛油果軟殼蟹卷（$48）鰻魚卷（$42）呢間餐廳有好多種壽司可以揀，呢到只係其中幾款，款款都好正！而且每碟份量都唔少，仲好好食添！香草燒雞翼（$28）好食！雞翼燒得好香同埋日本餐廳總係可以整到啲雞翼骨肉分離，好易食～炸雞軟骨粒（$39）熱辣辣，唔會太油太肥，一粒食完又一粒～厚揚串（$28）冇見過厚揚串呢樣嘢，見到佢係豆腐嚟，一於試下佢～原來係炸過嘅厚豆腐嚟～本身質感已經好好，無炸到熟透，中間仲係生豆腐黎，加埋啲醬汁同木魚，超好食！香草三文魚薄餅（西洋風）（$42）雖然唔知西洋風係咩，但係好好味～個皮係酥皮黎！所以唔會好似平時啲pizza咁 因為個皮係麵粉所以唔食個邊～雜菜鍋（$42）好味～～有啲菜食下，清清地。個湯都好味！荔枝汽酒（$20）／蜜桃汽酒（$20）仲叫咗汽酒飲～無咩酒味，比較似汽水，正食到咁盡興，完全冇限制咁嗌野食，埋單都只係六百幾，除開每人百幾，真係抵到震，價廉物美，仲抵過放題！仲要喺正旺角既中心，又冇放題咁多時間限制，仲有勁多食物種類，真心推介！…Read More

31/3/2018 用餐食物：3/5 (不過不失）服務： 3.5/5 (牛油果軟殼蟹卷明顯漏單，當時客人不多，催單時幸好服務員態度不錯）環境： 4/5 (整潔舒適，氣氛不錯）730  前落單壽司刺身有85折（唔包卷物）三文魚刺身10片： 惠顧滿100蚊可以40蚊享用，尚算新鮮肥美，幾抵食蔥吞拿魚蓉：味道唔錯，有油香。海膽壽司：唔腥無怪味，甜中帶苦味。三文魚子：唔腥味甜，唔錯。鰻魚：一般，無特別。池魚：好少食，覺得唔算好食。赤貝：特價9蚊件，味道普通。特大帶子：肥美好味。辣味蝦：特價9蚊件，只食到微辣味，個人幾鍾意個味道。火炙和牛：9蚊件，火炙後幾香口，抵食。火炙左口魚邊：加了7味粉，味道還好牛油果軟殼蟹卷：味道一般，軟殼蟹不夠脆，牛油果味不強。雞軟骨：香口，好大碟，好抵食燒冬菇串： 有點太咸…Read More

鐵板帶子牛油燒中間加片檸檬，蓋過腥味，易入口，做開胃前菜幾好牛肉豆腐鍋豆腐好有豆味，湯底唔太咸，牛肉亦唔會煮得太老，成個鍋配合相當唔錯紙火鍋關東煮，季節限定見到季節限定當然要試，唔令人失望，好入味，好細心加配埋芥辣醬，食完暖粒粒，而家天氣最岩大板燒上面既木魚絲，上菜時仍然脆脆地，絕對冇淋哂情況出現，又唔會太厚太粉，仲好細心切成細細份雙龍卷芒果、蟹子同牛油果加上卷入面嘅天婦羅蝦，食落感覺清新，食多兩件都唔會覺得漏牛油果軟殻蟹卷沙律醬、牛油果加上炸軟殻蟹，係絕配之餘仲要啖啖肉，口感相當好汁燒魷魚筒魷魚筒夠大條，又熱辣辣，好彈牙，加上燒汁令味道更加吸引鹽燒鯖魚最愛鹽燒，因為夠香口，魚肉滑滑地，唔會整得太老，剛剛好百香果梳打抵飲又大杯，酸酸地，唔會太甜…Read More