Hong Kong Wing Nin

有朋友從外地來港，跟我說要吃香港地道美食，要數香港地道美食，車仔麵一定榜上有名，今次來到〔香港永年車仔麵茶冰廳〕，餐廳雖然馳名車仔麵，但餐牌上亦提供了不少選擇，除了有港式茶室食品，更有不少懷舊小食。店內裝潢帶點港式情懷，近落地玻璃窗位置，更有懷舊綠色梳化椅，環境寬敞更可以欣賞落地玻璃窗外面的沙田園景。牌【永年大碗麵】(HK$108)店內的招牌菜之一，車仔麵大大碗而且有很多款餸: 豬腸、豬紅、豬皮、雞翼、雞翼尖、魷魚、紅腸、魚蛋、蘿蔔及時菜，相當豐富。其中最喜歡是滷水豬腸及豬皮，入口淋身有咬口又煙韌，滷水出色之餘煮到非常入味，而魚蛋有陳皮味道亦都很有特色。喜歡吃辣的朋友仔，必定要加這𥚃的自家秘製招牌永年辣醬，有分不同辣度，又香又辣，令車仔麵味道增加不少層次。【特級牛柳頭】(HK$156)叫了五成熟，用鐵板盛載很有懷舊鋸扒風味，上菜時鐵板熱氣逼人，預先牽起餐巾遮擋，淋上黑椒醬汁，咋一聲等煙霧輕散，就可以吃，輕輕用刀就可以切開，牛柳頭中間呈現鮮嫩紅色，入口肉質非常軟腍而不韌，墊底的洋蔥很大塊，入口很清甜，簡單的黑椒汁加上意粉，已經很惹味，跟餐還可以配上〔牛油果薯仔蝦沙律〕或〔餐湯〕。【南乳豬手】(HK$38)又稔又滑的豬手，豬皮充滿骨膠原的口感，而且南乳燜煮得非常入味。【蔥油豬腸】(HK$28)豬腸洗乾淨處理得很好，大腸沒有異味，配上蔥油吃，充滿蔥薑的香味，另有一番味道【抹茶紅豆冰】(左) (跟餐加+HK$15)【紅豆奶茶冰】(右) (跟餐加+HK$15)…Read More

唔知道有無人同我一樣...成日去到新城市成日都唔知食咩好ﾞ由元朗車仔麵起家的永年打入了沙田新城市廣場除了主打供應車仔麵之外 估唔到慢煮鐵板餐亦是拿手ﾞ呢日我地餓住衝入去試左個二人鐵板餐滿足到不得了🥹┈┈┈┈┈┈┈┈┈┈┈┈┈┈┈┈ﾞ🥩 慢煮鐵板2人套餐 $398 \ 美國安格斯封門柳10oz份量 夠厚身五成熟的封門柳切開見到呈現粉紅色的嫩肉我們要了五成熟 食落去似三成熟既質感 而且牛味相當濃郁 \ 紐西蘭肉眼扒同樣10oz份量 大大塊慢煮的優勢完全呈現出黎肉質淋滑重牛肉味 兩款牛都唔會令你失望值得一提餐廳貼心地將洋蔥放在底部 避免牛扒因時間久了而Overcookﾞ \ 牛油果薯仔蝦沙律小小精緻的一杯 非常足料同豐富足料有牛油果、蝦肉同薯仔蓉呢份前菜相當有誠意\ 香脆蒜蓉包 +$18食落相當之脆口同充斥著蒜蓉香我地相當之喜歡💕 \ 雞扒鹹魚凱撒沙律喜歡吃肉的我通常會叫款沙律🥗食來中和一下食落少少鹹鹹地 仲有d 煙肉粒同法包粒再配埋凱撒沙律醬 整體感覺也很新鮮 \ 酸忌廉煙肉焗薯個人認為呢個焗薯一定要叫先講佢唔係好細個嗰啲 兩個人一齊食完全冇問題旁邊配了酸忌廉、煙肉同蔥花三款配料隨自己喜好加入 \ 砵酒燴牛尾 總共有兩件牛尾 每一啖都吸收了牛尾既精華 令到牛尾都非常入味小鐵板內加左了平時左炆牛最佳拍檔既紅蘿蔔作配搭非常之港式日常！\ 蠔油菜心+$18 \ 檸檬水（熱）ﾞ加一服務費…Read More

細個喺元朗長大，永年一直都係我嘅飯堂，以前中學一到lunch time就第一時間過對面馬路排隊，即使依家搬離咗元朗都間唔時返去回味下，永年仲keep到以前細個食嘅味道👅今日約咗朋友嚟開沙田，嚟住試試呢邊嘅永年，點知發現原來沙田呢間係類似冰廳嘅形式，除咗車仔麵之外，仲有其他唔同嘢食😮好似焗飯同唔同嘅小食店面裝修都行懷舊風，但又不失時尚感我哋由入口到坐低經過十張檯有七八個都係食鐵板扒餐，見到檯檯都jar jar聲搞到我哋都想試吓，望一望份餐牌，原來有個鐵板2人套餐，只係$398，咁抵就一定要試吓喇🤪鐵板2人套餐包咗兩份前菜(沙律🥗/餐湯🥣)、兩份主食、兩份小食同飲品，非常豐富👏🏼前菜周打蜆肉魚湯🥣好正😍超多蜆肉，每啖都係蜆肉，非常鮮甜美味🤤仲好creamy添牛油果薯仔蝦沙律🥗牛油果🥑配薯仔沙律都係近年常見嘅營養之選，呢份沙律入面仲有啲蝦，個口感又豐富咗，同埋食定啲菜可以減低之後鐵板扒嘅油膩感小食蝦多士🍤呢啲懷舊小食除咗自己喺屋企整之外都唔係咁多地方食到，一上檯見金黃色咁就知無叫錯😚非常酥脆香口瑞士雞翼啲雞翼浸得好入味😝唔錯豬大腸生菜嚟得永年就一定要食豬腸，就算今日唔係食車仔麵，都要額外點份豬腸嚟食🥰主菜紐西蘭肉眼扒🥩我最喜歡食Rib-eye就係因為佢有啲脂肪，鐵板燒起上嚟啲脂奶逼曬出嚟，油香味重，一刀切落去肉汁都多啲🐮美國安格斯封門柳封門柳鋸扒好少有得點，呢個餐仲要唔駛加錢就食到，真係抵到爛🥹封門柳食落就同肉眼唔同，肉質鬆軟啲，主要係無咁多筋位，最重要係牛味極濃，牛魔王至愛🐂點肉眼+封門柳真係雙重享受😋可以試到唔同texture😙正沙田永年車仔麵茶冰廳整體感覺非常好👍🏼下次想鋸扒一定會再嚟試…Read More

我上篇永年食評提到,打算同女友人WK噚(15-9-2023 Fri) 晚食我嘅生日飯,但食過之後,我就同WK講呢間普通,俾唔俾多次機會佢?佢答俾啦,於是我哋就嚟,呢喥冇得book位就一定,於是walk in,由於時間尚早,所以未full,都重可以揀枱坐,就揀咗對住落地玻璃嘅枱,雖然唔係梳化座.侍應放低用QR落單紙時講聲每位要叫一個套餐,而我睇到有限時食1個鐘.我哋研究完menu,就決定要個$398.00嘅二人套餐,但睇唔明主菜係咪所有鐵板都得,同埋揀嘢食嘅範圍,就問個侍應,佢答完後,我哋就揀:1. 牛油果薯仔蝦沙律睇見沙律醬係橙色,食落酸酸地,唔係千島醬,蝦仁爽彈,牛油果得兩粒,薯仔係薯蓉,正常冇問題.味道:2.5分2. 雞扒鹹魚凱撒沙律竟然落鹹魚咁神奇,嚟到睇,唔見有鹹魚,只係正常凱撒沙律加碎雞扒,呢個WK食,我冇試到.7. 檸樂冇問題啦.8. 抹茶紅豆冰少冰由於誤以為唔使加錢,即使話咗俾佢知我上次飲係幾唔好飲,都慫恿佢試,呢杯都冇做到少冰,佢試咗,話只係一杯有少少抹茶味嘅紅豆冰.6, 砵酒燴牛尾呢個好正常,牛尾夠腍.味道:5分3. 雜扒要黑椒汁原本想要花膠扒佛跳牆,但落單時話冇呢個,因為冇人送花膠扒嚟,黑椒汁呢個就WK食嘅,佢話黑椒汁唔好食;炸麵乾爭爭,幸好幫佢落汁嗰個冇落晒去啲扒喥,仍留有啲,佢就可以加入去.4. 雜扒要洋蔥汁呢個我食嘅,洋蔥汁幫我倒晒落啲扒喥,攪到炸麵冇晒汁,幸好有砵酒燴牛尾,我就加嗰啲汁.味道:3分雜扒有豬,牛,雞,食啖牛先,有筋𡁻唔開,牛味係有,但好似食到疏肉粉嘅味道.味道:1.5分豬同雞扒都冇乜問題嘅.味道:3分5. 酸忌廉煙肉焗薯原來啲配料係分開上,呢個我哋最後至食,酸忌廉好味,煙肉腍晒,其實配料唔多夠.味道:2.8分服務:我哋叫侍應幫我哋落單,佢問我哋要炸麵定轉白飯或意粉?嗰兩樣都要加錢,咁我哋就要炸麵.叫嘢飲就冇提醒我們特飲加$15.00照落,到我哋俾錢時奇怪點解貴咗$30.00.上鐵板時唔問邊個要咩汁同就咁即刻落汁,另一枱嘅就問自唔自己落.食然係唔會主動俾兩個碗仔.不過,由於我哋食唔切咁多嘢,所以就算過咗一個鐘,佢哋都冇趕我哋走,就算人多要搭枱都冇,唔似得嗰次食燒肉一番https://www.openrice.com/zh/hongkong/r-%E7%87%92%E8%82%89%E4%B8%80%E7%95%AA-%E8%91%B5%E6%B6%8C-%E6%97%A5%E6%9C%AC%E8%8F%9C-%E7%83%A4%E8%82%89-r774252(食評係2023年7月8日刊登嘅呢篇: https://www.openrice.com/zh/hongkong/review/%E9%A3%9F%E5%BE%97%E5%A5%BD%E8%B6%95-e4887202)咁.價錢係($398.00+30.00)*1.10=$471.00…Read More

上年來試過一次鐵板套餐好豐富 今次再同家人來懷緬下港式扒房🥰餐廳裝修充滿懷舊扒房茶餐廳既味道幾有心思 比較多卡位座位闊落坐得舒服💈今次見到出左慢煮鐵板2人套餐😍好豐富3個人都夠食性價比幾高👍🏻🔸🔹慢煮鐵板2人套餐包括：沙律/餐湯➕主菜➕小食➕飲品（各項自選✖️2）🔹🔸✨SRF 和牛肉眼芯鐵板熱辣辣上枱♨️店員幫忙淋上醬汁好有儀式感🤭要了五成熟的和牛肉眼芯 肉質好軟腍重肉味 厚切所以口感好好😍配埋永年招牌辣椒汁 不會太辣好濃郁🌶淋上炸麵一樣好夾好惹味 麵炸得好脆夠乾身😙亦可以轉白飯或意粉✨美國安格斯封門柳10oz份量好足好大塊😄封門柳要了七成熟 肉質依然好嫩滑牛味濃郁 帶有嫩筋位幾有口感👍🏻選了洋蔥汁🧅經典的港式洋蔥汁味道香濃好滋味 ✨沙律🔸牛油果薯仔蝦沙律面頭有蝦同牛油果🦐薯仔蛋沙律配上沙律醬酸酸甜甜 夠開胃好食🥔🔹雞扒鹹魚凱撒沙律雞扒煎得好脆皮仲有柔軟的麵包粒 鹹魚味道食落比較像炸過的煙肉😆整體味道幾特別不算重口味 ✨小食🔸秘製瑞士雞翼一份三隻雞翼 肉嫩好入味 醬香味濃郁 而且咸甜味適中🍗🔹黑芝麻西多士伴雲呢拿雪糕雪糕西多之前來食過一次好鍾意💕西多士炸得香脆🍞黑芝麻醬香濃不會過於甜膩 表面放上雲呢拿雪糕 香香甜甜好滿足🍦比較適合分享✨牛三寶單點了一份牛三寶 一大碗有牛柏葉牛肚牛筋😬小食來說份量好多性價比高🥘牛腩汁湯底好香濃炆得好入味 最鍾意牛肚口感夠煙韌腍身✨飲品要了熱奶茶跟熱檸茶☕️正常水準都不錯☺️亦有其他特飲好像抹茶紅豆冰 紅豆奶茶冰都幾特別下次會試下香港永年車仔麵茶冰廳 (沙田)📍沙田沙田正街18號新城市廣場L1樓113號舖…Read More

一直以為永年只有車仔麵食，原來仲有懷舊鐵板餐😲，童年回憶即刻返晒嚟🌈～揀咗慢煮鐵板2人套餐（$438），包兩份鐵板、湯/沙律、2份小食、2杯飲品～揀咗「美國安格斯封門柳」🥩同「招牌鐵板佛跳牆車仔麵」，賣相幾吸引～美國安格斯封門柳揀咗5成熟，醬汁要咗永年招牌辣椒汁🌶️，牛柳都算腍同少少辣嘅醬汁一齊食都幾夾，洋蔥🧅就再煎熟啲會更好～招牌鐵板佛跳牆車仔麵：好多靚材料，冬菇非常入味，蝦乾好鮮甜，花膠同金蠔都好高質，仲有金華火腿同乾瑤柱絲😋懷舊蝦多士食完唔會成口油、好香脆👍🏻芝士肉醬焗薯皮惹味又飽肚～牛油果薯仔蝦沙律沙律幾清新，食完好開胃🥰～招牌港式牛尾羅宋湯牛味濃郁，少少辣，懷舊嘅味道🕰️樽仔奶茶（+$9）&熱阿華田自家製嘅奶茶，係港式茶餐廳嘅味道🤤！…Read More

香港永年車仔麵茶冰廳 📍沙田沙田正街18號新城市廣場L1樓113號舖━━━━━━━━━━━━━━━━━━━━━━━━━━━━真係好耐好耐冇食過港式鐵板 一見到鐵板就唸返起細細個嗰陣 呢度嘅裝修都幾懷舊 會有種回到過去嘅感覺🤣我同屋企人嗌咗慢煮鐵板2人套餐 $438+10% 包咗兩款沙律/餐湯 + 2款主菜 + 2款小食 + 2杯嘢飲分量大到三個人都夠食🙊━━━━━━━━━━━━━━━━━━━━━━━━━━━━🥗 牛油果薯仔蝦沙律 (沙律)▶︎ 用杯裝嘅沙律 入面有生菜 牛油果 薯蓉 面頭仲有三隻熟蝦同千島醬🤩▶︎ 食落係清爽嘅 而每個element都各司其職 口感豐富好味指數:●●●●◐━━━━━━━━━━━━━━━━━━━━━━━━━━━━🫕 酥皮周打蜆肉魚湯 加酥皮+$15 (餐湯)▶︎ 餐湯入面有蜆肉 薯粒 煙肉等 都幾足料 表面有一層酥皮 焗到金黃漲起😲▶︎ 蜆湯嘅忌廉味幾重 飲落有顆粒感 加埋酥皮 就係懷念中嘅味道!好味指數:●●●◐◯━━━━━━━━━━━━━━━━━━━━━━━━━━━━🍷 紅酒繪和牛面頰肉 +$40 (全熟 配永年招牌辣椒汁) ▶︎ 一大塊和牛面頰 配有少量雜菜 洋蔥 番茄 粟米 蘑菇 西藍花 我就揀咗永年招牌辣椒汁▶︎ 牛面頰係低溫慢煮嘅 質感有啲似超級超級軟淋嘅牛腩 不過比起牛腩佢冇咁肥膩 而且仲會有好多膠質 個人好鐘意✨ ▶︎ 同埋辣椒汁同牛面頰神奇地好夾🙌🏻 少少辣味又冇蓋過牛本身嘅牛味好味指數:●●●●◐━━━━━━━━━━━━━━━━━━━━━━━━━━━━ 🥩 美國安格斯封門柳 (7成熟 配黑椒汁)▶︎ 兩塊封門柳 同樣配有洋蔥 番茄 粟米 蘑菇 西藍花 呢個叫咗黑椒汁▶︎ 封門柳肉質較緊實有嚼口 不過七分熟仍然嫩 而且冇肥膏位 食落唔會好漏▶︎ 黑椒汁唔會過鹹 而且分量都足夠👌🏻好味指數:●●●●◐━━━━━━━━━━━━━━━━━━━━━━━━━━━━ 🥘 韭菜豬紅 (另加小食) +$16▶︎ 16蚊一大碗豬紅都幾抵 入面仲配有韭菜▶︎ 豬紅嫩滑且入味 叫咗小辣覺得辣度不高好味指數:●●●●◯━━━━━━━━━━━━━━━━━━━━━━━━━━━━🥪 懷舊蝦多士 (小食)▶︎ 蝦多士一份四件 配上沙律醬▶︎ 多士口感超級酥脆 配上彈牙蝦滑 正常水準🙌🏻▶︎ 平時會覺得沙律醬漏 但係蝦多士點完沙律醬之後反而冇咁漏🤣好味指數:●●●◯◯━━━━━━━━━━━━━━━━━━━━━━━━━━━━🍨 黑芝麻西多士伴雲呢拿雪糕 (小食)▶︎ 西多士熱辣辣 兩片麵包中有黑芝麻餡 上面有雲呢拿雪糕▶︎ 冰火兩重天口感做得好好 西多士唔會太油膩 而且幾鬆軟 口感唔錯▶︎ 好鐘意入面嘅黑芝麻餡🤤 係濃郁嘅黑芝麻味甚至仲有少少黑芝麻嗰種苦香 同雲呢拿雪糕好夾👍🏻好味指數:●●●●◐━━━━━━━━━━━━━━━━━━━━━━━━━━━━🧋 紅豆冰 +$9▶︎ 加9蚊轉咗呢杯好大杯嘅紅豆冰 係肉眼可見地紅豆分量好足😎▶︎ 奶嘅部分有少少煉奶味 唔會過甜 整體都不錯▶︎ 紅豆係既有沙又有顆粒 用匙勺食好有滿足感🫶🏻好味指數:●●●●◯━━━━━━━━━━━━━━━━━━━━━━━━━━━━ 🍵 抹茶紅豆冰+$9▶︎ 同樣加9蚊 個人更加推薦抹茶紅豆冰 抹茶味幾濃 又可以中和紅豆嘅甜 真係唔錯🙌🏻好味指數:●●●●◐━━━━━━━━━━━━━━━━━━━━━━━━━━━━到訪日期: 1月中 (晚餐)快樂指數😋: ⑧⑧/①⓪⓪ 性價比: 🌕🌕🌕🌑🌑環境: 🟦🟦🟦🟦⬜️服務分: 🔆🔆🔆🔆🔅再訪意願: ❤️❤️❤️🤍🤍━━━━━━━━━━━━━━━━━━━━━━━━━━━━…Read More

今晚在沙田新城市廣場買完東西，順道在商場內吃晚飯，發現這家香港永年車仔麵茶冰廳有鐵板餐，就來試試水準。餐廳裝飾的懷舊香港作為主題，有不少香港的特色設計，位置空間感足夠，更少有地用餐枱布。晚市有不同鐵板套餐可以選擇，今晚選了一個鐵板2人套餐，前菜、主菜、小食、飯品各兩份。牛油果薯仔蝦沙律有三隻巨型的大蝦，大蝦有心機地事先去腸，爽彈鮮味，佐以新鮮沙律菜配上千島沙律醬汁，而牛油果薯仔的配搭新奇有趣，輕怡開胃，每一口都有口味口感的變化。酥皮周打蜆肉湯 +$15加了$15點了酥皮湯，外層酥皮焗得鬆脆可口，而周打蜆肉湯更是有驚喜，質地濃稠綿密，入口奶油香氣豐富，加上蜆肉的啖啖鮮香，一流。美國安格斯封門柳鐵板主菜第一客點了少見的封門柳，最愛封門柳的肉質如牛柳軟嫩，但同時牛肉味卻濃郁可口，入口肉汁豐腴，記得必需across grain地切方可以品味到軟腍的口感，配以永年招辣椒汁，辣度十足，十分惹味。挪威三文魚另一客主菜點了三文魚，足足十安士的三文魚，份量驚人，三文魚外層香脆，而內裡肉質厚實，口感滑膩柔美，火喉拿捏精準，剛好熟透而又不會過硬。秘製瑞士雞翼小食點了一客瑞士雞翼，滷煮入味，口味甜而不膩，肉質軟嫩不乾柴，醬香馥郁滲透骨肉，有齒頰留香之妙。懷舊蝦多士 +20加$20加點了一客蝦多士，蝦多士共三件，底層多士炸透鬆脆，而蝦膠鮮味，蘸點沙律醬同吃，十分可口。黑芝麻西多士伴雲呢嗱雪糕另一小食選了西多士作為甜品，西多士即叫即做，所以絕對新鮮熱辣，外脆內軟，而中間夾住黑芝麻餡，味道突出而不過甜，加上雲呢嗱雪糕香甜可口，有驚喜。凍奶茶/熱柚子蜜最後餐茶點了凍奶茶及熱柚子蜜，奶茶真材實料製作，能品嚐到香濃茶香及幼滑奶味，十分不錯，而熱柚子蜜則清甜可喜，味真潤喉。…Read More

當日影相果個位打卡幾靚！背景有懷舊電話、收音機、磅等等，好似返咗60年代咁！☎️ 仲有以前小朋友玩既波波同零食，幾得意～鐵扒餐跟餐有沙律/餐湯和飲品，餐湯可以揀羅宋湯或者周打蜆肉魚湯，而沙律可以揀牛油果薯仔蝦沙律或者雞扒鹹魚凱撒沙律。鐵板餐嘅配菜係分開碟上，有粟米、西蘭花、椰菜花同菇～招牌港式牛尾羅宋湯羅宋湯好足料，入面有一大舊牛尾同好多蔬菜，味道幾開胃～🥣牛油果薯仔蝦沙律牛油果好熟好食！三隻大蝦彈牙！沙律比羅宋湯較為輕盈健康👍🏻🥗永年雜扒 $208分別有西班牙熟成有骨白毛豬扒、日本名古屋雞扒同美國頂級西冷牛扒～岩哂選擇困難症嘅朋友仔🤣美國極佳級封門柳 $228做到想要五成熟既效果～ 肉質軟腍juicy，唔會鞋口～抹茶紅豆冰同奶茶紅豆冰甜度適中~🧋推介食物：美國極佳級封門柳食物質素：🧸🧸🧸🧸環境：🧸🧸🧸🧸🧸性價比：🧸🧸🧸🧸泊車：新城市廣場…Read More

週末同家人到新城市行街見到居然開左永年分店😲😲裝修得幾有心思 充滿懷舊既味道💈尤其是塊格仔枱布😂好耐之前系元朗食過一次永年車仔麵🤤想黎懷緬下個味道😀發現依間仲有鐵板餐食🍽✨美國安格斯封門柳10oz $228上枱仲渣渣聲🔥揀咗永年招牌辣椒汁 只系少少辣幾惹味啊🌶吾食得辣嘅都應該會接受到🥩要左七成熟 肉質真係好軟淋好juicy😍加上勁厚切 所以口感好好👍🏻墊底既洋蔥好食🧅配菜都好多 有蘑菇🍄、蕃茄🍅、粟米🌽、椰菜花、西蘭花🥦✨永年雜扒 $208- 美國西冷扒5oz、西班牙有骨豬扒5oz、日本雞扒4oz🥩西冷扒雖然比較薄身但係都好夠淋吾會韌🐽豬扒好有驚喜 好厚而且肉質吾會柴😳👍🏻🐔雞扒都好嫩滑揀咗洋蔥汁🧅系經典既味道 而且吾會太重口味兩份扒餐選配左兩份沙律🥗✨牛油果薯仔蝦沙律有三隻蝦🦐下面既薯仔沙律好好食🥔有啲吾夠喉🤣✨雞扒鹹魚凱撒沙律都幾大份 雞扒切得大塊仲有脆麵包粒😆食到少少鹹魚嘅鹹味都幾特別🐟追加小食兩款 $68✨懷舊蝦多士(6件)🍤炸得超級酥脆 點埋沙律醬真係好好食👍🏻👍🏻一定要趁熱食啊！✨黑芝麻西多士伴雲呢拿雪糕🍞🍨黑芝麻醬都幾多 同雲呢拿雪糕好夾😍系一個飽肚又滿足嘅飯後甜品😙我好鍾意✨抹茶紅豆冰 +$9紅豆份量好多 夠淋又起晒沙🫘甜度系少甜😬幾岩我口味✨熱柚子蜜 +$9一樣吾會好甜 都幾潤幾好飲香港永年車仔麵茶冰廳 (沙田)📍沙田沙田正街18號新城市廣場L1樓113號舖…Read More

說到香港永年，大家總會想到是老字號的車仔麵品牌。位於沙田的「香港永年車仔麵茶冰廳」是全新概念店同時供應車仔麵及港式特色美食外，晚市更推出了期間限定的港式慢煮鐵板套餐加上餐廳特地用上懷舊枱布作裝飾，不知能不能勾起大家的兒時回憶呢？而且每款港式慢煮鐵板套餐可自選一款沙律或湯、主菜及餐飲，絕對豐富喔！餐湯二選一有 港式牛尾羅宋湯 和周打蜆肉魚湯。與朋友都選了羅宋湯，味道濃郁且很足料，不過就感覺蔬菜沒有很多，所以沒有那種很濃稠的質感，比較水那樣子。另外+$15可以升級成酥皮湯，焗得滿金黃的。沙律也是二選一有 牛油果薯仔蝦沙律 和雞扒鹹魚凱撒沙律。牛油果不會過熟也不會太硬，蝦也頗彈牙！美國安格斯封門柳 ($228) -醬汁是待鐵板上桌後才淋在牛肉上，頓時便發出滋滋的聲響，風味十足。一瞬間香氣四溢，我選微甜的洋蔥汁。喜歡吃辣可考慮辛辣惹味的永年招牌辣椒汁。而且五成熟的封門柳肉味十分濃郁，還很滑嫩！配的不是薯菜，而是扒番茄時令雜菜，會有粟米、西蘭花、椰菜花和菇。想吃更特別的可以點 - 招牌鐵板佛跳牆車仔麵 ($198)當中有鮑魚、花膠和金蠔等，底下還有香脆的麵！如果怕不夠飽還可以追加小食和甜品，有單點和任選兩款的價錢。剛好有想吃的一款小食及一款甜品 (+$68)懷舊蝦多士 - 一籃有六件﹐顏色有點不討好，但麵包夠脆香脆和彈牙的蝦。黑芝麻西多士伴雲尼拿雪糕 - 西多士平時都是夾花生醬，原來配濃郁黑芝麻醬別有一番風味。再加上半溶的雪糕，讓這頓晚餐加添多一份邪惡感！套餐飲品可選茶或啡，不過我選的是特飲 樽仔奶茶 (+$9) 很香滑，如果有少甜就好了！而且樽仔的容量很少，感覺很快就喝完。…Read More

Happy Friday 當然要同親愛嘅妹妹一齊去食好西啦😋！好耐無食港式鐵板燒啦，所以我要同細妹👯‍♀️一齊食港式嘅鐵板燒，為咗放便返屋企，所以我哋選擇餐廳嘅範圍係沙田😋喺沙田市中心就有一間可以食到鐵板燒嘅餐廳就係「永年車仔麵茶冰廳」☕️🫖，店外的風格係傳統冰室與現代風格設計，令人置身於潮流冰室之中😊最近，佢哋出咗個慢煮鐵板套餐系列，啱晒又想食車仔麵又想食鐵板燒嘅人，我哋每人各自叫咗一份套餐同小食，大家都食到飽飽❤️都幾高質㗎，味道唔差🤤每人買單都只係$300內👍🏻慢煮鐵板套餐🤗🤗⭐️周打蜆肉魚湯（酥皮湯）💰+$15濃稠的周打蜆肉魚湯充滿牛奶忌廉與蜆湯的香味，口感細膩得來帶有鮮味😌食落去仲有蜆、洋蔥及煙肉粒，再加上酥皮，係會食上癮🤪⭐️牛油果薯仔蝦沙律💰+$0有三隻大蝦再加上牛油果，再配上自家製嘅薯仔沙律同生菜，輕盈又健康😋而且賣相好高級🥗⭐️永年雜扒 💰$208佢哋嘅雜扒分別有美國頂級西冷，西班牙熟成有骨白毛豬扒及日本名古屋雞机😋再配上佢哋嘅蒜蓉汁，正🤪旁邊有炒雜菜同菇，而炒雜菜係有調味，增加左對鐵板燒上蔬菜嘅好感度😂⭐️美國安格斯封門柳 💰$228封門柳係牛橫隔膜肌肉🥩，最大特色係油花雖然較少，但肉味香濃，肉質軟腍，岩哂我食😋今次叫左五成熟，佢哋好貼心👍🏻會喺塊肉下面墊住生嘅洋蔥，大大降低咗鐵板嘅熱力傳俾塊牛，佢哋嘅封門柳食落去唔會好靭，仲好淋😋😋好食🤤⭐️紅豆冰💰+$9⭐️紅豆奶茶冰💰+$9第一次新嘗試港式奶茶配紅豆，佢哋嘅紅豆冰都係偏向少甜為主，如果想要甜啲嘅話可以叫店員攞啲糖水過嚟🤤⭐️任選兩款小食 💰$68⭐️懷舊蝦多士（6件）蝦多士炸得金黃酥脆，而且蝦肉十分彈牙，食落去酥脆香軟，再按個人喜愛點上沙律醬一齊食😋😋⭐️黑芝麻西多士伴雲呢嗱雪糕第一次西多士配雪糕食，香濃嘅芝麻味餡嘅西多士，再加上雲呢拿雪糕，原來係都幾夾架🤤我同細妹唔夠5分鐘就已經食晒啦😋好食👍🏻👍🏻…Read More

有外國朋友來港短期工作，特意帶他嚟呢間懷舊港式茶餐廳，就可以食盡多款懷舊茶記美食，實行以茶記嘅價錢、歎盡自助餐嘅享受！😎1. 雜扒餐配永年招牌辣汁 - 鐵板大大份，包括有美國頂級西冷扒（約五安士）、西班牙熟成有骨白毛豬扒（約五安士）、日本名古屋雞扒（約四安士），塊塊厚切、肉嫩多汁！套餐仲有牛油果薯仔蝦沙律同飲品加配，另鐵板附上一碟時令蔬菜，包括有蕃茄粟米西蘭花雜菇，非常足料！2. 男神車仔麵 （$98）- 附八款配料，包括牛柏葉、牛肚、豬腸、牛丸、牛腩、蘿蔔、時菜，另仲可以額外加多款配料，連名貴嘅花膠都有架!3. 話名要品嚐懷舊茶餐廳美食，又點少得瑞士雞翼、蛋撻、菠蘿油同埋西多配雪糕、紅豆冰、奶茶呢，為咗一次過讓外國朋友嘆盡以上港式茶記美食，我就盡地主之道，以自助餐式叫曬所有美食，朋友對於冰火菠蘿油同奶茶紅豆冰特別感興趣呢！除咗美食之外，餐廳嘅環境佈置亦十分講究，猶如置身於兒時既士多！…Read More

今晚終於有時間同屋企人去呢間懷舊茶餐廳堂食試吓d懷舊美食，見到佢哋店舖嘅裝飾真係幾懷舊坐低之後睇餐牌除左有懷舊小菜、茶餐廳美食和車仔麵，現在還新推出左懷舊鐵板扒餐而且餐廳係用 QR Code 自助點餐今晚本來想試吓小菜，但想起以前細個媽媽出左糧帶我第一次去食鐵板扒餐，今次就叫個扒餐和媽媽一齊懷緬過去先套餐包括：沙律或餐湯、主菜及飲品美國頂級肉眼扒（~10oz）:侍應熱辣辣送上，將洋蒽汁倒落去，肉眼扒即刻咋咋聲，熱力和香味四散扒選左五成熟，切落去肉質好腍，入囗即溶配菜都好出息，味道和新鮮度都好好牛油果薯仔蝦沙律：牛油果入囗creamy ，蝦肉鮮甜彈牙美國極佳級封門柳（～10oz) ：同樣選左五成熟，肉質鮮嫩，牛味好濃招牌港式牛尾羅宋湯：我＋$15將佢升級做穌皮，羅宋湯酸酸辣辣，牛尾入囗好腍牛味濃，穌皮索左個湯更加好味黑松露薯蓉：呢個係另＋$38小食，大大兜，薯蓉好香黑松露味，囗感細滑綿綿，還有d黑松露碎粒增加囗感今晚真係好飽，呢個價錢有呢個份量，而且可以懷緬一番，真係抵呀另外，如果想試永年招牌辣椒汁，又怕淋左落扒辣過頭食唔到，可選其他汁，之後再叫侍應另上個辣汁俾你點，我試過個辣汁幾惹味…Read More

黎到新城市想鋸扒唔一定去西餐廳，原來大會堂地下對面既永年唔單止有車仔麵食仲有鐵板餐😍座位相當闊落好坐～～菜單超級彈性任均選擇，鐵板餐想點配就點配掃一掃qr code電子落單好足料又有誠意既沙律，牛油果好新鮮，幾隻彈牙大蝦，加上薯蓉底～～真係無試過食邊間既鐵板餐可以有咁高質既沙律🥰港式鐵板！又點可以唔配酥皮湯～牛尾湯相當足料又香濃💓主角來了！同屋企人一個一個鐵板扒餐美國極佳級封門柳頂級肉眼扒極力推介民個封門柳鐵板餐，厚厚既牛扒，一切開咬落去，估佢唔到牛味咁出咁香濃😍平時我食3成但因為今日同屋企人食，就點個7成熟⋯本身都驚驚地7成咁熟會吸會肉質硬，但原來我諗多左！7成都可以嫩口！再一次推薦封門柳比大家😌呢個價錢食到平時比佢貴幾倍扒房既牛！超濃牛味！！一定要食！！飯後甜品來一個芝麻西多～～比起傳統西多來一點新fusion,加埋雪糕食落唔濟🥰呢餐家人好滿意！我都好滿意！…Read More