Dai Jou Bu Sho Ku Do

大丈夫食堂主打各款日式定食，之前試過佢$100嘅牛舌定食，性價比好高，今次就嚟試佢哋嘅A4日本和牛定食！🥩 A4日本和牛定食（三角小排）（$150）呢個定食以A4級嚟講真係幾抵！A4級嘅日本和牛三角小排，油花分佈均勻，肉質嫩滑，入口即溶（不過偶爾一兩件會有少少筋）。配上簡單嘅鹽汁調味，就已經好夠味。300克嘅飯兩個人share超飽（細食女生揀100克就好），加上麵豉湯、茶碗蒸、大碗嘅椰菜（聽講可以refill），真係食到好滿足！🌯 牛油果三文魚手卷（$18）呢款手卷真係好正、好抵食！牛油果醬同三文魚嘅組合，口感綿密。（btw睇佢Menu張相係牛油果粒，但上到嚟變咗係牛油果醬😂）🍣 火炙三文魚（2件）（$17）火炙三文魚壽司係純粹本身鍾意食，味道正常，雖然佢面頭附上薄薄嘅檸檬片，但個人覺得好似會有啲怪，所以冇落到。🍜 腐皮烏冬（$38）呢個腐皮烏冬有啲似兵衛嗰款，湯底清淡，腐皮好甜，而且吸滿湯汁，烏冬就略嫌煮得冧咗少少。不過呢個價錢，都算幾大碗，再配兩碟壽司，計埋+1都唔過$100，真係好抵食😋整體評價大丈夫食堂嘅性價比都算幾高，特別推介牛舌（今次無嗌，下次再嗌再影返畀大家睇🙏🏻）同A4日本和牛定食，個人覺得物超所值👍🏻其他壽司同手卷亦都好有水準，值得一試🍣環境舒適，新年期間仲有優惠券抽，我哋仲要一下就抽中$9任選定食券🎉，店員話係500封入面得10封嘅大獎，見佢仲開心過我哋，又畀藉口我哋嚟再食嘅日式食堂🤭…Read More

依間餐廳人氣高企，堪稱區內食堂🥇，有唔少街坊和打工仔支持💪🏻近年更搬新鋪，地方大咗、座位多咗，但人龍依然不絕‼️.✨ 大丈夫食堂餐廳主打日本菜，即叫即炸嘅吉列豬扒更係招牌名物💯以價錢親民的日式定食和丼飯而大受歡迎。.✨ 定食套餐所有定食都會有沙律（椰菜）🥗、日式蒸蛋🥚、漬物、麵豉湯🫕，而且沙律、飯量各有3個份量可以自己選擇，或者+$15 白飯轉烏冬。一個價錢包曬前沙律、小食、主食、餐湯😜🥢 吉列豬扒定食 $115豬扒份量好足料好大塊😱而且炸到金黃色，非常吸引😍炸炒粉唔算多，所以炸皮非常酥脆，而且炸得好乾身！豬扒幾厚身，但咬落鬆軟唔會太韌😋試完原味，可以蘸下啲調味醬料，有日式炸豬扒汁同埋芝麻醬，豬扒汁酸酸地幾開胃又解膩👍🏻🥢 南蠻炸雞定食 $75一樣炸到金黃色🤤炸雞外脆內軟，食落一啲都唔乾，仲有肉汁流出嚟，十分Juicy💦 依個價錢嚟講，份量好足夠、好抵食👍🏻🥢 火灸玉子手卷 $16玉子食落鬆軟綿密，中規中距。🥢 牛油果三文魚手卷 $18牛油果口感香滑順口🥑配埋三文魚同埋蟹籽，口感十分豐富🥰.🥢 蔥粒吞拿魚腩手卷 $24吞拿魚蓉好creamy😋軟綿綿嘅口感，加埋魚油香，每一啖都好幸福😝🥢 燒珍寶明太子醬牛油果（1.5倍大）$22依個真係好打卡able📸半個巨大版牛油果比你，仲要燒到有少少焦香，牛油果迷不可錯失🥑🥢 吉列炸蠔（2件） $32大大隻炸蠔🦪十分酥脆，配埋檸檬角，咁就唔怕有飽膩感啦😜🥢 芝士薯仔年糕（2件） $26外層炸得皮脆焦香，包埋煙韌軟糯嘅餡料，味道唔錯😊.⭐整體︰9.0/10⭐食物︰9.0/10⭐環境︰8.0/10⭐價錢︰9.0/10…Read More

呢間長沙灣日本定食店已經唔係第一次黎幫襯，因為真係好好味🤤所以又突登搭車去食👍星期五晚6點幾黎到已經要等位，等左都大約20分鐘先入座。呢個吉列豬扒定食次次黎都會叫，因為佢既豬扒炸得好好，脆卜卜，其實佢其他炸野都好好食。定食仲會包埋沙律菜、茶碗蒸（茶碗蒸都好好味👍）、麵豉湯、同一碟小前菜。另外佢既牛舌又係必食，佢分左普通同特上，建議大家一定要揀特上，因為真係好食好多🥹有幾次晚市黎食，佢既特上牛舌已經賣哂，所以真係人氣之選！仲叫左個牛油果三文魚手卷，賣相幾好，味道不錯，不過可惜塊紫菜係淋既🥲…Read More