Katachi Bar & Kushiyaki (Ocean Popwalk)

一直覺得將軍澳海旁既餐廳瀰漫chill chill 氛圍，適合聚會或Happy Friday😂有室內外座位，空間感十足。餐廳內有桌球枱、飛標機、電視，對上次黎係通宵睇世界盃，氣氛唔錯。 🔸酒盜芝士 $68重口味首推既下酒菜‼️鹹鮮味十足既魷魚醃漬物，口質滑xx，配搭奶膻味 cheese cheese，雙重重口味既沖擊，令人想不停飲酒緩衝。🔸磯煮大連鮑魚 $48凍食的。鮑魚入口柔軟，日式昆布醬油汁濃郁，配酒不錯。🔸免治雞肉棒 $48每次見到都會叫，任何食物拌蛋黃都好吸引😂簡左月見同芝士味。雞肉同雞軟骨比例適中，雞軟骨食落唔會太硬。🔸伊比利黑毛豚扒 $98簡左汁燒，燒汁甜甜地，幾開胃。豬排偏瘦，邊位帶少許脂肪，但食落唔乾柴。🔸牛油冬菇焗新鮮帶子 $36鮮帶子表面燒過，牛油味道唔會太濃，搶過帶子既味道。🔸鰻魚炒飯 $98鰻魚肥美有厚度，炒飯入口鬆散，粒粒分明，加入甜粟米、香蔥、紫菜碎同芝麻…增添香氣。酒類選擇頗多，mocktails cocktails 係基本，另有日本sake…Happy hour黎，仲抵飲！🔸Mix Berry Paradise $58即刻打卡，面頭一大pat cream加鮮鮮草莓，賣相💯！雜莓酸甜開胃，味道唔假，唔係死糖漿甜。🔸Long Island $68多種烈酒沖調而成既cocktail😂想賣醉的必點。…Read More

辛苦咗成個星期 緊係要去Happy Friday開心下啦！今個星期去咗哩間🍻日式串燒酒吧 餐廳係酒吧格局 但食物以日式串燒為主 係市面上比較少有餐廳環境寬敞 就好似巨大版party room 有多種娛樂設備 大電視 桌球🎱 飛鏢🎯 今次叫咗多款燒鳥 炸物🍢 牛舌、炸蠔、焗帶子、豚肉蘆筍卷個人特别推薦燒雞泡魚$68🐡 好軟 配上甜甜嘅醬汁 夠哂惹味😋👍🏻 而份量都唔少 性價比幾高；月見免治雞肉棒$48係免治雞肉混合雞軟骨 外層燒至微焦 蘸上生雞蛋🥚同醬油 都幾好食串燒即叫即整 每樣野上碟都係熱辣辣除咗食物 酒類選擇都好多 今次試咗2款cocktails🍸𝕄𝕠𝕛𝕚𝕥𝕠雖然有rum酒但飲落酒味唔會太濃配上薄荷、青檸soda 好fresh好易入口🧊𝔾𝕣𝕒𝕤𝕤𝕙𝕠𝕡𝕡𝕖𝕣飲品以粉色嘅波波球裝住 外表非常吸睛 淡淡嘅薄荷味 飲落味道似Andes薄荷朱古力 餐廳唔限時仲要係通宵營業 一次過滿足我食玩飲嘅需要！😎…Read More

聽朋友講將軍澳新開左間居酒屋咁就搵日放工同朋友一齊去試下餐廳網潢係偏向新式酒吧風格一黎就試左幾款既是日精選蒜蓉牛油炒沙白炒得好惹味好重蒜香沙白都幾隻而且食落無沙然後係牛油冬菇焗新鮮帶子$36就有兩隻性價比好高雖然唔算好大隻但肉質唔錯仲有日式醬油燒新鮮鮑魚鮑魚唔算好彈牙同埋調味略淡串燒揀左燒菠蘿同月見免治雞肉棒燒菠蘿唔錯，食落好香甜免治雞肉棒配埋生雞蛋醬油食好夾汁燒比目魚都幾大件同埋肉質幾滑最後嗌多個鰻魚炒飯就滿足哂…Read More

將軍澳唐俊街好多餐廳，今晚到形 Katachi Bar & Restaurant ，位於唐俊街28號海天。 餐廳環境摩登舒適， 入到嚟既時候見到客人剛剛在打桌球， 氣氛好好🥳。 餐廳是一間串燒居酒屋 ， 日本直送材料，Nuts$20、 牛油冬菇焗新鮮帶子$36、 燒安格斯漢堡扒$88、 汁燒比目魚$88、 月見免治雞肉棒$48、 鹽燒牛串$58、和風牛肉湯烏冬$98、Snow Ball$68、Mix Berry Paradise$58。 🔹牛油冬菇焗新鮮帶子 ～ 牛油溶化入冬菇裏面非常香濃， 帶子有兩隻鮮甜又抵食。 🔸燒安格斯漢堡扒 ～ 肉味夠香濃， 肉汁豐富，口感柔軟。 🔹汁燒比目魚 ～ 啖啖肉夠肥美，汁燒甜甜地。 🔸月見免治雞肉棒 ～ 燒得好香，爽脆的口感，蘸上蛋汁， 口感更加嫩滑。 🔹鹽燒牛串 ～ 食串燒點少得牛串， 牛味夠濃。 🔸和風牛肉湯烏冬 ～ 湯底熱辣辣又清甜， 烏冬彈牙，加上幾塊牛肉，更加豐富。 🔹Snow Ball ～ 甜甜地易入口，適合女士。 🔸Mix Berry Paradise ～ 賣相幾靚，可以用嚟打卡，味道不會太甜，夠曬清涼。 整體感覺幾chill， 適合三五知己飲酒食飯傾下偈。🏷️溫馨提示～ 整個用餐體驗均屬個人分享意見， 只作參考😊。 …Read More