Captain Japanese & Korean Restaurant (Sha Tsui Road) (Closed)

豬的生酮飲食都進行左一段時間，呢段期間都唔太敢隨便出去食野，怕唔小心食錯野。不過呢，燒肉同打邊爐都係生酮嘅好朋友，可以放膽咁食。剛好喺荃灣整完野，就同老公黎校長燒肉日韓料理。我地7點15分入座$208（另加一），可以食2小時。店內都好多人，估唔到閒日都咁多人黎食，應該都唔會中伏🤣。店內四周嘅環境佈置幾有特色，打卡位多，加埋餐廳入面嘅燈光好柔和，座位舒適闊落，感覺唔錯。 壽司，沙律吧，老火靚湯，熟食區，燒肉材料區，火鍋材料區，甜品區，飲品區等等，連中式點心都有🤣不過生酮緊嘅豬就只可以食肉同菜，未能一試味道。好彩肉類選擇幾多，五花牛，五花豬，牛扒，雞扒，魚柳，食物種類非常多。除左燒烤仲可以打埋邊爐，一次過滿足晒豬嘅願望。 五花豬用黎燒真係好正，d油炸晒出黎，咬落又脆又香。燒牛肉最好就燒牛扒，牛肉好腍，肉有味道又保持嫩滑，唔洗點醬汁，加灑上少少鹽，已經覺得好好食。 仲有五花牛，呢個牛用黎打邊爐會適合d,因為燒肉的話牛味冇咁出，用黎烚就好喇。湯底有三款，我地揀左日式豬骨湯同四川麻辣湯，豬骨湯味道不太濃，而麻辣湯嘅辣味適中，味道唔錯。蔬菜，菇類都好新鮮好靚，唔會乾爭爭碎濕濕，所以都食左好多。 最後要讚下refill得好快，見第一輪俾人夾晒，心諗：下，冇架喇。點知轉頭再出去，食物都已經放滿滿喇，唔錯喔…Read More

荃灣區一向是高性價比食肆的集中地,而且菜式百花齊放,所以是不少食家經常到訪的地方;這次好友約了我去食燒肉作為慶祝新年的聚餐,皆因是任飲任食,可以更盡興! 校長燒肉以日韓燒為主打,內裡的裝潢與氣氛甚具型格,帶點電影場口的氛圍,以軍綠色為主調,突顯了那種粗獷感;兼且餐檯與座椅的編排很寬鬆妥當,給予經常出入去拿食材留有極大的便利性!侍應生引領我們坐低後,旋即送上一碟精選的食材;之後又送來在放於食店門口夾公仔遊戲機的機幣,似乎是好此道的女士與小童的恩物!再看看食物區,從醃好的肉類,到海鮮.到蔬菜,到熟食,到甜品,種類齊備,各式其色齊備,真的令人興奮!既有牛扒牛仔骨之類,當然要一試其質素;尤其是此類日韓式鐵鍋燒,面上有一層隔油紙,讓多一點肉類食材油脂附在上面,煎燒食物快熟兼香口;牛扒的醃料味道稍為厚重,但肉質較滑嫩,放多一點鹽可令本味突出一些;牛仔骨肉味更濃,且近骨位更有彈性,切成小塊更有口感!而五花肉經燒煮後則顯得爽彈脆口,有孜然粉加持就風味十足!奉送的精選食材,先取道牛柳,一燒起來彌漫在空氣中的香味已較突出,煎至七成熟令質地更加嫩滑,吃著就感到其肉汁與油脂的豐富,滋潤著味蕾而相當討好!生蠔在充滿牛脂的隔油紙上翻滾著,漸漸透出海水氣息,灑點海鹽與孜然粉則更加惹味!有這麽美味的肉類海鮮,怎可缺少佳釀;而標明任飲任食的這家餐廳,除了供應大量各式汽水飲品外,任飲的啤酒竟然是比利時名牌白啤-Hoegaarden,而且是啤酒機專用的桶裝,確保其風味的鮮活度與香味,是酒吧級的享受!兼且是用金屬杯飲用,更能保持冰泠度,令其獨特的香料味襯托佳餚有更美妙的融合!另外不可錯過的肉質當然有鴨胸與雞翼;鴨胸無論配上什麼香料,都是那麽的香酥嫩滑,適當的油脂比例令人百吃不厭!有電影明星加持的--燒雞翼,我鍾意食,看來在此店亦十分適用,皆因經恰到好處的燒煮後,雞肉本味加上嫩滑度是極之吸引的!海鮮類的龍利柳,燒煮之後令肉質香軟嫩滑,配上白啤之後更有美妙的火花!刺身類的三文魚,除生食外,用此鐵鍋燒一燒,不單帶來煙燻氣息,更使魚油滲出,透出香氣之餘又包圍著三文魚肉,令整體口感更加昇華!最後來個煎冬菇,有著動物的油脂加持,這個冬菇滋味殊不簡單,香口嫩滑又有層次,真想再來多幾個;但兩小時的美味時光已過去,唯有下次再續!以一個極親民的價值玩盡2小時的任飲任食,而且食材質素都有保證,又可在親友聚餐之間學到燒煮各類食材的技巧與時間,校長燒肉的確是個上好的選擇!…Read More

成日去元朗都會去校長燒肉，最近係荃灣就開左分店(舊韓曰燒個位)。本來唸住訂定位，知道一定好多人，不過問左原來中午只有walkin，不過好好彩，個場夠晒大，去到都即時有位。同元朗店唔同既係，佢分左三個價錢。1號 燒烤，2號 燒烤加火鍋加甜品加酒精飲品，3號  燒烤加火鍋加甜品加刺身加酒精飲品。今次我地點左1號 午餐 2小時 價錢 $98 加一。價錢方面真係無得輸。校長燒肉食物方面就一定有保證，今次食過最難忘係牛扒真係好淋又多汁。食品種類都超多，食完真係非常滿足。飲品種類都非常多，不過要留意，1號餐係沒有包酒精飲品，如果要飲就要叫2號,3號餐，不過聽講個果汁酒都非常好飲。下次一定要試下個火鍋 同刺身先得。…Read More