Seorae (Tang Lung Street)

隔咗一排無嚟食又掛住🥹除咗啲肉好食之外，我好鍾意佢個泡菜，比較生無咁酸好似喺韓國食到嗰啲，仲要係任食！每次都食兩大碟勁滿足🙈除咗泡菜、韓式前菜同生菜可以喺自助bar自取，爐邊蛋都係任添任食，用電話scan code就可以叫店員refill，好方便唔使舉手舉到手軟✨喜來烤肉每次必點嘅招牌肉，牛板腱無乜脂肪但肉味濃郁用淡醬油醃過，味道微甜唔會太濃味薄薄一片好快就燒熟食得✨牛五花呢款肥膏比例高，差唔多係半肥瘦比較邪惡用梨汁醃得入味，食落偏甜夾生菜食無咁膩✨牛肋骨肉無預先調味過嘅牛肋骨肉，牛肉味濃郁，有咬口但唔會韌就咁蘸鹽或者韓國辣椒醬食最好味✨石鍋牛肉拌飯要有飯到肚所以每次都嗌石鍋飯有牛肉、芽菜、菠菜、紅蘿蔔同韓國蕨菜好足料個底有少少飯焦…Read More

又到我同好姊妹既生日月。雖然喜來稀肉唔係第一次食，但唔想生日正日食到伏野掃興。所以都係揀返有信心保證既餐廳。鐘意呢到燈光暗暗，有氣氛。食物價格親民又高質，菜單最貴嗰款燒肉都係講緊二百幾蚊，仲要份量好多。食燒肉最鐘意就係食多脂肪既部位，燒完既脂肪特別香口。今次揀既兩款肉，一牛一豬，都係我最愛既五花部位。五花肉位於腹部脂肪豐滿既部分， 肉質柔嫩，肥瘦相間。即使我地成掛住傾計燒過龍都唔會鞋口。肉夠嫩，味夠香。秘製醃料味道甜甜地，岩哂我口味。喜來韓豚五花肉生菜任食， 值得一讚係生菜每次放係自助bar 數量唔多。冇哂，職員好快會再refill，所以感覺乾淨又新鮮。配菜同樣都係自助bar任食任拎，有麻油豆芽，芝麻海帶 ，醃蘿蔔同一定唔少得既泡菜。泡菜味道夠哂辣，夾住醃蘿蔔配燒肉，超好味。炸醬麪有驚喜，麪質夠彈牙。最重要係味道唔會太重口味，撈埋配菜荷包蛋同青瓜，味道好fresh好夾。蟹籽紫菜飯團睇菜單就細細份，估唔到實物係咁大碟。剩係睇相都唔洗多講，足料抵食。最後值得一提，呢到職員做野好爽快，又helpful。個爐板燒燶咗，職員好自動自覺幫忙更換。…Read More

「喜來稀肉」係來自韓國的過江龍韓式烤肉店，店舖供應多款肉類部位、海鮮同飯類等食品。裝潢簡約，座位較寬闊，坐得好舒服👍店內設有自助沙律吧，有5款韓式前菜、生菜及多款醬料選擇，而爐邊蛋也是必吃之一，有泡菜及芝士2款味道，吃完後仲可以叫店員免費添加❤️而呢度醃製肉類的醬汁係由首爾本店大廚主理的🤩牛五花 $158牛五花即係牛嘅胸腹，肉質結實帶油筋且油脂甚多，油花細緻，燒烤過後散發出濃郁的香氣，瘦肉中帶有油脂食起來的口感不柴不膩，燒到微焦，咬落去有焦脆的筋肉同咀嚼口感。喜來烤肉 $158用上牛肩胛的部位，肩胛肉是牛的頸部到肋骨的部份，肉質嫰滑結實同富有彈性，紋理均勻，肉汁又豐富，而且有濃厚牛肉味。配搭自家製醬汁一同燒烤，食落去口感豐富，有著脆嫩感同滿滿的肉汁，味道微甜，好惹味。海鮮蔥餅 $90蔥煎餅以鮮甜彈牙的魷魚和蔥為主料，面舖一層麵糊後煎至金黃色，厚度適中，味道香脆可口而且充滿蔥香。喜來烏冬 $75鰹魚湯底味道鮮甜，腐皮本身自帶甜味，飽吸鰹魚湯的味道，一咬落去口腔充滿湯汁，烏冬口感彈牙滑溜又掛湯，整體來講很清甜美味 。…Read More

啱啱畢業出嚟做嘢嗰時，好興食韓國菜。好記得呢間過江龍當年喺香港開第一間時，拎籌等三個鐘先有得食前菜同醬料都喺自助bar自取，泡菜、酸蘿蔔片、醃青瓜、沙律菜、包肉食嘅生菜，全部都係任食。用QR code落單後好快就上齊晒每次嚟食必點嘅招牌菜-喜來烤肉，卷成玫瑰花形上枱好靚。其實係少脂肪肉味濃嘅牛板腱牛肉有醬汁浸住，但唔會醃得太甜太濃味。餐牌上最貴嘅一款牛肉就係呢個真雪花牛肉，係平時打邊爐成日食到嘅牛小排。油花超靚係完美嘅狀態，呢個都係必點！無預先醃過或者調味，適合燒完蘸海鹽同麻油食牛五花係切成薄片嘅半肥瘦牛肉片，落咗韓國醬油同梨蓉，每面燒幾秒就食得。味道甜甜地，夾生菜食一流石鍋牛肉拌飯份量多又足料，拌飯醬係另外上，想撈幾多食幾辣都得。鍋底有搽麻油所以完全無痴底，而且仲有飯焦食韓國菜泡菜都係主菜，有得任食泡菜真係好吸引，雖然唔會食到好多自助bar泡菜都有兩款，喜來泡菜同酸泡菜。喜來泡菜好似喺韓國食到嗰種，醃得唔耐，菜比較爽脆無咁酸。爐邊蛋都可以無限任添，有芝士同泡菜味。店員落芝士同泡菜都好慷慨，啖啖都足料，超正總括嚟講食物質素高，口味咁多年都保持到正宗，肉類選擇比一般韓燒餐廳多價錢又合理，而且環境好有韓國感覺。…Read More

我記得讀書年代呢間舖頭人氣爆燈，估唔到過咗幾年之後依然人氣高企！（我仲好記得以前一定要Walk in排隊）而家呢種天氣啱晒食燒肉，今日同朋友嚟到叫咗兩款肉，一款主食👍🏻牛五花牛味顯著，油脂平均，不會太肥膩，薄片牛五花配上牛汁超惹味！真心好推薦！👍🏻辣護心肉由於呢個部位比較少見所以就叫左碟，口感比我想像中有咬勁，肉質淋軟，雖然叫左辣味但實際都唔係好辣！👍🏻水冷麵用黎解膩既首選，湯汁酸酸甜甜，配有爽口青瓜絲同蘿蔔片，食完燒肉熱辣辣即刻食返啖凍冰冰嘅水冷麵真係⼀絕！另外由於店舖可以任添兩款爐邊蛋和生菜，真係啱晒大胃王，其次，店員會定時換燒肉板，唔洗驚會痴燶底，服務質素亦都非常有保證！第三，餐廳用QR code落單，唔單止環保，仲可以隨時隨地叫嘢食添！我相信我好快又會再嚟幫襯！！溫馨提示：店舖既地下仲有得買韓國既小菜添！ …Read More

由於我係星期六去，所以一早book定位！去到已經滿晒😣見到出面仲有好多人walk in要等位，所以最好book定位先去！入座後開始計個半鐘要交枱！因為之前次次都叫過韓牛套餐所以今次想試吓散叫！牛五花(180g) $158牛舌 (180g) $148牛肉眼(200g) $150水冷麵😋😋$85個人比較推薦牛五花同牛舌，食落比較有油分亦有牛味唔會太鞋！佢嘅牛舌份量都好多雖然係薄切但有成碟勁多塊真係好滿足😋牛五花都好正超快熟然後包住生菜食真係一流，順帶一提佢提供免費嗰啲泡菜都超好食夾住啲肉係勁好味😋而牛肉眼個人覺得麻麻哋因為中間啲肉比較鞋所以建議可以試吓其他！而爐邊蛋食咗頭嗰轉已經冇加過因為實在太飽啦，侍應服務都好好見到生菜食晒會自動refill🤤去到最後男朋友次次黎都一定要食嘅水冷麵，其實已經超飽但食咗咁多肉之後食返碗水冷麵真係好清新😂感覺已經冇咁濟！個水冷麵啲面係勁煙韌超正☺️總共好似食咗六百幾蚊，食到呢啲質素嘅韓牛都真係唔錯！除翻開都係三百幾蚊一位同出面食嗰啲韓燒放題差唔多價錢但質素就好好多啦😉…Read More

今晚同友人去食韓燒，諗諗吓韓兆又抵食，配菜又好加上有滑蛋的就只諗起這間。佢泡菜任加，包肉的生菜也飲加。最喜歡吃的是牛五花，醬汁醃得不錯，份量也OK，只是肉可以瘦多一點點。放上個鐵路都少10秒就已經熟，然後加上燒肉汁再包上生菜一點也不覺油膩。另外一隻燒肉是他們推薦的，我覺得同牛肋骨沒有什麼分別。只是點兩盤牛五花就太過over。侍應態度不錯叫他們交泡菜及生菜都很快，滑蛋我喜歡燒半熟食，侍應換鐵板也很勤力。會繼續再幫襯。…Read More

近排可能睇得韓劇太多，日日夜夜都想食烤肉，Kimchi + 辛辣麵所以決定去可以任食任refill kimchi & 生菜的喜來稀肉，可以盡情食到抱住個肚返屋企所有食物都好好味，一叫員工refill kimchi 或蛋佢地都好落力去做，唯一係因為又有韓國店員又有香港店員，有時唔知應該同佢講中文定英文…Read More

呢間位置比較隱閉，要係啲小巷先搵到。但成間店地方都幾大，唔會好逼，環境幾舒服，唔會大陣油煙味。 食物方面：真雪花牛肉$200 ，大約有12片，唔算薄，入口有陣陣牛味同油脂味。 牛舌，份量都幾多同大片，色澤幾好，頗薄，唔會好韌，份量可以for 3、4人。呢碟好味，如果冇記錯應該是牛五花$150，份量都好多，可以3、4個人食。 重牛味，唔會韌，加埋碟伴菜食仲好味。 護心肉，其實係豬肉，出奇地好味，值得推薦，薄片，肉味幾香。 蔥餅，好大碟，可以for 4人享用，好大片，十分足料，香口，唔會好干身，因為入面有好多蔥同海鮮，推薦！！另外，佢呢個配菜好好味，唔會辣，有生菜絲，洋蔥，同紅色既醬，睇落好似好辣甘，但其實唔辣的，好香口，加埋啲肉一齊食，味道會豐富啲。 環境又大又舒服，枱與枱之間有空間，唔會好逼。…Read More

viuTV 帶來新一輪的韓劇熱潮，如果有看過＂太陽的後裔＂ ，可能有興趣知道劉大尉等軍人喝酒三日三夜之拍攝場地在那兒，原來是在韓國知名連鎖燒烤店＂喜來稀肉＂，這家過江龍當然把握宣傳機會，香港的店，我到訪的是登龍街新店，大門外貼上劇照，最玩嘢是在上一樓的途中，放上一巨形招牌劇照紙牌，粉絲可以在紙牌旁配合，拍張由宋仲基替自己綁鞋帶的照片，幻想自己有個十分十美的男友！哈哈！我也特別配合，穿著了適在外工作的衣鞋，照樣拍了一張，似嗎？登龍街的新店，佔了兩層位置，其實地下一層面積亦不細，奇怪地，餐廳沒有地盡其用，佈置如肉庫，只以作放雜物，用膳者需移玉步上一樓。樓上的舗，面積頗大而且非常寛敞，在香港食肆中，真是少有如此大的空間，木桌鋼煙筒，冷暖交錯的主色調，燈火陰暗，有些冷的感覺，也許刻意營造中和燒烤之熱。牆壁上並無任何裝飾，只重覆掛上牛丶豬肉部位的立體分解圖及店名的標誌。客人未坐下來，服務員先把基本食用品放在桌子上。例如三款可以無限添加的前菜，包括泡菜丶酸洋蔥及辣醬沙律，亦備有三款醬汁，燒烤汁及兩款辣醬。三款前菜皆新鮮汁豐，但並不怎麼樣辣，已調至香港人口味。室溫涼水及加了少許素菜的清湯。筷子丶小匙等用具可以自行在櫃筒內取。坐椅可揭蓋藏下手袋衣物免得沾油煙；亦附上紙圍裙減低穿著衣物沾油的機會。如果需要找侍應，可以按鐘。未幾，侍應替我們開爐，在爐上放下一粒肥膏，以溶化脂肪減低烤肉過焦之機會；並倒入蛋漿。厚厚的餐牌，圖文並茂各款肉食，並附上指引＂要如何烤出好吃的肉＂及＂牛豬解剖圖＂，有參考價值；但最有趣要建議男士為女士服務，理據是燒烤需要相當體力，亦是紳士風度，我當然提醒身邊的男士們啦！到喜來，不可能不吃元祖護心肉，這個肝與橫隔膜之間的嫩肉，物以罕為貴，人類真是食得刁鑽！有原味及辣兩款。烤肉亦不可以缺牛，喜來烤肉丶真雪花牛肉及牛肋骨肉是最多人選的；尚有一款生牛肉，似乎亦值得試。壹頭豬及壹頭牛這兩款套餐，算過就知道實惠，各有五款肉，而且更包括兩款飲品。人多好辦事，我們一伙人套餐及散點皆選了，吃得真的不少。蛋伴生牛肉 牛肉切了粗條，加了一只生雞蛋丶白芝麻及切條梨子，如一般吃法，全部材料混合一起，牛肉也許預先以梨汁醃過，果糖起的化學作用令生牛肉更鬆軟，粗身有嚼勁，香嫩濕潤，微甜討好，水準不俗，但可以更好，大路做法，對辦無驚喜。護心肉 招牌必食的肉，取自豬的横膈膜與肝之間的肉，每隻豬只有200g，非常矜貴，非一般豬肉可以媲美。切成長椎形狀，每件有些厚度，帶脂肪，色澤並不完全紅潤，也許是氧化作用，跟月前在灣仔分店光顧的質素稍遜，詢問之下，此乃來自美國的豬肉，因為韓國肉是不出口的。爐上烤顏色轉變快，烤至焦香不難，入口香嫩如梅肉，口感肥瘦交替，咀嚼興鬆。辣護心肉 以韓式辣醬醃味，口感當然不同，增加了香辣的層次，刺激味蕾，也許已調較了港人口味，並非十分辣，但這個辣，是慢慢在回甘透出來的；溫馨提示，沾了醬的肉特別容易烤焦，要多花心思！喜來五花腩配特製醬汁 完全不辣，富輕輕鹹香的特色醬汁，見賣相已經知道肥美，但慢慢烤，熱力會把多餘脂肪溶化而去掉，口感惹味鬆軟，魔鬼誘惑，有吃用的快感。真雪花牛肉 色澤鮮紅，完全不經醃製，務必是新鮮上乘貨，身上脂肪分佈淩亂但豐富，放上烤爐一灼即熟，翻一翻可吃，深的紋理上藏了脂肪及肉汁，味道濃郁且更能品嚐到真正的肉香，而且油香十足，教人回味無窮。壹頭牛二人套餐份量可不能看少，二人套餐相信可足夠3人吃，五款牛肉包括喜來烤肉丶牛五花丶特級牛頸肉丶牛肋骨肉及調味牛排骨。富花狀賣相的是喜來烤肉，鎮店人氣之選，見外形已令人心動，加上嫩滑的牛肉再經過祕製醬料醃製，令肉質更添惹味甘香，調味真的出色。牛五花的份量供應最多，烤熟後，脂肪依然明顯，我覺得過肥膩了。烤出的油份豐富，因此我喜歡以生菜包著，添些酸洋蔥同吃，有助減膩。五款肉中我最欣賞厚切的牛頸肉，脂肪分佈最佳，口感最好。水冷麵 韓國人在吃烤肉之後，都會吃碗水冷麵以中和香濃的肉味，從前未有留意，試過方知非常匹配。這裡的水冷麵不但麵條彈牙，而且湯底清新宜人，酸甜味香，豐富的果汁感覺，頓時涼快，相比喝一杯真正果汁更討好，完美句號。米汁 在韓國桑拿蒸過之後，一般送上的飲料，加進糖的米汁如有米香無果味的果汁，亦如無酒精的涼米酒。桃子汁韓國飲料，甜度高，加冰飲效果更佳。大家一面燒烤，一面談韓劇，燒烤氣氛非常好，環境寛敞，暢談無礙，員工主動換爐頭及增添生菜小吃，十分有效率，抽油煙效果亦佳，唯欠新店酒牌未批，大家只好乖乖以水代酒，並需留意用膳限一小時半。…Read More

在云云韓國菜式中, 自己十分喜歡食燒肉。那種啖啖肉的滿足感, 不是泡菜和粉絲可媲美。給拉麵店稱霸了的登龍街, 萬綠叢中, 新開了間韓式燒肉, 就是在荃灣, 旺角和尖沙咀亦有分店的“喜來稀肉”。每次經過金巴利道的分店都打消光顧的念頭, 因為排隊的人龍實在太恐佈了!心想分店剛剛開, 應該不會有太多人知道吧, 就趁平日晚上六點多碰碰運氣, 果然不見長長的人龍, 更不用等得太久便可入座, 非常幸運呢!佔地兩層的食店, 樓下是接待及等候區。 樓上為進食區, 座位與座位之間非常寬敞, 坐得非常舒服。 不過以香港寸金呎土的租金, 其實可以再坐密一點也不成問題呢。打開了一整排窗戶, 晚上確是舒服, 令油煙不會太侷促。以水泥及深木為主的環境中, 不乏細緻的裝飾。店員以韓國人居多, 較地道又有氣氛, 即使以英文溝通也可以。未點菜已先來幾碟前菜: 醬醃芽菜, 自家泡菜和醃製洋蔥絲, 更有一碗芽菜湯和一籃新鮮生菜。而且是可以無限添加呢! 其中泡菜味道濃郁不是太辣, 爽口好味! 接著店員將蛋漿倒進爐邊, 兩邊用來烤爐邊蛋, 一邊用來烤蒜頭。豬護心肉 $150燒肉店主打的是護心肉, 200g一碟的護心肉, 份量頗多, 經過燒烤, 散發陣陣豬香味, 肉質有彈性又帶嚼口, 稍稍醃過, 不用沾上醬汁已好好味, "稀肉"果然是必點!喜來五花肉配秘製醬汁 $120一碟三塊的五花肉, 原來已有150g的重量。比起其他韓式燒肉店, 喜來稀肉的五花肉是較為薄身, 而且脂肪含量亦較多, 不過大火燒過後將肥膏迫了出來, 變得爽口, 還算是不錯。如果略嫌燒過後的五花肉還是肥膩, 可以用生菜加上生蒜捲著來吃, 自我感覺健康點。真雪花牛肉 $200150g的真雪花牛肉, 雪花分佈得平均。吃落牛味較為一般, 不算太突出, 不過肉質腍軟細嫩。牛肉沒有醃製過, 味道要用其他配料或醬汁搭救。牛五花 $150薄薄一片的牛五花, 雖然是呈半肥瘦的狀態, 燒過後這些脂肪令牛味更香濃, 加上薄切好快燒熟, 肉質嫩滑彈牙。牛五花本身已有醃製的醬汁好入味, 不用沾上其他醬料已經非常之好好味。夾上泡菜一同進食更加一流, 不愧是招牌菜, 推介推介!!牛舌 $140牛舌鋪滿一整碟, 同樣用醬汁醃製過, 所以燒過後與牛五花很像樣, 雖然是爽口, 不過帶有小小牛膻味, 醬汁也蓋不了。爐邊蛋分了有加泡菜和沒加泡菜, 泡菜跟烤蛋當然是美味配搭, 不過沒有加上泡菜的烤蛋, 同樣是烤得香口滿有蛋味, 不錯!初飲初樂柚子味燒酒 $80吃燒肉不離要喝一杯燒酒! 燒肉店有提供韓國燒酒牌子 - 初飲初樂的柚子味, 淡淡的不太嗆喉, 比米酒易飲又易入口, 女生會喜歡。吃過熱騰騰的燒肉再來一杯冰凍燒酒, 簡直爽呀! 不過酒精含量差不多有20%, 真的要量力而飲, 否則好易hangover啊!可能店是新開, 燒爐的火力好強勁, 調較至最細火肉類都好快熟, 要小心火喉啊。打開了窗戶雖可通風一點, 不過冷氣變相要再開大一點, 燒爐上的獨立抽風機也要加強, 始終面對著強力而熱烘烘的火爐, 面上的油份和汗水都跑了出來呢! 喜來稀肉的燒肉很有水準, 個半鐘的用餐時間, 令嘴巴和肚子都非常滿足, 難怪每間分店都迫滿人龍。建議可以仿效韓國本土的燒肉店, 增設衣物噴劑, 令食客飽嚐燒肉後也可無聲無息。…Read More