KING'S . DUCK . BISTRO

早兩個月過嚟食過佢哋嘅水煮魚，非常好食，我哋兩個女仔清咗一大兜～今次有朋友外國返嚟香港，就推介佢哋食呢間朋友一入嚟就俾佢哋嘅片皮鴨同埋XO醬腸粉吸引住～先講佢哋嘅招牌片皮鴨～我朋友形容為佢個皮燒得同北京樓有得揮，肥膏就略嫌多咗少少，但好食嘅，香脆有鴨香～有勁多舊，$188唔呢個價抵食～ 另外覺得佢抵讚嘅就係，響籠麼麼下面有個熱包暖住啲麽麼，所以食到最後尾嘅時候，雖然唔稱得上話熱，都仲係軟熟嘅P.S. 如果麼麼同埋配料可以有多少少就好啦另外個XO醬煎腸粉都好出色，比起出邊會辣少少，但係超級惹味，原個石鍋上超有鑊氣，呢個真系有少少驚喜，食到唔記得影相。…Read More

最近同朋友行經朗豪坊，見到「霸王 · 烤鴨 · 小館」門口標明免茶錢免加一，呢類餐廳喺香港真係好少見！睇埋餐牌，所有食物都好平民價，2個人決定試下，點知一試就真係覺得唔錯！片皮鴨一上枱就已經好吸睛！鴨皮賣相脆卜卜，食落去真係脆口又香，鴨肉嫩滑唔乾柴，仲配埋山楂條包住嚟食，感覺好開胃，超正！最細心係下面有個熱水保溫座，鴨餅同鴨肉都保持住暖暖的，唔會凍得快，食到最後都一樣美味👍🏻食到最後有啲濟，但可以免費茶飲黎解油膩感～另外，鴨肉湯好鮮甜一定要叫，可以免費飲添，暖笠笠好解渴。整體份量夠飽，2個人食晒都好滿足！呢間小館真係CP值唔錯！片皮鴨唔錯，服務貼心，無任何附加收費，埋單$188，仲無限食飯時間，食得舒服又唔趕。下次一定再黎試其他菜式，推介畀鍾意烤鴨嘅朋友可以試試～…Read More