XIHE BISTRO

一行6人，櫃檯俾咗間房仔我地。唔知係咪星期日晚市好忙，落單同上菜侍應都嬲爆爆咁唔係好應人。最先上菜係片皮鴨擺盤好豪華，侍應上完菜就走咗，當我地望住分開咗3碟嘅鴨肉同多種醬料，唔知從何入手之際，同行一人發現轉轉盤攝住咗一張“說明書”。原來3碟分別係鴨皮、鴨胸肉同鴨腿肉。鴨皮可以點爆炸糖食，好有趣。鴨胸胸肉就咁點自家秘製黃芥末。鴨腿肉除咗傳統包青瓜絲、京蔥絲、甜麵醬。仲可以用新式食法包山楂條、紫洋蔥同藍莓醬。顏色好靚。桂花蜜山藥相比平時食開清爽的山藥，呢個比較粉，好似食緊好粉的蘋果咁。配埋清甜桂花蜜。 大家一致覺得應該歸類到甜品類，最尾先食。蝦乾冰草表面一粒粒冰粒咁小透明，食落都好似咬緊薄冰咁清爽。配醋汁好似食緊沙律咁開胃。啫啫a菜煲辣子雞被辣椒與香蒜覆蓋的雞粒炸得穌脆可口。不得了。十級juicy。酸菜魚魚肉嫩滑，裡面自帶配料萵荀與薯粉。鹹鹹酸酸，無食到好重味精味。NICE!鮑魚雞粒炒飯是晚vip，極有鑊氣，飯粒粒粒分明，得到大家一致好評…Read More

今次主要叫左片皮鴨、冰鎮鮑魚、水煮魚、豆腐鍋。先講一下片皮鴨，餐廳加入新食法-爆炸糖。究竟加入爆炸糖嘅片皮鴨係咪真係咁特別呢？試食咗之後，感覺係覺得好新穎，又甜又鹹，爆炸糖霹靂啪喇係好特別，但係老實講除咗得意，其他冇咩特別。講返隻鴨，片皮鴨幾新鮮，塊皮好薄，而且有熱爐暖住，唔會咁快凍哂。冰鎮鮑魚方面，鮑魚新鮮鮮甜、爽口彈牙，配上經過特別醃製嘅酸菜，識落特別開胃、而且可以提升鮑魚本身嘅鮮味。水煮魚有啲失望，魚肉太厚，煮得太熟，令到肉質唔夠滑身。雖然用沙煲，但係一啲都唔熱，應該煮好後放左一段時間先上菜。…Read More